توحشتها بزااااااف

[مشكلتي]

والله ماعلابالي منين راح نبدا ولا واش راح نقول

حاسة بضيقة في صدري ونفسي يكاد ان ينقطع من كثرة بكائي

فاتت 14 سنة على رحيلها ربما وقت طويل بالنسبة لكم ولكن عندي ......البارحة

عييت ننساها عييت نكمل حياتي بلا بيها تعبت وزادت عليا الدنيا بثقلها

توحشتك يا يما لعزيزة

علاه رحتي وخليتيني ..

خليتي بنتك لعزيزة

خليتيني للنسا يلعبو بيا

كي كنت صغيرة عماتي و زوجة ابي وضرك كي كبرت لدار شيخي اللي ديما يستهزأو بيا

علابالك علاه على خاطر ماكانش اللي يهدر عليا ماكانش اللي تقول "ماتموسوهاش هادي بنتي "

تعبت كيعاد ماعنديش سند نستند عليه تعبت كيعاد على خاطر خرجتي من حياتي

كان عمري 10سنين كي رحتي يعني كنت مجرد طفلة بصح والله طفولتي ماشفيت عليها و مافوتها كيما بنات سني

من كثرة ماعفست عليا الدنيا وما ذلتني كبرت قبل وقتي وهزيت الهم وانا صغيرة

حابة نشوفك لمرة وحدة في حياتي حتى ولو في لمنام حابة نشبع من صورتك حابة نحضنك ونحط راسي على حجرك ونرقد

حابة نحكيلك و نشكيلك ونبكيلك على خاطر ضاقت بيا الدني و مالقيتش اللي يفهمني

نمرض واحد ماعلابالو بيا نفرح واحد ماعلابالو بيا

نروح لدارنا نقعد كي انا كي الضيف على خاطر اللي تستقبلني مرة بابا ماشي يما

كاين واحد vide في داخلي واحد ماقدر يعمرو لا بابا و لا زوجي ولا ابني

صح يحبوني مي مايقدروش يعوضوك يا لعزيزة

توحشتك توحشتك توحشتك يا يما

تعبت من كثرة ما نغلط ونتعلم وحدي بغيتك معايا تنصحيني وتوجهيني

اااااااااااااااااااااااااااااااااااااااااااااااه يا يما

عييييييييييييييييييييييييييييييييييييييييت و راني نسوفري بلا بيك


ربي يرحمك و يدخلك فسيح جنانو وربي يصبرني على فراقك

[مياسم الصمت]

وجعك امتد عبر هذه الاسطر يا أخية
لنحس بما تعانيه من آلام الفقد

ربي يرحمها اختي ويصبركم على فراقها
هي سنة الحياة وكلنا للموت سائرون

[إكليل]

ربي يرحمها و يجعل قبرها روضة من رياض الجنة و يكون في عونك

[ManouraHilwa]

ادعيلها ترتاحي صدقيني ربي معاك

[الراغبة فى رضا الرحمن‎]

كتتفكرها ادعيلها دعاويك يوصلوها
ربي يكون معاك ويحميك ويسترك ورزقك بحلاله
يارب أدهب كربها وهمها وحزنها وعوضها فرحا وسعادة
ولضلموك يا حبيبتي قل حسبي الله ونعم الوكيل وخلاص راح ينصرك ربي ولو بعدا حين
ودنيا هذي فانيا وكامل واصلين ليها بدون استثناء ويسعدوا فاعل خير
ربي يصبرك اعزيزة
ويرزقك امك فسيح جناته يـــــــارب

[ورود القلب]

هزتني كلماتك اختاه......رحم الله والدتك و جعل قبرها روضة من رياض الجنة
لا تحزني يا اختي هذه سنة الحياة كلنا راحلوووووووووون ......ادع لها .....سيصل دعاؤك بإذن الله.....و لا تنس ان رب الكون معك....لست وحيدة معك القوي العزيز الودود اللطيف......لا تحزني اختي .....الله يرحمها

[first first]

اختي ربي يرحمها ويوسع عليها

كلماتك موجعة حقا

يااختي لكان على دار شيخك راهي النسا تقر يبا كا مل راهم يتمرمدو ؟؟ غير ماتغيضكش روحك

بخصوص فقدان الام اختي الكريمة حتى الرسول عليه الصلاة والسلام كان يتيما..............ولك الله فهو احن علينا من الاباء والامهات............ومن وجد الله مافقد شياء

في نهاية المطاف لسنا خالدين في هته الدنيا............فلاتحزني

ربي معاك اختي الفاضلة وربي يملا قلبك بالانس به..............ربي يعوضك خير ويملا قلبك سرورا وسكينةا

[fatyph2012]

السلام عليكم رحم الله امك واسكنها فسيح جنانه كلامك وصل لاعماق قلبي انا مثلك فقدت امي وانا عمري 7 سنوات منذ 30 سنة وكل مايمر علي موقف اتذكرها واتمنى لو كانت بجانبي ايام نجاحاتي يوم زواجي ايام نفاسي حاجتنا لهاهي ما يولد في قلوبنا ذلك الالم ولكن يجب علينا ان نرضى بقضاء الله وندعوا لهن بالرحمة والمغفرة وحياتك الان بدات مع زوجك اولادك عيشي من اجلهم اعطهم اهتمامك وعيشي لحظتك كما كتبها الله لك وامك لاتحتاج منك الا الدعااء والصدقة ولا تهتمي باهانة الاخرين ولا تعطيهم الفرصة لذلك كوني قوية واهتمي بنفسك وزوجك واولادك ستفرضين على الاخرين احترامك

[Nada Sweet]

أختي انت فقدتي أمك ..أفهم ذلك جيداا أنا فقدت كلا والداي منذ ان كان عمري 3 سنوات ..رحمهم الله جميعا
سأطلعك على سر ...
عندما كنت صغيرة ..كنت دائما حزينة وأبكي واشتاق اليهما ...بل واشعر بالظلم لفقدانهما :(
لكن مع الوقت أدركت أن الدنيا هكذا قضاء وقدر...والله يقبض روح من يشاء متى ما يشاء ولا اعتراض على حكمه
نعم فقدت والداي .لكن معي دائما من هو ارحم بي من والداي ...انه الله سبحانه ..دائما معنا يحبنا ويرعانا ويحمينا ويحفظنا ...فقط ثقي به واياك ان تقولي لو كانت امي معي فهذا اعتراض على قضاء الله ...لكن دائما قولي الحمد لله معي ربي سوف يحميني من الجميع :)
هكذا هي الحياة أختي ...كلنا عابري سبيل ..ويوما ما سأموت وتموتين وتلتقين بأمك في الفردوس الأعلى بإذن الله اين السعادة الى الأبد
فلا تحزني ابدا أختاه ...ارضي بقضاء الله واسعدي به وادعي لأمك دائما بالرحمة والمغفرة فدعائك حتما يصل اليها ..أما من ظلمك فلا تبالي أصلا بهم ..وكلي امرهم لله وانسيهم...فالحياة أقصر من أن تضيعيها قانطة بسبب أي أحد !!
دمت في رعاية الرحمن

[توحيد الجزائرية]

اصبري،،،،
والدتك تحتاج لدعائك
ربي يعوضك بذرية طيبة

[مهموم مبتسم]

صبر جميل والله المستعان

[سماح 2]

ربي يرحمهـــــــآ ان شاء الله

[هناء55]

راني حاسة بيك يا لعزيزة لوكنت امامي لحضنتك ربي انشاء الله يسخرلك زوجك ويحنن قلبو عليك الموت مرة جربنا فراق شخص عزيز ربي يصبرنا كامل انشاء الله

[baalache]

الله يكون في عونك اختي ال14سنة صديقني قليلة فانت لن تنسيها اساليني 22 سنة ولم انسها و هناك من تجاوز 30 سنة و لم ينسها لكن يجب ان تنظري الى الامام بكائك لن ينفعها ادعيلها تصدقي عليها

[اسعى لرضى الله]

لا حول ولا قوة الا بالله ! اختي والله ملقيت وش نقولك مي نقولك حاجة يا اختي تمسكي بربي ومك ادعيلها بالرحمة وتكون من اهل لجنة حزنك ماراح يغير والو حاولي تكوني قوية كثري من الدعاء ليها برك ربي يرحم مك ويجعل قبرها روضة من رياض الجنة ويغفرلها يارب

[بشـرى]

رحمهاا الله وأسكنهاا فسيح جنااته ، ياارب

دمعت عينااي وأنا أقرأ كلماتك ياا أختي ، فعلاا مكان الأم لا يعوضه شيء ، وحبهاا ليس له مثيل ...

تذكريهاا دائما بالدعاء والصدقة ، وكوني الإبنة الصالحة التي تدعو لها دائماا ....

[~أميرة أميري~]

بكيتيني والله الدموع نزلو وحدهم كامل رانا خايفين من النهار لي تغيب فيه لعزيزة انا شخصيا متعلقة بيها فوق اللازم
ربي يرحمها ويوسع عليها ويعطيك الصبر مالقيت مانقولك

[لامْية]

والله لكم تتصوري كم تألمت لكلماتك ونزلت دموعي عزيزتي لست وحدك فالله دائما يرعاك تذكري كم نعمة خصك بها وكم يوما افرحك كثيرا اختي اذا نظرنا من حولنا نجد الكثير ممن فقدو امهاتهم وهم في سن الرضاعة والبراءة لنحمد الله تعالى علا كل شي

[HouDa Yah]

رحمها الله و جعل قبرها روضا من رياض الجنة و اسكنها فسيح جنانه
لا تحزني يا اختاه لان الله معك ادعي لامك و تصدقي عليها و ارضي بقضاء الله و قدره لاننا في هذه الدنيا ضيوف و ما على الضيوف الا الرحيل.

[نوال المتفائلة]

ربي يصبر ك على فراقها إن شاء الله و ثقي في الله و عيشي على امل لقياها في الجنة

[غزلانْ]

هي سنة الحياة
الله يرحمها
ادعيلها بالرحمة
فمنزلتها عظيمة و لا تعوض
فما لا ينبغي أن تنسيه
أن لك عائلة لا تهمليها
فوالدتك توفيت
دعاءك منك يكفيها
و ما ذنب ابنك
الله يرحمها برحمته

[أم رقية نسرين]

والله بكيتيني يا ختي
ربي يرحمها برحمته الواسعة ادعيلها صح صعيبة عليك بصح هادي هي الدنيا وهذا ابتلاء
مالقيتش وش نقولك ربي معاك الحمدلله عندك اسرتك الصغيرة ربي يحفظكم لبعضاكم

[أمل94]

اختي والله اثرتي فيا بزاف نقولك متتقلقي موالو هذي سنة الحياة والعديد العديد من هم كحالتك واكثر فلا تقلقي ولا تجزعي اما بخصوص ظلم الناس وكلي عليهم ربي وخليهم وماشي غير انتي رانا كامل نعانو ......