رفضته وندمت 2

[مشكلتي]

السلام عليكم اخوتي شكرا لكل الاخوه اللي نصحوني
اعلم اني كنت انانية في تفكيري فمجرد تفكريري في الاتصال به امر غير منطقي يرفضه العقل والدين ....لكن الحمد لله ضميري ماخلانيش ندير حاجة كيما هاذي وهذا يعود بفضل الله لتربية والدي الحسنة .....لكن الشيطان اصبح يوسوس لي ويقولي كون وكون .... والله نامن بقضاء الله وقدره ونامن بلمكتوب وعلابالي بلي لن يصيبنا الا ماكتب الله لنا واللهم لا اعتراض علي حكمك وقضائك ....التزمت الاستغفار والصلاة وكثيرا مااستمع للقران لكن الشيطان بقى يوسوسولي
مانيش رايحة نفوخ عليكم ونقولكم انا وانا ...مي الحمد لله انا جميلة وناحجة في دراستي من عائلة مثقفة متدينة ميسورة ماديا ماكانش الي يعرفنا ومايهدرش علينا بالخير ....خطبوني ناس بزاف قبلو وبعدو ومنهم من هم احسن منو بكثير جامي ندمت ولا طلعت هاذ الحسابات ومانيش خايفة لا مانتزوجش او شي كيما هذا .......ماعلاباليش وش صرالي هاذ الخطرة عندو شهر ملي خطب وانا ملي سمعت و صدري مخنوق ونضل نخمم نحس كلي هو انسب شخص ليا في الدنيا هاذي كامل ماعلاباليش لاه صدقوني كون يعاود يخطبني هو نقبل بالصح كون يخطبني كاش 1 ماعليش خير منو مانقبلش ...حتي كي نرقد نام منامات عندها علاقة بهاذ الموضوع .....علابالي بلي احسن حل هو ننسي هاذ الموضوع وعلابالي حرام عليا نفرق بيناتهم وصراحة مانيش مستعدة نبكي خطيبتو وراني مقتنعه بلي هاد الشي حرام ووالله حتي ونقرر نعيطلو مانقدرش خاطر مانيش من هاذ النوع ....جربت كل شيء لكن الموضوع ماحبش يخرج من راسي .........ادعولي ربي يهدي سري وينسيني هدا ماكان
شكرا

[فرح 97]

ربي يرزقك اختي برجل ينسيك فيه

[النجمة القطبية]

يا اختى قد لا تصدقى كلامي لكن الموضوع باختصار كبر في راسك لانو قريبك خطب وبما انو من العائلة ستتدكرين دائما انو خطبك اولا وكان ممكن ان تكونى مكان الزوجة !!!!!!!! وربما ستشعرين بالاحراج
يا اختى الشيطان واعر بزاف مش راح يخليك بسلام وحتى هوما اقصد اهلو راح يبالغو في كل شئ حتى يحسسوك بالندم يبالغو بالفرحة والجهاز ووو
لكن صدقينى ادا بطل وخطبك راح ترجعى تترددي باختصار لانو مكانش مكتوبك الا ادا قدر الله لكما هدا الامر
والحقيقة اقول لك هدا الكلام لانى مثلك وحيدة اهلى ومررت بما تمرين به من خوف وتردد ووو وحتى انا خطبونى من الاهل ورفضت وتزوجو :1: و لما تحضري العرس تقولى كان ممكن يكون عرسي :cool:
لكن اللى كنت نعملو انا كنت نقول يا رب اخترلى احسن من ان اختار لنفسي وقد كان الحمد لله
واليوم دارى قريبة لدارنا ببضعة امتار وحتى دار عجوزتى قريبة ليا والحمد لله
متقولليش مستحيل نلقا اللى يناسبنى لان هدا تفكير عقلك المحدود لكن الله سبحانه وتعالى يقدر يعطيك من نفس المكان اللى تقطعى منو لياس
يعنى متعمليش حسابات مع الله وكلى امرك ليه وانساي دون حسابات وموفقة
واياك تكونى سبب في ظلم انسانة اخرى اظلمى قلبك ومتظلميش الناس وربي راح يعوضك بزاااف تاكدى
ربي ييسرلك حبيبتى خيرة الرجال ويعطيك بر اهللك واهلو ويوفقك كل التوفيق

[اياد حياتي]

اكيد اختي هذه وساوس الشيطان لعنة الله كلنا احيانا تجينا افكار باه نعملو اشياء تضر ومبعد نتفكر ربي عليه اكثري من الاستغفار وربي يرزقك الزوج الصالح

[لامْية]

انشاله رب يفرج عليك الاخت

[نور لاتراه]

السلام عليكم
أحلامكِ ليست روئ لانكِ تفكرين في الموضوع باستمرار
هل هو الانسب لكِ؟
وهل انتِ الانسب له؟
لايعلم هذا ولاذاك إلا الله
فلعله كان خير لكن لغيركِ,و كان الرفض خير لكِ لكن لاتعلمينه
فالغيب عند الله
وكل امور العبد خير وان بدا لك غير ذلك
رزقكِ الله من حيث لاتحتسبين

[ميرا97]

شاهدي هذا الفيديو

https://www.dztu.be/watch?v=Idw6o2KnDTE
سيعوضك الله فقط اكثري من الاستغفار اكيد ما كتبك الله لك فيه خير فوضي امرك لله وارتاحي اخيتي

[oumhana]

ابنتي ربي يعوض عليك باللي يفرح عينيك يا بنتي عندكي تعيطيلو بلاك يرفض وين تعرفي .ربي يعوضك فالدنيا خير وليكتبو ربي هو لي يلحق.الله يرحم من رباك وحذاري لا يغرك بليس.كملي أستغفري وما تنهزميش وربي يكافيك.

[sisi bonoise]

ربي يرزقك اختي برجل ينسيك فيه

[AMINA.Z]

من الواضح انه لامس قلبك لذلك لا تستطيعين تخطيه بسهولة
لكن هناك حل وحيد و هو
بما انك اقنعت نفسك بانه انسب رجل لك فاقنعيها بانه ليس انسب رجل و لو انه احبك لما تخلى عنك عند اول رفض بل لحاول اقناعك ...ببساطة لم يرك الا امراة قد توفرت فيها صفات ارادها و لكنك لست الوحيدة في العالم ...لذلك لا تتعبي قلبك و عقلك من اجله.
انتظري من يريدك حقا و لا يرى غيرك امراة في الدنيا .
بالتوفيق.

[إسلام الفاروق]

صدقيني اختى ربي سبحانو اختبرك و انجحت و انشاء الله يرزقك بالزوج الصالح احسن من هذا لي راح
ادا جاك توسويس املا فكري بطريقة سلبية
مذا لو بعد مدة قصيرة من الزواج تشاجرت مع بنات خالتك و طلقك وخلاك بولادك احمدي ربي و استخيري الله لا يضيع اجر المحسنين
سلام

[toulay]

وعليكم السلام ورحمة الله تعالى وبركاته
يا اختي ce n'est pas la fin du monde اخطيك من الاطلال راح خطب ربي يسهل عليه ويهنيه
نحيه من بالك مين تتفكرو استغفر ربي ومع الوقت راح تنسى ان شاء الله
راهو مزال كاين سياد سيادو مالا ماتكسر راسك ولا هم يحزنون مع le temps تولي شابعة ضحك على روحك
بالتوفيق

[سوريانا]

ربي يفرج عليك و يرزقك زوج صالح
حذاري يا اختي من وسوسة الشيطان

[أبو معاذ محمد رضا]

ربي يفرج عليك و يرزقك زوج صالح
حذاري يا اختي من وسوسة الشيطان


وأنت بدورك بادي لارتداء الحجاب الشرعي
ونسأل الله أن يتوب علينا جميعا.

[♥سهام♥]

ربي يرزقك بابن الحلال ان شاء الله

[ابراهيم داود]

المحزن ان رفض الرجال صار كاللعبة عند بنات اليوم.... تقول بعضهن اتاني الكثير من الخطاب ورفضتهم.... طبعا السبب الخفي هو اثبات الذات وارضاء الغرور وتضخيم للنرجسية.... الحمد لله انه وجد غيرك

[شاطئ الأوركيد]

السلام عليكم
الكثير هم امثالك يرفضون وعند ما يضيق بهم الحال ويفوت الاوان يندمون
لان الغرور والطمع في الحصول على الافضل يوصل الى هذه المرحلة
حتى لو اردت ارجاعه فلن يرجع لان كبريائه انكسر
هذا إختيارك وقرارك تحمل المسؤولية وربي يعوضك من جهة اخرى

[mrmilano1984]

عندو الحق الاخ ضاهرة روكاركيتها بزاف انا واحد من عائلتي وحدة في الاول جامي شافت فيه كانويقولو عليه مش مليح ووو راسو خشين وتاع متيقر ووو مششنف وقبيح وصعيب خلاوه في ليتساع رغم انو عندو دار مع والديه وسيارة وووو عندو عمل مستقر جدا كانو يشوفو جهة اخري ايا نهار كي الطفلة بدات تكبر من 24 حتي 30 سنة خطاب خطبوها ياهي ماتقبلش يالخاطب يروح او تخطب وتمشي شوية ويحبسو ايا قعدت فترة شافت روحها وقت يمشي ايا ولاو لولد قريبهم ولاو يقولولو لازم تتزوج وهكدا وووو ايا هو علابالو بلي ولاو ليه كاخر حل باش مايفوتهاش الوقت ايا صدقوني رفض وبقا في كلنتو قالهم كي ندي وحدة تدني عن قناعة مش نسحق وحدة في ايتساع ماتحوسش عليا في الشدة تجي ليا

[lمنال]

اختي هاذه مرحلة وتفوت وانصحك ان تقبلي اذا خطبك واحد في المستوى اللي انتي تحوسي عليه المهم حذاري تتصلي بيه طيحي من كرامتك مادام الله ما كتبهولكش تاكدي ان الله امخبيلك خير منو وبالاك الجي النهار وتضحكي على روحك وتقولي كيف كنت تفكرين صدقيني المهم ديري ثيقتك بالله وتشوفي كيفاش يعطيك الخير
على فكرة انقلك امحي النومرو انتاعو من الموبايل انتاعك هكا كي يوسوسلك الشيطان تلقاي روحك ما عندكش باش تتصلي بيه هكا باش تتغلبي على نفسك
اختي راني حاسة بيك مي شوفي حياتك وانا واثقة بالله انه يخبئ لك الخير كوني مراة قوية ;)

[أمل94]

اختي انتي محبيتيهش لكان حبيتيه راكي قبلتي بيه بفارغ الصبر امالا علا واش راكي نادمة نظن هذ الشعور يجي مالانا نية وحب التملك والسيطرة علا الامور لا غير