klodia26_dz
2016-01-25, 15:34
البسملة1
السلام عليكم ورحمة
واش راكم خياتي ؟ ان شاء الله بخير وعافية
الفاصلة3
لمرة الي فاتت حطيتلكم بريوش وكان الحمد لله ناجح لما جربوه لبنات ونشكركم على تشجيعكم ودعمكم ليا كامل العضوات سواء في هاذ القسم أو قسم الجمال بدون دعمكم وتشجيعكم ما كنتش هنا
وبعد ما طلبتو مني طريقتي الخاصة للبيتزا وخاصة امولة ما شرحتهالكش مليح ذيك النهار
اليوم لبنات جبتلكم طريقة رووعة رووعة للبيتزا وهاذ العجينة نستعملها لكل معجناتي :19:
http://cutt.us/klodia26_dz_
ننصحكم تجربوها والله مش رح تندمو وذوقها أحسن من تع المطاعم ولبيتزيريا :mh31: :cool:
ما نطولش عليكم نخليكم مع الوصفة :
للعجينة نحتاجو :
- 1 كلغ فرينة
- نص لتر من الماء الدافيء
- مغرف كبيرة خميرة خبز
- ربع ملعقة كبيرة ملح
- 2 مغارف كبار سكر عادي
- و 2 فناجل تع آتاي زيت ( تحبو تديرو فنجان زيت زيتون وفنجان زيت عادي تحبو تديرو مباشرة 2 فناجن زيت عادي ) على حسب الذوق
الطريقة :
نخلطو السكر + الخميرة مع شوية ماء نخلوها شوي ونضيفولها الزيت + نصف الكمية تع الفرينة ( يعني فقط 500 غ ) ونفرغو عليهم الماء ونخلطوهم مع بعض مليح نتحصلو على خليط شبه سائل ( مثل تع البغرير )
ثم نضيفولو كمية الفرينة الي بقات يعني 500 غ المتبقية نخلطو مليح رح نتحصلو على عجينة طرية :19: غطيها وخليها تخمر حتى يتضاعف حجمها
نروحو للصلصة :
نحتاجو 1 كلغ طماطم مغسولة ومقطعة قطع عشوائية + معدنوس مغسول ومقطع
نزيدولها الملح + الفلفل الأسود + الفلفل الأحمر + الثوم مهروس ( مقدار 5 سنات كبار ثوم )
+ وريقة رند + الزعيترة + وأكيد الزيت مقدار زوج مغارف كبار
والأهم + نص فنجان ماء ( بلاك تقولو الطماطيش ديجا فيها الماء علاه نزيدولها الماء ؟ انا نقوللكم جربو الطريقة ورح تعرفو لأنو الماء هذاك رح يطلق في لاصوص ويزيد يعطي النكهة للرند والزعيترة .. وبصراحة انا جربتها مرة بالماء ومرة بلا ماء والله بالماء فرق كبير http://www.djelfa.info/vb/images/icons/mh47.gif .. لانو الماء هذاك ينقص الحموضة تع الطماطم ويزيد من النكهات لخرين )
وأكيد نضيفولهم ربع ملعقة كبيرة طماطم مصبرة ( المعلبة )
نخلوها فوق النار على نار متوسطة تكتك لمدة 20 دقيقة ومبعد ارحيهم بالميكسور
روحي للحم المفروم ديريه في مقلات مع شوية زيت وقلبيه كي يبدى يطلق فالماء تاعو زيديو زوج سنات ثوم مهروسين + شوية ملح + شوية فلفل أسود خلطيه شوية ونحيه من فوق النار / في نفس المقلاة الي طيبتي فيها اللحم بدون ما تغسليها زيدي فوقها قطرة زيت ولوحي فيها الفطر ( الشومبينيو ) وقلبيه على نار هادية لمدة 2 دقائق ... علاه قلتلكم ما تغسلوهاش لأنو رح يبقى فيها هذاك الدسم تع اللحم المفروم الي طيبتوه ومع الي نطيبو بعدو الشومبينيو رح ياخذ النكهة هاذيك تع الثوم والبهارات
نقطعو الطرشي ( الفلفل لحلو )
ونجهزو الفرماج انا ستعملت هاذ النوع لأنو نحبو قع أحسن من لخرين للبيتزا امممم
http://www13.0zz0.com/2016/01/25/17/204987226.jpg
الآن روحي للعجينة رح تلقايها تضاعف حجمها حبطيها واقسميها دوائر متوسطين ماشي كبار وماشي صغار بالزاف باش كي تحليهم تكون العجينة ماشي رقيقة بالزاف وماشي غليظة بالزاف تكون مليحة
حليها على شكل دائري بالحلال
وبعدو روليها على الحلال غير باش تساعدك باش ترفديها للطابونة
طيبيها فوق هاذيك الي يطيبو فيها لمسمن حطي العجينة واثقبيها وبمجرد ما تبدى تتنفخ شغل تعمل كيما الفقاعات اقلبيها ومباشرة ابداي عمريها
ديري لاصوص مشيها مليح وزيدي باقي المكونات وخلي الجبن والزيتون في الأخير
غير تعمريها وتكملي ارفديها من الطابونة وديريها في سنيوة باش تدخليها للفرن اشعلي عليها من فوق برك وخليها لمدة 3 دقائق أو 5 فقط باش يذوب هذاك الجبن
وتاكلوها بالصحة والعافية
و ما تنساوش الهريسة والمايوناز :1:
ان شاء الله تجربوها وتعجبكم
الي تحب تشوف الطريقة بالتفصيل وبمراحل مصورة ... ادخلو لهذا الرابط تع الفيديو الي مشروحة فيه الوصفة في قناتي على اليوتوب هنا :
http://cutt.us/klodia26_dz_
نتمنى يكون عجبكم الموضوع ما تنساونيش من التقييم وردودكم الي تشجعني نمدلكم أكثر
انتظروني مع موضوع جديد ان شاء الله
الفاصلة3
الخاتمة1
اختكم في الله klodia26_dz
*
*
تجارب البنات للوصفة :
واش نقولك اختي ربي يجازيك على الوصفة جربتها و كل الاولاد حبوها ربي يعطيك ما تتمني و كل الاخوات يارب و يفرج كرب كل مكروب و هم كل مهموم و يسعدنا في الدنيا و الاخرة و يلاقينا عند حض نبينا محمد و قرب الصحابة و الصحابيات الكرام رضوان الله عنهم باااااااااااااااااااااااااااااااري ادعو لنا جميعا و قولوا اااااااااامين
اختي كلوديا جربت اليوم وصفتك ، خرجتلي خفيفة تهببببل البيتزا يعطيك الصحة ... :19::19:
أنا منحبش البيتزا وكليت شوية سخفتني ههه :1:
جربتها خرجت روووووووووووووووووووووووووووووووووووووووعة شكراااااااااا ليك بزااااااااااااف بزاااااااااااااااااااااااااف
wow djarabtha dork wooow touhfa tres tres delicieuse ya3tik alf alf saha
السلام عليكم ورحمة
واش راكم خياتي ؟ ان شاء الله بخير وعافية
الفاصلة3
لمرة الي فاتت حطيتلكم بريوش وكان الحمد لله ناجح لما جربوه لبنات ونشكركم على تشجيعكم ودعمكم ليا كامل العضوات سواء في هاذ القسم أو قسم الجمال بدون دعمكم وتشجيعكم ما كنتش هنا
وبعد ما طلبتو مني طريقتي الخاصة للبيتزا وخاصة امولة ما شرحتهالكش مليح ذيك النهار
اليوم لبنات جبتلكم طريقة رووعة رووعة للبيتزا وهاذ العجينة نستعملها لكل معجناتي :19:
http://cutt.us/klodia26_dz_
ننصحكم تجربوها والله مش رح تندمو وذوقها أحسن من تع المطاعم ولبيتزيريا :mh31: :cool:
ما نطولش عليكم نخليكم مع الوصفة :
للعجينة نحتاجو :
- 1 كلغ فرينة
- نص لتر من الماء الدافيء
- مغرف كبيرة خميرة خبز
- ربع ملعقة كبيرة ملح
- 2 مغارف كبار سكر عادي
- و 2 فناجل تع آتاي زيت ( تحبو تديرو فنجان زيت زيتون وفنجان زيت عادي تحبو تديرو مباشرة 2 فناجن زيت عادي ) على حسب الذوق
الطريقة :
نخلطو السكر + الخميرة مع شوية ماء نخلوها شوي ونضيفولها الزيت + نصف الكمية تع الفرينة ( يعني فقط 500 غ ) ونفرغو عليهم الماء ونخلطوهم مع بعض مليح نتحصلو على خليط شبه سائل ( مثل تع البغرير )
ثم نضيفولو كمية الفرينة الي بقات يعني 500 غ المتبقية نخلطو مليح رح نتحصلو على عجينة طرية :19: غطيها وخليها تخمر حتى يتضاعف حجمها
نروحو للصلصة :
نحتاجو 1 كلغ طماطم مغسولة ومقطعة قطع عشوائية + معدنوس مغسول ومقطع
نزيدولها الملح + الفلفل الأسود + الفلفل الأحمر + الثوم مهروس ( مقدار 5 سنات كبار ثوم )
+ وريقة رند + الزعيترة + وأكيد الزيت مقدار زوج مغارف كبار
والأهم + نص فنجان ماء ( بلاك تقولو الطماطيش ديجا فيها الماء علاه نزيدولها الماء ؟ انا نقوللكم جربو الطريقة ورح تعرفو لأنو الماء هذاك رح يطلق في لاصوص ويزيد يعطي النكهة للرند والزعيترة .. وبصراحة انا جربتها مرة بالماء ومرة بلا ماء والله بالماء فرق كبير http://www.djelfa.info/vb/images/icons/mh47.gif .. لانو الماء هذاك ينقص الحموضة تع الطماطم ويزيد من النكهات لخرين )
وأكيد نضيفولهم ربع ملعقة كبيرة طماطم مصبرة ( المعلبة )
نخلوها فوق النار على نار متوسطة تكتك لمدة 20 دقيقة ومبعد ارحيهم بالميكسور
روحي للحم المفروم ديريه في مقلات مع شوية زيت وقلبيه كي يبدى يطلق فالماء تاعو زيديو زوج سنات ثوم مهروسين + شوية ملح + شوية فلفل أسود خلطيه شوية ونحيه من فوق النار / في نفس المقلاة الي طيبتي فيها اللحم بدون ما تغسليها زيدي فوقها قطرة زيت ولوحي فيها الفطر ( الشومبينيو ) وقلبيه على نار هادية لمدة 2 دقائق ... علاه قلتلكم ما تغسلوهاش لأنو رح يبقى فيها هذاك الدسم تع اللحم المفروم الي طيبتوه ومع الي نطيبو بعدو الشومبينيو رح ياخذ النكهة هاذيك تع الثوم والبهارات
نقطعو الطرشي ( الفلفل لحلو )
ونجهزو الفرماج انا ستعملت هاذ النوع لأنو نحبو قع أحسن من لخرين للبيتزا امممم
http://www13.0zz0.com/2016/01/25/17/204987226.jpg
الآن روحي للعجينة رح تلقايها تضاعف حجمها حبطيها واقسميها دوائر متوسطين ماشي كبار وماشي صغار بالزاف باش كي تحليهم تكون العجينة ماشي رقيقة بالزاف وماشي غليظة بالزاف تكون مليحة
حليها على شكل دائري بالحلال
وبعدو روليها على الحلال غير باش تساعدك باش ترفديها للطابونة
طيبيها فوق هاذيك الي يطيبو فيها لمسمن حطي العجينة واثقبيها وبمجرد ما تبدى تتنفخ شغل تعمل كيما الفقاعات اقلبيها ومباشرة ابداي عمريها
ديري لاصوص مشيها مليح وزيدي باقي المكونات وخلي الجبن والزيتون في الأخير
غير تعمريها وتكملي ارفديها من الطابونة وديريها في سنيوة باش تدخليها للفرن اشعلي عليها من فوق برك وخليها لمدة 3 دقائق أو 5 فقط باش يذوب هذاك الجبن
وتاكلوها بالصحة والعافية
و ما تنساوش الهريسة والمايوناز :1:
ان شاء الله تجربوها وتعجبكم
الي تحب تشوف الطريقة بالتفصيل وبمراحل مصورة ... ادخلو لهذا الرابط تع الفيديو الي مشروحة فيه الوصفة في قناتي على اليوتوب هنا :
http://cutt.us/klodia26_dz_
نتمنى يكون عجبكم الموضوع ما تنساونيش من التقييم وردودكم الي تشجعني نمدلكم أكثر
انتظروني مع موضوع جديد ان شاء الله
الفاصلة3
الخاتمة1
اختكم في الله klodia26_dz
*
*
تجارب البنات للوصفة :
واش نقولك اختي ربي يجازيك على الوصفة جربتها و كل الاولاد حبوها ربي يعطيك ما تتمني و كل الاخوات يارب و يفرج كرب كل مكروب و هم كل مهموم و يسعدنا في الدنيا و الاخرة و يلاقينا عند حض نبينا محمد و قرب الصحابة و الصحابيات الكرام رضوان الله عنهم باااااااااااااااااااااااااااااااري ادعو لنا جميعا و قولوا اااااااااامين
اختي كلوديا جربت اليوم وصفتك ، خرجتلي خفيفة تهببببل البيتزا يعطيك الصحة ... :19::19:
أنا منحبش البيتزا وكليت شوية سخفتني ههه :1:
جربتها خرجت روووووووووووووووووووووووووووووووووووووووعة شكراااااااااا ليك بزااااااااااااف بزاااااااااااااااااااااااااف
wow djarabtha dork wooow touhfa tres tres delicieuse ya3tik alf alf saha