شاركنا برأيك ، أفضل الأجهزة الكهرومنزلية في بيتك ؟!! [الأرشيف]

عماني نور

2016-01-31, 19:48

السلام عليكم و رحمة الله و بركاته ~

- بدون إطالة- ، تعيشو أفيدوني بأسماء ماركات للأجهزة الكهرومنزلية ، تكون مليحة و إقتصادية

بزاف راهم يهدرو على كوندور و يشكرو فيها .... واش رايكم فيها ؟ وواش جربتو منها ؟؟

و LG و Samsung واش رايكم فيهم ؟؟

المهم اعطوني اسماء الأجهزة الي عندكم و قولولي رايكم فيها ، وواش احسن ماركة تنصحوني بيها في كل جهاز ؟؟

ثلاجة
كويزينياغ
غسالة ملابس
ميكرووند
تلفزيون بلازما من الحجم الكبير
ديمو ، برابول
كليماتيزوغ
شوفاج

مستنية جوابكم ~

و شكرا مسبقا ♥

imanaz

2016-02-01, 14:05

عندي تقريبا كامل الاجهزة من نوع كوندور ماعدى الثلاجة و راني رايحة نبدلها
حتى الان الحمد لله راني satisfaite
عندي لابلاك + الفرن
الغسالة
تلفزيون كبير + صغير
الكليماتيزور
العجانة
الميكسور
خصتني المكنسة الكهربائية ماعلاباليش اذا عندهم
نتمنى اني افدتك أختي

fatisousou

2016-02-03, 14:25

انا عندي lg والله روعة

houda madrid

2016-02-04, 22:29

خطيك من كوندور والله غي تندمي انا جربتها الاحسن سامسونج اذا مالقيتيش الجي

fettouha

2016-02-05, 00:16

ثلاجة lg
مكيف عندي سامسونغ وعندي ميديا هايل
ميكروويف براندت
غسالة بيكو هايلة تشبه الجي
اسبيراتور عندي كلارتونيك مليح وكاين بزاف ملاح روينتا الجي
باتوغ ساب
تلفاز لاد و4ك ثلاثي الابعاد عندي كندور مليحة سومتو مقارنة مع الجي او سوني في اخر تكنلوجياغاليين بزاف خصوص 55"
كويزنيار عندي ارتور مارتان ثان مليحة
ميكسوغ برا عندي فيليبس هايل وكاين بوش او موليناكس وساب كامل ملاح

عماني نور

2016-02-07, 13:02

يعطيكم الصحة ♥

مروميس

2016-02-07, 17:19

البنات تعيشو شرينا غسالة أواني برانت .بصح راني حايرة في الملح والصابون والملمع والخاصين بيها الي تعرفهم تحطلي صورهم

sarah rose

2016-02-16, 18:26

الثلاجةeniemا
لفرنbeko
الغسالةarcodime
محضرة الطعام الباتور الميكسورmoulinex
لاسبيراتور lg
العجانة kenwoodبالصح مقلدة
التلفاز بلازما samsung

ommo khawla

2016-02-19, 19:49

انا عندي غسالة اواني lg نستحدم صابون finish وحتى الملح والملمع وممكن تلقاي مركات اخرى مثل viking ماتستعمليس الصابون بودر ة يبقالك في الماعن

أم أيمن الحبيب

2016-02-22, 11:34

السلام عليكم هذه أول مشاركة لي على بركة الله
ثلاجتي geant من الحجم الصغير إذا زدتلها البرودة تدير الثلج من الأسفل.
الكويزينيار نفس الماركة تغشينا فيها الفرن يشعل فقط من تحت وزيد فاسد يطفا وحده لم أستفد منه نهائيا.
منذ أشهر اشتريت غسالة أل جي أوتوماتيكية 07 كلغ عاجاتني الحمد لله
البرا ميكسور موليناكس مليح
حابة نغير الثلاجة والكويزينيار أي ماركة الأفضل عاونوني جزاكم الله خير

oumhana

2016-02-22, 12:01

[السلام عليكم في داري
:الثلاجة ENIEM حجم كبير no frostمليحة .كويزنيار ARTHUR MARTIN قديمه هايله هايله.باتور MOULINEX قديم مي مازال على ديدانو .ROBOT MOLINEX قديم رائع بدلتلو الموس برك عندو أكثر من 20 سنه- برا معنديش-
PETRIN BRANDT عندي واحد 6 شهور ملي شريتو كل يوم مطلوع .هايل هايل خدام ميقولش عييت.
CLIMATISEUR MEDEAهايل
-CHAUFFAGE LUXUS أسموغريب مي يسخن فور
التلفازبلازمه كندور مليح
- و أخيرا نجمه الكل سيده الكل أنا نعيطلها لالا وبنت سيدي ههههه LA MACHINE A LAVER LG قد ما نقول قليل نعمه من عند ربي

Sou sousou

2016-02-22, 23:36

السلام عليكن اخوات انا تاني نشارككم .عندنا تلاجة Samsung . ميكسور moulinex .باتور seb . كويزينيار brandt . غسالة LG .و الحمد لله كلهم ملاح .

أم أيمن الحبيب

2016-02-23, 17:20

السلام عليكن اخوات انا تاني نشارككم .عندنا تلاجة Samsung . ميكسور moulinex .باتور seb . كويزينيار brandt . غسالة LG .و الحمد لله كلهم ملاح .

الأخت Sou sousou حابة نشري ثلاجة سامسونغ وكويزينيار بروند وبما أنهم عندك نسقسيك من فضلك ما مميزاتهم وأسعارهم ربي يجازيك

Sou sousou

2016-02-23, 23:22

مساء الخير أخت أم ايمن الحبيب .كويزينيارbrandt اللي يخدموها هنايا في دزاير. عندي 3 أشهر ملي شريتها من الحميز 43000 دج .هي gaz électrique و فيها ventilateur للحمد لله الحلويات اللي جربتها كلها ناجحة .اما الثلاجة عندنا مدة ملي شريناه 5سنين هكاك ماشفيتش مي حمد لله يبرد هايل و مايديرش la glace . ان شاء الله نكون افدتك و لو بالقليل .

أم أيمن الحبيب

2016-02-24, 10:44

ام الاشبال

2016-02-24, 21:51

اخواتي كيف نعرف الاجهزة المقلدة من الاجهزة الاصلية مثلا عجانة كينود كيف نفرق بين الاصلية والمقلدة

عماني نور

2016-03-10, 21:41

يعطيك الصحة جميعا ♥

biti

2016-03-21, 23:45

غيالة الملابس lg هايلة
مكسور باغي نشري سوناشي قولولي ادا مليح

أم اسحاق

2016-03-24, 19:20

السلام عليكم
انا عندي ستارلايت لاباس بيه اختي وسومة معقولة

خولة الجزائرية

2016-03-24, 19:59

ممكن تجاوبوني هل ثلاجة وشاشة تلفاز كندور مليحة ولالا
جاوبوني حابة نشري وامكانياتي محدودة لقيت كوندور شوية سعرهم منخفض يساعدوني و كذلك ايريس سات ؟؟؟
قولولي اذا ملاح ماركاتهم ولالا

welam

2016-03-24, 20:53

والله أنا مع المنتوج الوطني ...............ثلاجتي و المطبخة و الميكروآند و أجهزة التلفزيون و ملحقاته كلها condor أما الغسالة و سخان الماء فهي ENIEM ............لم أجد مشكل مع كل هذه الأجهزة فمثلا الغسالة اشتريتها سنة 2007 و لحد الآن لم تتعطل ، نفس الشيء مع الثلاجة أيضا التي اشتريتها سنة 2002 ..........أما الخلاط و العصارة و العجانة فهي ليست من صنع جزائري بل من نوع Kenwood

اخلاص 22

2016-03-25, 13:19

ثلاجة :Condorهايلة
الفرن+ بلاك شوفنت:Condorايضا روعة
بيترا:kenwoodمليييح حتى ومانيش داركة عليه مريحاتو
عسالة :eniemعادي متعسلش مليح
كليماتيزور :Condorرائع
فيريتوز:toshibaمليحة
شواية:grunding
تلفازcondor

ابو علوه

2016-03-25, 17:30

رااائع....

zoubidaas

2016-03-26, 21:26

ثلاجة :condorهايلة
الفرن+ بلاك شوفنت:condorايضا روعة
بيترا:kenwoodمليييح حتى ومانيش داركة عليه مريحاتو
عسالة :eniemعادي متعسلش مليح
كليماتيزور :condorرائع
فيريتوز:toshibaمليحة
شواية:grunding
تلفازcondor

اسمحيلي اختي حبيت نسقسيك هل الفرن تاعك من تحت غاز ومن فوق تريسيتي وفيه مروحة وهل تقدري تشعلي الفوق والتحت في نفس الوقت ولالا وكم عندك ملي شريتيها والثمن تاعها من فضلك + وماهو ثمن لابلاك شوفوند وجزاك الله خيرا

noor hassenl

2016-03-30, 09:51

ماهو احسن نوع فرن كهربائي

فاتي تيارت

2016-04-05, 19:39

حتى كوندور مليحة عندى غسالة اوانى و كونجيلاتور

douki23

2017-10-27, 19:55

راني ابحث عن فرن مليح انصحوني من فضلكم

ninaricci

2017-10-29, 09:21

انا عندي غسالة ملابس كوندور تاع بلاستيك 12 كغ هايلة تغسل كلشحتي الكوفيرتات الخشان وثلاجة كوندور مليحة عندهم 5 سنوات ودارنا كذلك عندهم هذا الالات+تلفاز كوندور هايل انا عندي تلفاز ستريم روعة 5 سنوات كويزينيار كريستور ماتعجبنيش تسيب ريحة الغاز ميكسور سايونا هايل شينوي برا مولينيكس غير يما شريتو سيشوار سيريوتي هايل 5 سنوات فريتوز ساب مليحة لكن مانسعملهاش بزاف روبو مولينكس هايل باتور سايونا يحب الاستحفاظ مليح عندو عام وراني حابة نكمل نشري الة غسل الاطباق كوندور

ninaricci

2017-10-29, 09:22

الفرن راهم يشكرو في هاذو نتاع السعادة

ninaricci

2017-10-29, 09:25

الاخت فاتي تيارت ماذابيك تقولينا على الة غسل الاواني كوندور

ninaricci

2017-10-29, 09:33

انا نحب غير المنتوج الجزائري نشالله يحسنو الكفاءة و النوعية نتاعو

ninaricci

2017-10-31, 10:45

برا ميكسور مولينكس معجبتنيش بزاف مع انها اصلية روبو سايونا خير منها

ninaricci

2017-11-05, 09:07

راني زدت شريت لافيسال كوندور مليحة

nabilbeton

2017-11-22, 21:10

حاب نشري كويزينيار براند ولا lg واش تنصحوني

أم روميسة

2017-12-04, 13:59

السلام عليكم.. اود ان اسأل الأعضاء الكرام... حابة نشري مكنسة كهربائية و معرفتش النوعية المناسبة ...اريدها للغبار و الماء معا... لكن حسب بحوثي وجد فقط التي تشفط الغبار و الماء... و التي تشفط الغبار فقط.. هل هناك نوعية تشفط الغبار و تستعمل البخار (جهاز واحد) من فضلكم ساعدوني و لي الماركة تاعها مليحة تقولي و ياريت لو بالصورة ... انتظر الرد من فضلكم

ninaricci

2017-12-05, 09:15

ام رميسة راهي كاين الجي تعمل بالبخار راهي غالية شوية وجاية كيما شكل فروطوار صغير ماتديش خلاص لبلاصة روعة تلقايها في نقاط بيع الجي

أم روميسة

2017-12-05, 20:58

ام رميسة راهي كاين الجي تعمل بالبخار راهي غالية شوية وجاية كيما شكل فروطوار صغير ماتديش خلاص لبلاصة روعة تلقايها في نقاط بيع الجي

شكرا ninaricci