الاحرار واش قالولكم على بطاقه

[عطر السماء]

سلام عليكممم
اكيد الكل راح يسال فى مديريات التربيه عن بطاقه بيومتريه

انا رحت نسقسى قالولى تعنى متمدرسين فقط

و انتوما واش قالولكم

[ماريا للنجاح]

مازال مسقسيتش اصلا~كي نتاكد نرد عليك

[عطر السماء]

اوووك

ربى يعيشك اختى

[ass.ma]

انا ليوم ساقسيت في البلدية قالولي مازال منبداو نصنعوهم,, سمانة الجايا و انها اجبارية على كل مترشح للبكالوريا و معندهاش وقت محدد المهم نهار باك تكون عندك و ايضا باك سبور

[زمان رتاب]

كاين صفحة الوزيرة في الفيس سقسيها تجاوبك اون بيغصون
ما تقلقوا رواحكم ما والو

[samsoma bac]

انا ايضا كي سقسيت قالولي تعني النظاميين فقط هذا العام و منبعد ستعمم لكل الشعب

[زمان رتاب]

http://www.djelfa.info/vb/attachment.php?attachmentid=119809&stc=1&d=1455450222

[nour elimane]

يعني الجزائر وسط مكاش؟؟
شكرا على الافادة

[عطر السماء]

ولايه اجبارى فيها

وولايه لا

واش تمسخير هذا

[nour elimane]

راكي تشوفي

[عطر السماء]

اقسم بالله
ما يجى الباك هذ يكون حكمنى السكر و ضغط كل يوم حكاييه جديده والله ملينا

[البريئة]

خواتي تعيشوا انا مزال ماكدتش قولولي كيفاه

[عطر السماء]

http://bac.onec.dz/
اذخلى هنا
اختارى الولايه + الرقم السرى و اسم مستخدم

و ديرى استضهار
تخرجلك معلوماتك اقريها لكان فيها خطا او لا
اذا كان لا خلاص راكى اكدتى


اختى فى ولايتك اجباريه بطاقه بيومتريه للاحرار

[ass.ma]

انا راني كفء و مصحوهاليش كامل مع اني سجلت غير كفء و كي رحت لمديرية التربية قالولي راكي عندنا غير كفء و فيالموقع منتيغوش نصحوها
ماني فاهما والو:// شكون راه كيفي !!

[عطر السماء]

اختى ديرى طلب وفوتى كوبى تع استماره التسجيل و استماره تع تاكيد التسجيل

و اديهالهم
يصلحوها فى ديوان الوطنى للامتحانات و مسابقات

انا درت هكا العام اللى فات

بخصوص بطاقه بيومتريه واش قالولك عليها

[ass.ma]

المشكل انو في البداية مين حلو الموقع كنت غير كفء و لكن في 28 جانفي تغيرت لا ادري ما السبب و انا نسكن في مستغانم و منتيقش روح لديوان خاصة انو غدا اليوم الاخير لتاكيد التسجيلات و كي رحت لمديرية التربية و كتبت طلب مقبلوهليش و غالولي هذاك مياترش و ورالي في و حد الاوراق من الديواني اني غير كفء و قالي حنا نتحملو المسؤلية
اما بخصوص البطاقة البيومترية سمعت يقولو اجبارية و راح نصنعها مي مازال ميبداو عندنا

[عطر السماء]

خلاص اذا قالولك على مسؤوليتنا ما تخميش بزاااف

انا قالولى غير اجباريه بطاقه تعنى متمدرسين فقط للعلم رحت لمديريه تربيه قالولى هكذا
والله احترت و خايفه

[ass.ma]

انا تبانلي تصنعيها احسن ياك ماخسرا والو مجرد بعض الاوراق تخرجهم و تديهم للبلدية و حتى راه جاي وقت كامل الشعب يديرها الا انو الاولوية للاصحاب الباك

[عطر السماء]

وكون نخدمها كارطه الخضرا تقعد عندى نورمال و نقدر نستعملها فى حاله رفضو بطاقه بيومتريه

[ass.ma]

لا بطاقة التعريف الخضرا ميخلوهلكش و لكن من المستحيل يرفضو البيومترية لانها حتى هي بطاقة تعريف ايضا هذا على حسب علمي و زيدي سقسي

[nounou 03]

و الله لا أعلم شئ بشأن البطاقة البيومترية مي حبيت نسقسيكم خاوتي وقتاش باك سبور أحرار و كيفاش نديرو للأوراق ديلو

[nour elimane]

هذه البطاقة لازمة
الملف يتكون من
الاستمارة
بطاقة التعريف
نسخة من بطاقة الزمرة
2 صورة شمسية ذات خلفية بيضاء

[La sage femme sarah]

ولاية سطيف غير اجبارية ؟؟؟ ما فهمنا والوو

[minina2601]

السلام عليكم ورحمةالله نتمنى تسمحولي بهاد الاستفسار
سؤال عاجل اتمنى ان تجيبوني وهو عدد المرات التي ترشحت فييها للباكالوريا درت 2
فالحقيقة انا جوزت مرة وما جبتوش وراني هاد العام سجلت مترشحة حرة يعني 2 مرات اان شاء الله نكون صحيحة

[ass.ma]

السلام عليكم ورحمةالله نتمنى تسمحولي بهاد الاستفسار
سؤال عاجل اتمنى ان تجيبوني وهو عدد المرات التي ترشحت فييها للباكالوريا درت 2
فالحقيقة انا جوزت مرة وما جبتوش وراني هاد العام سجلت مترشحة حرة يعني 2 مرات اان شاء الله نكون صحيحة
نعم راكي صحيحة
بالتوفيق

[chaima 1996]

البطالقة البيوميترية ضرورية لاجتياز البكالوريا للمتمدرسين و الأحرار
وحسب الاعلان الذي سمعته صبيحة اليوم في الاذاعة، على الطلاب الأحرار أن يدفعوا الملف في أقرب ثانوية لهم
غدا باذن الله سوف أتأكد من الملف و أدفعه باذن الله
ياجماعة متخلوش الحكايات هادو يقلقوكم بالعكس لازم نحاولوا نتجاوزوهم... موفقووون

[عطر السماء]

حتى انا سمعتها فى اذاعه

وتائق لازمه هى 4 صو شمسيه بيومتريه
فوتو كوبى تع لكارت
فصيله الدم
شهاده ميلاد

بصح وقتاش اخر اجججل ما قالوش
و حنا تانويات و مديريه تربيه ما يستقبلوش ملفات
وين نحطو الملف

[chaima 1996]

حتى انا سمعتها فى اذاعه

وتائق لازمه هى 4 صو شمسيه بيومتريه
فوتو كوبى تع لكارت
فصيله الدم
شهاده ميلاد

بصح وقتاش اخر اجججل ما قالوش
و حنا تانويات و مديريه تربيه ما يستقبلوش ملفات
وين نحطو الملف

قالو اخر أجل يوم الخميس بالنسبة لدفع الملف في المؤسسات

[عطر السماء]

واللى يخدمها فى دائره متى اخر اجل

[chaima 1996]

واللى يخدمها فى دائره متى اخر اجل

والله مانكدب عليك :( ننصحك ختي روحي للثانوية اللي كنتي تقراي فيها العام اللي فات و سقسي تماك

[عطر السماء]

يا اختى سقسيت قالولى كلش فى دائره

و درك عندى خطا فى اسم فى شهاده ميلاد يتصحح بعد اسبووع
ما العمل

[chaima 1996]

يا اختى سقسيت قالولى كلش فى دائره

و درك عندى خطا فى اسم فى شهاده ميلاد يتصحح بعد اسبووع
ما العمل

عليك الانتظار لكن لاتقلقي أختي باذن الله سوف يتم توضيح هذه المهزلة كل يوم حكاية فبلادنا... على كل حال ادا سمعت اي جديد سوف أوافيكم به
موفقوووون ^^

[عطر السماء]

يا رب خير فقط
شكرا موفقه

[TheMan]

أين يتم دفع الملفات
في أقرب ثانوية ولا فدائرة و لا في مديريات التربية
و ل بدأ استقبال الملفات
ما فهمنا والو
لي نروح ليها يوجهوني و فالأخر بداو يقولو ما زال ما نبداو نستقبلو الملفات

من لديه معلومة لا يبخل علينا من فضلكم

[عطر السماء]

انا رحت لمديريه تربيه قالولى غير لنضامين
زدت رحت قالولى شوفى دائره مسؤسسات و مديريه تربيه معندها حتى علاقه

درت ما فهمتش كيفااه
ووقتاش اخر اجل فى الدائره

[stark]

رحت للدايرة قالولي ماجانا والو عليكم... من الجلفة فهل هناك من جرب الذهاب للمتشعبة انا بعيد لا استطيع الان...

[عاشقة العلووم]

أنا رحت اليوم للبلدية قالولي راح ايديروهم غير للي راح يفوتو الباك مي مازال مبعثولهمش باه يبداو يستقبلو الملفات قالي حتى لنهار الاربعاء باه يبداو

[عطر السماء]

ما قالولكش وقتاش اخر اجل

[احلام زمردية]

لا تقلقي اختي كثيرا بسبب هذه الامور انت ما عليك سوى الدراسة اما ماتبقى فهي امور عادية لا تشغلي راسك بها

[ssaa66]

اليوم رحت لمديرية التربية وقالولي روحي للدائرة تما يعيطوك الوثائق اللي تسحقيهم باه تخدميها وتاني قالولي بلي نخدمها فالدائرة

[عطر السماء]

هل يوجد اجل محدد فى دائره ام لا

[chahrazedwidad]

بارك الله فيك

[ssaa66]

لا اعلم ربما غدا ادهب الى للاستفسار في الدائرة

[عطر السماء]

انا ايضا غدا ساستفسر و اخبركم

[ssaa66]

هدا وين جيت من الدائرة قالي جبيبي
4 صور شمسية بيومترية ذو خلفية بيضاء
شهادة ميلاد s12
فوثو كوبي تاع لاكارط