ضايعه؟بأتم معنى الكلمه

[مشكلتي]

سلام
اول حاجه نقولهالكم هي اني جيت هنا باش تعاونوني وتنصحوني باللين و التفهم ماشي باش تحكموني تغسلوني وتمصمصوني وتبقاوا تلوموا وو تتفلسفوا لاني شفت في شحال من موضوع يجي واحد يعترف بغلطتو تمرمدوه ، اجماعه نقوللكم رانا بشر و كامل نغلطوا وماراناش معصومين
وما نحبش اللي يزيد عليا بيسك انا في هم و يزيد يجي لاخر يكمل عليا
انا راح نحكي على قرايتي اللي ضيعتهاا
انا نقرا 1 ثانوي طلعت العام هاذا بعد ما جبت البيام بمعدل 18
كنت ذكية قاريه نششششششيطه جدا ف القسم وكل سؤال يسألو الأستاذ نكون انا اول واحد يجاوب وما نراطيش خلاص؟؟؟؟؟
اوكي
وكنت مهتمه ماش "مهمله"
مي السنه
مالغري ما قريتش معاا هاذوكم اللي يخليوا العبد ينسا قرايتو الحقيقه ، بصح انا وليت كسوله خموله ماعادش نحب نقرا ربما كي شفت الاساتذه ما يهتموش بنفس الاهتمام تع السيام psq في السيام كي يشوفوا واحد قاري يدللوه و يهتموا بيه راك فاهم
و فات التريمستر الاول بالكسل والنعاس و نعود نخزر ف الاستاذ هو يشرح و ما نكلفش نفسي باش نشارك حتى بكلمه لاني وليت نحس بالملل من جد القراية
حتى ولو قالولنا على واجب منزلي ولا كاش عفسه بحث ؟؟؟ ما نهتمش وكأنهم ما قالوش وخليتهم يهزوا "نظره" عليا ؟
فات التريمستر لول بمعدل 14 ت خ ي ل و ه ا ؟ من 18 ل 14 وين جات هادي ؟
و كاين عامل مهم اوخر هو غياب اللي كنت ننافسهم هوما راحوا في كلاسات اخرى وانا ماعادش عندي روح المنافسه كيما بكري
يعني ؟ ض ع ت بأتم معنى الكلمه
ضرك فات فصل و راحت عليا معلوماااااااااات ودرووووووس دروووووووووووس ومكتسسسبااات و "هيبه" التلميييييييييذ وصااي طفرت فياااااا
حاولت نرجع مي صايي تقطعت حلقة من السلسله حلقهه مفقوده مبتوره ما نقدرش نرجع لاني اصلا ما كملتش قريت يعني مخليه فراغ منين رح نجيب "روحي" القدييييمه منييين يا جدكك منين ودروك لي بروف ما علابالهومش بيا وانا اصلا حاولت نرجع مي لقيت روحي فطنت على غدرة و فاتوني ف الدروس واش درت ؟ عاودت رقدت ، لاني اصلا كي حاولت نرجع ؟ لقيت روحي كأني جامي قريت يعني حوايج جامي شفتهم كأني حابسه وليت لا أفقه شيئا سبحان الله مغير الأحوال ؟؟؟ يعني حوايج تافهة بديهية تع واحد جامي قرا وليت ما نعرفهومش ؟ ماهذا السسسُخف بالله ؟؟؟؟؟ راكم ما شفتونيش كيفاش ولات تروحلي في ابسط الاشياء فقط لأني ؟ "تهاونت"
كيفاش نرجع هاديك الحلقه المفقوده لالازم حللللللل للموصيبا هادي لازمم
حابه نرجع الذكيه العبقريه النشيطه اللي ما يفوتها حتا واحد مييييييي كيفااش خاطر ضضضضضعت ووليت جدا جدا جدا ك س و ل ة
جدًا ندمت لاني خليت أهم حاجه كانت مخليه عندي قيمتي اللي هي قرايتي مي الحمدلله كي فقت ضرك و خليت مجرد "فصل" واحد يفوت يعني تخيلوا لوكان فقت في عام الباك ولا حاجه صح ولالا
نحب ناس تفهم و تنصحني و ديرلي روح المنافسه وتحفزني وتشجعني لانو واحد كسول وخمول و مهمل وش تستناوا منوو ؟
فاقد الشيئ لا يعطيه وانا في حاله جامي فاتت عليا مي ندمت تاع الصح هاذيك اليامات اللي كنت فيهم عزيزه كامل راحوا طيشتهم بإرادتي وش من صواب هذا درتوا ندممممممت ندمت ن د م ت قد السماااآآ
هدرت بزاف
إليكم المايك؟

[يونس معبدي]

وعليكم السلام ورحمة الله
مرحبا بالأخت الفاضلة
لا يمكن للانسان ان يكون بنفس الحالة على مر السنين
فمرحلة الثانوي مرحلة خطيرة جدا وهي منعرج للكثيريين
يسمونها مرحلة المراهقة ..والكثير قد سقط فيها وانقلبت حالته تماما
انت الآن امام هاته المرحلة ويجدر بك ان تسطري لك هدف وهو الحصول على البكالوريا
انت تمتلكين مقومات من شأنها ان تجعلك طبيبة المستقبل
فمعدل 14 وبالكسل يبين انك طالبة ذكية

و كاين عامل مهم اوخر هو غياب اللي كنت ننافسهم هوما راحوا في كلاسات اخرى وانا ماعادش عندي روح المنافسه كيما بكري

ومن قال ان المنافسة فقط مع طلبة القسم ؟
لماذا لا يكون سقف المنافسة عندك اعلى
وهو تربعك على عرش الثانوية التي تدرسين بها
وتتحصلين على اعلى معدل


موفقة اختي

[toulay]

وعليكم السلام ورحمة الله تعالى وبركاته
مزال يا اختي مفاتش الوقت والحمد الله 14 راهو معدل مليح هي صح جاتك شويا bizarre من 18 وليتي في 14 وقلتي هاذي راهي une chute libre
درك يلزمك une volonté باش تعاود دير un redémarrage
اقرا وشارك يالوكان غالط حتى لوكان الاساتذة ميقروش اقرا وحدك دير des recherches لازم دير des efforts
حتى لوكان هاذوك لموالفة تنافسهم بدلوا الاقسام اعتبرو لصالحلك وارجع انت الاولى فالقسم
النجاح مليح يا اختي خمم في داركم كيفاش راح يكونوا نهار تجيبلهم معدل مشرف خمم فالمستقبل تاعك في احلامك فالاهداف تاعك مين تنجح خمم فالباك
دير ثقة في نفسك وقول oui,je peux وابقى عاود فيها حتى ترجع البنت النشيطة والمجتهدة تاع ايام زمان
بالتوفيق

[*ألخيال*]

السلام عليكم

لا تهول من الأمر فهي حالة عادية والجميع يمر بها، اقصد تغير الظروف المحيطة بالتلميذ من المتوسط الى الثانوي وفي الجامعة كذك . الفروقات تكمن فقط في سرعة التأقلم فهي تختلف من شخص لآخر و إني لألتمس فيك خيرا وذلك بسبب:1 معرفتك بأن هنالك خللا ما ،2- عدم انسياقك مع الخلل ،3- عدم التحلي بروح انهزامية وهذا من خلال طرحك لموضوع تبحث فيه عن اي حل ممكن .. وهذا يعني انك تعلم انك لا تسير في الطريق الصحيح ..

سيكون الحل سهلا وصعبا في نفس الوقت ...متابعة الدروس واقصد بها :
*- ان كانت لك القدرة على تذكر عناوين الدروس التي درستها في الحصص الصباحية والمسائية وما افكارها العامة .فإن كنت تتذكر عناوين الدرس وما درست فيها دون فتح الكراس فمبارك لك انت تلميذ منتبه ! وتقل درجة الانتباه من تذكر العناوين ===تذكر ساعات المادة ====واخيرا عدم تذكر ما درست اصلا او اي مادة درست !!

*-المتابعة الجدية ، ابدأ بمراجعة المواد الى تنفر منها ، ضع ملخصات قبل بداية المراجعة (لكي تختبر انتباهك في الحصص ولا تتجاوز هذه الخطوة)، راجع ، ثم ضع ملخصات اخرى كخلاصة في حافظات منفصلة بحيث تكون لكل مادة حافظة بها ، سيكون الأمر مجهدا لكنك ستقطف ثمن تعبك عند نهاية كل فصل ..

[نور لاتراه]

السلام عليكم
1- وقبل كل شيئ عليكِ بالوضوء قبل المذاكرة,استعيذي بالله ثم سميّ باسم الله
2- لاتربطي الحماس في الدراسة باهتمام استاذ(ة) فعندما يعّين غيرهم تجدين نفسك لاتملين للمادة
3-التلميذ(ة) الذي يجب ان تتفوقي عليه هو واحد ,انه مستواك وتقدّمك
4-حاولي كل يوم ان تستفيدي من شيئ جديد من المادة اللتي تدرسينها
5-لايوجد هناك حاجز اسمه الوقت الرغبة تختصر اي زمن
6-عندما تربطين المعلومات اللتي درستيها بالواقع او افكار من ابداعكِ ستجدين نفسك تستوعبينها دون حاجة للمذاكرة التقليدية
اي عليك بطريقة خريطة العقل
مثال اردت تعلم ترتيب معين للقارات,فسميّ أغراضا في الغرفة
على أسمائها ومايتناسب مع حجمها, تخيّلي ذلك ثم راجعيه
تجدين نفسك تعلمتها دون ان تنسيها مجددا,طبقي النظرية على معلومات علمية أو أدبية,وابحثي في النت عن هاته النظرية وستستفيدين أكثر
7- طبّقي هاته الخطوات فورا,وارجو من الله لك التوفيق والسداد

[محارب الحمق]

أنا خلعتيني كي قريت المقدمة تاع المشكل, انا قلت كاش ما درت حكاية معا كاش واحد مشيطن, الحمد لله جات هاكذا برك, مازال قدامك الوقت باش تتحسني, شويا ارادة مع التدين والتعبد لله راح تحلك المشاكل تاعك

[هدآية]

السلام عليكم
هذا أمر عادي ... مشكلتك فقط هي التأقلم مع التغيير الكبيى بين المتوسط و الثانوي
كثر امثالك فالصل الاول يعتبر من اصعب الفصول
و الحمد لله نتائجك كانت جيدة
و أظنك الان تعودتي و من السهل ان تسترجعي نشاطك و حيويتك
ثقي بقدراتك و اياك و الخمول و الكسل
و الاكيد ستعودين للامتياز
موفقة اخية

[زبدة ذايبة]

d"]مشكلات الناس الكبار هي اللي فيها الغسيل والتمصميص

أما مشكلتك فهي بسيطة بإذن الله وماتحتاجش للغسيل بل تحتاج التوجيه فقط

شدي الحزام وشمري على سواعدك وجمدي قلبك واوقفي على رجليك وانطلقي

بما أن القواعد تاعك مبنيين على أساسات صحيحة ماتخافيش نهائيا

نسميلك الفترة اللي تراجعت فيها فترة [size="7"]استراحة محارب

عاودت ضبطتي فيها أمورك وماعليش كي تراجعتي شوية ماصرا والو

الآن

شدي الهمة وانطلقي قادرة توصلي بإذن الله لمراتب عالية

استعيني بالله وتوكلي عليه وادعيه يوفقك

ثقي في نفسك. وقوليها أنا شاطرة وعبقرية وقادرة نتحصل على أعلى الدرجات بفضل الله

وماتقوليش أنا خايبة وفاشلة

كلما أعطيتي لنفسك صورة حسنة كلما تقدمت وكلما أعطيتي صورة سلبية كلما نمت وتأخرت

رب يوفقك يابنتي[/s[/COLOR]ize]

[أم رقية نسرين]

يا بنتي عاودي ديري ثقة في نفسك من جديد و صدقيني على قد ما تقولي راني فشلت راني مابقيتش كي بكري راني كسولة وووووو رايحة تقتنعي بيها
وزيد انا نقولك ماشاء الله اذا هاد الشيء و جبتي 14 الله يبارك هادا يحفزك باه تولي كيما كنتي راكي في البداية
فقط أثر عليك تغير المكان
ربي يوفقك و ينجحك بأعلى المعدلات و تفرحي والديك

[om_nour]

شوفي راك كماابنتى ننصحك بمايلي

اولا لادخل للاستاذ بقرايتك عولى على روحك

استاذ متوسط ليس كاستاذ ثانوى

ثانيا قبل اى عمل الذكر والصلاة ماتتركهمش خلاص وربي يعينك ان شاء الله
;
ثالثا الفصل الاول اديتى 14 ثانى ان شاء الله16مع شوية مثابرة الفصل الثالث 18 وترجعى ىشوية بشوية كما تحبى يارب

رابعا لاتؤجلى العمل للغد مع كثرة حلول تمارين

خامسا اعلمك انا السنة الاولى ثانوى تكون دروس جديدة وطويلة ومملة مع اساتذة تختلف عقليتهم عن اساتذة متوسط

لهذا يتراجع الطالب في مستواه فهناك من يتفطن وينقذ نفسه وان شاء الله تكونى منهم

هاذى ملاحظات راها مرت عليا

[oumhana]

وعليكم السلام ورحمة الله
مرحبا بالأخت الفاضلة
لا يمكن للانسان ان يكون بنفس الحالة على مر السنين
فمرحلة الثانوي مرحلة خطيرة جدا وهي منعرج للكثيريين
يسمونها مرحلة المراهقة ..والكثير قد سقط فيها وانقلبت حالته تماما
انت الآن امام هاته المرحلة ويجدر بك ان تسطري لك هدف وهو الحصول على البكالوريا
انت تمتلكين مقومات من شأنها ان تجعلك طبيبة المستقبل
فمعدل 14 وبالكسل يبين انك طالبة ذكية



ومن قال ان المنافسة فقط مع طلبة القسم ؟
لماذا لا يكون سقف المنافسة عندك اعلى
وهو تربعك على عرش الثانوية التي تدرسين بها
وتتحصلين على اعلى معدل


موفقة اختي



نعم انا مع أخي يونس

[loui za]

السلام عليكم و رحمة الله تعالى و بركاته
مادام علابالك بلي كاين خلل و مارضيتيش ب 14 الحمد لله كاين امل كبيييييير
روحي شوفي الفيديوهات التحفيزية في اليوتوب
افراي كتب تنمية بشرية
نظمي وقتك القاي هواية تعمري بيها وقت الفراغ و طورك في نفس الوقت
الدروس لي مافهمتيهمش استدركيهم مادامك فسنة اولى
اخطيك من حكايات الحب و مشتقاتها تجيبلك غير تكسار الراس
حافظي على صلاتك و على الاذكار
كبري سقف طموحك و اجعلي هدفك الباك ب 18 و لم لا الاولى وطنيا
ان شاء الله ميكون غير الخير

[رياض المستغفرين]

يا الله انا عند بالي كارثة اخرى الحمد لله جات هكذا

[zahrata]

انت احلى مشكلة اقرتها روحي راك ناجحة بادن الله ودعاء الوالدين ورضاهم عنك .............الله يحميك

[ميمي سمية]

السلام عليكم

والله نقولك حاجة ختي؟

الحمد لله كي فقتي دكة ،، مزالك قادرة تستدركي

انا كنت مليحة في السيام ونقرى مليح مي كي طلعت الليسي تهاونت وصراتلي كيما صراتلك

والمشكلة اني مافطنتش كيفك في الفصل الثاني ولا الفصل الثالث ولا العام الثاني
حتى وصل الباك وين فطنت ولقيت روحي ودرت بزااااف خاصة من ناحية مادة الرياضيات

قريت 9 اشهر تعب وتمرميد ماحبستش نهار

لكن ماقدرتش نعوض الشي لي ضيعتو العامين الاولين

ومن جرت هدا كامل راني جبت الباك مي نعاود فيه السنة ثاني باه نوصل لوين حبيت

يعني نتي افطني دكة ومتخليش روحك توصلي لوين وصلت انا لتزيدي تخسري عام آخر من البكالوريا

[أم عبد الكريم]

لازمك تنافسي روحك مزال مفات والو .........الدروس لي فاتوك عاودي اقرايه و ديري دروس خصوصية باش ترجعي لمستواك .............لوكان تتهاوني العام الاول راح تلقاي روحك في العام الجاي فارغة من المعلومات .....احمدي ربي كي فقتي قبل متتطفر .......انا كنت كيفك الاولى في السيام كي طلعت للليسي تفرت فيا و مفقتش تخيلي يهبط معدلي حتان جبت 9 .........كنت 18 من بعد 15 من بعد 13 و مفقتش حتان جبت 9 ...راني نقولكهكا باش تعرفؤ وين راكي ماشية ....
ربي ينجحك

[رجائي فيك]

وفقك الله لما يحب و يرضي يا بنتي مزال مافتك القطار تقدري تتداركي الامر انت ذكية واعية و الهم انك ناضجة هذه ما هي مشكلة المهم يليقلك الان تجتاهدي صح راح تتبعي في فترة الاولى لكن راح تجني ثمار اخر سنة

[أمل94]

متتقلقيش اختي انشاله رب يوفقك ويسددخطاك

[sinou19]

وعليكم السلام

شوفي الاخت زوج كلمات قص وقرمط


1. ماتفقديش الامل وحبل الامل ديما موصول وعمرو لا يتقطع والامل هدا يكمن في قدراتك العالية اللي صارت مكبوتكة حاولي تصحصحي


2. ربي يهديك كل هدا الشي ومامفقتيش واش يجيك من الوسواس الخناس الله يلعنو شهدي واستغفري واكثري من الاستغفار والصلاة والدعاء وشوفي الفرق بعد تلاحظسه وحدك


ربي يوفقك ان شاء الله

حرام قدرات بهاد الحجم دفنتيها بصح ان شاء الله ما ماتتش القدرات وتكون تحت التراب بذرة تنبت وتطلع كي الشجرة وتعاود تحيا من جديد


وقولي للمورال مايطلعش دكا

[شذور الذَّهب]

أختي الصَّغيرة ؛
السَّلام عليك و رحمة الله و بركاته
سأستهل كلامي بمقول لأمير البيان شكيب أرسلان رحمه الله " إنَّ زِمام الأمر هو الإرادة فإذا وُجدت الإرادة وُجِد الشَّيء المراد"
حالتك أخيَّتي عاديَّة جدًّا لأن النَّفس مقبلة حينا مدبرة في أحايين أُخَر و أنت ربَّما تمرين بمرحلة فتور ما يُهمُّك الآن أن تتخلَّصي من هذا الفتور في أسرع وقت
طبعا قد يكون لهذا الفتور عدَّة أسباب أنا أوَّل حاجة أنصحك بها هي المُداومة على الأذكار حاولي تشتري كتاب صغير ثمنه 50دج "صحيح الأذكار " للشيخ الألباني أو إذا متوفرش هذا إشتري حصن المسلم و حطِّيه أمام سريرك عند الصَّباح إقرئي أذكار الصباح و في المساء إقرئي أذكار المساء و عند النوم كذلك أقرئي أذكار النَّوم مع رقية نفسك بنفسك لأنَّك ما شاء الله مجتهدة الأعين كلها مصوبة نحوك فيجب تحصين نفسك مع ضرورة المحافظة على صلاة الفجر
و أنا أتكلَّم من وحي تجربتي كنت مثلك مجتهدة تحصلت على بكالوريتي ب17 لكن مذ دخلت الجامعة فتور يجعلني لا ألمس الكراس إلا أيام الامتحانات و على مضض ، بل حتى لدروس لا أحضرها رغبتي في الدراسة اضمحلت نهائيا رغم أنني اخترت التخصص الذي كنت احبه و مثلك كل الأساتذة يشيدون بذكائي ممن أدرس عندهم لكن الذكاء يحتاج إلى مجهود صغيرتي و مثلك دائما يؤرقني أمر أنني تراجعت لكنني أحمد الله و أقول عساه خير و أمضي
إن كنت أنا على وشك التخرج فأنت مزال أمامك مشوار طويل لذا أنصحك بتحصين نفسك جيدا
ثم قولك نظرة الأستاذة وووو تعلمي شيء "نظرة الأساتذة لمَّا يشوفو نتائجك تحسنت ستتغير فلا تستعجلي إعملي في صمت و أبهريهم في نهاية هذا الفصل و عودي إلي لتخبريني كيف صاروا معك "
لما دخلت الثانوية = و هذه من طرائف مع حدث معي = غيرت الثانوية لثانوية أخرى و لما غيرتها صادف تغييري عودة التلاميذ المطرودين و جلست معهم في نهااية الصف تصوري كل الأساتذة كانوا ينظرون إلي على أنني رئيسة عصابة أي تشويش أكون أنا ضمن قائمة المتهمين ناهيك عن الازدراء ووو ...حتى أن علاماتي كان يُشك فيها على أنها نِتاج غش
و لكن بعد مرور فصل و رأى الأساتذة نتتيجتي غير ما كانوا يتوقعون صارت الأمور على العكس
لذا لا تهتمي لنظرتهم الآن اهتمي بنفسك حتى تستطيعي النهوض من جديد
مسألة فقدت مكتسبات و دروس والله و بالله و تالله ليست بشيء ، تدرين تلاميذ كثيرون درسوا معي كانت نتائجهم في السنة الاولى و الثانية بين 11-13 تحصلوا على البكالوريا ب16
حبِّيت نقولك إحمدي الله أنك فقتي في وقت مبكر أنا ننصحك دك نساي الفصل 1 اهتمي بدروس الفصل 2 لأنها عادة غير مرتبطة بالاول عدا المواد العلمية ارجعي فقط للأمور التي تحتاجينهاو أنصحك بكتاب الجديد في الرياضيات و الفيزياء سيختصر لك الطريق و هو رائع جدا و انظري كلامة الأستاذ الطنطاوي رحمه الله في مقال السعادة من كتابه صور و خواطر على ما أظن : "أنا أعجب ممن يشكو ضيق الوقت، وهل يُضَيِّق الوقت إلا الغفلة أو الفوضى؛ انظروا كم يقرأ الطالب ليلة الامتحان، تروا أنَّه لو قرأ مثله لا أقول كلَّ ليلة، بل كلَّ أسبوع مرة لكان عَلَّامَة الدنيا"
فما تحتاجينه الآن

لا تعبئي بالغير بتاتا و تناسي نظرة الناس

لإرادة ثم الارادة ثم الارادة والله لو عزم الشخص وصدق لبلغ ووصل فقط اعقدي الناقة و توكلي

وهو أهمهم الدُّعاء الدُّعاء ثم الدعاء فهو يغير القدر و هو باب تحقيق المعجزات

وأقول لك شيء لا شيء يفوت صدِّيقيني كل شيء يمكن تعويضه بالنسبة للفتاة إلا أخلاقها و شرفها و دينها إن ضاع فهيهات لذا أخيَّتي الدراسة تأتي و تذهب لكن أخلاقك في هذا الزمن أهم شيء حافظي عليها و عضي عليها بالنواجذ حتَّى إذا ذهب كل شيء تعزَّيت بها و كانت لك سُلوة
و اسألي الله من فضله فهو حسبك و حسبي
و صدِّقيني من صدق الله صدقه و اسألي الله أن يوفقك لما فيه خير
التفوق أمر جميل لكن هناك ما هو أجمل منه
و أنا لا أنصحك بالضغط على نفسك خاصة في أمر المنافسة دائما حاولي أن تنافسي نفسك لا غيرك أن تحققي أهدافك أنت لا النَّاس
كم من متفوق و هو في أخلاقه =منهدروش خير= و كم من متفوق فقد أمورا كثيرة فالله عادل
أنت اتخذي الأسباب ثمَّ ما رزقته لاقيه برضا
هذه النَّصائح التي كتبتها لك كتبتها لنفسي أولا فأنا أحق بها و حالتك أفهمها جيِّدا لأنني مررت بما هو أعتى منها
يبقى لي أن أختم الكلام ب دعواتي لك بالتَّوفيق~
و أنت قادرة على تحقيق المرتبة الأولى فقط ثقي في الله و ليكن لك يقين بقدرته فما أحسن عبد الظن بالله إلا كان الله عند ظنه به إنسي ما مر و إبدئي من الصِّفر فأنت لها يا أخيتي و ننتظر البشرى بعد نهاية هذا الفصل : )

[أسماء*]

فلا تحسبوا أن المعالي رخيصة ولا أن إدراك العلى هين سهل

فما كل من يسعى إلى المجد ناله ولا كل من يهوى العلا نفسه تعلو