أكره الجميع 2

[مشكلتي]

سلام
يا جماعة اشكركم على ردودكم واريد ان احيطكم علما باني والله على ما اقول شهيد لم اخطئ بحق احد بل عاملت الجميع بحسن وطيب اعتبر نفسي قد اسرفت فيه كما ان محور حياتي ليس الناس فالانسان بطبعه اجتماعي كما اني لا اسعى لربط علاقات مع الغير بل والله اني في حدود هذه العلاقات التي تكاد تكون سطحية مع بعضهم اتأذى لذلك كرهت الجميع حتى عائلتي لا تفهمني احاول ان افضي لامي بمشاكلي فلا تهتم بل وعند ابسط خلاف بيننا تستعرض ما فضت له بها لتهينني سئمت فعلا احيانا تراودني افكار بالانتحار ثم ابتعد عنها احس باني في طريق الجنون فعلا لم اعد اعلم ماذا علي فعله اسودت الدنيا في عيني وتعاضم الالم داخلي خصوصا وقد ممرت بظروف صعبة كفقد احبتي رحمهم المولى والان مستواي الدراسي في تدني لاني لم اعد ارغب في ان ادرس رغم انيي حققت حلمي اسمع الرقية ولكن دون جدوى والله لا اعلم ما يصيبني كرهت وتراودني كثيرا افكار بان الله لا يحبني ولا يسمعني رغم اني احافظ على صلاتي والله كرهت

[aroua]

رفقا بنفسك يا اختاه,الناس اذا لحباتك ولاكرهاتك ماتغير فيك شيء
راحنا في الدنيا ماشي في الجنة ماتاذاوش خلاص
كامل نعانيو من هد الأمور واني متفهماتك مي نعفسو على قلوبنا ونحكو معاهم ,اكراما لانفسنا ,واكمال السير في الحياة بسلام
باين عليك قلبك مليح ولي في قلبك على فمك ,مي معليش تربحيهم عند ربي سبحانو.
نصيحة ليك انساي كلش واصرفي وكانو مكان والو وحكي معاهم بسطحية فقط ,وخليها تمشي حبيبتي
بلاك ربي كرهك فيهم باش ترجعي انت الى الله العلي العظيم

[first first]

اختي الفاضلة.........نقولك بالمختصر المفيد................القلقة كامل من الشيطان.
والشيطان هذا يلعب على المورال ويعرف نقاط ضعف كل انسان

والحل اختي ......اكثري من ذكر الله..................وثقي بان الله احن على عباده من انفسهم......... علاه مايحبكش رب العالمين؟؟؟؟؟

حتى الرسول صلى الله عليه وسلم في فترات حياته ضاقت به.وضن ان به غضب من رب العالمين.
مليح الانسان يحاسب نفسه...............لكن دائما يستحضر رحمة الله وحب الله له.


بك ما بك.حالة نفسية...............مرض عضوي................عين؟؟...............مثلما قال عالم نفسي مشهور نسيت اسمه..قال ان القران فيه شفاء.............وللقران بركة...............لذا لايهم التشخيص النوعي للحالة...............فعليك به.

ديري ادكار الصباح والمساء....................اكثري من قراءة اية الكرسي.............واياك وعزل نفسك عن الجميع..............لانه مدخل من مداخل الشيطان ايضا(يعني الانطواء).

بخصوص قولك ان العائلة لاتفهمك ولااحد يفهمك...نقولك لاتلوميهم................والله احيانا نحن لانفهم انفسنا وتمر بنا فترات نتسال لما اصبحنا هكدا فلا نجد تفسيرا مقنعا.
المهم ربي يفرج عليك اختي............وتخرجي من هته الفتراة بنفسية وافكار احسن بكثير مماكنتي عليه سابقا.

في الاخير ............لاتبخلي على نفسك بالدعاء.

[زبدة ذايبة]

أنت إنسانة هايلة ورائعة وماتأذيش الناس

كيما تأذيهمش علاه تكرهيهم؟؟؟؟؟

راهي هنايا مشكلتك ؟؟؟؟؟

وش حبيتي ؟؟؟؟؟؟

تبقاي وحدك

لازوج لا أولاد

شكون رايح يتحملك وهو يشوف نظرة الكراهية والحقد في عينيك وفي تصرفاتك ؟؟؟؟؟

كامل الناس تختلط ببعضها البعض

مرة نداوسو وينتهي خلافنا بانتهاء المشكل

مرة نضحكو على أمور تافهة وبسيطة

مرة توجعنا الكلمة من الصديقة أو من الزوج

لكن ببساطة نتجاوزو على كل هذا

نغفرو للناس اللي نحبوهم ويهمنا يبقاو معانا في حياتنا

ماراناش ملائكة أو أنبياء معصومين من الخطأ

مرة تغلطي انت ومرة يغلطو هوما

لكن على حساب وش راني نشوف في عقليتك راكي تشوفي في روحك ماتغلطيش

الناس ماشي ملاح بما فيهم أمك؟؟؟؟؟؟؟؟

وين راكي حابة توصلي بروحك

هذا ماشي أسلوب تفكير تاع إنسانة كبيرة وناضجة

عندك مشكل في الاتصال حاولي تحسنية

عاودي شوفي لروحك اللي راكي تحسبي نفسك ماتغلطيش

قاعدة تشوفي الناس ونسيتي نفسك

مايهمك حتى واحد

وش دخلك فيهم ينافقو ولا يكذبوا ولايخونو ولا يسرقو ولا ......

ماراكيش مسؤولة عليهم

المشكلات في الحياة موجودة

لكن الإنسان السوي يحل المشكلة ويكمل في طريقو

انت ماراكيش قادرة تكملي حياتك

ماراكيش حابة حتى واحد مايقيسك ولا يقولك كلمة

بما فيهم أمك

وش حسبتي روحك ؟؟؟؟؟؟

درت روحك في قرعة وقلتي للناس شوفوني من بعيد واحد مايمسني بحاجة ولاماكاش نكرهو

هذه هي انت إذا مازال ماعرفتيش روحك مليح.

وش من نتيجة رايحة تتحصلي عليها ؟؟؟؟؟؟

حتى نتيجة صفر على صفر

إذا حبيتي تبقاي عايشة داخل القرعة احنايا مانقدروش نخرجوك منها

لأنك ببساطة تكرهي كل واحد يقترب منك

[lydiareve]

السلام اعرف شخص اصبح موسوس بزاف بزاف يضل يتفكر ويتوسوس من الناس كامل يقول هداك عامل عاك واخر عامل هاك واخري عاملة هاك ووووو الكل عندو سلبيين وووو وساويس كثيرة في راسو المريض وقلبو المريض ادعولو بالشفاء