أبحث عن وصفة عجينة البانيني؟

[nassimoufi]

أخواتي في الله لدي طفل يهبل على البانيني وكيما تعرفو سومتوفي السوق غالي خاصة أن أبني تقريبا أسبوعيا يطلبو فمن لديها وصفة ناجحة تفيدني بها وجزاكم الله ألف خير

[samira77]

:cool::):):):):):):):)

[oumhana]

أختي غير كما درتو خرجلي روعه خصارهمعنديش صور الوصفة :
4كيسان فرينه ممكن أقل بشويه ça dépend de la farine أنا نستعملsim
كاس ونص حليب دافي نذوبو فيه قيس 2مغارف تاع أكل مرقرين.
+مغرف صغيره ملح+مغرف كبيره خميره الخبز+2 مغارف سكر +1/2 صاشي خميره الحلوه
الطريقة :حطي لحليب فوق النار وذوبي فيه المرقرين متخليهش يغلي juste تذوب المرقرين حطي فيهم لخميره و السكر و خلطي مليح لمي بالفرينه من بعد حطي الملح وزيدي نص صاشي تاع خميره الحلوه أدلكيها حوالو 15 د إذا بيدك ولا عندك petrin ادلكيها فيه وحد ال 10 د. خليها تخمر حوالي 20 د من بعد حبطي لخميره غير بشويه و قسميها على قطع صغيره قيس حبة مندرين .حليه بالصول من بعد قابليها ليك و لويها على نفسها يعني أعملي un boudin خليها تخمر. وسخني الفور مليح .
نجيو لطياب : أنا معنديش four ventilé alors ناخذ ليانinox نحط فيه قيس نصو ماء وندخلو للفور كيخمر الخبز ندخلو للفور بلا منحي اليان يعني نحط اليان فوق النار ونحط السنيوه قوق grillageونخليه يطيب حوالي 18 دقيقة جربيه معادش تشري الخبز تاع برا. تاع بانيني متحمريهش ولي تاكلوه عادي حمريه.جربيها و دعيلي .بالصحة و الشفا

[nassimoufi]

أختي أم هنا جزاك الله ألف خير بإذن الله راح نديرو غدوا، حاجة فقط ما فهمتهاش كيما تقولي نحط ليان تاع إنوكس لماذا وما دوره

[oumhana]

حبيبتي نحط ليان فيه الماء باه يعملي بخار ويطيب الخبز طري ميجيش يابس من تحت. إن شاء الله تجربيه وتاكلوه بالصحة و الشفا و تدعيلي بالخير.

[nassimoufi]

ربي يعطيك ما تتمني ،راني جربت البانيني وجا مليح هنتيني ربي يهنئك

[oumhana]

صباح الخير أختي بصحتكم تاكلوه بالشفا و الراحة و الصحة. أنا في الخدمه .ربي يقدرنا ونعانو بعضنا