مشكلتي

[مشكلتي]

السلام عليكم
اما بعد قد لا تبدو مشكلة لكم لكن بالنسبة لي فهي كذلك انا طالبة ساجتاز البكالوريا هذا العام
مشكلتي اني لم ادرس الرياضيات جيدا في العام السابق بسبب استاذنا سامحه الله المهم الان انا اعاني مع هذه المادة بكل ما تحمله الكلمة من معنى
كلما حاولت حل تمارين او مسائل اصاب بالخوف و تراودني افكار انه لم يبقى الوقت ابدا لاتدارك الامر خصوصا وان معدل هذا الفصل كان دون المتوسط
وانا لم اعهد معدلات كهذا طيلة مشواري الدراسي ساعدوني بدعائكم لي ولجميع الممتحنين اريد ان يكون معدل البكالوريا اكبر معدل اخذته اريد ان ادخل كلية الصيدلة لكن عدم تمكني في بعض المواد او بالاحرى خوفي منها يجرح حلمي لا اريد لحلمي ان ينكسر رجااااااااااااااااااااااااااااااااااااااءااا كل من قرا موضوعي ان يدعي لي دعوة في ظهر الغيب ان احقق حلمي و ان انجح وان يبعد الله عني شبح الكسل

[toulay]

وعليكم السلام ورحمة الله تعالى وبركاته
فيما يخص الرياضيات دير les cours particuliers ولا كاين في youtube بزاف دروس وتلقاهم مشروحين بالتفصيل الممل
وعلاش الخوف يا اختي انت جرب حل تمارين وحط هنا فالمنتدى يصحولك الله يبارك راهم كاين اساتذة ماشاء الله
وزيد واش هوما المواد لخايفة منهم
اختي متصعبش الامور سهلها تسهال
ربي يوفقك ان شاء الله وتولي docteur en pharmacie وعندك la pharmacie تاعك

[محارب الحمق]

الرياضيات لا يوجد اسهل منها, اذا مافهمتيهاش احفظيها, اجل احفظيها ماتستغربيش. أنا كنت نحب الرياضيات وكنت نحل بزال الحوليات والباكالوريا تاع لعوام اللي فاتو ودرت ليكور وانا فاهم باش نزيد نفهم حتى وليت حافظ الرياضيات تاع الباكالوريا, كي نشوف الاسئلة نضحك ونعرف الجواب بلا تخمام.

[~طَـــمُـــوحْ~]

وعليكم السلام ورحمة الله وبركاته

الرياضيات من اسهل مواد البكالوريا اوصيك اوصيك بالملخصات تفهمي فيهم وزيدي ناكد على دروس نور الدين على اليوتوب في ثسم البكالوريا عندهم الروابط والله رووعة ويفيدوك

الدوال اغلب الاسئلة تتعاود هزي المنهجية وحوسي على التمارين المفصلة

حاولي التدارك بالدروس الخصوصية

ادعي الله ان يوفقك وزيـد روحي للمنتدى تاع البكالوريا وهبليهم بالاسئلة اي حاجة متفهمهاش رايحيــن يجاوبوك اطلبي تمارين بالحل واخطيك من هذيك عديمة الحل

تقولي راح الحال لالا مزال الحال وهذا وقت تقدري تتقنيها واصلا الهندسة الفضائية والاعداد المركبة جديدة عليكم تقدري تهضميها بسهولة

اتمنى لك التوفيق واي مساعدة انا في الخدمة

دمت متفوقة ...ومؤكد انك تستطيعين التفوق الا يستحق والديك ان تفرحيهم ....حاولي وستصلين

سلام ~

[ahlem 05]

اختي كما يبدو لي مشكلتك ليست عدم فهمك للمادة بل هي خوفك منها وعدم ثقتك في،نفسك ،،،، عن تجربة شخصية انا من بداية مشواري الدراسي ومعظلي في الراضيات خاصة 18 على الاقل وفي البيام تحلت على 17.5 فيها الا ان درست السنة الماضية عند استاذة لا علاقة لها بالرياضيات عملت على تحطيمي يعني فقدت ثقتي في نفسي ( فيةالدار نحل نورمال و في الامتحلن ننسى كل شئ ) العام هدا تحديت نفسي ورجعت ثقتي في روحي رسمت حلمي وتوكلت على الله ودوكا والله ماني سامعة بحتا استاذة لانو اعوام تالق ماش حيروحو بسبة عام واحد ،،، حكاية اخرى اختي ربي يرحمها عام السنة ثانية ثانوي ماقراتش طووووول يعني قرات شةي من ثلاثي الاول ومرضت فوتت عام كامل في سبيتار ولاتها كانت متفوقة طلعوها طووول للباك في الباك قرات وكانت مريضة و فليوم تا لباك زاد عليها لحال ودات 15 رغم غلطة في حاجة تافهم في الاعداد المركبة تالموو داخت وقصة اخرى صديقتي لعام تا لبيام راحت لروسيا لظروف عمل وقعدت عامين جات في الثانية ثانوي سما زادولها عام جات مافاهمة والوووو دلت في السنو الثانية معدل 12 في الباك دات في الؤياضيات 14،5 يعني تشجعي برك شوية ثقة وموفقة ان شاء الله

[AMINA.Z]

اياك و ان تسمحي للخوف من المادة بان يسيطر عليك و الا لن تتمكني من اجتياز امتحانها بنجاح
انت الان تحاولين و لكن حاولي اكثر و اكثر لفهم المادة ...عودي لدروس السنة الماضية و افهميها ...ايك و الياس و التقاعس ...ابذلي كل الجهد ..فالباكالوريا بمعدل جيد تستحق ان تحرمي نفسك من الراحة لاجلها.

دراسة تخصص في المجال الطبي يحتاج لبذل مجهوداااات كبييييرة
لذلك اصر عليك لتبذلي مجهودا كبيييرا من اجل فهم المادة و النجاح بمعدل مشرف لتحققي حلمك.

[جمال6]

السلام عليكم اختي
لا تخافي و لا تتوتري كل ما عليك هو حل الكثير من التمارين حتى تتعودي صدقيني انت لها
و ستتمكنين من تحقيق حلمك
وفقنا الله واياك

[نور لاتراه]

السلام عليكم
تعانون من فوبيا الرياضيات (مادتي المفضّلة)
حاولوا ان تدرسوا المادة وتناقشوها مع طلبة في المستوى ولاتنسوا الاستاذ ان كانت لكم خلفية عن استاذكم فتلك نظرتكم
فحاولوا ايجاد البديل على النت او الواقع
عندما تحبون المادة تصبح المعادلات تحديّات ممتعة
وفقكم الله