رفضته وندمت

[مشكلتي]

السلام عليكم ان شاء الله تكونو كامل بخير
عندي حاجة محيرتني ومخليتني مانرقدش الليل لكن قبل مانحكيهالكم نعرفكم بروحي ...انا طفله برك عند والديا والحمد لله خطبوني ناس بزاف من بينهم ولد خالي اللي هو ناس ملاح.متربي .خدام يعني فيه كل الشروط ومام عايلتو ماشا الله مع العلم انو هو الي حب يخطبني وعايلتو ثاني كانو متمنييني لولدهم ..( ختو قاتلي بلي هادي اول مرة يقولنا اخطبولي وحدة)و صراحة والديا كانو حابيبني نقبل لانو فيه كل الشروط وثاني باش يبقي قريبة منهم لانو مايسكنش بعيد علينا .....انا رفضت من دون تخمام الاني كنت رافضة الزواج ونرفض اي 1 يجيني حتي وان كان فيه كل الشروط ...بعدها قاتلي امي نتي ماكيش نورمال اللي يجيك ترفضيه لازم ترقي ...بعد مارقيت اكتشفت بلي بيا عين علابيها الزواج ثقيل عليا ونرفض دايما ....المهم ا هو ضكا خطب وحدة شافوهالو تاع دارهم وانا ندمــــــــــــــــــــت لاني ضيعت انسان صالح والاهم من هدا انسان يخليني قريبة من والديا بحكم اني وحيدة كيما قتلكم وزيد علي هذا حسيت بلي ضيعت فرصة انو يكون عندي اخوات واخوه ...لانو عايلتو ناس هايلين ويحبوني ونحبهم كيما قتلكم
انا الان في ضيق لا يعلم به الا الله ماعرفتش واش ندير ...من جهة حابة نهدر معاه ونقولو ندمت ممكن يتغير شيء ويلا ماتغيرش نبرد قلبي ضربة وحدة ومن جهة خايفة بزاف لا نهدر خاطر واللهي ماني تاع مشاكل وماني تاع القصايص هاذو جاتني حاجة كبيرة بزاف اني نعيطلو ونهدر معاه وخايفة ندير حاجة حرام
انا بين صراعين ماقدرتش نتخذ قرار وماقدرت نحكي لحتي 1 بغيركم نتمني تنصحوني من غير تجريح فانا لم اتخد قراري بعد

[مياسم الصمت]

السلام عليكم ورحمة الله وبركاته

طيب أختي دون الغوص في انك تكلميه وووو
انت قلت انك متضايقة لأنك رفضته

أوجه لك سؤال واحد
ضعي نفسك مكان الفتاة التي خطبها
كيف سيكون حالك ان تخلى عنك لأجل أخرى دون خوض في تفاصيل اكثر
...........
اتقي دعوة المظلوم فليس بينها وبين الله حجاب
وما أدراك لربما دموع هذه الفتاة وهي ترفع صوتها بالدعاء ان تركها خطيبها بسببك ستكون حائلا دون سعادة مرجوة

فارضي بما قسمه الله لك واسأليه من فضله

[naima10]

ختي إستخيري وخليها لربي
نتي ندمتي بمجرد أنك فوتي فرصة عليك ما فكرتيش في الندم أنك رايحة تدي دنوب طفلة ما غلطتش في حقك
إدا حبيتي تبرري موقفك أشرحي لختو أنك كنتي رافضة الزواج برك بلاما تحكي معاه ويكون الشيطان ثالثكم
ربي يسهلك ويفرحك ويعوضك إن شاء الله

[toulay]

سلام عليكم
attention تروح تعيطلو وتهدر معاه درك c'est bon راهو مرتبط ادعي ربي يهنيه وخلاص من حقو يشوف حياتو
وربي يعوضك ان شاء الله
مكانش مكتوب الله غالب
اختي متبنيش السعادة تاعك على التعاسة تاع الطفلة مسكينة خليها فرحانة وربي يتمملها بالخير ان شاء الله
وانت ان شاء الله يجيك مكتوبك اصبر وخلاص
بالتوفيق

[thorpe]

السلام عليكم
طاح الفاس فالراس اختي خصوصا انو الرفض علم به الاهل من كل عائلة
يعني كون رفضتيه بينك بينو ممكن يكون كاين امل
لكن وبكل صدق طيحة كبيرة ترفض الرجل فتاة بعلم اهله
شخصيا من لا ولن اقبلها ما حييت حتى وان كانت حبي الاول والاخير ولي معها قصة الف ليلة وليلة لن اعيد الكرة
ربي يرزقك من جهة خلاف
سلام

[عاشق القلم]

اكيد خير لك في رفضك استغفري ربك و اكثري من الاستغفار والسلام

[SIVANA]

..................................................

[لمسة ابداع]

لعاد من مكتوبك راح يرجعلك
و لا عاد مش من مكتوبك خيرو في غيرو
الخيرة فيما اختاره الله

[ام رضوان]

السلام عليكم
يابنتي سلمي امرك لله .
وراكي تدي غير مكتوبك
عند الحق في واش قلتي بصح فات الحال وما تظلميش الخطيبة
وادعي ربي يطيب خاطرك ويكتبلك الخير
ولي عالمو ربي سبحانو احنا ما نعلموهش.
ربي يهنيك ويرزقك بالزوج الصالح امييييبيييين.

[ahlam t]

ديري في بالك حاجة اختي لن يصيبنا الا ما كتب الله لنا
هادي الحاجة الوحيدة لي تخفف علييييييييييييييييييييييييييييييك

[كلنا راحلون]

المنطق ينصف عقلك رفضتيه وهادا حقك تقدم لفتاة اخرى وخطبها ... ندمتي وبغيتيه يبطل ويفسخ خطبة ويرجعلك هل دخلت عقلك اتمن وزنها بعقل لا بقلب

كل انسان يدي لي كتبه الله

[أمل94]

اختي اصرفي نظرك عن هذا الشاب فما فات لن يرجع ابدا هذا الشاب اتخذ حياته وانت لازلت تفكرين فيه إياك ان تخرجي كلمة من شفاهك اليه لانك تخسرين سمعتك وكرامتك ان رفضك وتخسرين دموع الولية وذنوبها ان رجع اليك فاحذري امامك خياران احلامها مر وان اردت حياة هنيئة وسعيدة عليك بصرف نضرك عنه وبناء حياة جديدة بعيدة عن هذ الشاب اتمنا ان يسدد الله خطاك ويرزقك الزوج الصالح

[mohamedfon]

أختي الإستخارة هي الحل
لا تندمي على مافاتك
الله يحرمنا من الجميل ليرزقنا الأجمل

[هدآية]

لعل في ذلك خيرا
اختي ارضاي باللي صار
و بعديه
ولا كان كاتبلك .. بلا ما تحسي يرجع ليك

[نور لاتراه]

السلام عليكم
أعيدي السيناريو وافترضي ان هناك سببا آخر دعى للرفض
ستكون نفس الحالة وتستعملين لو مرارا وتكرارا
ولو من الشيطان ووسوسته
واذا كان السبب حسبك هو العين ,فالحل موجود داومي على التحصين بالادعية والاذكار وبذلك
تتخلصين من تلك الاحتمالات
رزقكِ الله من حيث لاتحتسبين

[AMINA.Z]

راكي تحكي من نيتك صح !!!!!
كيفاه تروحي تحكي مع واحد باه يبطل على خطيبتو !!!!
قمة الانانية
و الاخطر ...قادرة تدخلي في حكم الذي يفرق بين الرجل و زوجته
استغفري ربي و ادعيه يرزقك بولد الحلال و خلي الناس يعيشو مهنيين.

[إسلام الفاروق]

انت رفضتيه و اخرى قبلت بيه
ربي يسعد ياماتو ويريح بالو مع خطيبتو
ربما ماشي مكتوبة لانك ترينها عبارة عن صفقة تجارية دارهم قريبة يوالو عندي اخوات الخ
مرة الجاية كي يجي يخطبك واحد شوفي ادا هو راه قابل بيك اولا و علاش شاف فيك بعدها ركزي عليه
سلام

[سجل أنا جزائري]

ما كان لك لن يكون لغيرك و ما كان لغيرك لا يكون لك

هذا لم يكون مكتوبك بغض النظر عن الأسباب فرفضك له ما هو الا سبب لي يبتعد عنك

و حذاري ان تبدي ندمك او تتمني ان يرجع لك لأحد اولا لا أعتقذ راج يرجعلك و خاصة ان رفضتيه انتي و هو من عائلة ثانية

اذا كان عندو شعور نحوك و يسمع بك سوف يدخل في دوامة هل يبقى مع خطيبتو او يفسخ حتى و لو رجع لك سوف لن ينسى لك رفضك له حتى و لو كانت هناك أعذار

مرة جاية اذا جاك يخطبك أي أحد و لو ما تخميش في زوج ولا مكيش حابة اول شيء صلي استخارة و أقدمي على ما تردين بإذن الله لن تندمي أبدا لأن الله هو من يختار لك

[عثمان الجزائري.]

أختاه طغى عليك الشيطان، لا تدعيه يجرك لشعور هو أوجع و أعمق من شعورك بالندم على فقدانك هذا الخاطب فبعد إقدامك على ما قلت فستحتقرين نفسك، صديقيني آلاف الرجال يبحثون عن زوجات قد تكوني الآن أحد إختيارات الشباب لا تقدمي على شيئ قد يحتقرك به الناس....رزقك الله العفة و العفاف

[محمد جديدي التبسي]

اكيد ان رفضك له افضل فالخير فيما اختاره الله والأمور ليست كما تبدو لنا ثم ان زواج الأقارب ليس جيدا في الغالب وربما كانت لتحدث مشاكل بينك وبين عائلته وتندمين كما يحصل مع كثيرات..ربي يرزقك زوج صالح.

[samou71]

لعلها تجربة تتعلمين منها أخذ القرارات الحاسمة لان الدنيا تجارب