شعبـة التقني ريـاضي ولا ريـاضيـات؟

[المُعادلة الصّعبة]

سلام عليكم خاوتي سافا مع الفروض
حبيت نستشيركم مع الوقت اللي بدات فيه بوادر نهاية العام ، حول الشعبه اللي مأرقتني ومأرقتلي تفكيري و مسيطرة عليا اكثر من أي وقت مضى
انا كنت حاطه في راسي من قبل ما نطللع لليسي اني ندير تقني رياضي هندسه كهربائيه يعني ف الليسي تاعنا كاين غير هندسة كهرباء
المهم ضركا وكي شفت لي رح يطلعوا ليها ؟ غير "المسوفجين" و هاذوكم المستهترين وانا علابالي بروحي نتأثر بالجو سيرتو هوما ما يقراوش و كي يشوفوهم الاساتذه هكاكا يتهاونوا ، فأنا نتهاون :) لانو طبعي هكذا هههههه نتاثر بالجو المحيط بيا
بدلت رايي هذيك السع وقلت ندير رياضيات ، علما اني مانيش هذيك الfort ف المات ومشني ههذيك اللي اطّير طيران فيها بصح نجتهد ونجيب فيها ، يعني تشوفوا بلي مانلقاش روحي كي نطلع للشعبه هذي ؟ وزاد انا نحب التحدي والمغامره وتشجعت كي شفت اغلب الاذكياء والقاريين رايحين ليها يعني بثوا فيا روح المنافسه والتحدي وانا كي نشوف هذاك الجو نتحمسس عكس الجو اللي رايحتليه ف الماتيكنيك ؟ رح نتعب ياسر
انا عرفت التلاميذ اللي رايحين لكل شعبه كي هدرت مع مستشارة التوجيه و شفت التلاميذ "المرشحين" باش يروحولهم يعني ماشي نتيجه نهائيه بصح مرشحين برك
اهلي يقوولولي روحي ماتيكنيك حاسبتلهم ساهله زعما وباش ما نتعبش و يكتافيوا بلقليل يعني اذا جبت 17 معدل ما يقولوش جيبي كثر يقولولي صاحييتي مع اني عندي امكانيات أكبر
مانحبش نروح للساهل حابه نروح للصعيب باش نمرن مخي و نكبروا و نخدمو و نتنافس مع العمالقه لاني عملاقه و نشوف بلي شعبة التقني رياضي ما تصلحليش لاني حاسه بلي شعبة الرياضيات هي تع "الامتياز" وهي الاحسن
معدلي تع الفصل الاول كان 17.15 وكانت الرياضيات مطلعتهولي كان معدلي ف المات 18.00 وشرايكم زعمـاا
نحب ذوي لخبره يجاوبوني محتاجه جواب راني نخمم ياسر اشفوا غليلي الله يستركم راني يامات وانا عالقه نخمم نخمم و خايفه نختار الغالط ونندم
وووووووو اني سكتت هههه واخيرا؟ شكرا

[الجزائرية الاصيلة]

انا حبيت ندير رياضيات بصح دوماج ماعندناش رياضيات فالليسي تاعنا
بون مادام تحوسي حاجة تشجعك وتحوسي عل المنافسة والحماس روووووووووووحي ماث خير بصح لازم تعرفي ايلا راكي مليحة و قادرة باه تروحي رياضيات
وايلا راكي حابتها ابروفيتي مادام كاينة الانترنت شوفي دروس فاليوتيب و اساليب فالماث
وتاني اذا راكي حاب تقني رياضي ماتفرطيش شوفي بلاك تلقاي كليكا مليحة وقارية و لازم تكون عندك شخصية قوية مالازمش تتأثري وايلا ماخرجتش عليك ولقيتي غير المسوفجين مكالاه تروحي بصح خممي ف ur Dream
وسقسي لافامي تاعك سقسي لي بروف سقسي صحاب الرياضيات و تقني رياضي
بصح ايلا خيرتي رياضيات لازم تزيري روححححححححححك

[ScRiPt]

انا درست رياضيات

و اعتقد ان في الجامعة تقريبا كييف كييف
يعني الشعب نفسها المهم المعدل في الباكلوريا لتختاري التخصص لي تحبيه لان التوجيه في الجامعة يكون حسب المعدل

الرياضيات و الفيزياء و الكيمياء تبعك في اي شعبة
الفرق بين شعبة الرياضيات و الشعب الاخرى انه تركزي على الرياضيات و الفيزياء و الكيمياء لانها هي من تملك معاملات كبيرة
فمثلا انا عندما درست في شعبة الرياضيات ,معامل الرياضيات 7 , الفيزياء و الكيمياء : 6 , العلوم الطبيعية: 3 , جميع المواد الاخرى : 2 , الرياضة :1

على عكس شعبة تقني رياضي يزيدولك هندسة كهربائية او هندسة ميكانيكية ... حسب الشعبة ... و ينحولكم علوم طبيعية ,اما للرياضيات و الفيزياء و الكيمياء ديما تكون

شعبت الرياضيات قريناها في 10 فينا في القسم

جميع الشعب نفسها
الا تسير و اقتصاد و شعبة اللغة

بالتوفيق

[زهور الاليس]

اريد ان اسالك سؤال لماذا لم تفكري في شعبة العلوم الطبيعية و ايضا لكي استطيع مساعدتك ماذا تريدين ان تكوني في المستقبل

[mimou dz 1]

أختي ما رأيك في شعبة علوم تجريبية انا درست رياضيات

و اعتقد ان في الجامعة تقريبا كيف كيف
يعني الشعب نفسها المهم المعدل في الباكلويا لتختاري التخصص لي تحبيه لان التوجيه في الجامعة يكون حسب المعدل

الرياضيات و الفيزياء و الكيمياء تبعك في اي شعبة

جميع الشعب نفسها
الا تسير و اقتصاد و شعبة اللغة

[ﺂﭴﻧפة ﺂﻟﻅﻟآﻣ̝̚]

انا رغم اني اجيد دراسة مادة العلوم و متفوق فيها الا انني لا احبها و اكره ان ابحث فيها سنة الباك ان شاء الله
بل اطمح لاكون مهندسا ، او شيئا في الطب او الاعلام الالي
لهذا سادرس ان شاء الله تقني رياضي هندسة كهربائية بعد تشجيع من استاذ الاعلام الالي الذي شرحها لنا بالتفصيل الممل
يكذب عليك اللي يقولك مسوفجين و الله غي شعبة فووور و مليحة
المادة الاساسية في الباك تدي فيها : 18-20
و في الاخير كل واحد يدير اللي يناسبه مي تبانلي ندير علوم نطيب و انا نكره مادة العلوم

[ملامح خجولة.]

انا انصحك بالرياضيات وعليك بالاجتهاد كثيرااااا فقط

[ScRiPt]

انا رغم اني اجيد دراسة مادة العلوم و متفوق فيها الا انني لا احبها و اكره ان ابحث فيها سنة الباك ان شاء الله
بل اطمح لاكون مهندسا ، او شيئا في الطب او الاعلام الالي
لهذا سادرس ان شاء الله تقني رياضي هندسة كهربائية بعد تشجيع من استاذ الاعلام الالي الذي شرحها لنا بالتفصيل الممل
يكذب عليك اللي يقولك مسوفجين و الله غي شعبة فووور و مليحة
المادة الاساسية في الباك تدي فيها : 18-20
و في الاخير كل واحد يدير اللي يناسبه مي تبانلي ندير علوم نطيب و انا نكره مادة العلوم


مادة العلوم الطبيعية في شعبة الرياضيات سهلة و ممتعة و مختصرة

انا كنت ندي فيها من 16 حتى 18

[المُعادلة الصّعبة]

انا رغم اني اجيد دراسة مادة العلوم و متفوق فيها الا انني لا احبها و اكره ان ابحث فيها سنة الباك ان شاء الله
بل اطمح لاكون مهندسا ، او شيئا في الطب او الاعلام الالي
لهذا سادرس ان شاء الله تقني رياضي هندسة كهربائية بعد تشجيع من استاذ الاعلام الالي الذي شرحها لنا بالتفصيل الممل
يكذب عليك اللي يقولك مسوفجين و الله غي شعبة فووور و مليحة
المادة الاساسية في الباك تدي فيها : 18-20
و في الاخير كل واحد يدير اللي يناسبه مي تبانلي ندير علوم نطيب و انا نكره مادة العلوم

طيب انا ثاني نكره العلوم ومانحبهاش مي نعتقد انو في شعبة الرياضيات ما راحش تكون ماده اساسيه ورح تكون ساهلة و مجرد ماده مساعده اليس كذلك ؟ وبالنسبة للمسوفجين نعم انا لي نعرفهم ماش انت مانيش جايبه من راسي والحقيقه انا قريت معاهم فالسيام علابالي بروحي كي نطلع معاهم ونلقاهم بهاذيك لومبيونس رح ننسا قرايتي و اصلا ماكنش منافسين
نحب روح المنافسه مع الكبار صح
وشكرا على ابداء رايك ومشاركتك لفتت انتباهي وحبيت نعقب عليها

[المُعادلة الصّعبة]

بالنسبه للي قالولي على شعبة علوم تجريبية ابداااا ابدااا لوكان يصرا وش يصرا لاني انا في جيهة ومادة العلوم في جيهة اخرى ما نتفاهمووش واناا ما نسيبورتيهاش يعني لا طاحت بيا خلاص نخير تسيير واقتصاد ونخلي علوم تجريبيه

[malak.math]

باالنسبة لي الامور مختلطة علي

فانا احب الرياضيات و افهمها جيدا لكن عندما يحين موعد الامتحان اتوتر و بذلك لا احصل على علانات ممتازة

انا اريد ان اكون في شعبة الرياضيات
لكن البعض يقول لي انها صعبة و انني لست قادرة عليها و يخيفونني منها

فاتردد

و الان انا محتارة بين الرياضيات و التقني رياضي

ارجوا المساعدة

بالتوفيق للجميع

[المُعادلة الصّعبة]

باالنسبة لي الامور مختلطة علي

فانا احب الرياضيات و افهمها جيدا لكن عندما يحين موعد الامتحان اتوتر و بذلك لا احصل على علانات ممتازة

انا اريد ان اكون في شعبة الرياضيات
لكن البعض يقول لي انها صعبة و انني لست قادرة عليها و يخيفونني منها

فاتردد

و الان انا محتارة بين الرياضيات و التقني رياضي

ارجوا المساعدة

بالتوفيق للجميع
بالضضضضبط هاذي هي مشكلتي كيفك بعد وانا ثاني نحب المات و نحاول نفهمها بصح مشني fort ياسر فيهاا مي نقدر على شقايا
هاه و يخوفوني تقولش عليها غول ما يقربش منها غير العبقري
انا رح نريسكي ونغامر ونتحدى ونجرب بنفسي اذا صح الشعبه هذي صعيبه للدرجه اللي يحكيوا عليها ولا مكبرينها فرات
وكي تكون بالنسبه ليهم هوما صعيبه ماش بالضروره صعيبه للناس كامل لالا كاين ياسر متفوقين فالشعبه هذي علاش ما يعانيوش ؟ علاش ما يشكيوش ؟ انا قادره نكون كيما الصنف تع اللي طلعوا مات وتشجعوا وقراوا وداو الباك بمعدلات كبيره
نجرب انا خير من نسمع هدرت العباد اللي ما توصل لوالو
صح ولالا

[المُعادلة الصّعبة]

والباقي جاوبوني ويراكم

[ﺂﭴﻧפة ﺂﻟﻅﻟآﻣ̝̚]

تبا حتى انا صرت حائر بين العلمي ، التقني ، الرياضي :/

[المُعادلة الصّعبة]

تبا حتى انا صرت حائر بين العلمي ، التقني ، الرياضي :/
G3dnàà iiiiii

[abir sweet]

بانتلي الرياضيات خير انا اصلا نحبها وتفني شوي شوي

[ﺂﭴﻧפة ﺂﻟﻅﻟآﻣ̝̚]

لا اعرف و لكن لا اريد المخاطرة و تضييع الباك علي

[المُعادلة الصّعبة]

اللي عندو خبره من الناحيه هذي ما يبخلناش تعيشوا

[المُعادلة الصّعبة]

أنا متحمسة لشعبة الرياضيات بحكم الجو اللي رح نقرا فيه ان شاء الله وانا نحب مادة الرياضيات نموت عليهاا

[malak.math]

بالضضضضبط هاذي هي مشكلتي كيفك بعد وانا ثاني نحب المات و نحاول نفهمها بصح مشني fort ياسر فيهاا مي نقدر على شقايا
هاه و يخوفوني تقولش عليها غول ما يقربش منها غير العبقري
انا رح نريسكي ونغامر ونتحدى ونجرب بنفسي اذا صح الشعبه هذي صعيبه للدرجه اللي يحكيوا عليها ولا مكبرينها فرات
وكي تكون بالنسبه ليهم هوما صعيبه ماش بالضروره صعيبه للناس كامل لالا كاين ياسر متفوقين فالشعبه هذي علاش ما يعانيوش ؟ علاش ما يشكيوش ؟ انا قادره نكون كيما الصنف تع اللي طلعوا مات وتشجعوا وقراوا وداو الباك بمعدلات كبيره
نجرب انا خير من نسمع هدرت العباد اللي ما توصل لوالو
صح ولالا

انا ايضا قررت انا اغامر و نتحدى

لي فيها الخير ربي يجيبها ب


بالتوفيق

[شمس.]

رح نقلك انا في رايي ديري كيفي شعبة هندسة طرائق وقوليلي ادا كاين ليسي قريب ليكم اخر فيه ه>ه الشعبة والله هايلة

[شمس.]

انا نحب المات والكيمياء وخاصة المات نعشقها وفي هذه الشعبة لقيت كلش لقيت الحيوية والمتعة و أيضا بقراية على برنامج الرياضيات في الباك والدوزيام نفسو نتاع شعبة رياضيات و الفيزياء تاني غير حنا نزيدو عليهم بمادة الهندسة ولي هي التكنولوجيا و نفسها اسمها كيمياء مادة مشوقة ممتعة والله تحسي روحك في عالم اخر و ربي يوفقك حنونة والله ولي التوفيق

[شمس.]

وادا حبيتي تقارني مابين ميكانيك ورياضيات راعي لي تحبيها لانو في الجامعة تقريب يتساوو الشعب يبقى فارق المعدل هو لي يقرر

[المُعادلة الصّعبة]

بالنسبة للي تقوليلي على هندسة الطرائق ييييييي نكرهها كي السم ما تتخيلييش قداش نتقرف منها قريت منها شوي الفصل الاول ييييع قررررررف والله اني مت بالسعاده كي جا الفصل الثاني باش نقراوا هندسة كهربائيه
و اصلا ماكانش ليسي فيه الطرائق هاذي اللي حكيتيلي عليها انااا محتاره بين كهرباء و رياضيات فقط لا غير مانقدرش نختار غيرهم

[ﺂﭴﻧפة ﺂﻟﻅﻟآﻣ̝̚]

يقولو بلي شعبة تقني رياضي هندسة كهربائية شعبة محال تقرا فيها و فيها الضحك بزاف و يروحو ليها غير المسوفجين بصح ؟

[haithem necib]

السلام عليكم
أنا نقرا 2 ثانوي شعبة رياضيات
أنا نقولك ديري رياضيات خير لأنو ماهي صعيبة ماهي ساهلة و هي مادة ممتعة هي فقط لازم تحلي على الأقل تمرينين في كل درس
و إنشاء الله تقدري تلقي الشعبة لي تناسبك

[المُعادلة الصّعبة]

السلام عليكم
أنا نقرا 2 ثانوي شعبة رياضيات
أنا نقولك ديري رياضيات خير لأنو ماهي صعيبة ماهي ساهلة و هي مادة ممتعة هي فقط لازم تحلي على الأقل تمرينين في كل درس
و إنشاء الله تقدري تلقي الشعبة لي تناسبك
يعني ؟؟؟؟ كون غير جات هك

[Aya250]

انا نواجه نفس مشكلتك
معدلي 17.66
وقررت نروح رياضيات
لأنو الجو ميش مليح في التقني رياضي
واذا كانت المؤسسة تهتم بالرياضيات
ويحكموكم أساتذة ملاح
روحيلها
تقدري تواصليني على الفيس بوك aya nouiri
نساعدو بعضنا بزاف
رانا niveau waheD
وصدقيني كي تكون عندك ارادة وين يحطوك تقراي
بالتوفيق

[وَحْـــ القلَمْ ـــيُ]

http://www.djelfa.info/vb/%C3%98%C2%AF%C3%98%C2%B9

[المُعادلة الصّعبة]

السلام
انا حكايتي حكاية ههههههههه معدل17 نخاف الرياضيات والفزيا والعلوم ونحبهوم ههههههه قلت نروح رياضيات باش نتحدى المخاوف ديالي لانها شعبة المتميزين وانانقولك الراي السديد انشاء الله:
ايلاكان حابة تمتازي في الطب روحي علوم تحكمي على الطب قبالة
ما نعرفش في التقني رياضي فيها صناعات وميكانيييييييييييييييييييييييييييييييييييييك بزاااااااف لاكان كو تحبي الميكانيك روحي وما تخليش التلاميذ ياثرو عليك (انا نفهمك قبالة بصح حاولي)
كاين ناس يقولوا انو الرياضيات للممتازين لكن في الجامعة سواسية وهذا كذب ماشي سواسية هو صح باش تروح طب المعدل نفسه في المات والعلوم 14لكن يكون في علمك انو لازم اجتهاد في الرياضي لانوصعيب باش تطلع 14 اما العلوم تقدر تجيب14 عادي

اين الصعوبة في الرياضيات ؟ وهل صحيح ان العلوم سهلة؟؟؟
الرياضيات اصعب من العلوم لان في شعبة الرياضيات معامل الرياضيات كبير مقارنة بالبقية والعلوم ضعيفيعني لوكان ماتديش في المات ما تقدرش تعوض لانو باقي المواد معاملاتها ضعيفة
اما في شعبة العلوم معامل العلوم والرياضيات متقارب يعني لوكان ما تديش في المات تقدر تعوض
شعبة التقني مميزة لانها شعبة الحياة العملية تقوم على الصناعات او المكااااااااااااانييييييييك حسب الفرع
شعبة العلوم مميزة لانها شاملة هناك عدة مواد اساسية
شعبة الرياضيات مميزة لانها شعبة التحدي وهي اصصعب الشعب لان الرياضيات هي المادة الاساسية الوحيدة الرياضيات فاسدة شوية في الجزائر لان كل من يدرس رياضي( يكبد )عليها ويتعلق بيها يعني يحب يكمل فيها في الجامعة وهذا على ما اعتقد غير متاح مئة بالمئة في الجزائر
في الاخير انا اذا خرجت طبيبة رايحة نختار العيون ولا يهمي ذلك الان طالما المهم ان احصل على الكثييييييير من المال لاحقق هدفي الاساسي هههه ولذلك اعتقد اني ساختار رياضيات لاني اخاف منها ههههه انا اعتقد اني اذا اخدت معدل15 في الرياضي فهوبجهودي لان الرياضيات لا تعترف الا بالقدرات الشخصية ومهما حاول الاساتذة ان يخدعوني بتضخيم النقاط لن يفيد لانه لايزيد ولا ينقص في المعدل
ادا اخدت 17 في العلوم فهو ليس بكامل جهدي لان الاساتذة قد يضخمون لنا النقط فيرتفع المعدل
اوكي نتي حكيتيلي على كل شعبه ومميزاتها مي على حساب هدرتك نتي تشجعي العلوم ولالا؟
انا ما نشجعهاش وما نروحلهاش ياو لوكان تخلى خلاااص وتتهرد نروح تسيير ونخلي علوم --مجرد مثال هههه-
مممم انا حكيت مع مستشارة التوجيه واستاذه الرياضيات و قالولي نفس الراي قالولي نتي مستواك نتع رياضيات وقالولي تقدريلها وكي هدرت مع ماما وافقتلي وماازال نخمم