هده بعض صفاته 2

[مشكلتي]

سلام
علابالي رح تقولولي انتي ماكش فاهمة روحك و صح راني كون جيت فاهمة منسالش اول مرة نحس روحي مدبدبة هكدا
انا هدا خطيبي و الله ما نحبو و عندي عادي نفسخ لكن خايفة نندم
هو من جهة فيه هادوك الصفات لي حكيت عليهم قبل

http://www.djelfa.info/vb/showthread.php?t=1921235

و من جهة اخرى عايلتو ناس ملاح و فاميلتو معروفة و خواتاتو متربيين
مرتاح ماديا عندو بيت و سيارة وراتب مستقر
و الاهم انو معندوش علاقات من قبل ===متاكدة منها===== و علابالي جامي يجي نهار و يخوني خاطيه حكايات النسا و الفيسبوك و الانترنيت و التيليفونات ما يهتمش بيها اصلا و خاطيه الهدرة في الناس و حكايات النسا

يعني علابالي كون نزوجو جامي راح يديرلي مشكل رغم انو حياتي معاه رج تكون مملة لكنو من النوع اللي كون ما نغلطش معاه جاااامي رح تجي الغلطة من عندو حاب يجيب مرا اسمها قدام الناس تزوج يصرف عليها يقوم بواجباتو و تقوم بواجباتها يوفرلها الراحة و يجيبو ولاد و يعيشو بالقدر

راه جامي ينارفيني ولا يقيسني و في نفس الوقت جامي يضحك معايا يعني حياتنا خط مستقيم
انا في الوقت لي رانا فيه قليل وين نشوف واحد مايخونش و خاطيه التخلاط علابيها خايفة نندم عليه

هو غير الصلوات الخمس المفروضة مايزيدش يعني حتى في رمضان لا يهز المصحف لا يقرا فيه و الفجر قالي من سابع المستحيلات ننوضلو
هل راح نظلمو كون نفسخ ؟وواش نقللو ؟ و عايلتو حاشمة منهم لانهم ملاح معايا و يحبوني
على وجه ربي اقرو الموضوعين لزوج و حطوني اختكم و انصحوني

[نور لاتراه]

السلام عليكم
لا ادري الاخت صاحبة المشكلة
تنتظرين ان ياتيك احد على المقاس كما يقال جديد من المصنع
الناس بشر وكل يرتكب أخطاء وليس هناك من هو تام المواصفات إلا سيد الخلق عليه الصلاة والسلام
لو جلست مع نفسكِ وحاسبتها ستجدين ايضا سلبيات وايجابيات لكِ فانت ايضا مصنفة ضمن البشر
فالتحدي هو العيش بما منحكما الله من ايجابيات وان وفقك الله تغييرين مالا ترينه صوابا
أصلح الله حالكِ

[&ام ايوب&]

السلام عليك ختي
يعني في الحقيقة ماعرفتش واش نقولك في الموضوع الاول ذكرتي سيئاته وهنا المحاسن نتاعو
نقولك حاجة الزواج ماشي لعبة ولا عشرة يومين هادي حياة راح تعيشوها وانتي ادرى بعقليتك وقدراتك على التحمل
على كل صل استخارة
موفقة

[toulay]

وعليكم السلام ورحمة الله تعالى وبركاته
شوف يا اختي مين تحب تتزوج بشخص معناها راح تكون مقتنعة بيه واذا مشي مقتنعة وعلاش الزواج اصلا
اذا مشي عاجبك مشي محتمة تقضي على مستقبلك وتقضي على روحك
يا اختي الزواج راهو ارتباط لمدى العمر معناها راح تعيشوا تحت سقف واحد وهذا الشخص لماكان حتى احساس اتجاهو عندو حقوق عليك
اذا مشي مرتاحة طيش عليك
خايفة تندم كون تفسخ الخطبة صحا ومخايفاش تندم مين ترتبط مع انسان متحبوش مخايفاش تندم نهار تقضي على نفسك تولي تصبح وتمسي على انسان مشي حاملتو
اختي الزواج لازم يكون موافقة بين الطرفين وارتياح وانت الله غالب هذا الشيء فوق طاقتك راح تحتم على روحك بسيف
و en plus وش فيها اذا حابة تشري une voiture واش فيها اذا حابة تنجح وعندك احلام ويزيد يدير la comparaison بين زوجة اخوه لمعندهاش سيارة هذا انسان ممل بكل ماتحمله كلمة ممل من معنى
هذا انسان تهمو نظرة الناس والمجتمع وتاني منافق والعياذ بالله لانو يلعبها متدين قدام الغاشي ومبعد ينحي le masque تاع الدين مين يحب يدير حاجة لازم يخمم في ربي لانو ربي سبحانه وتعالى هو لراح يحاسبو
اختي خمم في مصلحتك وفوض امرك لله عز وجل وكونك متاكدة بلي مراحش يخيبك
معجبكش فكك منو خيرو في غيرو وكاين سياد سيادو
بالتوفيق

[AMINA.Z]

انتي دايرة الزواج حسابات ...و كانه صفقة ..تدرسي فيه .....اهم حاجة في الزواج هو الراحة النفسية و الااعجاب المتبادل
بلا هاذ الامور ...ماكش راح تقدري ترجحي القبول او الرفض .....كون كان يعجبك كرجل كنتي تغلبي الصفات الايجابية على الصفات السلبية
و الحاجة الثاتية ...كل الصفات و الطبائع اللي ذكرتيهم ..هاذو امور نسبية ..يعني دذك يبانو و بلاك مع العشرة تكتشفي امور اخرى
حتى العايلة ..درك ام ملاح من بعد قادر يتبدلو ....يعنب حاجة ماراهي ثابتة.
و الحاجة االلي لاحظتها درك .....تفكيرك يخليني نقولك انك انتي الاخرى حابة حياة زوجية كخط مستقيم ...ماحكيتيش على العواطف و ما حكيتيش واش يعنيلك تلقاي شريك حياتك بعيد على نظرة الناس و المجتمع.
انا شخصيا ارى ..زواج بدون حب ..لا معنى له ...بدون حب لن توجد تنازلات و تضحيات و لا يمكن تقبل الطرف الاخر بمحاسنه و بعيوبه.
فكري جيدا في مفهومك للزواج و ما الذي تريدينه من شريك حياتك و هل ستحبين هذا الشخص مستقبلا و هل انت معجبة به الان اصلا

[alhor72]

أختي أغلى نصيحة أقدمها لك هو أن تصلي صلاة الاستخارة بقلب حاضر وبدعاء صادق ثم اتركي الأمر لله فسيجعل الله لك مخرجا من هذا التذبذب وينير لك بصيرتك باتخاذ الرأي الصائب ...ربي يهنيك ويرزقك ما تتمنين وربي يصلح لك خطيبك ويجعله كما تتمنين طائعا لله متمسكا بدينه آمين

[faty05]

لستخيييييييبرببري

[*جزائرية مسلمة*]

السلام عليكم
ما خاب من استخار
موفقة

[محمد جديدي التبسي]

أحسن حل هزي ورقة اكتبي فيها ايجابيات وسلبيات هذا الشخص بعد ذلك قارني بينهما واللي لقيتها أكثر احكمي فيها
و:انك تريدن منا ان نقول لك تزوجي به واتهني!
تقولين الرجل بخيل جدا ويحب المظاهر وتهمه نظرة الناس له أكثر من دينه مثل قضية الخمار هذه وحدها كفيلة ان تحسمي بها قرارك!
أما اذا كنت تريدين الزواج وخلاص رجل مرتاح ماديا فلا تسأليه غدا عن مسؤولياته تجاهك وتجاه أبنائه خاصة من ناحية القيم والتربية التي سيلقنها اياهم
المجتمعات والأمم تُبنى بالعلم والعمل بالمواقف بما يحمله أفرادها من أفكار وما يطبقونه في الميدان لا أن يكون الشخص إمعة الريح اللي تجي تديه...ربي يفتح عليك.

[زبدة ذايبة]

هذا كلام فارغ ماعندو حتى معنى

انت حاملة هم الرزق. والرزق على الله

انت حاملة هم المال والحسب والنسب

هذا الراجل بالنسبة ليك عندو مغريات كثيرة هي اللي تخليك تنجذبي ليه

انت راكي حابة المال والسمعة والناس تقول تزوجت بفلان

هذا اللي يضهرلي من اضطرابك ماعندك حتى عاطفة ولا دافع للزواج بيه سوى الجوانب المادية والاجتماعية اللي يقدر يوفرهالك

عايلة هايلة دار وسيارة بالنسبة ليك ماكاش اللي تكون خير منك

وزيد أنت راكي متيقنة بلي مايخونكش ؟؟؟؟؟؟؟؟

إنسان مسلم يقول لزوجتو نحي الخمار كي تخرجي من البلاد وتكوني مثلا في العاصمة ماعليش تنحيه ؟؟؟؟؟

خيانة أكبر من هذي واش نزيدي ؟؟؟؟؟ غريب والله

وزيد قلتي يقترح علي أشياء ماقدرتيش حتى تكتبي وش هي

لكن من خلال الموضوع نظن أني فهمتمها ؟؟؟؟؟

منين جاك هذا الجزم والتأكيد على عدم الخيانة ؟؟؟

هذا خاين لعرضك ويقبل يشوفوك الرجال مع أن الله حرم عليك التعري والتكشف؟؟؟؟

وين راهي غيرتو عليك ؟؟؟؟

مايحسش ؟؟؟؟ عندو انت بحجابك ولا بلا حجاب كيفكيف؟؟؟؟؟؟

في رأيك هذا مايخونش ؟؟؟؟ مايعرفش لبنات وانت متأكدة ؟؟؟؟

بالنسبة لي باب سوء الظن والخيانة مفتوح على مصرعيه

وإذا كنت تشوفي هذ الأمور عادية انا مانلزمكش بيها

المهم واش نقولك

تخلطتلك على خاطر راكي حابة القالب اللي جا فيه هذا الخاطب وحساباتك مادية واجتماعية أكثر

معطياتو هايلة بالنسبة ليك وممتازة. لكن الدين نص نص والعاطفة تاعك من جيهتو نص نص

100% للمال والجاه والسمعة تاعو وتاع دارهم ناس لوكس بالنسبة ليك

20% للدين والأخلاق وميولك ليه

خايفة تندمي عليه كي تخليه خاصة مع الوضع الاقتصادي للشباب الجزائري بالنسبة ليك صعيب تلقاي فرصة مادية واجتماعية كيما هاذي

وانا خايفة تندمي بعد ما تتزوجي بيه.

أنا ماعندي حتى دافع ولا مصلحة في هذا الموضوع

نهدر معك كيما نفسك أو عقلك


نوريلك المساوئ والمحاسن إن كانت موجودة

وفي الأخير انت اللي تقرري وتختاري

أنا وباقي الأعضاء مجرد ناصحين وموجهين لأشياء تكون غابت عليك

الهدف من هذا أننا نساعدك بما أنك تقولي عندي مشكلة ساعدوني

ربي يوفقك ويهديك لسواء السبيل

[مواطنة]

اختي الكريمة مشكلتك فيها جزءان مهمان
الاول يحمل جوهر خطيبي لا يعجيني و محبط ولا يجعلني مرتاحة نفسيا و ليس ما تمنيته لنفسي و مبادئي
الثانيي خطيبي يحمل مظهرا لا ترفضه اي فتاة و يعجبني و يريحني و ما تمنيته لنفسي و الناس يعجبهم
اذا حبيتي النفسية تاعك تستقر و ترتاحي خيري الجوهر اولا لان الراجل اذا كان مربي و عندو كلمتو نقدر نقولك بلي تفرحي معاه وتتجاوزي الكثير من الظروف المادية لي تكون
ادا حبيتي تستقري مظهريا و متندميش عليه لان عائلتو ناس ملاح مليح يكونو ملاح لكن مفهمتش علاه غايدينك مكاش هدي العاطفة لي تخليك توافقي هدا خطئ
حبيت نسقسيك يا اختي وان شاء الله نلقى الاجابة
من المشاكل الزوجية هل مررت بزوجة تشتكي من فقر زوجها المتدين الصالح المتربي يعني هل ترين هذه الشكاوى بصورة كبيرة و مثل هده المشاكل تؤدي لحل الرابطة؟؟؟؟
تخسري خطيب ينافق خير او تخسري فرصة اخرى للزواج بزوج صالح خير

[fettouha]

المشكل الوحيد الذي قد ينغص حياتك هو البخل ان كان فعلا بخيل وما يحبكش تخدمي ولا تكون عندك سيارة يعني كيف يحسدوك الناس عليه
او ربما اسات الظن به وهو ليس بخيل وانما يتقشف باش يدير العرس
كل شيئ يتغير وكي يكون الراجل شهم وذو اخلاق ذاك الصح
يقدر يصبح مصلي كل اوقاتو في المسجد ويلبسك ستار على الاغلب طبايعو على حسب نشاته ربما والديه كذلك ويعيش في وسط يلام الرجل ان اذا قصر هكذا الرجل الشرقي
واذا كان مرتاح ماديا وعندو سيارة عادي يديك هو وتقعدي في البيت تربي اولادك
احلامك جسديها في اولادك في المستقبل او ليس من حق الرجل زوجة تصونو وتربي اجيال
وقد تغيري حياتك وتشتري سيارة وطموحات وتلقاي ناس تعرقلك صبح مساء ناس ما تستهلش حتى ان تصبحي عليهم همهم المال وغيره

[أم عروة]

قال رسول الله صلى الله عليه وسلم:

((إذا أتاكم من ترضون دينه وخلقه فزوجوه))

هذا الحديث كفيل بأن تقرري يا عزيزتي،، ان رأيت فيه صلاحا في دينه وخلقه فتزوجيه
وإلا فابتعدي عنه عزيزتي ولا تغرنك المظاهر، فالأقنعة سيأتي يوما وتُنزع أما التربية الصالحة والخلق الحسن والتدين الصحيح والخوف من الله فمهما هبت رياح الحياة لا تتزعزع أبدا

أعيدي قراءة الأسطر التي كتبتها في موضوعيك واحكمي أ الجوهر تريدين أم المظهر؟؟؟؟!!!

موفقـــــــــــــــــــــــــة

[mrmilano1984]

ياو خلاص ماتحبيهش اخطيه بلاك حتي هو مايحبكش ون تعرفي نتي

[mrmilano1984]

انتي دايرة الزواج حسابات ...و كانه صفقة ..تدرسي فيه .....اهم حاجة في الزواج هو الراحة النفسية و الااعجاب المتبادل
بلا هاذ الامور ...ماكش راح تقدري ترجحي القبول او الرفض .....كون كان يعجبك كرجل كنتي تغلبي الصفات الايجابية على الصفات السلبية
و الحاجة الثاتية ...كل الصفات و الطبائع اللي ذكرتيهم ..هاذو امور نسبية ..يعني دذك يبانو و بلاك مع العشرة تكتشفي امور اخرى
حتى العايلة ..درك ام ملاح من بعد قادر يتبدلو ....يعنب حاجة ماراهي ثابتة.
و الحاجة االلي لاحظتها درك .....تفكيرك يخليني نقولك انك انتي الاخرى حابة حياة زوجية كخط مستقيم ...ماحكيتيش على العواطف و ما حكيتيش واش يعنيلك تلقاي شريك حياتك بعيد على نظرة الناس و المجتمع.
انا شخصيا ارى ..زواج بدون حب ..لا معنى له ...بدون حب لن توجد تنازلات و تضحيات و لا يمكن تقبل الطرف الاخر بمحاسنه و بعيوبه.
فكري جيدا في مفهومك للزواج و ما الذي تريدينه من شريك حياتك و هل ستحبين هذا الشخص مستقبلا و هل انت معجبة به الان اصلا
وهل نتي راكي تشوفي لي متزوجين في الجزائر كامل توجو وهام متحابين اكيد لا يعني نتي في ميزك وفهامتك يعني كاين بزاف بزاف لي مزوجين ومش متحابين باينة بصح عايشين نورمال وكاين لي هايشين وفي حب وخمي وتايوان قليل بزاف بزاف لي متزوج عن حب او تحابو صح صح من قلب مش نفاق او مصالح

[..بسمة أمل ..]

السلام عليكم اختي

انا قريت المواضيع في 2

وحرت واش نقلك شوفي هو

مكانش انسان فوق لارض ويكون

كامل مكمل الكمال لله عز وجل

كل انسان فيه عيوب

منكذبش عليك انا هاذ الشخص

معجبنيش في حاجة وحدة كي

قالك كي تخرجي من ولايتي

نحي لخمار? ??????

اما على حكايت انو قدام الناس

ميشوفش فيك بلاك راه من نوع

لي يحترم الناس و يحشم منهم

انا في هذي عجبني

وزيد نقلك حاجة الراجل كي يتزوج

اذا كانت مرتو شاطرة تقدر تبدلو

عقليتو وتحاول تصلحو الراجل بعد

الزواج يتبدل 180 درجة

انا من رايي اتكلي على ربي

وكملي معاه بلاك راه ربي

شافلك فيه الخير انتي زيدي

صلي و راه ربي هو لي يخيرلك

اما على الصلاة احمدي ربي

لي لقيتيه يصلي والله يا اختي

في هاذ الوقت كاين لي ميصليش

ابداااا وميخافش ربي

هذا مجرد رأي واكيد الكلمة

الاخيرة تبقى ليك

[om_hadil]

انت تبحثين عن سبب مقنع لإنهاء هاته العلاقة .... إذن انهيها

لكن فقط لديا استفسار هل انت من المواضبين على الصلاة و قراءة القران يوميا ؟؟؟ هل تقومين الليل ؟؟؟ هل تصومين الخميس و الاثنين ؟؟؟

[ramzi-messi]

انا عجبتني هاديك لي قاليها كي نخرجو من ولايتنا لوكان تبغي تنحي الخمار نحيه

ههههههههههههههههههههههههههههههههههههههه

الخمار دارو باباك يا الحلفوف

اخطيك منو هادا مخنث

[mrmilano1984]

بخصوص الحجاب الله يهديه تاع الصح الصح هدا غريب جدا في نفسيتو

[غزلانْ]

و مادا عن صفاتك ??

مقارنة بصفاته ....