تسجيل الدخول

مشاهدة النسخة كاملة : سؤال جد مستعجل من فضلكم

*ام ملاك*
2016-02-01, 18:46
السلام هعليكم
من فضلكم اخواتي اجيبوني
بنتي السمانة لي فاتت حكمتها السعلة ونزلة برد ديتها لطبيب مدلها اوغمونتين زوج وحدة قبل مانديرلها الماء طيحتهالي كسرتها وديما الطبيب يمدلها زج مع بعضاهم كي تكسرت انا الحق ستهزيت قلت مانزيدش نشريلها وزدت سمعت بلي هادو المضادات الحيوية ميش ملاح لانو هدا المرض سببو فيروس ميش ميكروب
دك كي خلاصلها ولات تطلعلها السخانة هل ممكن السبب لاني شربتلها قارورة وحدة والله راني في حيرة من اامري كي ان قاوي عليها الحال مادارتلهاش الحمى وكي خفت عليها السعلة شوي ونيفها بدى يتفتح ولات تطلعلها الحمى كيما اليوم 3 مرات ونا نديرلها ليسيبو
وشكرااا
** أبو أسيد **
2016-02-01, 19:15
تأخدينها مجددا الى الطبيب ليصف لك مضاد حيوي أقوى من الأول ( جوساسين كمثال ) لاحتمال حدوث مقاومة بالنسبة للأول لانقطاع العلاج

عجل الله شفائها ..
lilii7179
2016-02-02, 09:41
في الحقيقة راكي غلطتي خاطر المضادات الحيوية هاذو لازم تدي الجرعة كاملة و الا رايح الجسم يولي يدير une résistance يوليو المضادات الحيوية ما يحكموش فيها و ما يديروش مفعول. و ما دام رجعت الحمى نصيحتي ارجعي للطبيب و اشرحيلو واش صرا باش يعرف واش يمدلها. ربي يجيب الشفا
متمنية
2016-02-02, 11:02
عاودى رجعيها للطبيبها فى هاد الحالة نظة يعطيها يبارى باش ماتعاودش ترجعلها
وفاء الياسمين
2016-02-02, 11:04
شوفي أولا كاين دكتورة صديقتي قالتلي بلي حضرة ندوة للطب قالو فيها بلي أوقمونتان مانفعش الأطفال و بدوه بدواء آخر

و ثانيا المظادات الحيوية لازم تكمليها حتى ولو تكوني بريتي باش تقي الجسم من معاودة المرض

ثالثا حوسي على السبب الرئيسي للحمى

اذا صغيرة شوفيلها سنيها بالاك راهم يوجعو فيها

ممكن وذنيها يديرو الحمى

شوفي اكرمك الله لما تخرج البراز مالونه اذا كان اخضر يعني عندها برد

كيما يقولو دخلها الريح لكرشها

ممكن أيضا ديدان البطن يدريؤو كلش

اللوزتين اذا منفخين وماتحبش تاكل


و المفيد كله اديها عند طبيب آخر واذا تقدري تديها للمستشفى أحسن فيه بروفيسورات احسن من طبيب عام
*سيرين نور عيني *
2016-02-02, 11:12
ماعنديش فكرة بصح حبيت ننصحك اذا عندكم طبيب عام و قديم ويعرف للذراري اديهالو
انا بنتي كنت نديها للبيدياتغ ماتبراش حتى وراولي طبيب قديييييم نديهيلو تمتم تبرا
ربي يشفيهالك يارب
*ام ملاك*
2016-02-02, 11:33
بارك الله فيكم
السبب راه صدرها ونيفها كي تسعل ماتخرجشوش كامل تخليه لداخل راه معمر حتى تعود تنهج
جوهرة الغرب.
2016-02-02, 11:34
نصيحتي لك مثل الاخوات احنا مانقدروش نفيدوگ لانو الحمى عندها عدة اسباب من الافضل رديها للطبيب وماتخليش السخانة تطلعلها قابليها بالمسكنات والضمادات على الراس واعطيها الماء ...وربي يشفيهالك
✿ همــس الزهـــور ✿ ツ
2016-02-02, 12:01
ربي يشفيها رجعيها للطبيب اخر وان شاء الله
سر التقى
2016-02-02, 12:30
رجعيها للطبيب ربي يشفيها
أم ياسين الزهراء
2016-02-02, 13:43
باين حنونة الدواء مامدش مفعولو لانك مامديتلهاش الجرعات الازمة الافضل رجعيها للطبيب ويمدلك البديل

انا اغمونتن نفخلي الكبدة تاع وليدي كيشربو ومكتوب فيه ينفخ الكبدة في بعض الحالات الله يشافيها
نسيم الإيمان
2016-02-02, 14:53
ربي يشفيها مينوشة ماعنديش فكرة
،،ايمان،،
2016-02-02, 15:12
لازم تكملي القرعتين في زوج

انا تانيك هاد اليامات برك طيحولي قرعة و هي فنص و شريت وحدة جديدة و حسبت و شربتلها

و متنسيش بلي مضادات هادو يبقوغير سبع ايام و ترميهم و لازم تفرميهم تم تم سينو يفسدو و لازملهم درجة حرارة منخفظة و يتشربو في نفس الوقت بيناتهم ست ساعات

ربي يشافيها الحمى كون شربتيها الجيفان احسن سيبو قليل لي عاد يمدهم

و ادا راهي تكح ديريلها غير زيت الضرو مع العسل يشافي باذن الله عجب انا راني مخلوعة فيه درتو لولدي
*ام ملاك*
2016-02-02, 15:39
بارك الله فيك اختي ايمان والله عندي الجيفان ودوليبران قلت بلاك دوليبران احسن اصلا مداقهم كيفكيف فراز
*ام ملاك*
2016-02-02, 15:40
باين حنونة الدواء مامدش مفعولو لانك مامديتلهاش الجرعات الازمة الافضل رجعيها للطبيب ويمدلك البديل

انا اغمونتن نفخلي الكبدة تاع وليدي كيشربو ومكتوب فيه ينفخ الكبدة في بعض الحالات الله يشافيها
شكراااا حبيبتي
ربي يشافيه ويعافيه ان شاء الله
ام عبد الواحد 2016
2016-02-02, 19:35
انا مع من نصحوكى باعادتها الى الطبيب

مرة اخرى عليك احترام جرعات المضادات الحيوية امر مهم جدا جدا جدا عدد الجرعات و عدد ايام العلاج