تعب قلبي وعقلي من التفكير

[مشكلتي]

السلام عليكم

انا امراة متزوجة عندي اختاي تكبرانني ب 10 و 11 سنة وراني حامل وقريب الد مولودي الاول ان شاء الله ادعيولي يسهلي ربي
ومن نهار تزوجت وانا على كاخلي حمل نخمم فيه ليل ونهار وندعي ربي ديما يتزوجوا خواتاتي والله فرحتي مش كاملة كي تزوجت خصوصا ان احداهن وفي وقت زواجي تطلقت من رجل اقل ما نصفه بالمخادع والسراق راني حزينة عليهم والله ملقيت مندير حابة نزوجهم لكن ما باليد حيلة زوجي معندوش معارف رجال كبار يعني صغار وانا ايضا
ةالله خصوصا انهم مبقالهمش بزاف يا يلحقوا يتزوجوا باش يجيبوا ولاد يا يتزوجوا ومكانش ولاد كل يوم نخمم واش ندير قلت نولي منرقدش نقوم الليل ونطلب ربي يرزقهم عاجلا بما تقر عينهم في زوج مدامني منرقدش مليح في الليل نستغله في الدعاء
وعندي طلب منكم تدعيو معايا الله يستركم راني محيرة عليهم

[اياد حياتي]

هذا امر الله يا أختي واذ عندهم حرفة في يديهم يتلاهاو بها احسن والله نعرف بنات راهم كبارات وعندهم حاجة يملاو وقتهم بيها ربي يرزقهم ويفتح عليهم

[samou71]

السلام عليكم ورحمة الله وبركاته
كان رسُولَ اللَّه صَلّى اللهُ عَلَيْهِ وسَلَّم يقُولُ عِنْد الكرْبِ : « لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ » .
"اللهم رحمتك أرجو فلا تكلني إلى نفسي طرفة عين ِ وأصلح لي شأني كله لاإله إلا أنت الله ، الله ربي لاأشرك به شيئاً"

ربي يفرج على المؤمنين والمؤمنات والمسلمين والمسلمات ان شاء الله

[toulay]

وعليكم السلام ورحمة الله تعالى وبركاته
نعم اختي ادعيلهم وربي يرزقهم ان شاء الله من واسع فضله وكرمه
هي كل شيء بالمكتوب بصح الدعاء مليح ويلعب دور كبير
ربي يرزقهم بالزوج الصالح ويسترهم امين يارب العالمين
بالتوفيق

[غريب في الأنام]

وعليكم السلام ورحمة الله وبركاته

قلت نولي منرقدش نقوم الليل ونطلب ربي يرزقهم عاجلا بما تقر عينهم في زوج مدامني منرقدش مليح في الليل نستغله في الدعاء
وعندي طلب منكم تدعيو معايا الله يستركم راني محيرة عليهم

هذا عين الصواب
الدعاء الدعاء فالله ولي من تولاه ودعاء
قال تعالى ( وقال ربكم ادعوني أستجب لكم ) ولا تيأسي و تتعجلي الأمر
فالله قدر المقادير وكتب ما هو كائن إلى يوم القيامة
( ومن يتق الله يجعل له مخرجا ويرزقه من حيث لا يحتسب )
فلتتق الله أخواتك وليتمسكن بحبل الله المتين فإنه من تمسك به لم يضيعه الله
بل وعده بالفرج والحفظ والمخرج من كل ما يكعر صفو الحياة مهما كانت أسبابه ومسبباته

نسأل الله أن يفرج عليهما ويرزقهما الأزواج الصاليحين الذين يحفظونهما ويقيمون معهما البيوت السعيدة هو ولي ذلك ومولاه.

[جلنار dz]

ربي يفرج عليهم ويرزقهم الزوج الصالح اامييييين

[AMINA.Z]

مي تفكيرك غالط اختي ...لاه اللي ما تتزوج ضاعت حياتها و الا خسرت خسارة كبيرة !!!!!
كلشي بالمكتوب ...ان شاء الله ربي بفرحهم و ما كالاه تزيدو عليهم و تقولولهم رانا نجريو على جالكم باه نزوجوكم !!! راعيو شعورهم شوي
بالتوفيق