ساعدوني

[مشكلتي]

السلام عليكم
اشكر كل عضو ومشرف ساهم في رقي منتدى الجلفة لا سيما قسم مشكلتي و دائما ما الجأ اليكم شكرا:19:

انا فتاة 28 سنة حالتي الاجتماعية والمادية الحمد لله
منذ صغري احببت زميلي في الدراسة وقدر الله انه كان زميلي في العمل لمدة عامين
اخفيت حبي له و انا اصلا خجولة (طرحت مشكلتي سابقا عن الخجل) اتحدث معه الا في اطار العمل
بعدها اكرمنا الله بوظيفة افضل في نفس الوقت انا انتقلت لمديرية اخرى وهو سافر لاجراء التربص
بعدها بحوالي 15 يوم اتصل بي ( ..تحصل على الرقم بطريقته) و سبب الاتصال يباركلي على المنصب الجديد
وبعدها كل اسبوع يتصل مرة يسألني على اخبار المنصب الجديد
و في يوم ارسل لي رسالة كتبلي بلي راو حاب يكمل حياتو معايا .....فرحت صراحة انا من الشةك مدرت حتى ردة فعل
بعدها بيومين اتصل و قالي ردك واش قتلو اللي فيه الخير ربي يجيبو .......في بالي راح يخطب قالى صابرين عامين تاع الستاج قتلو صعيبة كيفاش نبقى نحكي معاك بأي صفة حابة نبدا حياتي حلال و كان آخر كلام بعدها بقى يتصل قلت بلاك غير رايو قالي نتلاقاو قتلو لا
و في هذاك الوقت والله العظيم وربي شاهد يخطبو فيا وانا نرفض على خاطرو
امي صراحة حست بلي كاين امر ما لانو رفضي مش مقنع ......انا استغليت الوضع وصراحة كذبت عليه و قتلوماما فاقتلنا قالي نروح نحكي معاها و نقلها صابريني قتلو مشنا ماريكان اخطبني بطرقة رسمية قالي لا مستحيل ( فترة ستاج وميخلصوهمش)
و بقى يتصل و انا مثقلاتو بعدها بشهور جاء رمضان وبعثلي ميساج رجعتلو مباعد لا حس لاخبر
بعدها في نهاية الصيف هكداك اتصل بيا رفدت عليه قلت بلاك بدل رايو والو .....اتصل يعاتب فيا وعلاش نروح للخارج و قالي كي قفلتي عليا بورطابلك قبل و عدتي ديما مش في الدار اني كي نخطبك تحبس الخدمة قتلو غير هدي متحلمش بيها واش دخل هدي في هدي( وهو اصلا محبنيش نخدم من الاول ديما يقول مبروك بصح لمرا بلاصتها في الدار)
...................

جا يخطب فيا واحد ظهر صديقو خلاص كلي خوه انا نعرفو كان زميلي في الدراسة صراحتو بلي صديقو حاب يخطب
تقبل الامر اكيد بعد ما جحرحتو لحكاية و اي واحد في بلاصتو راح يتقلق

الاول كي سمع بعثلي ميساج قالي ربي يسهلك بصح ظهرتي واعرة وتحسبيلها في نيتو انا اللي طحت على صديقو وانا والله ربي يشهد عليا معندي بيه حتى علاقة الدنيا مكاتيب
بصح انا رفضتو خاطر نخاف يفقد ثقتو فيا مع الوقت


........
وانا صراحة قلبي مع الاول نحبو ورفضت بزاف على حالو و نتمنى نكمل حياتي معاه قلبي يقلي عيطيلو و عقلي يقلي متعفسيش على كرامتك
واش ندير ديما نصلي استخارة
انصحوني

[وصال سلام]

وش راح نقولك يا اختي ربي يفرجها عليك ويجيبلك لي فبه الخير ومادامك صليتي استخارة ربي راه معاك بصح وشيه نصيحة ليك ماتربطي روحك بحتى واحد كاينين لي يتمسخرو ويضيعو في مستقلل لبنات وذا كان عينو فيك يتقدم ويشرح الحالة نتاعو للوالد نتاعك بصح هو مادار حتى خطوة تثبت نيتو وكي عاد علابالو مش قادر علاه يفتحلك في الموضوع
نتي ديري استخارة وروحي ديري حياتك وماتضيعيش مستقبلك على جال واحد مايستاهلكش وتاخذي راي حطي النقاط على الحروف واخطيك من هذا السوق لي مافيه حتى فايدة
بالنوفيق

[toulay]

وعليكم السلام ورحمة الله تعالى وبركاته
هذا الرسمي مكانش وقاعد يشرط ويجبدلك على الخدمة اختي attention تقدم تنازلات من اجل الحب والزواج لازم تخمم بعقلك واخطيك من القلب والعواطف
ويزيد يقولك واعرة مليحة هاذي تهبل وهو عاقل مسكين ناس ملاح كيما يقولو القط ياكل عشاه
اختي خدم عقلك انا نعرف الرجل مين يحب بنت صح وناويها الحلال مايحبسو لا stage ولا هم يحزنون
متكونش متسرعة وتاني حطلوا les points sur les i يتقدم اللهم بارك يبقى يطوط كيما لاستيك كاين سيادوا
متزيدش ضيع les occasions
بالتوفيق

[نعمة الله15]

يا اختي ديري عقلك في رأسك وحبسي من تمسخير وين هدا الحب لي راكي تهدر عليه في هدا الوقت وشوفي حياتك ونسي ماضيك وعيشي مستقبلك قبل فوات الاوان وكامل عشقنا وكنا نقولوا غير هو او ما نتزوج من بعد غير المكتوب لي جاء الدار وعقد عليا وهو الزوج لي هو تاج فوق راسي ولي نساني في كامل ماضي وهدي هي الحياة منها نتعلم ونصيحة من اخت لكي خدي قرارك مع نفسك ودعي قلبك تحت قدمك لتعيين حياتك ولي ما هو ليك غير يعيك اختاه
انا في زواجي يمكن معرفة تاع شهر اول مرة شافني فيها زوجي في العمل تاني مرة جاء قالي عجبتيني وبغي نجيب والديا وتالت مرة جاب والديه لدارنا وربي سخر والحمدلله ومخبرتش حتى احد حتى في العمل وبعدها شهريين عقدت من اجل الأوراق في الخارج وفي عرسي كامل تفاجؤوا وكانت وجدت لي فيزا وهجرت بلادي اما نوصيك قسيه في التقيل وادا حابك هو يحوس عليك وقيمي روحك ومشي غي هو راجل والله المستعان

[محارب الحمق]

اه يالنسا شحال تحبو التعقيدات والحكايات والدخلات والخرجات, انا متأكد انك قريتي رأي الشرع في هذا المنتدى في هذا القسم حول حكايات المرأة مع الرجل خارج الاطار الشرعي وان اللي حابك يجيك لباب دارك ولكن لمن تقرأ زابورك يا داوود. اقعدي استنايه حتى 2050

[nan719]

خمي بعقلك ماشي بقلبك راكي في 28 و هو راه يبان صعيب و كثير اللف و الدوران

[محمد جديدي التبسي]

راه يفوت بيك في الوقت وأساسا ما دامك متمسكة بخدمتك لهذا الحد فاقطعي كل طرق الاتصال بهذا الشخص وحبسي هذه المتاهة التي اوقعت نفسك فيها بسذاجة...ربي يفتح عليك

[نور لاتراه]

السلام عليكم
اشكر كل عضو ومشرف ساهم في رقي منتدى الجلفة لا سيما قسم مشكلتي و دائما ما الجأ اليكم شكرا:19:
السلام عليكم
الأولى بنا نلجأ الى الله ثم نستشير من هم أهل لذلك
لخبرتهم ثم الأولى فالأولى

انا فتاة 28 سنة حالتي الاجتماعية والمادية الحمد لله
منذ صغري احببت زميلي في الدراسة وقدر الله انه كان زميلي في العمل لمدة عامين
اخفيت حبي له و انا اصلا خجولة (طرحت مشكلتي سابقا عن الخجل) اتحدث معه الا في اطار العمل
بعدها اكرمنا الله بوظيفة افضل في نفس الوقت انا انتقلت لمديرية اخرى وهو سافر لاجراء التربص
بعدها بحوالي 15 يوم اتصل بي ( ..تحصل على الرقم بطريقته) و سبب الاتصال يباركلي على المنصب الجديد
وبعدها كل اسبوع يتصل مرة يسألني على اخبار المنصب الجديد
و في يوم ارسل لي رسالة كتبلي بلي راو حاب يكمل حياتو معايا .....فرحت صراحة انا من الشةك مدرت حتى ردة فعل
بعدها بيومين اتصل و قالي ردك واش قتلو اللي فيه الخير ربي يجيبو .......في بالي راح يخطب قالى صابرين عامين تاع الستاج قتلو صعيبة كيفاش نبقى نحكي معاك بأي صفة حابة نبدا حياتي حلال و كان آخر كلام بعدها بقى يتصل قلت بلاك غير رايو قالي نتلاقاو قتلو لا
و في هذاك الوقت والله العظيم وربي شاهد يخطبو فيا وانا نرفض على خاطرو
امي صراحة حست بلي كاين امر ما لانو رفضي مش مقنع ......انا استغليت الوضع وصراحة كذبت عليه و قتلوماما فاقتلنا قالي نروح نحكي معاها و نقلها صابريني قتلو مشنا ماريكان اخطبني بطرقة رسمية قالي لا مستحيل ( فترة ستاج وميخلصوهمش)
و بقى يتصل و انا مثقلاتو بعدها بشهور جاء رمضان وبعثلي ميساج رجعتلو مباعد لا حس لاخبر
بعدها في نهاية الصيف هكداك اتصل بيا رفدت عليه قلت بلاك بدل رايو والو .....اتصل يعاتب فيا وعلاش نروح للخارج و قالي كي قفلتي عليا بورطابلك قبل و عدتي ديما مش في الدار اني كي نخطبك تحبس الخدمة قتلو غير هدي متحلمش بيها واش دخل هدي في هدي( وهو اصلا محبنيش نخدم من الاول ديما يقول مبروك بصح لمرا بلاصتها في الدار)
...................
لو كان عازما حقا على الحلال لطرق الباب دون تأخير لماذ؟
الم يخطر في باله ان يتقدم اليك غيره,فلو كان نيته لاعطى كلمة لكي لايضيع الفرصة


جا يخطب فيا واحد ظهر صديقو خلاص كلي خوه انا نعرفو كان زميلي في الدراسة صراحتو بلي صديقو حاب يخطب
تقبل الامر اكيد بعد ما جحرحتو لحكاية و اي واحد في بلاصتو راح يتقلق
بينك وبين نفسكِ قررتي ان تطوي الماضي وتفتحي صفحة جديدة
لكنك تراجعتي وهذا هو سبب اقرارك مع انه كان في محله
الاول كي سمع بعثلي ميساج قالي ربي يسهلك بصح ظهرتي واعرة وتحسبيلها في نيتو انا اللي طحت على صديقو وانا والله ربي يشهد عليا معندي بيه حتى علاقة الدنيا مكاتيب
بصح انا رفضتو خاطر نخاف يفقد ثقتو فيا مع الوقت
بالرغم من انه سمع ان غيره تقدم اليك,فلم يعبث بذلك
فهذا أمر عادي لأنه أكيد سمع من غيرك قبل التقدم
والرزق مكتوب عند الله,وليس بعدد من تقدم اليك
لكن عندما أخبرته بذلك,فذلك يجعل اي انسان يعلم انكِ لازلتي متعلقة بالسابق

........
وانا صراحة قلبي مع الاول نحبو ورفضت بزاف على حالو و نتمنى نكمل حياتي معاه قلبي يقلي عيطيلو و عقلي يقلي متعفسيش على كرامتك
واش ندير ديما نصلي استخارة
انصحوني
قبل ان اقرا هاته الاسطر الثلاثة الاخيرة
تيقنت ان هذا هو سبب الرفض



السلام عليكم
يخطئ الكثيرون من الشباب والفتيات عندما يجزمون ان صلاة الاستخارة ستكون بمثابة الوحي والإلهام لهم
عندما تصلين الاستخارة وتدعين الله يجيبك ,لكن لانفهم هاته الاجابة
فالتيسير اجابة للإقبال والتعسير ايضا اجابة للإدبار
وليس للحالات الايجابية فقط
من ترك شيئا لله عوضه,واسئله ان يعوّضك خيرا منه
فان كتب لكِ فهو لكِ شئتي أم أبيتيِ
رزقكِ الله من حيث لاتحتسبين

[عائشة قدوتي]

متدخليش روحك في المتاهات ...لا تنتظري أحد ..إذا جاءك شخص مناسب و استخرتي وافقي..هذا الإنسان اقطعي علاقتك معه نهائيا أفضل لدينك و دنياك...قوليلو لن أنتظر أحد و كلش بالمكتوب...وانتهى ...موفقة أختي

[ManouraHilwa]

تعيطيلوا ولا لالا مكتوبك يلحقك ان شاء الله ربي يجمعكما في الحلال

[هدآية]

لا تنتظريه .. لو كان يريدك ماذا ينتظر
ليس من المنطقي ان ترفضي لاجل سراااب
لا تضيعي عمرك و شبابك
ربي يجيبلك الخير

[lمنال]

اختي فكي عليك منو شوفي عمرك ما هوش صغيرة وما تفوتيشي الفرص منك قوليلو بصريح العبارة اذا حاب يخطبك يتقدم و ما كانش منها ما يقدرش واذا قالك ما نقدرش قوليلو لا يتصل بك مجدادا وانت لا تجيبي على اتصالاته كوني قوية وديري كرامة لروحك هو راجل حتى عمره اربعين سنة يتزوج اما نحن كان فاتنا العمر صعيبة وكان تقدم لكي انسان ترضوه لدينه وخلقه تزوجيه ولا تترددي واله راهي نصيحة من اختك الكبيرة ووان شاء الله يوفقك ويسعدك ويطيحك باللي يخاف ربي

[أم رقية نسرين]

وعليكم السلام و رحمة الله و بركاته
في الحقيقة ختي مفهمتش علاه طالبة النصيحة إذا هذا يقولك بصريح العبارة منيش راح نخطب نتي درك تبقاي تجري وراه يا ختي الطفلة عزيزة مايديها غير لي يساهلها و هذا قاعد يجوز فالوقت
راكي عارفة الإنسان المتزن و المتربي و الخلوق لي يصلح زوج يجي طووووووووووووووووول لباب الدار
استغفري و حبسي عليك تاع كل مرة يعيط تقولي بلاك بدل رايو لوكتاش و نتي ماراكيش مطايشة
ربي يكتبلك لي فيه الخير