العمل بعد الزواج

[مشكلتي]

السلام عليكم
انا عمري 19 و نقرى باك الحمد لله قرايتي لاباس ادعيولي ربي يكووون معايا ... و ينجح لي تعبوا و سهروا كامل .. مخطوبة
المهم هدرت مع خطيبي و جبدلي على الخدمة بعد ما نكمل قرايتي .. قتلو انا نخدم .. قلي لاااااااااااااا و محااااال نخلي مرتي تخدم ...
و دارها مسألة شخصية و تقيسووو و ما بحبش مرتووو تختلط مع رجال .. و نسيت ما قتلكمش هو غياار بزااااااف و علابالي ما راح يخليني حاجة خاصتني بصح ... التعب و قرايتي و مستقبلي يروووح مع الريح .. يتحطم كلش بعد ما بنيتوو .. هو خلى قرايتوا .. على جالي و بدا يخدم باه يخطبني من عند بابا خطبة رسمية و عقد في نفس الوقت .. و قلي خيري بيني و بين خدمتك .. انا و لا خدمتك !! .. و الله راني حايرة .. نحبه من جيهة و مستقبلي و احلامي و طموحاتي من جيهة ... ربي يخليكم عاونوني تديو دعوة خير و الله راني اختكم .. وش رايكم و علابالي رايكم رزين و يفيدني .. و جزاكم الله كل خير .

[zalatan]

إن كان ذا دين فلا تتركيه + دينك تاج رأسك وليست دراستك

[baalache]

لا تتركي شيء تمليكنه لاجل شيئ قد لا تمليكنه

[AMINA.Z]

هذا موضوع تحكيو فيه من البدااااية
و مادام خلاص درتو خطبة و راكم توجدو للعرس ....راكي روطار
ممكن مع الوقت بخليك تكملي قرايتك و تخدمي بعد الزواج ...بزاف اللي صراتلهم هاك.
شاوري والديك هوما يعرفو مصلحتك خير
بالتوفيق

[(( هبة الرحمن ))]

يا أختي
والله العمل ليس بالضروري في الحياة
صدقيني : أنا عاملة مرات أكره حياتي لأنّي أعمل ...
إذا كان خطيبك هذا ابن عائلة ، ملتزم ، ويحبّك ، تزوجي به وربي هو الرزاق ،
أخبرك أختي معي عاملات متزوجات ، ماباينة عليها لا شهرية لا والو ، تقعد في دارها خير لها ، تلقاي واحدة ماكثة بالبيت تلبس أفضل منها وعايشة حياتها ،
بالنسبة لدراستك ، استثمري ما تعلمته في تربية أبنائك وإدارة شؤون أسرتك ....

[فايزة1207]

ركزي على كلمة غيار بزاف
راح تكرهي حياتك اذا خدمتي

[غربة أهل السنّة]

وعليكم السّلام ورحمة الله وبركاته
أختي الفاضلة، قرارك في البيت أفضل لكِ
نعملين في البيت وخارجه! أمر متعب حقّا
ثمّ إذا عملتِ ورزقكِ الله بالأولاد أين ستتركينهم؟؟
تأكّدي أنّ الرّزق بيد الله، وخروج المرأة للعمل ومزاحمتها للرّجال يؤثر على نفسيّتها وأنوثتها مع الوقت
تقبّلي مروري ...

[nan719]

اتركيه احسن تاس لا تقدر العلم يعني حتى هو خلى قرايته على جالك !!! اختي فرص الزواج لا تنتهي اما فرصة الدراسة فرصة واحدة اذا ضيعتيها راح تندمي حياتك كاملة لانك خيرتي راجل عليها و ثم هذا الراجل غيار يعني في البيت ولا خدامة مشاكل فيها فيها و يعني الرجال كملو باش تتزوجي في هاد السن ! مازلك صغيرة و الدنيا امامك وكاين رجال متفهمين كثر و شيء اخر والديك ماعندهمش راي ! لا انوي التاثير على قرارك لكن عليك الاختيار بينهما دراستك ام هذا الرجل الي خلا دراستو على جالك زعما

[أم ماجد]

وهل انت ضامنة البكالوريا؟

[محمد جديدي التبسي]

ماذا تفعلين بالعمل في الاختلاط مع الرجال ومضايقات الشارع والعمل والتعب بين عمل البيت وخارجه
هذا والله اعلم رجل صالح بما انه رافض لفكرة العمل ...اما دراستك وتعليمك فهو لاجلك اولا ولاجل تربية أبنائك مستقبلا ان شاء الله فالغرض من الدراسة وطلب العلم ليس الوظيفة والمرتب بل المعرفة والتعلم... لا تلتفتي لهذه الوساوس .. ربي يتمم على خير

[khelil amina]

ana rajli kane rafede fekratte khedma ba"de zwaje APRES 6ANS KHALANI NEKHDAME DESSAH SAH HIA KI KOUNTE FI DARE KHIRE W RANNI NEDMANA 3LA KHEDMA MRA DARHA KHIRELHA

[dyna asma]

انا ننصحك قرايتك وخدمتك اولى زيد راكي مازلتي صغيرة ماتربطيش روحك من درك.وزيد .على خاطر الراجل الغيار بزاف تكرهي حياتك معاه وتحسي روحك ديما مقيدة

[alfatron31]

اختي الكريمة,
لنعود للأساسيات, ماهي الوظيفة؟ هي خدمة نقدمها لحصول على مقابل وهو الاجرة هذه الاجرة تسمح لك بقضاء ما تحتاجينه من اشياء و متطلبات الحياة, فاذا كنت تعتقدين ان خطيبك "تاكل على شقاه" وقادر يوفر لك كل ما تحتاجينه فلماذا تكسري راسك و تشغلي بالك بالوظيفة , انا راجل و اعمل و والله لولا المدخول الشهري و المسؤولية لطيشت هذا الخدمة و خليتها وراء ظهري, والله يا اختي الوظيفة هي استعباد لكن بطريقة عصرية, ثم هي من الصعوبة الجمع بين الوظيفة و متطلبات البيت, والاولاد و... اسالي..
اذا كان الزوج تتوفر فيه الشروط الاساسية من اخلاق ودين و قوامة فتوكلي على الله,
اما من ناحية الغيرة (ان كانت غير مرضية و غير مبالغ فيها)فهذه من صفات الرجال الحقيقيين, ماذا تريدين من زوجك المستقبلي, ان يكون ديوثا مثلا؟
من ناحية الدراسة فهي ليست اضاعة للوقت -باذن الله- فهي من اجل التعلم والرفع من مستواك الثقافي, ليس بالضرورة العمل, كذلك استعدادا لما قد يحدث مستقبلا, لا ندري والمقادير بيد الله.

وفقك الله اختي و ازال عنك الحيرة

[سجل أنا جزائري]

من قالك انو بعد دراستك راح تخدمي ؟ ثاني شيء ما هو هدفك في الحياة ؟

هل هدفك الوصول لاعلى مراتب و نفسك فقط أم تكوين عائلة و رجال بجانبك و تربية أولاد احسن تربية و عيشة كريمة معززة مكرمة

شوفي كثير من المتزوجات لو أستطع لتوقفت عن العمل لكن رجلها ما يحبش لأنو والف دراهمها طبعا

و انتي لقيتك راجل يقولك انا دبرسي و ما يخصك والو و ترفضي ؟!

[nihal159]

السلام عليكم و رحمة الله و بركاته، حسب مافهمت من حكايتك؛ السيد مازال ماخطبك ما تكلم مع باباك؛ إذا شفت الغيرة تاعو زايدة على اللازم عاودي حساباتك درك خير من مرة أخرى؛ و إذا راكي على الخدمة أنا نقولك ماهيش مضمونة قادرة تكملي قرايتك و ماتلقايش خدمة وهكذا تكوني خسرتي من كلتا الجهتين

[غزلانْ]

ان شاء الله تنجحي في شهادة
البكالوريا و تفرحي والديك
و حينها اقنعي خطيبك
بتقبل حلمك و أن لا يعارضهدا من جهة
و من جهة أخرى ان كان رجل
فيه صفات ترضينها فلا بأس
يمكن الاستغناء عن حلمك
و يبقى جزء من اختيارك
بالتوفيق

[om_nour]

اختى قبل ماتتزوجي تعلمى صنعة في يدك كالحلويات وفن الطبخ وغيرها ممكن تفتحي بها مشروع وانتى قاعدة في الدار

وانتى مزوجة وساترة روحك والحمدلله عل نعمة

[**د لا ل**]

السلام عليكم

أختي الكريمة إن كنت تظنين أن العمل سيجعلك ذات قيمة ومركز واستقلالية فأقول لك :

" لقد استسمنت ذي ورم ونفخت في غير ضرم "

بيتك وزوجك وأولادك هم من يجعلك ذات قيمة في المجتمع خاصة ان احسنت تربية أبنائك وأنشأتهم على الخلق الحسن

قيمة وكرامة المرأة في بيتها أختي الكريمة ....أقول لك هذا وأنا عاملة وأتمنى أحيانا كثيرة ترك العمل

والبقاء في البيت لانه نعمة كبيرة لا يعرف الجميع قيمتها وحتما ستجدين الكثير من الامور كي تفعليها فلا تقلقي حيال هذا الامر

لذا توكلي على الله وتزوجي

وفقك الله وسدد خطاك

[KING STAR]

السلام عليكم
أختي الغالية لاحظي معي هنا ما كتبت انت
.. هو خلى قرايتوا .. على جالي و بدا يخدم باه يخطبني من عند بابا خطبة رسمية و عقد في نفس الوقت ..
إذا هو قام بتضحية من اجلك تخلى عن دراسته واتجه مباشرة للعمل ربي يوفقو على كل حال
لكن أنت أيضا أظن يجب أن تقابلي تضحيته بنفس التضحية بالإضافة قوله انه لا يريد إختلاطك مع الرجال هذه عنده حق فيها
شخصيا رأيت من المساكل ما يكفي في اماكن العمل لأقول لك ان العمل ليس امرا ضروريا لك إذا كان زوجك يعمل ويستطيع التكفل بهذا الجانب
أيضا طلب العلم وجد لإرقاء العقول وليس للعمل فقط يعني نحن دائما نحصر تفكيرنا ادرس فقط لأعمل لا اختي هذا خطأ
بالإضافة البعض يفكر يقول خدمتك تظمن مستقبلك انا نقلك لا ضامن إلا الله هناك الكثير من الناس أملاكهم كانت لا تعد ولكن إنتهى بهم الأمر لدرجة لم يجدو لقمة عيش يسدون بها رمقهم إذا احسني الظن بالله فلا يعلم الغيب غيره (أنا نحير كاين ناس تحسب مع ربي سبحانه، ربي هو الرزاق يرزق من يشاء بغير حساب)
على كل ربي يسهل ليكم ورأي زوجك صواب حسب تقديري

[naimori]

ماتغتريش بالاحلام والطموحات صدقيني تدخلي للجامعة تعيفي حياتك وتولي تخرجي مكاش خدمة وااه راكي حاسبة غير تخرجي تخدمي مباشرة زعما شركة تاع ابوك خطيك من خزعبلات التحرر هدي تزوجي ادا فيه صلاح لك

[منير265]

بدون تعليق ... قاتلك تعبي ؟؟
يا سيدي فرضا قريتي حتى تعبتي مدي العلم لي تعلمتيه لأبناءك ممكن يخرجولك ايطارات في الدولة مستقبلا و يفرحوك اذا نعرفك فحلة

و تذكري الرجل خلق للعمل خارجا و المرأة ربة بيت من الحسن خمي مليح