المساعد الشخصي الرقمي

مشاهدة النسخة كاملة : اكيد رايحين تساعدوني يا الفحلات في عمرة شيخي

imanebedd
2016-01-27, 11:38
السلام عليكم:dj_17: نتمنى تكونو بخير و عافية محتاجتكم يا البنات تساعدوني ....... شيخي رايح للعمرة ان شاء الله يروح و يرجعلنا بخير و بما اني ساكنة معاه في الدار حبيت نبدا نحضر روحي بالعقل لذا حبيتكم تقولولي على انواع تاع قاطو لهذه المناسبة و كيفاش نطبق الطراشن و كذلك واش نحط للضياف و كيفية التقديم و كاشما عندكم طابليات و جبات او قنادر تاني حابة نخيط ... بغيت نديرلو حاجة مليحة و présentable لانه شيخي عزيز عليا بزاف و حبيت نفرحو و نقوملو بضيافو ....راني متكلة عليكم و علابالي بلي رايحين تساعدوني :19: من فضلكن لعندها اي فكرة تقولهالي شكرا مقدما:):):)
ام ايمان16
2016-01-27, 11:53
وعجوزك ماقاتلك واش تديرو
ولا تتصرفي وحدك
imanebedd
2016-01-27, 19:10
ما عنديش العجوز لهذا بغيتكم تساعدوني
ام ايمان16
2016-01-27, 21:44
يعني انتي برك عروسة في الدار
ماعندوش لبنات شيخك
ربي يكون في عونك

القاطو حابة تديري نتاع اللوز ولا كوكاو ولاا صابلي برك
يعني انتي ومقدورك
امّ اياد
2016-01-29, 19:32
نتي وجدي قاطو اخدمي بقلاوة ونوعين اخرين يكونو غير مكلفين ولسارفيت وجيتي تاع القوة وحدهم وتاع الكل وحدهم وديري حسابك فالمصروف قهوة والسكر والشاي ومصروف الاكل وحضري اواني اغسليهم ونشفيهم وغطهيم بالاكياش باش مبعد يجوك حاضرين والمادوبة اذا كان عندكم غاشي ياسر ديرو الكسكس واذا حبيتى طواجن ديري حريرة والمثوم سلاطة خضراء بالماسدوان والحميص وربي يعاونك اختي ومتكلفيش روحك وربي يرجعولكم بالسلامة
ام ايمان16
2016-01-29, 20:10
وين رراكي ااختي وااش درتي فيها
قولينا باش نعاونوك
اراجيز
2016-01-29, 23:07
يروح ويجي بالف سلامة ان شاء الله ولغقوبة لينا
bake
2016-01-30, 12:46
لازم ديري حسابك في المصروف القهوة الحليب و التاي
وجدي من قبل السرافيت و الماعين اغسليبهم وجدي سرفيس تاع القهوة و الحليب و التاي بالدوبل خاطر راح يجوك نساء و رجاء في نفس الوقت دريي قاتو 3 ولا 4 انواع اذا قدرتي و بقلاوة
http://gulf-up.com/do.php?img=56314
قاتو التربوش
و http://gulf-up.com/do.php?img=56315
و http://gulf-up.com/do.php?img=56316
و انتي خيطي قندورة ولا زوج حمري بيها وجهك قدام الناس
http://gulf-up.com/do.php?img=56317
http://gulf-up.com/do.php?img=56318
bake
2016-01-30, 12:49
و زيد
http://gulf-up.com/do.php?img=56320
http://gulf-up.com/do.php?img=56321
http://gulf-up.com/do.php?img=56322
ان شاء الله نكون عاونتك و كاش متسحقي انا هنا
ام ايمان16
2016-01-30, 13:00
https://encrypted-tbn3.gstatic.com/images?q=tbn:ANd9GcRmYIpHfBL47KJrDnynTg_4ZOBemXRui KszsDdh2lLMoS_n0v7gWg
imanebedd
2016-01-30, 23:51
كثر خيركم اخواتي ربي يعطيكم ماتتمناو و ينولكم زيارة بيته.... هذه الايام كنت مع ménage و اليوم عملت بنصائحكم و شريت القهوة السكر الزيت الطماطم الحمص الفرينة شوية مستلزمات القاطو و الطراشن شريت 3 الوان للقهوة قلت نطبقهم على شكل زنباية و للعشاء شريت العاديين و بالنسبة للقاطو لحد الان قررت ندير مخبز النواد كوكو و القريوش
حبيت ثاني نسقسيكم واش نقدر ندير لشيخي يدي معاه هو مسكين عنده السكر خممت في مادلين ام اماني مجرباتو و يصلحلي و زيدو شيخو عليا..... في اخر الشهر )فيفري يروح ان شاء الله
ربي يخليكم و يحفضكم و يبارك فيكم و الله محتاجة لنصائحكم و دعواتكم لي بالتوفيق
الصور لم تضهر لي للايف
ام ايمان16
2016-01-31, 09:26
ربي يكون في عونك اختي
مكانش لي عاونك خلاص في داركم ودار اهل زوجك
وكيفاش رايحة تديري القاطو وحدك وزيد العشا ثاني

نتاع ربي يكون في عونك ويجازيك خير

بالنسبة لقاطو لمرضى السكر اذا كان شيخك يحب تشاراك ولمشوك نعطيك طريقتي فيهم لمرضى السكر مايجيش حلو بزااف
imanebedd
2016-01-31, 10:33
ام ايمان كثر خيرك بزاف و يا ريت تفيديني بالوصفات . .... حنا العرايس في سبعة الله يبارك و انا الاخيرة و لانه زوجي هو لي تكلف بمصاريف العمرة يعني هو لي بعث والده و لحد الان ماكاين حتى مبادرة لهذا قلنا( انا و زوجي) نحضرو رواحنا بكري احسن بالنسبة للعشاء نظن يتعاونو في الطبخ لاني ما عندي حتى تجربة
imanebedd
2016-01-31, 10:39
Bake ربي يحفضك الصور طلعت مشكورة اختي علئ المساعدة و الذوق الرفيع
أم عبد الكريم
2016-01-31, 10:42
اختي نتي كي حالتي انا ثاني عجوزتي رايحة ليامات هاذي وعلابالي كيما كل مرة كلشي يخرج من راسي وانا عندي زوج ولاد صغار مفهمتش كيفاش ندير .....انا بداولي الضياف من البارح الدار معمرة ........يخي زهر يخي ربي يكون في عوننا
MOSARB
2016-01-31, 13:29
ربييكونفيعونك
تغرينية
2016-02-07, 10:09
ربي يكون معاك
ام ايمان16
2016-02-07, 10:33
ام ايمان كثر خيرك بزاف و يا ريت تفيديني بالوصفات . .... حنا العرايس في سبعة الله يبارك و انا الاخيرة و لانه زوجي هو لي تكلف بمصاريف العمرة يعني هو لي بعث والده و لحد الان ماكاين حتى مبادرة لهذا قلنا( انا و زوجي) نحضرو رواحنا بكري احسن بالنسبة للعشاء نظن يتعاونو في الطبخ لاني ما عندي حتى تجربة

http://www.omimene.com/2015/07/blog-post_15.html#.VrcPAOb1Zr8
http://www.omimene.com/2015/07/blog-post_1.html#.VrcPGub1Zr8
زهرة النرد
2016-02-07, 11:06
ربي يسهل امرك تعقب على خير
ibta
2016-02-07, 16:30
اوﻻ ربي يعاونك اختي المهم متكتريش اﻻنواع اللي خيرتيهم مﻻح فقط القريوش ﻻزم تعسليه مليح باش يجيك بريزونتابل و مدبيك تجمعي بين التقليدي تاع المنطقو تاعك و العصري بالنسبة للﻻكل معليش اﻻ وجتني من قبل و خبيتيه في المجمد كيما مستلزمات السﻻطة ﻻنها تاخد الوقت حتى التتبيل فقط احتفضي بكل شئ وحدو واحكمي اﻻغﻻق لنو العمرة متديش وقت كبير يعني مراحش يطول ان شاء الله و يرجع بالسﻻمة
spunk
2016-02-07, 17:58
روووووووووووووووعة
جازيا ام البنات
2016-02-07, 18:06
السلام عليكم اولا نقولك بارك الله فيك هكدا يكونو الفحلات وثانيا ادا عملتوعشا قبل مايروح ديرو كسكس باللحم او الجاج حسب القدرة وبالنسبة للاشياء لي يأخذها معاه ديريلو شويه لحم مقلي او اسكالوب باش ياكل لما يوصل للبقاع زيديلو كاش غريبيه او شويه كروكي نزيد نوصيك حسب تجربتي المتواضعه في لوازم السفر عمليلو تبديلة او2 من الملابس الداخلية وفوطة للحمام لان الحرارة مرتفعة واكيد يحتاج دوش زديلو قرعة صغيرة شومبوان وصابون ومعجون اسنان .
نرجع للتحضيرات لما يرجع سالم غانم يارب باش كلش يجيك منظم وما تعيايش خدي ورقة وقلم وسطري اللوازم لي يخصوك نبداو بلوازم القهوةلازم قهوة سكر اتاي ونعناع اكيد بلا ماننسى السنيوات والفناجين والكيسان تع اتاي الطرموسات والبرارد والطباسا لي تحطي فيهم القاطو بالنسبة للقاطو خلطي بين لبعصري والتقليدي القريوش والمقروط هما لوالا والقاطو حسب القدرة
نمشيو للاكل ممكن تعملو محمر بالكفتة او طاجين زيتون (شري بيدون كبير يفوتلك العمرة ويبقالك منو) ممكن تعملي دجاج اكيد تشري من قبل كمية كبيرة وتنضفيه وتقسميه على2 وتخبيه ماتنسايش التوابل لازم تكون عندك من قبل للحريرة الماء ادا تشريوه والمشروبات ماتنسايش الماييس للسلاطة والشونبينيو ادا تعملي زيتون وجاج نتمنى كنت افدتك ولو بالقليل ماتخافي ماتدهشي رايحا تتعبي شويه لكن لما تفرحي شيخك وحبابك كل التعب تنسايه نتمنى لك التوفيق واي استفسار راني في الخدمة:19: