لازم نهدر سينو ننفجر

[مشكلتي]

شباب هناك موضوع لازم نحكي فيه ( وماتقولويش معندك مامدخلك ) خطراكش نساء رجال تشوكينا
انا خدامة في احد الشركات الوطنبية المعروفة ( مدير الشركة معروف حتى هو " يكتب اراء في اغلب الجرائد "
هناك فتاة تعمل معنا ضبعتنا
تخيلوا تعامله معاملة غريبة تناديه استاذي كانها عبيدة له وهو منبهر بها
قد ترون الجملة بسيطة لكن والله حتى الرجال عجزوا عن فهم تصرفاتهما
وعندما نقول لها نقصي من التملق والنفاق شوي ' تقول لنا هل تريدون ان اقلل من احترامي لاستاذي حتى ترضون عني ؟؟
ركزوا على كلمة استاذي " استاذ تملق ونفاق "
والمدير مسحور فيها يا ناس بطريقة غريبة ( هو متزوج ) وهي كي تشوفو تقوا استاذي " نبرة الصوت ,, " وكلمات تاع انسانة جارية عبدة لانسان
انا هترت قعدت كان نتفرج وجميع العمال معنا
تخيلوا المدير اعطاها امتيازات نحلم بها
" عندها الحق تغيب اي نهار " الصدمة حتى في الويكاند يا ناس ويكاند، قالت" استاذي كي تسحقني راني موجودة "
En plus الشيء الذي ابهر الرجال والذي دفعني لكتابة الموضوع
المدير هو لديه الارباح كلها
واش صرا
عطاها حق استعمال اسمه في استخراج الشيك من البنك " كي سمعنا الخبر اغلب العملاء رايحين يطيحو "
امتياز كهذا لم يعطه لزوجته نصفه الثاني واعطاه لمجرد خدامة
حبيت نوصل ليكم ميساج ماهي هاته الحالة راني كي تشوفها قريب نندب
استاذي استاذي كون يقلها موتي تموت
وBiensur الهدرة هاذي ممنوع هناك ،، صارت عبيدة المديرة مسؤولة علينا و امتيازات جمة
حق استعمال السيارة استعمال اسم المدير في التعاملات " ماي لبلاد معريفة "

والرجل " المدير " هترنا فيه راهي مجرد خدامة
عطيها كل شيء
الجميع قال ربما سحراتو بشيء عفسة ولاهو منبهر بها
مفهمتش يا ناس
راهي تحت يدو ماشي لهادي الدرجة

اكيد الجميع يشعر بالضجر اثناء العمل ولو قليلا
هي اول وحدة تاتي للعمل ،، حياتها رضاء المدير بطريقة عجيبة لاتوصف وهو كي يشوفها يتبدل ,,
وصاجبتنا توغلت في المراتب الى حد اذنيها ( عندها لقب نائبة المدير الان هاك تسمعوا ) وممكن لديها طموح تصير المديرة
يعني للدرجة هاذي راجل بعقلو يمد هاذي الترقيات والامتيازات لفتاة خدامة لايعرفها
حتى ارباح الشركة في جيوبها وجيوبه
ودائما الكلمة التي يكرها الجميع " استاذي " نا نسمعها ونموت
الكل قال انها عبدة له
( راو قد ماحكيت ماتتقدرش تصورا الموقف والله يانس كي شغل جارية عندو )

[اياد حياتي]

الله يسهل عليها كل واحد يخدم خدمتو ويرجع لدارو كون واحد يلهى مع ناس يهبل

[محمد جديدي التبسي]

اذا لم تكن هناك أمور أكبر فالحمد لله ..كل شي متوقع والرجل يُفتن بالنساء هذا معروف.. ربما هي صغيرة وجميلة اذهبت عقل المدير!! ..تقولو استاذي او سيدي هذا يخصها يعمل معي رجل يقول للمدير سيدي عادي ..اذا قدرت تنصحيها فبها ونعمت والا راهي في طريق تتحمل نتائج تصرفاتها ويوم تصل لشرفها ستتذكر تفاهتها هذه ..ربي يصلح الاحوال..

[oumhana]

السلام عليكم يا ختي علاه تنفجري ههههههه الله يسهل عليهم و الله يهني سعيد بسعيده. المهم نتوما أخدمو خدمتكم وخلاص ولي تشوفو راكب حشاكم لحمار قولو مبروك الحصان.وهي نهار تفيق يكون فات الأوان يا حسان.
علاش تعمري راسك

[لامْية]

غير خليها يجي نهار لي تفيق وحدها

[غزلانْ]

السلام عليكم

من خلال عنوانك هناك شيء من
الحقد و الكراهية اتجاه الفتاة
و غيرة

لا يوجد شيء اسمه " عبدة "
فهي عاملة و مناداتها له
بالأستاد لأكبر دليل على أن هناك
احترام بينهما و ان كانت الفكرة بالنسبة لك غريبة
فما هي الفكرة الصحيحة مثلا عندك
أتناديه باسمه شخصيا

و عن أستادك فعلا مسحور

عن طريق ما يسمى
بسحر الكلمة و في حدود كل ما هو محترم
و هدا الاحترام و التقدير
ولد لصاحب العمل شيء بما يسمى
" الثقة " منح لعاملة عن طريق سلوكها العملي
و تفننها في عملها ما قلته شيك
كلمات دكرتيها
امتيازات أحلم بها....
مسؤولة علينا ........
حق استعمال السيارة..

الله يكون في عون صديقتك هده
لأن العين حق

اقولي تبارك الله على الأقل
و ان وصفت كل عامل أو عاملة بالنسبة لك
على أنه عبدا

لما تجعلي نفسك عبدة
قومي بمشروع تكون أنت صاحبته

( ردي مبني على علاقة بين عاملة و صاحب عمل دون طرق أخرى و هدا حسب موضوعك
الفتاة لا تربطها علاقة و مديرها )

[هدآية]

اكيد توجد بينهما علاقة قوية .. ولا علاه يعطيها كل هذ الامتيازات
كاين مقابل طبعا
هذي مش عبدة
كل واحد يقضي في صوالحو من لاخر

اخدمي خدمتك و ما تتلهايش بيهم
كل واحد الله يسهل عليه
العكس

[alfatron31]

السلام عليك أختي الكريمة٬
لماذا الانفجار، "انك لا تهدي من احببت"، ادعي لها بالهداية ان كانت صديقة تحبينها (ولا اضن) وان كان الامر غير ذلك فلن يضرك لأمر،
اشتغلي بعملك و لا تلتفتي الى ما قال فلان او فعل علان٬ لماذا نحن دائما هكذا، نحرص دائما على التفاهات و التدخل في شؤون الغير "قالت٬ ماقالت، الشيك٬ السيارة.." فمادام الإمر لا يتعلق بحق من حقوقك فلا تشغلي بالك فضلا عن ان تفجري قلبك، عجيب ! لماذا نهتم دائما بكل شيء عدا الاشياء المهمة..
اتركي ما لايعنيك تريحي نفسك و تريحي غيرك..

[AMINA.Z]

الغيرة واضحة
و ما تفعله تلك الفتاة... اعتقد انه شانها فهي لا تهتم لارائكم و اللي في راسها دارتو ...علاه مرضتو رواحيكم بيها
روحي ا لالا نقولو غايضكم الحال ...واش راح تقدرو ديرو .!!! مول الشركة هو الوحيد اللي عندو السلطة في الشركة ..يعني رايكم ما يقدم ما يوخر !!!
اخدمي خدمتك و جيبي دراهمك حلال ( كي قلتي يعطيها امتيازات يحلم بها اي شخص ..توقعت نلقا تكوين في الخارج او سيارة خاصة او او ...و في الاخير قلتي تغيب وقت ما تحب :( ...شعب ماش تاع خدمة و الله.
المهم ....ربي يبعد عليكم مرض القلب ههههه
اخطيك من العسة

[aymen01]

نورمالمو هي تجي تكتب عليكم مشكلة

وش دخلك فيها و قريب تنفجري ربي يسهل عليها هي لي راح تتحاسب بلاكش متزوجها في السر يخي حالا

تجيبو المشاكل لروحكم

[sarl02]

التملق والشيتة شيء معيب لصاحبه لكن مهما كان لم تلحق تصرفات هاته الفتاة درجة الكبائر ما يجعلك هكذا وزملاؤك وانا لست مع تصرف هاته الفتاة اتجاه استاذها كما تقولين ...لكن في الجانب الاخر رانا جزائريين ونعرفو بعضنا بعض مليح واعرف كواليس العمل جيدا خاصة في القطاع الخاص ...انت وزملاؤك غيورين منها لدرجة كبيرة حتى مرضت انفسكم خصوصا لما عطاها امتيازات خاصة في التعامل بالمال والربح والمكانة في الشركة ...لنفرض مثلا ان هاته البنت كانت على علاقة غير شرعية بالمدير وكانت مجرد جهة لاشباع نزوته وفقط يعني لا امتيازات خاصة وا مكانة خاصة في الشركة هل كنتم على هاته الحال من الغيض والفيض ؟؟؟اكيد لا بالرغم من ان تصرفها هنا كبيرة من الكبائر ...يعني انتم ارعبكم مكانة هاته البنت في الشركة واصبحتم خائفين من تقاسم اسهمه معها وعندها خلات عليكم ههههه.......لكن يا صاحبة المشكلة المال ماله والشركة شركته فليفعل ما يشاءوكيف ما شاء ومع من شاء واكيد هو يعرف جيدا ما يفعل ..العقل والمنطق يقول انك انك وزملاؤك تخدمو خدمتكم وتروحو لدياركم ومكان ما دخلكم طالما هاته البنت ومديرها راهم خاطيينكم ...انتم الان في حكم من راقب الناس مات هما وغما .

[أمل94]

راها كبيرة وتعرف وكل واحد يلتا بنفسه من الافضل .العيب يلا ادات حقهم ويلا خاطيتكم معندكمش حق تدخلو فامورها والله اعلم

[ابراهيم داود]

طرح الموضوع ليس من وراءه اي فائدة... لان الطرف الاخر غائب... لذلك يمكنك تاليف ما شئت.... الغيرة الشديدة من زميلتك واضحة جدا... لذلك اردت التعبير عن حقدك على نجاحها بسبها والتقليل من شانها..... شخصيا كنت اعمل في ثانوية وكنت اقوم بواجبي تجاه التلاميذ وعلاقتي مع المديرة طيبة وقوية اساسها الاحترام المتبادل.... لكن بعض الزملاء الحاقدين والغيورين حاولوا تشويه سمعتي في الثانوية بالقول اني الموطار تاع المديرة.... وانا والله بعيد عن هذه الصراعات... عندما بلغ اذاهم حده الاقصى قمت في احد الاجتماعات باخذ الكلمة والقول لهؤلاء بدون ان افضحهم... ان كان فيهم رجل ليعد كلامه المسموم امام المديرة.... عندها صمت اؤلاءك ولم يعودوا لقذارتهم.... انصحك ان تهتمي بشؤونك الخاصة وتتقني عملك اما الاخرون فلهم رب يتولاهم.... ولست وصية عليهم....

[mrmilano1984]

ههههههههههههههههه مازالكي نية تاع الصح نحكلك حكاية تاع واحد الدياراس يخدم في شركة عندو 54 سنة اوك وفتاة 28 سنة صدقيني شابة زين وتاي ووجه تاي صح واقفة مرا المهم هو مزوج وعندو اولاد ايا هادي دخلت عاديةاوك ايا مع الوقت بدا يدور بيها ايا خدم راسو طبعا الواحد كي يكبر راسو يولي يخدم ايا اعطالها امتيازات زادلها في الراتب كانت تدي 25000دج ولات تدي 60000دج ايا زاد طلعها لمنصب سكرتيرة في احد مصالح ولا يبعثها لمهام لداخل الوطن ايا ولا يجي معاها بحجة انها مرا لازم الراجل ومن بعد الطامة الكبري داها للترك ايا تصورو الراجل والمراة للزوج يخرجو مانحكيوش الباقي الكل عارفو راكم كبار حتي سمعت مرتو قريب ماطلق لولا تدخل العقلاء المرا تدير كل شيء لاستمالة قلب الراجل والراجل طبعا لي عندو مشاكل اضن مع زوجة يعمل هاك

[mrmilano1984]

عادي اختي الراجل طاح في المرا او البنت كاينين صوالح هادو بزاف تلقا صاحب الشركة يجيب المدامات الشابات والطاطات ويغريها وهي تغريه وتبادل المصلحة فهمتي يعني بارتو هو يدي وهي تدي والفاهم يفهم

[الأرنوبة المشاكسة]

دوك نتي وش دخلك ولا تحوسي يكحل عليك مدير هههههههه ولا يمدلك امتيازات تاعه مثلا هههه حكمي بلاصتك ومتبقايش تعسي على مخلوقه ياك قبر هيا تدفن فيها لحاله ايا خليها دير راي تاعه ونت تهلى في خدمة تاعك

[TheE DeTeCtIvE]

عادي اختي الراجل طاح في المرا او البنت كاينين صوالح هادو بزاف تلقا صاحب الشركة يجيب المدامات الشابات والطاطات ويغريها وهي تغريه وتبادل المصلحة فهمتي يعني بارتو هو يدي وهي تدي والفاهم يفهم

غريب فعلا ,, كنت ساكتب رد بمثل هذا المعنى مئة بالمئة ، نفس الراي
(y)
والفاهم يفهم

[TheE DeTeCtIvE]

أختي Maybe المدير متزوج وزين الشيطان له الاجنبيات ( اين آلت امة محمد للاسف ,,,,)
وهنا يحدث
الفتاة تغري المدير باساليبها و ... وتفيد منو ماديا وهو يغريها بالامتيازات ويفيد منها ليس ماديا بل ,,,,
الفتاة ستعض اصابعها ندما على كل هذا
المدير سيتعرف على اخر ويتمتع في الدنيا ويتعذب في الاخرة
انتهت القصة

[ManouraHilwa]

يا اختي المهاجمون يصفونك غيورة لانهم لم يفهموك اعذريهم المهم ضميرك مرتاح الله يعطيك من فضله الله معك

[baalache]

تشيات واضح مشكلة الشياتين اختي انهم يسقطون بسقوط اساتذتهم الله غالب انتشرت الشيتة في ارجاؤ التراب الوطني الله يعافينا

[غربة أهل السنّة]

السّلام عليكم ورحمة الله وبركاته
نصيحتِي لكِ: (من حُسنِ إسلامِ المرء، تركُه ما لا يعنيه)
-اهتمّي بنفسكِ واحرصي أن يكون عملك متقنا و قوتكِ حلال.

[azzam 01]

كل ماقيل عن هذه العاملة لم أجد فيه أنها أساءت لشخص أو ألحقت به الضرر فلم كل هذه الجلبة ’’’’’’’’’’’’’’’’’

[bello angel]

و انت واش مقلقك؟؟
واحد يغير من واحد حاب يكون كيفو و موصلش
تتمني تكوني في بلاصتها؟؟
ماكش خدامة عند باباك يعني شركتو و هو حر فيها اخدمي خدمتك و ادي دراهمك بالحلال و اخطيكم من التدخل فيما لا يعنيكم