مشكلتي مع اخي ، ارجوا ان تشوروا علي

[مشكلتي]

السلام عليكم ،


اخوتي الكرام

انا طالب جامعي تخصص طب ، عندي خويا مراهق ،

انا كاخ كبير في دار حاسس ديما بواجب اهتمام مصلتحهم وكلش ،

عندي ام الله يحفظها مريضة وعندها آلام ديما تتوجع ، الحمد لله على كل حال ،

اخي ما يهتمش بدراستوا ولا مصلحتوا ولا مستقبلوا ودائما مع رفاق سووء ،

يما راح تموت من ضغط الدم الي راه يديرلها فيه ، من مشاكلوا وانانيتو الدائمة ، ما يهتمش واش يصرالها والا واش يعانيو والدينا ،

قدمت ليه كلش ، توسطتلوا عند اساتذتي القدماء في ثانوية يسامحوه ومع المراقبين ينحولو الانذارات من ملفوا وكل شيئ درتوا ، خاطراه قلبي ما يسمحش ،
نحل ليه واجباتوا ، ننصحوا واش يخير واش يدير ، نعطيه حوايجي يلبسهم ،

لكن هو يتجرأ علي ويقولي واش دخلك فيا وما عندك ما دخلك ،

انا الهدرى هادي نورمال نديها ، متفهموا في كل الظروف ،

في الآونة الاخيرة تجرأ علي وحاب يضربني بعد مشاكلوا كالعادة ، يما لامتني وقالتلي قتلك خليه ،

ما تحبش تقول للوالد ، خاطراه والدي شخص ملتزم لوكان يسمع واش يدير ما يسامحش ، قلب الام الله يهديها ،

انا بعد ما طاح القدر في الاونة الاخيرة ،

عاهدت نفسي انو ما نعتابروا أخي ولا أي حاجة بيناتنا ، ويدير واش يحب ، ويدخل روحوا ف واش يحب ، انا خاطي خوه من ليوم ،

علبالي راح تقولو راه يبقى اخوك ، لكن اخواني الكرام هاذي 4 سنوات وانا نعاني من طياحة القدر ،

المهم ان شاء الله تقولولي راني صحيح في قراري برك ،خاطراه قررت صح نهتم باموري وقرايتي ومشاكلي الخاصة ، ونبر والديا والله يسهل عليه ،

[لامْية]

اخي انت درت لي عليك الان خوك معندك مديرلو لكن امك نوصيك تبقى بجنبها دوما حاول تنسيها فهمومها وتخفف عنها ومتحكيلهاش علا مشاكل خوك ولا تضجرك منو هكا راح تزيد تقلقها وتمرض مسكينة حاول ديما تفرحها وتنسيها راح ترضى عليك مام والدك اما بالنسبة لاخيك خليه يجي نهار يفطن ويندم وحدو

[إكليل]

السلام عليك و رحمة الله تعالى و بركاته,

يبدو أنك عملة نادرة في هذا الزمان فقليلون جدا ممن يهتمون لأمر إخوانهم قد يكون الأمر صعبا عليك لكن عليك بالصبر و لا تيأس من رحمة الله جرب كل وسيلة معه لعل الله يهديه و لا تنسى الدعاء,
ربي يبارك فيك و يكثر من أمثالك,

[ام رضوان]

السلام عليكم
وليدي على وجه ربي ومرضاة لامك حاول معاه
بصح مش بعصبية
خاويه وصاحبو وحاول تجيه بلعقل
انت صح عينك على اخوك وحاببلو مصلحتو ولكن يمكن راك عنيف معاه وزيد راه في مرحلة مراهقة ويمكن جاتو صعيبة وانت قاعد تعنف فيه.
و هذي الفكرة اللي في راسك تاع نخليه معلاباليش بيه ماهيش فكرة لاقدر ربي وكشما يصرالو راح تموت من الندم
ونقولك وليدي راهي رفقة السوء هي السبب الاول راهي عندي تجربة معاهم ومع وابني
حاول تبعدهم عليه.
وحاولو تقول لباباك بصح بلعقل على الولد
ربي يهدي وليداتنا اجمعين اميييييييين
وانت ربي يكون معك ونعم الاخ انت

[إسلام الفاروق]

اخي الكريم ربما يغار منك لانك دارس بجد حتى وصلت طب
ربما لا يشعر بالتميز
او انك خطفت قلب امك لك وحدك
المراهة صعيبة ﻷاسف كثير من الامهات لا تعرف التعامل مع الاولاد في تلك الفترة الحساسة
ربما اقولو شوف خوك راه ناجح في قرايتو و عاقل
هذا عندو تاثير سلبي على الاولاد
سلام

[KING STAR]

اخي المشكلة التي تتحدث عنها نجدها في كثير من البيوت الجزائرية
صحيح انك ساعدته وعاملته بأفضل شكل ممكن
لكن أحيانا يجب ان تترك الشخص يتحمل مسؤولية أخطائه في بعض الامور حتى يحس بمضارها عليه طبعا لا أقول أي شيء لانك يجب ان تقف معه في بعض المواقف الصعبة
هذه نقطة وأيضا قرارك التخلي عنه أراه خاطئا حاول التعامل باكثر ليونة لانه في مرحلة المراهقة وهي فترة وتمر بعدها يدرك أخطاؤه عادة هذا ما يحدث مع المراهقين
أيضا حاول تنبيهه وتعليمه من أخطاء الآخرين نسمع عن حوادث يرتكبها البعض ويدفع ثمنها بين له بامثلة ثمن هذه الأخطاء لأن الإنسان عادة لا يحس بحجم الخطأ إلا إذا رأى نتائجه الوخيمة سواءا على نفسه او غيره
وفي اللنهاية اقول لك أدعوا له بالهداية لعل الله يسخر له من يريه الطريق الصحيح

[صَمْـتْــــ~]

قررت صح نهتم باموري وقرايتي ومشاكلي الخاصة ، ونبر والديا
السلام عليكم

أخي الكريم أذكرك أولا بآخر ما ختمت به كلامك
(تبرّ والديك) نعم طيّبٌ ما تصبو إليه لكن تذكّر أن والدتك تحبّ أخاك مثلما تحبّك
وتريدك أن تأخذ بيدِه
فإن فعلتَ فستُعِد قلبها وتساهم في إنقاذ أخيك

مؤكّد هو يمرّ بمرحلة مراهقةٍ تزيّن له أمورا هي في الأصل سيّئة
عليك أن تحاول معرفة أصدقائه (وأخصّ أكثرهم قربا إليه)
فإن كان شخصا سيّئا فحتما هو من ساهم في سحبه لتفكيره
وإن كان شخصا سويّا فبإمكانك اللّجوء إليه ومطالبته بمساعدتك
في التّأثير على أخيك علّه يدرك أخطاءه وويتقبّل تصويبها

أخي شئت أم أبيتَ عليك أن تصبِر على شقيقك وتسأل الله أن يعينك على الأخذِ بِيدِه
(ويكفيك أنه يحمل دماءك بل وأنجبتكما بطن واحدة)

عليك أن تحسن اختيار أوقات نصحه وتتّفق في ذلك مع والدتك
دعها تتظاهر بالمرض (أبعد الله عنها الأذى) وتغتنم ذلك لدعوته بالتي هي أحسن
أن يرأف بحالها ويحاول إسعادها فذلك يخفّف عنها ..

حاول أن تكون أمامه مثالا للأخ الصّالح،
بتأدية صلاتك في المسجد وقراءة القرآن على مرآه -ترغيبا وتذكيرا-

وحتى والدك يستحسن أن تضعوه في الصّورة وتشركوه في خطتكم لهَدْيه ..

نسأل الله الهداية له ولنا ولكل المسلمين
فاصبِر على هَديِ أخيك ولا تخجل أو تقنط من أذاه لك ببساطة
لأنّه ابنُ أمّ وأبٍ يهمّك أن تبرّهم

وفّقك الله وأحسن إليك.

[زبدة ذايبة]

يا أخي وجدت الكثير من الأخطاء في الأشياء اللي كتبتها

أول شيء

باباك وين راه ؟؟؟؟ علاه راكم مهمشينو ؟؟؟؟؟

كيفاش تخبو عليه وش يصرا في الدار ؟؟؟؟؟ هذا غلط كبير

هذا على خاطر راه يروح يخدم عليكم ويجيبلكم في حاجياتكم خليتو دوروا يقتصر غير على هذا الشيء -خدام عليكم برك-

ألغيتو صلاحية الأب ودوره في البيت واش تتوقع يكون

حطيت باباك على الهامش واديت زعما انت الدور تاعو غريب والله

باباك عايش وعلى قيد الحياة مايستهلش منكم هذ الخداع

علابالي بلي تشوكيت كي قريت كلمة الخداع لكن صدقني هذه هي الحقيقة لتصرفكم

تاع الصح خوك الصغير يطيحلك قدرك على خاطر انت ماشي باباه

هو يشوف بلي عندو نفس الحقوق اللي عندك

يعني انت بالنسبة ليه كيما هو كيفكيف

وهذا التصرفات اللي راه يدير فيها نابعة من غياب خوفو من الأب

على خاطر راكم تخبيو عليه في داركم

من جيهة زعمة تربوه وتمنعو على حاجات مايديرهاش

ومن جيهة أخرى تقولو دير واش تحب رانا مانقولوش لباباك ؟؟؟؟؟!!!!!!!!!!!!!

معادلة متناقضة جدا

لوكان ماشي داير لامان اللي عطيتوهولو انتوما -انت ويماك- من جهة الأب لوكان دار حساب راجل في الدار

أعطي الخبز لخبازو وتشوف واش يصرا

بلغ باباك بتصرفات أخوك ماتخبي عليه حتى حاجة احكيلو كلش عليه

وخليه يدبر راسو معاه

ماتسكتش خوك راه يكبر ويشتد من عام للآخر وكلما طولت في عملية الإصلاح كلما كان من الصعب أنه ينجح وينصلح حاله

انت ماتزيدش دور بيه خليه لباباك.

النتيجة اللي وصلت -محاولة ضربك- تدل دلالة قطعية على أن دورك فاشل في عملية الإصلاح-

هذا رأيي وربي يوفقكم

[غزلانْ]

و لماذا كلمة طياحة قدر بالعكس
هو أخوك و ما تفعله واجب كل أخ
مع أخيه هدا من جهة و من جهة أخرى رضا
والدتك الله يشافيها ثم مسألة التخلي عنه
ستجعل من والدتك تتحطم داخليا أنت
بصفتك طالب طب اجعله مريض
و بحاجة لطبيب فمرحلته حساسة
و خصوصا و وقتنا هذا صاحبه
لجانبك فبقدر مساندتك له ستكسب
بر والدتك و بالتالي ببرها ستوفق
في دراستك .

[عين الصقر]

انت عملت اللي عليك الباقي تدعيله بالهداية
خليه يطيح في مشكلة حتى يتعلم من اخطاءه واقطع عنه كل انواع المساعدات المادية والمعنوية
لانه مادام لقى شكون يوقف معاه ويتحمل اخطاءه فلن يتعلم تحمل المسؤولية
بالتوفيق لك في دراستك

[على المنهج]

لو اعلمتم والده بامره من البدايه لكان تصرف معه بما يليق وعلى الام ان تقسي قلبها بعض الشيء لمصلحة ولدها فاغلب الامهات سبب في فساد ااابناء بالدلال الزائد عن الحد