انيروني [الأرشيف] - منتديات الجلفة لكل الجزائريين و العرب

مشاهدة النسخة كاملة : انيروني

مشكلتي

2016-02-10, 14:29

السلام عليكم
1/هل من الطبيعي ان شخص يريد خطبة فتاة و تسأله ان كان يصلي ام لا تكون الاجابة:
صلي انتي في بلاصتي؟
و بعد سؤاله كيف؟
قال كاينة تاع واحد يصلي في بلاصة خوه منباعد ولا قال اني غير نضحك معاك اني منصليش خاطر مكانش الماء و الوقت وين نخدم كي نبدل نولي نصلي.
2/ هل عادي لما يكون اللقاء الاول للتعرف خلص اكلة الكفتة ب 30 الف كي خرؤج جبد دراهمو و ولا يحسب فيهم قال والله غالي .
3/ يقلك اخدمي براحتك مي كي متوفقيش بين الخدمة والدار تحبسي.
4/ وكي تروحي زيارة مع اهلك قبل الخطبة حتى يقلك ربي يكثر النساء اللي كيفك ( يعني بالمعنى العكسي).
5/ و كي تقولي papa w tata يقلك حنا في دارنا ماشنا مفرنسين معندناش الهدرة هدي
6/و بخصوص السكن قال الدار مكملتش لازم نكري ....معليش نسكن مع داركم مكانش مشكل انا قابلة ....قال مسكنوش خاوتي اللي تزوجو قبلي مع دارنا انتي تجي تسكني معاهم مباعد كي شافني تنشعت قالي اني على المشاكل برك

فهموني في العقلية هادي

عثمان الجزائري.

2016-02-10, 15:41

السلام عليكم
و عليكم السلام ورحمة الله و بركاته
1/هل من الطبيعي ان شخص يريد خطبة فتاة و تسأله ان كان يصلي ام لا تكون الاجابة:
صلي انتي في بلاصتي؟
أولا فهمينا أنت هل هذا خطيبك و لا راح يخطب؟ المهم إذا كان راح يخطب السؤال يوجهه ليه الوالد أو الأخ و يمكن أن تسألوا عنه في حيه أين يسكن...
فرضنا الآن أنه خطيبك بحكم أنك تكلمينه: جوابه جاء من باب المزاح في غير محله يعني مزحة ثقيلة بأمور جدية...
و بعد سؤاله كيف؟
قال كاينة تاع واحد يصلي في بلاصة خوه منباعد ولا قال اني غير نضحك معاك اني منصليش خاطر مكانش الماء و الوقت وين نخدم كي نبدل نولي نصلي.
المهم هذا الإنسان لا يصلي، و بكل بساطة إذا لا يصلي فلا خير فيه...
2/ هل عادي لما يكون اللقاء الاول للتعرف خلص اكلة الكفتة ب 30 الف كي خرؤج جبد دراهمو و ولا يحسب فيهم قال والله غالي .
300 دج حاليا هي حق فطور الصباح اما عن فعله و إستغلاءه لــ 300غريب حال الخطاب في الجزائر.
3/ يقلك اخدمي براحتك مي كي متوفقيش بين الخدمة والدار تحبسي.
هذا رأيه الشخصي نحترمه و يعتبر عادل لمن ارادت العمل على الأقل لم يقل من الأول لا تعملي ...
4/ وكي تروحي زيارة مع اهلك قبل الخطبة حتى يقلك ربي يكثر النساء اللي كيفك ( يعني بالمعنى العكسي).
هذي امور بينكما تتفاههمان عليها من الأول، إذا قال إذهبي فلك ذلك و إلا فتفاهما على حل يرضي الطرفين...
5/ و كي تقولي papa w tata يقلك حنا في دارنا ماشنا مفرنسين معندناش الهدرة هدي
لكل ظروفه الإجتماعيةو الثقافية...
6/و بخصوص السكن قال الدار مكملتش لازم نكري ....معليش نسكن مع داركم مكانش مشكل انا قابلة ....قال مسكنوش خاوتي اللي تزوجو قبلي مع دارنا انتي تجي تسكني معاهم مباعد كي شافني تنشعت قالي اني على المشاكل برك
السكن و حدك و لو في بيت كراء أفضل لكما و هو الحل الأمثل...
فهموني في العقلية هادي

روحي معاه وحدة و حدة و سيكون هناك تفاهم بإذن الله... ربي يوفقك

toulay

2016-02-10, 15:50

وعليكم السلام ورحمة الله تعالى وبركاته
هذا انسان معندوش اخلاق وتاني الحياء مكانش وبخيل يقتل مسمار
مكانش الماء يتيمم واشبيه هذا وen plus مكانش الوقت مليحة هاذي تهبل
لا لا مشي عادي هذا مشحاح ويستخسر الحاجة في روحو قولوا كون متقلش روحك شكون راح يقلشك
يا اختي الخدمة متفرطش فيها خصوصا اذا كان عندك le poste تاعك sinon دير هاذيك la mise en disponibilité متدريش كون هكذا ولا هكذا le poste تاعك يبقى في امان
هذا حاب يمشيك كيما يحب ويفرض الراي تاعو mais attention ترخفلوا وتتنازل
واش فيها اذا تحكي en français هذا حاب يرجعك كيفهم بسيف ربي يسهل على دارهم كل واحد و l'environnement لتربى فيه
قولو انت 30 الف تاع كفتة جاتك غالية تحوس تكري
نقولك حاجة يا اختي الهربة تسلك اخطيك منو لانو راح يمرضك منيش عارفة la mentalité تاعو لا تحتمل
بالتوفيق

AMINA.Z

2016-02-10, 19:04

ساجيبك بحكمة لسقراط عندما جاءه احدهم يتبختر و يتفاخر بجماله و صحته و ثيابه الراقية و الغالية ....فقال له سقراط ..تكلم لاراك
و السيد هاذا من اول لقاء كي هدر كشف على مستواه و مستوى تفكيرو
و الواضح انك مشوكية فيه ....من المفروض في اول لقاء اذا عجبك راح تكوني فرحانة و تضحكي ..و انتي لا.
و الحاجة اللي حيرتني ...هاذا من اول مرة بانو السيئات تاعو ....درك تخمي ....اذا صح هاذي هي شخصيتو رايحة تعاني لانو انسان غير مؤدب و ما يحتارمش المراة و ماهوش تاع نقاش و حوار و المشكل ما تحسيهش راجل تقجري تعولي عليه و تفتخري بيه.
و الحاجة الثانية اللي تخمي فيها ...قادر واش بان دذك راهو الجانب الجيد فيه و ما خفي اعظم !!!!!!!
اذا ما كيش مرتاحة ...ماش محتم عليك تقبلي بيه.
استخيري الله و ربي يوفقك

مهموم مبتسم

2016-02-11, 03:15

الله يفك كربك
اصبري

نور الفجر02

2016-02-18, 21:53

كلش الا الصلاة لي مايخافش ربي خافي منو

nour_20

2016-02-18, 22:04

السلام عليكم، راه يصارح فيك مكذبش عليك تبالي الصراحة أحسن خير ملي تروحي عنده وتكتاشفي فيه هاذ الصوالح وتنخلعي ان شاء الله ربي يوفق بيناتكم هاذي فترة الخطوبة فترة تعارف انت بالفطنة نتاعك تقدري تبدلي فيه بزاف حوايج الرجل يحب المرأة الي تفهمه وروحي معاه غير بالعقل باش تقدري تتقبليه الله يهنيك أختي

صَمْـتْــــ~

2016-02-18, 22:05

السلام عليكم ورحمة الله وبركاته
أختي الكريمة إن كانت نيّتكما الزواج فاستخيري الله بشأن هذا الشابّ ولا تجعلي هذه الأمور تُحبِطكِ
فلعلّها مُفتعلة منه لجسّ نبضِك
لكن فضلا تجنّبي الاختلاء معه قبل أن تصبح علاقتكما شرعيّة تجنّبا للمشاكل

بالمناسبة /
يقول المثل (العود لي تحّقرو يعْميك) والكلام موجّه لبعض من طعنوا بأخلاق شخصٍ لا يعرفونه
فالحذر أكرمكم الله، فليس من الهيّن اتهام أناسٍ في حكم (المجهول)
والله وحده من يُحيطُ بسرائِرِنا

العقليّة فاضلتي لا تُقرأ من بعضِ ما ذكرتِ والعِشرة وحدها كفيلة باستكشافها

لكن قبل ذلك أكرّر أنه عليكِ بصلاة الاستخارة ولن تندمي إن شاء الله على ما قُدِّر لكِ

أسأل الله لكِ التوفيق.

على المنهج

2016-02-19, 09:05

مادام مايصليش ماعندك ما دبري ببه
الي مايخافش من ربه لا يؤتمن جانبه

على المنهج

2016-02-19, 09:06

مادام مايصليش ماعندك ما دبري ببه
الي مايخافش من ربه لا يؤتمن جانبه

غزلانْ

2016-02-19, 10:11

و عليكم السلام

1- صدق و صراحة خطيب أفضل من التحلي بالنفاق و الكذب ( طرح على شكل نكتة)
2- عادي كامتحان لك و ما ليس بالعادي خروجك معه حتى و ان كان بطلب منه ( وجهة نظر)
3- تفكير في محله و نقطة ايجابية عليك تقبلها خصوصا ان ربطت جوابه بقدرته على تلبية متطلباتك
4- ان كانت زيارة مع أهلك للأقارب مثلا فبامكانك مسايرته فأنت مخطوبة فعليك مسايرته يبقى خطيبك و هذا تفكيره . (هذا ان كان لا يقصد العائلة )
5- و ربما يجدها تكبر فهل هذا شيء لا يحبد مثلا .
6- عرضه متقبل الكراء ريثما يحين موعد تجهيز البيت تجنبا للمشاكل .
و بالتالي
ما عليك الا مساندته و مسايرته و توعيته في النقطة الأولى أما باقي النقاط فأجدها عادية و طبيعية

بالتوفيق لك

nan719

2016-02-20, 18:22

و علاش مازالكي معاه !!

مواطنة

2016-02-20, 18:44

بانلي انسان غير ناضج والمشكل فرحان بروحو اذا كملتي معاها تبقاي كل ساعة تكتبي في صفحة مشكلتي ولا اتمنى لك ذلك
فيه كامل الصفات تاع الخطيب الذي لا تتمناه اي فتاة حتى لو بقيت دون زواج طول عمرها
انت كتبت كل صفات يبقى تحسي بيها مليح بكل وعي باش تخدي القرار بدون تفكير ولا تقولي سوف يتغير و سوف اغيره و الله صعب جدا طفل صغير شوفي كيفاش صعب تربيته وهو ابنك وصفحة بيضاء واش تقولي في راااجل من تبدايه من الصلاة او الشحة او مادا
ربي يرزقك مالرجل الصالح الذي يدخل من الباب و يسترك

nasser26

2016-02-20, 18:56

أختي لا تتسرعي ... الصلاة ثم الصلاة حذاااااااااااري

زبدة ذايبة

2016-02-20, 19:13

هذا اللي عاجز باش يصلي يعجز حتى باش يقوم على دارو وأولادو

ماشي قادر يتوضى للصلاة وهي ماتشدش منا 5 دقايق

المعاقين ويصليو

الناس تصلي برجل وحدة وتكون في الصفوف الأولى في المسجد

وهذا بصحتو الله يبارك وعاجز !!!!!!!!!!!!!!

يا أختي الصلاة الصلاة

وزيد يستهزى بيها وجيبها بطريقة السخرية

اللي يضيع الصلاة فهو لماسواها أضيع

الصلاة تنهى عن الفحشاء والمنكر

وإذا تركها المسلم ينقطع الحبل الذي بينه وبين الله

كيف ستربين أبنائك على الصلاة والأب لايصلي

وبدل أن تكون لديك مشكلة الزوج الذي لايصلي تصبح لديك مشكلة أسرة بأكملها

الأب الأبناء والبنات

ماتبنيش حياتك على جسورهاوية تتقطع بيك في نص الطريق

خلي هذا الراجل يروح يشوف وحدة ماتصليش كيما هو

أما أنت تستاهلي واحد يصلي ويخاف ربي

يعرف جيهة القبلة منين ماشي أنسان يخاف يجوز الماء على يديه ورجليه

أنا هذا رأيي اللي كنت نعطيه لأختي لو تقدملها واحد بهذه الصفة

visa uk

2016-02-20, 19:54

توحيد الجزائرية

2016-02-20, 20:21

خايفة يقولك صومي في بلاصتي !!!