تسجيل الدخول

مشاهدة النسخة كاملة : استفسار اعوان شبيهين

sharing_server
2016-02-01, 10:00
هل تخصص لغة انجليزية مقبول في منصب ترجمان ؟؟؟
sharing_server
2016-02-01, 22:46
لا استطيع احتلال شعب يقرا ويروح من دون رد
mohamedmallem
2016-02-02, 17:09
خويا روح و سقسي علي العلم انهم هوما و ماراهمش فاهمين
----الاحد وصلت على 9 قالي روطار ولي غدوا
----الاثنين وصلت على 07:30 قالولي دوسي تاعك ناقص ايا زعما هوما فور عطاووني واش نجبد
*نسخة طبق الاصل الديبلوم
*نسخة طبق الاصل الخدمة الوطنية
*نسخة طبق الاصل بطاقة التعريف
*السوابق العدلية
* 02 صور
*شهادة الاقامة
*بطاقة معلومات
الثلاثاء:
هذي اليوم 07:00 كنت التم انت دورك تقول فراها......
والله غير عياوني عيط لجماعة وحنا قاللنا روحو لخميس وليو.
ومعى العلم الدوسي لي قالولي جيبو ناقص
والله لوكان كنت مادامت لوكان راني فريته لخاطش تشوف بعينك ديفيرونس بين الطفلة والطفل.
المهم انا حبيت انفرغ قلب و سمحلي و الجواب على السؤال تاعك الله اعلم .
روح سقسي.
سجّل أنا جزائري
2016-02-02, 21:59
يا اخي ما تفشلش لازم تكون سامط لأقصى درجة هم يتعمدون هذه التصرفات بهدف تعجيز الشباب عن دفع ملفاتهم والمشاركة في المسابقة
بالنسبة لصاحب الموضوع الله اعلم منصب ترجمان يكون بشهادة ليسانس في الترجمة
mohamedmallem
2016-02-04, 18:34
جواب للاخ سجّل أنا جزائري (http://www.djelfa.info/vb/member.php?u=283845) انا صامط على الصامط

انكملك حكايت اليوم راني رحت على 07:00 كنت اللتم صبت مجموعة تسنا انا قلت في قلبي درك يبدا بيا لخطرش مركاني و من الاحد و هو يشوف فيا انجي و نروح.

بسم الله.

هو وصل على 08:00 بدى يعيط بلليست قلت ان شاء الله ميديرهاش بيا مع العلم (عيطتلي مؤسسة بالاربعاء باش انجوز مقابلة بالخميس ورفضت ) باش ندفع PCA

المهم اسمي كان في لليست 02 وقللنا انتوما روح وارواحو على 14:00 السخانة طلعتلي لراسي .لوكان في عالم اخر تقول تاست بصح والله ما تاست هدي سوء تسسير و حب المحسوبية (تفضيل الاقارب و الاصدقاء بسبب قرابتهم و ليس كفاءتهم).
ايا استنينا ما حبيناش انروحو حتى فهم روح و دارو 02 يشدو الدوسيا .
جات دالتي ادخلت شافني قالي واش موح راك شويا مقلق قلتلو انعم قالي وعله قتلو جيت الحد و اثنين و الثلثا و لخميس وانت علبالك وامبعد تقولي علي 14:00 .
وكنت صح مقلق
قالي علبالك بلي نقدر مانقبلش الدوسيي تاعك لخاطرش قتلي راني مقلق حنا الشرطة ما نتقلقوش بديت نضحك و قتلو انت تشد الدوسي برك و علابلي ليمن ما نقولش راني مقلق لبسي ماشي ليك. ايا بدي يضحك و ويقصر وبدى يفهم فيا لالا عدنا بزاف الغاشي و هكا وهكا
اعطيتلو الدوسي خرجت من عندو حبط للبلدية كاشيت تصريح شرفي وليت دخلت لبسيكو المهم اسئلة لوجيك جاوبت الحمد لله . كي جيت خارج قلتلها ختي عندي سؤال
قالتلي انعم مكاش مشكل قتلها positive ou negative فتحتلي الدوسي وقتلي شوف كانت مقبول.
بقالي الوضيف العمومي ان شاء الله انكون مقبول ادعيولي.

هذه قصت حقيقية مستوحات من فيلم الجزائر .ههههههههه
سجّل أنا جزائري
2016-02-04, 19:27
ايا الحمد لله خويا بصحتك ...ان شاء الله في الصواب بصح بيناتنا عفسة القلقة هذي لازم تنحيها اضمن البوست ( الضامن ربي ) ومبعد اتقلق كيما تحب راك عارف الحالة صعابت وتزيد تصعاب مع الأزمة
عندي سؤال في واش دفعت قصدي وشمن منصب
samir chaumeur
2016-02-04, 20:21
ايا الحمد لله خويا بصحتك ...ان شاء الله في الصواب بصح بيناتنا عفسة القلقة هذي لازم تنحيها اضمن البوست ( الضامن ربي ) ومبعد اتقلق كيما تحب راك عارف الحالة صعابت وتزيد تصعاب مع الأزمة
عندي سؤال في واش دفعت قصدي وشمن منصب
اخطيك مالقلق هم هذا هو الهدف تاعهم باش نتا تروح ويجي صاحبو ولا فاميلتو يدفع ويعبز عليه باش ينجح راك تعرف لبلاد كيفاش دايرة
mohamedmallem
2016-02-04, 23:35
خويا كي تشوف لعوج تتقلق و هو سقساني اذا راني مقلق لخطرش عرف روحو هو الغالط .. انت تريح تسنا قدام الباب و تشوف فلان جايب وليدو وفلان يجب صاحبتو وفلان ............. والله غير هكذا يدخلو ديركت وكي تقولو هذا كيفاه يقوولك هذا جا البارح و هذا ساهل و ...و ...و. . وانا لي جاي من الاحد ....... والله والله والله لوكان شفته تمشي ريقلو نسكت و نورمال مي حرقتني . و علبلي بلي اذا كتبهالي ربي صفي ما يغلعنيش وخويا راني مجوز و شايف جوزة في عدة مناصب و الله غالب ما انجحتش لا لاني ضعيف لكن سببها العريفة نعطيك لي جوزت فيها قبل هذي عندها 8 شهر هكاك سونا الغاز عيطونا لنام انجوز كتابي جوزنا في بن عكنون كتابي بعده بسيكو
البسيكو والله غير قالتلي انت راك مكلاسي الاول في الكتابي و عندي بصح مزال المقابلة.. و تعرفت على واحد جوز معايا شديت الرقم الهاتف تاعو وكان هناك اتصال بيناتنا كانو كل مايعيطولي نعيطلو . و هو يقولي ماعيطوليش اصبر درك نعيط لوحدة ونشوف.... نهار المقابلة تلاقينا في جسر قسنطينة هو جوز قبلي و امبعد انا سمعت كل واش صرى جامي خدم البوست لي يحوسو عليه.و ....و....
المهم
-بالنسبة لي والله ما راني نشكر في روحي ما والو. و ربما كانو هناك احسن مني بصح ماشي هو لي ينجح برك.
-كتابي احسن منو
-بسيكو احسن منو
- الاسئلة خدمت في هداك البوست ونعرفو بين (مراسل اجتماعي و الراتب)
عندي خبرة اكثر منو في هذاك المنصب
اقدميت الديبلوم
معدل اليبلوم
خلاصة القول
منين داك نعيطلو كاش جديد يقولي والو بعده ب شهرين نعيطلو ما يرفدش انا شميتها ..... تلاقيت بيه في cnas شفتو قتلو واش حبيبي رانا نعيطولك و ما راكش ترفد قلي لا لا قتلو واش كاش جديد قالي راني بديت قتلو كيفاش قالي coud'pouce كي قالي هكدا بديت نضحك و رحت .

و السؤال المهم كيفاش ما تتقلقش


المنصب ملحق رئيسي للادارة
samir chaumeur
2016-02-06, 15:15
رانا كيف كيف انا تن عاونت بزاف ناس الله غالب النية...... بصح لقيت بلي هوما عندهم العرف وانا الجايح كيت تسقسيه يقولك جاي على ربي ممبعد يقولك شفت واحد ........ياخي طحين......... ...... جوزت عدة مسابقات بلا حساب ... ربي ماكتبش ... المهم ربي يكون فالعون نتا دير الخير وخليها علا ربي ....... خلاصة القول .... هاد الانسان لي زعما صاحبك باين عليه ماشي راجل.......... و منافق ....
انا دفعت عون ادارة رئيسي ...........
سلام من عند خوك البطال samir chaumeur
mohamedmallem
2016-02-06, 17:39
خاوتي سؤال
بعد التسجيل و المقابلة مع البسيكو و اش كاين.
سجّل أنا جزائري
2016-02-06, 19:07
انا قالولي نعيطولك مبعد
" العاقل "
2016-02-08, 00:26
بعد البسيكو كاين امتحان شفهي عادي
saladin2
2016-02-08, 12:06
سلام اخوتي
بما انو الحديث يدور حول المعريفة انا سراتلي الامس شيء من هدا النوع كي جيت نحط في الشرطة
انا كنت نستنا في دالتي ايا دخل واحد ومعاه واحد باين مشي نورمال ( مزطول او بالع كاشي)
ايا كي جات دالتي فوتو قبلي نظت انا وقلت للكوميسار انا راني قبلو وكيفاش يجوز قبلي واش يقولي ...........رانا نجوزو بالغراد ههههههه
قتلو هو متصرف وانا متصرف همال الاولوية المفروض لي جا قبل انا نتمسخر بيه ......المهم جاز قبلي الشرطي العادي مسكين اعطالو التعهد الشرفي قالو مانعرفش نعمرو حتى عمرهولو وكي وصل للطلب الخطي قالو مانعرفش نكتبو ايا البوليسي زعف وناظ من بعد رجع وقالي ارواح وسيد هداك قاعد سيد قالو للشرطي اكتبلي نت دومند هههه حتى قتلو انا روح لهدوك لي قدام البريد يكتبولك طلب السيد ميعرفش يكتب
كي راح سقسيت الشرطي قتلو هدا ليسانس ? قالي بحسرة نعم
تبهديلة وقالي باباه كوميسار
وهدا تلقاه غدوة في اول قوائم الناجحين
وربي يجيب الخير
samir chaumeur
2016-02-08, 18:15
عيب وعار
ياخي بلاد
ماشكيتش هذا عندو ليسنس جابلي ربي مترافيكي الشهادة..... تعهد شرفي مايعرفش يعمرو... وراح يشارك كمتصرف...... ماتفهم والو فهاد لبلاد...... هادا برك كي عندو papah كوميسار
samir chaumeur
2016-02-08, 18:16
الزاوالي كلاه بوبي
saladin2
2016-02-08, 22:24
عيب وعار
ياخي بلاد
ماشكيتش هذا عندو ليسنس جابلي ربي مترافيكي الشهادة..... تعهد شرفي مايعرفش يعمرو... وراح يشارك كمتصرف...... ماتفهم والو فهاد لبلاد...... هادا برك كي عندو papah كوميسار

والله ياخويا غير قدما وصفتو ماقدرتش نعبر تالمون المستوى هابط
قالو وشنوه طلب وواش يكتبو فيه :confused:
لي تغيظك هذو هوما لي ينجحوا والزوالي مايرجعولوش حتى الدوسي لي دفعوا
samir chaumeur
2016-02-08, 23:21
هادوهوما لي حاكمين لبلاد لاعلم لادين لاتقافة ......المعارف برك.......
ياو أنا راني مجوز عدة مسابقات بصح الله غالب ...... ياو كاين ناس ماجتش نهار الامتحان الكتابي ..لكن اسمهم فالقائمة الأولئ .......مافهمتش واقيلا جوزو الامتحان بالمراسلة
saladin2
2016-02-08, 23:30
ربي يجيب الخير خويا قع رانا مجوزين هذو المسابقات الشكلية فقط
انا متخرج في 2011 وربي يفرج علينا
samir chaumeur
2016-02-08, 23:41
ان شاء الله
mohamedmallem
2016-02-09, 00:32
اخي اسمحلي حني نحصلو في المسؤولين.
بصح واش راني نشوف هما والله ماشي المسؤولين غير الزاوالية كيما انت وانا كي يشدو منصب يدخل غير معارفهم اي الزاوالي ياكول الزاوالي وشوفها في كل بلاصة.
انا مرانيش نضرب على المسؤولين بصح راني نقول واش تشوف عييني.
samir chaumeur
2016-02-09, 23:51
اسمع ياو الزوالي ادا حكم منصب راح يدخل زاوالي كيما هوا بصح لي راهم يدخلو غير الأنانيش زيد لاقراية لافهامة.... السيد راو يقول بلي هاداك مايعرفش يعمر تصريح شرفي + خط كتابي راح مد لعون الشرطة يعمرلو لاخاطارش هاداك باباه كوميسار +مادارش قيمة للناس لي جات قبلو خاطرش papah commissaire وايدا نتا راك شايف بلي وليد الكوميسار زاوالي هاديك حاجة وحدوخرا.
وأخيرا هاد الأمي ينجح فالمسابقة ونتا تقعد فالدار
mohamedmallem
2016-02-10, 18:17
راني قلت بلي انا مرانيش نضرب على المسؤولين بصح راني نقول واش تشوف عييني.
albatros_aek
2016-02-10, 21:41
المفروض اعلان يكون مرفق معه جدول يوضح توزيع المناصب على كل ولاية ......... سقسيت و تاكدت انو ماشي كل الولايات معنية بهذه المسابقة اتممت الملف باش نسافر في الغد .خسرت 70 الف على الملف احسن من اني نخسر كتر و نشقى في باطل و نرجع خالي الوفاض....
samir chaumeur
2016-02-11, 20:22
بالتوفيق للجميع