مشكلة خطبة

[مشكلتي]

باسم الله الرحمن الرحيم
انا فتاة تعديت الثلاثين من عمري تقدم لخطبتي شاب ووافق عليه أهلي بعد السؤال عنه بأنه ذو خلق و دين ولديه سكن سيستلمه بعد انهاء أقساطه. لكنني مترددة بسبب عدم التوافق الفكري (العلمي و الثقافي) و الاجتماعي فانا اسكن المدينة وهو من سكان الريف. كما توجد هوة كبيرة بين مستواي العلمي و عائلتي و مستواه العلمي و عائلته. مستواهم المادي اقل أيضا كذلك، فطلب مني البقاء في وظيفتي. ظروف معيشتهم أحسها قاسية لأنني سأكون مضطرة للعيش مع أهله قرابة 10سنوات بحكم بعد مكان عمله ولن يزورنا إلا مرة كل شهرين أو أكثر. وبطبيعة الحال سأضطر للتنقل يوميا صباحا مساءا لوظيفتي التي كانت بقرب منزلي.لطالما كنت احب الرجل قوي الشخصية مثلي لكني لم اجده كذلك. الكل يطلب مني وضع شروط قبل الزواج الا انني حائرة في امري فانا احس انني احمل فوق راسي دلوا مليئا بالثقوب ايها يجب تصليحه او اغلاقه. اسئلة كثيرة تدور في ذهني هل في نظركم ان هذا الزواج سيكون ناجحا. وماهي الشروط التي لا يجب التنازل عنها اذا تم هذا الزواج . اتمنى ان اجد فيكم من يرشدني لما فيه الخير لانني لا اريد ان اظلمه معي لاني احس انه طيب القلب ولا ان اظلم نفسي طبعا.

[toulay]

سلام عليكم
اختي انت وقناعتك وانت لراح تتزوج بيه معناها il est indispensable باش تخمم في جميع النواحي parce que هذا زواج هذا ارتباط لمدى العمر هاذي حياة مع ناس جدد وكل واحد و la mentalité تاعو
صلي الاستخارة وان شاء الله ربي مراحش يخيبك
بالتوفيق

[RAHETBAL45]

والله صعب ان اى اخد يجيبك لان هذه القصية مهما فصلنا فيها تبقى ناقصة لانك انت صاحبة المشكل و انت وحدك تستطيعين حلها شوفى اختى صح المراة عندما تتجاوز الثلاثين يزيد الصغط عليها و تزيد الاستفهامان حول تاخر زواجها و لكن قدر الله ما شاء فعل انصحك اختى ان تضعى امامك سلبيات و ايجابيات هذا الزواج من جميع المقاييس اى بينك و بين الطرف الثانى و بينك و بين ظروفه واهله لانك انت المعنية و تقدرى تصعى النقاط على الحروف حول الامور التى تستطيعين تحملها و تجاوزها و الامور التى يمكن ان تشكل عقبة فى حياتك و لا تنسى ان تستخيرى فهذا امر مهم جدا و فى الاخير اتمنى لك الخير و السداد فى امرك

[محمد جديدي التبسي]

يبدو من كلامك انك لست مقتنعه به تماما فلا تتعبي نفسك بالتبرير
ظروفه لا تساعدك وستتحملين مشقة كبيرة خاصة اذا كنت مصرة على العمل
لو كنا نتبع الشرع سنقول لك لا يجوز لك رفض شاب مرضي الدين والخلق وان كان فقيرا
ما لاحظته في كلامك هو استباق الأمور يعني عشر سنوات وانت مع أهله ما الذي يؤكد لك ذلك؟ كما انه يغيب لشهرين عن بيته؟ الا يمكن ان يكون هناك حل لكراء بيت في مكان عمله وتتخلي عن عملك؟!! ان كان الأمر صعب وتفكيرك مشوش كما يظهر فاستخيري واذا بقيت هذه المخاوف فصارحي بها أهلك واحسمي الأمر...ربي يفتح عليك

[nan719]

ختي الحاجة لي نقولهالك ما تطيحيش على راسك راكي في الثلاثين و ماشي في الخمسين

[الطيب الجزائري34]

ذو خلق و دين

هذا هو المهم والباقي له حلول باذن الله .

[bello angel]

يا اختي نعرف وحدة في الثلاثين خطبها واحد مكانتش تحلم بيه لا هي لا مولات العشرين و درك راها في اسبانيا معاه
متحطيش في بالك تقبلي باي واحد و خلاص ادا كان حاسة نفسك هربة منو ماعندك علاه تحتمي على روحك
خمي مليح

[blanche rose]

ذو خلق و دين

هذا هو المهم والباقي له حلول باذن الله .

لا توجد قاعدة ثابتة لضمان نجاح الزواج
فهناك الغنية التي تزوجت الفقير ورزقهما الله المال والسعادة
وهناك الغنية التي تزوجت الفقير وعاشت تعيسة

هناك الجامعية التي تزوجت برجل في مستوى الابتدائي وعاشت معه سعيدة
وهناك العكس

وبخصوص اهل المدينة واهل الريف
هناك من هم في الريف واكثر تحضرا من اهل المدينة
وهناك من هم بعقلية متحجرة

يعني لا توجد قاعدة ثابتة تحدد نجاح الزواج او عدمه..

ما أركز عليه هو السكن المستقل ولو ايجار والبعيد عن اهل الطرفين ليبقى الاحترام..

القرار لك..
هل قلبك مرتاح ام لا؟؟
بلا ما نوصيك على صلاة الاستخارة..

اذا قلبك ماشي مرتاح ارفضي..لانو كاين كيما حالتك وقبلو ومن بعد جاهم الشخص اللي يعجبهم يخطب ويحيرو كيفاش يديرو..

ما تتسرعيش..
ربي يسعدك

[محارب الحمق]

هاذي الحاجة ترجع ليك ولهاذ الخاطب, حنا مانقدروش ندبرو عليك, الحاجة الاولى, مانعرفوش طبيعة العمل تاعك ومانعرفوش عقليتك والتدين تاعك , الحاجة التانية حنا مانعرفوش حقيقة الخاطب وعقليتو, هل صح متدين, وزيد انت تباني مامرتاحاش ليه, واش نقلك, الزواج قبل كل شيء لازم يكون مبني على التوافق والارتياح من الطرفين, درك انت قادرة تبطلي وربي يرزقك بواحد خير منو, وقادرة تبطلي وتقعدي هكذاك. قادرة تديه وتفرحي بيه, وقادرة تديه وتشربي لمرار معاه, ربي يسهلك امورك

[AMINA.Z]

هاذ الامور تخمي فيها قبل ما تمدي الموافقة تاعك
استخيري ربي و شوفي راي الوالدين
اذا كانو من اهل الريف ممكن جدا تلقاي صعوبة معاهم لانهم ما يتقبلوش المراة اللي تخدم من الصباح للعشية و خاصة انو الاعمال في البيت الريفي كثيرة و متعبة و انت تعودتي على عقلية و راح تلقاي عقلية اخرى ..و ممكن يوليو يحاسبوك على الشهرية و و و و
هناك فروق حقيقية
ربي يكتبلك اللي فيه الخير

[مواطنة]

اختي الكريمة ادا لحقتي 30 ليس من الظروري تقبل بلي جا
اكيد انو عجبك الدين و الخلق لكن هل تصبرين على حباة زوجية تلتقي بزوجك مرة او مرتين في الشهرين يعني شكون يتكقل بيك في باق الايام شيخك او لوسك او مواليك و ناكدلك بلي تولي حياة غير مستقرة بالوقت تدركين الصعوبة و خاصة بقدوم الاولاد
العمل ديالك يمكن يدور بما انك رايحة تسكني بعيد
و قلتي كلمة تاكد عدم رضاك بدرجة كبيرة هي الهوة و الصراحة نقولك زيدي شوفو فديوهات تاع علماء النفس لانو ياما رجال يقولو نورمال و الطفة تبانلها عادي لكن ناكدلك بلي حتى لكان تكوني بسيطة في كلامك و افعالك الا انك لن تنزلي لمستواه >
اقعدي مع روحك اكتبي لائحة عن الاشياء لي عجباتك و الاخرى لي متخدمش مبادئك بكثير من المنطق و صحيح انو الحديث الشريف يتكلم عن الاخلاق و الدين لكن لا ينفي باقي الاشياء التي تقوم عليها الحياة كالكفاءة
الكلام كثير لكن نقولك عمرك 30يعني متغلطيش و مظلميس نفسك برقم 0 و3 و خممي بانانية في اختيارك لان ادا اسباب اليوم لاقتناعك متكونش منطقية تقدر تضرك و اتمنى لك السعادة

[الرميصاءْ]

صلي صلاة الاستخارة
ربي يرزقك الزوج الصالح