الخطيبة والبيت الخاص

[مشكلتي]

السلام عليكم

لي خطيبة قد تخاصمت معها في مشكلة وهي المنزل المستقل ، حيث تحدثت معها وقلت لها ان والدتي واختي سيكونان معي في بيتنا الجديد وهي لم تتقبل الامر .. لم تتقبل أن يشاركها احد في ذلك البيت. حيث قالت اما أنا او امك واختك ... وحججها تقول انها تريد بيت خاص بها تكون حرة فيه ... على الرغم أن والدتي واختي فضلو البقاء مع اخي الاكبر في بيت العائلة

ماذا أفعل هل أفسخ خطوبتي بسبب كلامها وعدم تقبلها هذا الامر ؟

[AMINA.Z]

لو كانت امك او اختك بمفردهما ....لقلنا لك ان الخطيبة مخطئة
لكن اذا كان بينكما عند الخطبة شرط السكن المستقل
فهو حقها و انت المخطئ

[thorpe]

نصيحة من اخ يريد لك الخير

كاين بنات اصل يسعدو بسعادة ازواجن مهما كانت
وبما ان سعادتك تكتمل بوجود امك الغالية الله يحفظهالك ويباركلك فيها واختك الى جانبك
وهي ليست راضية
امك لن تستطيع تعويضها
اختك لن تجدها مرة ثانية
لكن الزوجات راهم بالمايين

خليها تبور ولا تتزوج غيرك
كاين يا خويا بنات الناس
والله نحير

فعلا شر البلية ما يضحك

[Zaki Dilmi]

علاش يا خو فيكتوريا امراة بيكهام و مطلبتش دار وحدها

هدي هدرة تهدرها تقولك يا انا يا امك و لا اختك

سبحان الله ربي يهدي ماخلق

[الرميصاءْ]

هذي انسانة مافيهاش الخير خليك منها وقلها روحي ازوجي واحد ما عندو ش الاهل

[ايمان نور الجزائر]

لا تفسخ الخطوبة يا اخي بل تريث قليلا
واعد النظر غيما اتفقتما عليه اولا ان كان بيت لكما فقط ام انك غيرت رأبك
وايضا من حقها هي بيت مستقل ترتاح فيه وتدي راحتها وتبعد عن المشاكل
لكن ماليس لها حق فيه هو التخيير بينها وبين الام والاخت فهو امر غير مقبول
الله يهديها
تحاورا في الموضوع وصفو الامور بينكم وربي يفرج

[نورسين سوف]

مش من حقها ترفض امك واختك هذي اهانة كبيييرة ليك

[ام حسن ضياء]

اولا قلت بان لديك اخ اكبر وعندكم بيت عائلة اذا لماذا تريد اخذ اختك وامك معك؟؟؟اتفق معك في اخذهما معك في حالة واحدة هو انه لا يوجد اين تذهبان يعني انت الابن الوحيد هنا راني معك في الراي
ثانيا هاذية الخطيبة هل انت معها منذ مدة يعني باين اتفقتوا على كلش وفي الاخير لم تتفقوا على السكن؟هاذي المشكلة تنحل بالعقل وبالتفاهم وانت قلت بلي امك واختك قبلوا يسكنوا مع اخوك الاكبر خلاص من هنا تحلت اما خهي خيرتك بين امك واختك صح محقهاش هاذي مش هدرة وقالتها ممكن على غضب انت ايها الاخ الادى بحالك مع خطيبتك بصح حط خاجة في بالك بلي الرسول صل الله عليه وسلم احق للزوجة بمسكن مستقل وحدها يعني من حقها خاصة انو ربي ميسرلك سكن ونقولك بلي عندك الحق في خالة انو معندكش وفي هاذي الحلة تقبل بيك تسكن معاك الخطيبة
اخير حنا مع خوتاتنا ونتشاجروا ومع امهاتنا ساعة نتفاهمو ساعة لا فما بالك امك واختك وزوجتك في البيت والله تعود هارب بقشك فاستخر الله اولا ثم حل الامر مع خطيبتك بالروية وان شاء الله خير

[كلنا راحلون]

ياليت زت وضحت اكثر
ماذا أفعل هل أفسخ خطوبتي بسبب كلامها وعدم تقبلها هذا الامر ؟
نتا تعرف مشكل اكثر ادا كنتو متفاهمين مقبل سكن مستقل ودخلت والدة فمشكل من والدة
وادا كنتو متفاهمين مقبل سكن مستقل وفيها عايلتك ودخلت زوجتك مستقبلية فمشكل عند اخيرة.

وادا تم زواج وسكنو كل فسقف واحد ودخلت ام زوجتك واختها
ادا عمرك30سنة يصبح 50سنة ومعاها شيب
ادا مازوجت عمرك30سنة يصبح20سنة وشعر اسود لا تخمام

الله يسهل................

[هدآية]

اولا يجب ان نعلم ماذا اتفقت معها
ربما كنت وعدتها ببيت خاص ثم تراجعت
في هذه الحالة .. من المنطقي ان ترفض و
و تحاول اقناعك بكل الطرق
لان الفكرة رسخت في ذهنها
و جهزت نفسها على هذا الاساس

اما ان كنت لم تتفق معها على السكن الخاص سابقا
فليس من حقها الرفض

في كل الاحوال حاول اقناعها
و لو كانت متمسكة بك ستقبل اكيد
تحاور معها و لا تتعجل

[أمل94]

يا اخي كل فتاة على وجه الارض بدون استثناء تحب تعيش مع زوجها وحدهما ولا احد يضايقهما لكن من لديها الجراة الكافية انها تشترط هذ الشي ماهي الا فتاة جريئة نزعت قناع الحياء عن وجهها هذا رايي والله اعلم وللعلم انني ايضا فتاة مخطوبة وخطيبي اعلمني انه لن يستقل ببيته فوافقت وتبسمت وقلبي مهوش مهني كيم يقولو لكن لازم منقدر نقولو لالا او نبين له تضجري ارى في هذا عيب والله اعلم

[إسلام الفاروق]

امك ثم امك ثم امك حتى لو بقيت عازب طول حياتك حتى لو كان لك اخ اكبر يرعاه امك اياك ان تترك كل هذا الخير لاخيك
اتركها حتى لو غيرت رايها و قبلت في الملايين مم النساء تتمناك زوجا فلا تتعلق بشخص يبعدك عن اهلك
سلام

[ام رضوان]

السلام عليكم
اخي المثل يقول حرش نابك الناس تهابك
يااخي هذه الخطيبة اللي قدرت ترفض امك وهي مازال مادخلتش لعندك
كي تتزوجها وتضني معاك واااااااش رايحة تشرط
يا اخي كون توافق وتتنازل على امك راه يجي نهار اللي تشرط عليك وتتصرف عليك وتعود تحددلك الساعة اللي تدخل فيها الدار
امالا قولها يابنت لحلال خيرتيني بين امي واختي وانت وانا راني خيرت جنتي
وصلاة والسلام على رسول الله.

[متعلم انجليزي]

اولا قلت بان لديك اخ اكبر وعندكم بيت عائلة اذا لماذا تريد اخذ اختك وامك معك؟؟؟اتفق معك في اخذهما معك في حالة واحدة هو انه لا يوجد اين تذهبان يعني انت الابن الوحيد هنا راني معك في الراي
ثانيا هاذية الخطيبة هل انت معها منذ مدة يعني باين اتفقتوا على كلش وفي الاخير لم تتفقوا على السكن؟هاذي المشكلة تنحل بالعقل وبالتفاهم وانت قلت بلي امك واختك قبلوا يسكنوا مع اخوك الاكبر خلاص من هنا تحلت اما خهي خيرتك بين امك واختك صح محقهاش هاذي مش هدرة وقالتها ممكن على غضب انت ايها الاخ الادى بحالك مع خطيبتك بصح حط خاجة في بالك بلي الرسول صل الله عليه وسلم احق للزوجة بمسكن مستقل وحدها يعني من حقها خاصة انو ربي ميسرلك سكن ونقولك بلي عندك الحق في خالة انو معندكش وفي هاذي الحلة تقبل بيك تسكن معاك الخطيبة
اخير حنا مع خوتاتنا ونتشاجروا ومع امهاتنا ساعة نتفاهمو ساعة لا فما بالك امك واختك وزوجتك في البيت والله تعود هارب بقشك فاستخر الله اولا ثم حل الامر مع خطيبتك بالروية وان شاء الله خير
السلام عليكم
اختي اريد حديث نبوي عن ذلك

[عين الصقر]

اولا شوف على واش تفاهمتو النهار الأول ؟ هل تفاهمتو على اللسكن لوحدكما

ثانيا البنات الكل اليوم يحبو مسكن مستقل مافيها والو وان شاء الله يديروه بالنية والبركة
ولكن توصل تقول خير بيني وبين امك فهذي يا اما ما تحشمش يا اما صغيرة في السن
واذا قدر الله واردت اكمال الزواج اشترط عليها ايضا وقلها مانقبلش امك تزورك وشوف ردة فعلها

[نورسين.داية]

يوم خطبتها ماذا كان إتفاقك مع والدها ؟؟؟؟؟؟؟؟؟؟؟؟؟؟؟

[قدور بن عاشور]

شوف يا أخي،
عادة المرأة لا تخرج قرونها إلا بعد الزواج و بعضهن تؤجله إلى ما بعد الإنجاب، أما خطيبتك راهي دايرة القرون حتى و هي ليست في عصمتك بل تهددك إما هي أو أهلك.
و لك أن تتخيل كيف ستكون بعد الزواج.
و إذا خذيتلها الراي الآن فلست برجل و ستركب ظهرك، و ستعيش مركوبا ذليلا طول حياتك.
لذا أهرب منها هروبك من الأسد الجائع و لا تلتفت وراءك، عندك حياة واحدة لا تضيعها معها.

[سحابة مسافرة]

الام و الاخت تاعك راهم ساكنين في دار العيلة معناها امك تسكن في دارها ...علاه تخلي دارها و تجي تسكن معاك ؟؟ و انت علاه حاب تديهم معاك ؟؟ حتى و او انو امك عاندها مشاكل مع زوجة اخوك الاكبر مثلا الاخ نتاعك و امرتو هوما لي يخلو الدار رتهي دار العيلة مش نتاعهم ؟؟
و الله يا اخي هاد الخطيبة اذا متفاهمتش معاها افسخ الخطبة و شوف اخرى و من النهار الاول اشرط الام و الاخت معاك

[محمد جديدي التبسي]

لازم تشوف لاخلاق هذه الخطيبة من كل النواحي هل هي الزوجة الصالحة التي كنت تحلم بها؟ يعني عاقلة رزينة واعية بالزواج متفقهة شوي في دينها تذكرك بالله وتراعي الحلال والحرام في حياتها وكلامها معك ام هي جريئة عدائية تحب تفرض شخصيتها وآرائها على الرجل... اما ان تحكم عليها من هذا التصرف فقط فلا ينبغي والله أعلم خاصة وان لديك سكن خاص ما شاء الله ووالدتك تفضل البقاء مع أخيك الأكبر لذلك ستجد راحتك في بيتك وتبتعد عن مشاكل النساء وحساسيتهم من بعض...ربي يفتح عليك

[كاميلا]

دركا قلت امي واختي ساكنين مع اخي يعني كاين دار العيلة
من جهة اظن انك اتفقت على مسكن خاص ومن بعد درت في هدرتك والمسلمون على شروطهم علاش تحبوا تتمسخروا قال من الاول مسكن خاص بصح ندي امي واختي تلفو ودوروا وان كان عندك تبرير ممكن تزيد تحط موضوع اخر تفهما فيه خاطر ادا انت اللي غيرت رايك تسما انت اللي غالط مالقري هي تاني غلطت كي خيرتك او كي قالت ديك العبارة بالاك راهي صغيرة في السن

بصح اذا امك واختك ساكنين في دار باباك ومعاهم اخوك وكي رح تزوج نفحتلهم يجيو عندك تسما هاذي مكرة في هاد العروسة الجديدو كي شرطت دارها وحدها امالا نعتولها الزنباع وين يتباع نحرشوه شوي باش يبطل عليها وهي طاحت في الفخة هههههه
اما يوجد احتمال اخر كاين مشاكل بين امك واختك في دار اللي ساكن فيها اخوك يعني الزرد والعراس قايمة من قبل فهنا خوك اللي يخرج من الدار خاطر دار العجوزة ويدي مرته مش تروح من دارها
بالمختصر مشكلتك لازم توضحها اكثر باش نفيدوك