عيب والله عيب

[hellboy]

السلام عليكم


بعد اذن الاشراف.........حبيت نفتحوا موضوع للنقاش

بعد نشر بعض مديريات التربية لنتائج المسابقات الشيء المحير هو ان 99 بالمئة من الناجحين ( الناجحات) بنات

وكتاه نبقاو حنا هكا وكتاه نديو حقنا.................. والله في لانام كامل يطلبوا جنس أنثى....في لاداس أوووووووووووووووووووووووووووو واش الحقرة هدي حنا يعرفونا غير في الخدعة الوطنية ............... بلغ السيب الزبى ............كيفاه حنا دوك نهاجروا نقتلوا رواحنا واش نديروا صبرنا صبرنا ماكاين والو............28 سنة يوم خبرة ماكانش خبرة غير في القهوة والشونتي ............حسبنا الله ونعم الوكيل




حسبنا الله ونعم الوكيل

[toulay]

وعليكم السلام ورحمة الله تعالى وبركاته
يا اخي الرزق على ربي سبحانه وتعالى
انت رزقك مزال مخبي ونهار يجي واحد ماراح يديهولك
بالتوفيق

[hellboy]

وعليكم السلام أختي

شكرا أختي أنا حاب نتناقشوا فقط الشي لي وصلنا ليه والله ضيعونا ...... 28 سنة يوم خبرة ماكانش من 2011 لانام مكانش؟؟؟؟

هدي سياسة منتهجة من طرف النظام والله على ماأقول شهيد راهم حابين يرجعوا قطاع التربية قطاع للأنثى فقط وبيناتنا الأيام

أما القطاعات الأخرى نفس الشيء راهم يقولونا روحوا طيشوا رواحكم في البحر........ والله هداك هو الحل

[toulay]

اخي راني علابالي بلي انتم الرجال لازمكم الخدمة وراهي حاجة ضرورية باش تخدموا وديروا l'avenir تاعكم وتتزوجوا وتكونوا عائلة هاذي من حق اي واحد
متقنطش من رحمة الله لاني رحمة ربي سبحانه وتعالى واسعة متدريش وقتاش يرزقك ربي
اصبر برك ودير ثقة في ربي حتى شدة مادوم ويفرج ربي ان شاء الله
راهو جاي le concours تاع الاساتذة وان شاء الله تكون من الناجحين
بالتوفيق

[hellboy]

شكرا لك أختي

ربي يحفظك

[toulay]

عفوا
امين يارب العالمين
متقلقش برك علابالك يا اخي كاين des cas كارثة بصح شادين في ربي سبحانه وتعالى
ودير في بالك بلي ربي مينساش عبادو
اخطيك من التخمام
وان شاء الله يجي النهار وتكتب هنا وتقول راني نجحت ونباركلك
بالتوفيق

[hellboy]

ان شاء الله أختي ربي يخليك ويعطيك

[toulay]

امين يارب العالمين
بالتوفيق

[محارب الحمق]

وعليكم السلام أختي

شكرا أختي أنا حاب نتناقشوا فقط الشي لي وصلنا ليه والله ضيعونا ...... 28 سنة يوم خبرة ماكانش من 2011 لانام مكانش؟؟؟؟

هدي سياسة منتهجة من طرف النظام والله على ماأقول شهيد راهم حابين يرجعوا قطاع التربية قطاع للأنثى فقط وبيناتنا الأيام

أما القطاعات الأخرى نفس الشيء راهم يقولونا روحوا طيشوا رواحكم في البحر........ والله هداك هو الحل
لا نظام ماوالو هذي سببها انتشار الحثالة و اشباه الرجال في المجتمع وتقلص عدد الرجال. الراجل يقرا, يعقب العسكر, يجري مع جيوش من النساء على بعض مناصب الشغل, والعمر ماشي, وقتاش يدير دار؟ وقتاش يلم باش يزوج؟ وممبعد يقولو, علاه لبنات بارو في الديار, علاه الفساد مشا, علاه وعلاه, ربي يسترنا وربي يفرج عليك خويا, مايحس بيك غير راجل او عايلتك لقراب. قالتلك الرزق بيد ربي, ايه عمبالنا حتى الزواج بيد ربي, امالا قوللها خلونا نستناو الرزق وانتوما استناو الزواج

[toulay]

لا نظام ماوالو هذي سببها انتشار الحثالة و اشباه الرجال في المجتمع وتقلص عدد الرجال. الراجل يقرا, يعقب العسكر, يجري مع جيوش من النساء على بعض مناصب الشغل, والعمر ماشي, وقتاش يدير دار؟ وقتاش يلم باش يزوج؟ وممبعد يقولو, علاه لبنات بارو في الديار, علاه الفساد مشا, علاه وعلاه, ربي يسترنا وربي يفرج عليك خويا, مايحس بيك غير راجل او عايلتك لقراب. قالتلك الرزق بيد ربي, ايه عمبالنا حتى الزواج بيد ربي, امالا قوللها خلونا نستناو الرزق وانتوما استناو الزواج
نعم الارزاق بيد ربي سبحانه وتعالى والزواج تاني مكتوب ربي
وثانيا منيش عارفة اذا هذا الرد تاع واحد مثقف ولا شبه مثقف
نهار تتعلم l'étiquette تاع الحوار ارواح parce que راك hors champ
زعمة انت محارب الحمقى je ne pense pas والفاهم يفهم
سلام

[محارب الحمق]

لا نظام ماوالو هذي سببها انتشار الحثالة و اشباه الرجال في المجتمع وتقلص عدد الرجال. الراجل يقرا, يعقب العسكر, يجري مع جيوش من النساء على بعض مناصب الشغل, والعمر ماشي, وقتاش يدير دار؟ وقتاش يلم باش يزوج؟ وممبعد يقولو, علاه لبنات بارو في الديار, علاه الفساد مشا, علاه وعلاه, ربي يسترنا وربي يفرج عليك خويا, مايحس بيك غير راجل او عايلتك لقراب. قالتلك الرزق بيد ربي, ايه عمبالنا حتى الزواج بيد ربي, امالا قوللها خلونا نستناو الرزق وانتوما استناو الزواج
نعم الارزاق بيد ربي سبحانه وتعالى والزواج تاني مكتوب ربي
وثانيا منيش عارفة اذا هذا الرد تاع واحد مثقف ولا شبه مثقف
نهار تتعلم l'étiquette تاع الحوار ارواح parce que راك hors champ
زعمة انت محارب الحمقى je ne pense pas والفاهم يفهم
سلام
أجل انا محارب الحمقى ولا فخر. وعلاش حاطة كلمة بارو باللحمر, ماعجبتكش؟ ايه كاين نسا بزاف بارو (يعني عنسو) في الديار واش هاذي تاني راح تكذبوها؟!!!! رانا عايشين في دزاير ماش في زحل وعمبالنا واش كاين وواش ماكانش ومانيش نهدر من فراغ. وزيد انتي تحكي في حكاية بديهية, الرزق بيد ربي, رانا كامل عمبالنا وحتى اللي حاط المشكلة عمبالو, بالصح كاين اسباب لازم الانسان ياخذ بها والاخ يحكي على منكر وفساد ادى الى تأخر رزق الله. فالمعاصي تؤخر رزق الله, وسوء الحكم والتسيير والظلم قد يؤخر رزق الله, والاخ يحكي على منكر باين وماهوش يحكي على القضاء والقدر!!!!!

[sarah mm]

لي حاب يخدم راها كاينة الخدمة خصوصا للرجال انت رجل تقدر تخدم شرطي او امام او تخدم الارض وتعطيك خيراتها خلو التعليم للمراة هذا لي تقدر عليه الرجال لهم مجالات اخرى للعمل

[fafajomana]

المرأة هادي اختكم و امكم و زيد صح واش راك تهدر مي انا وحدة من الناس ثاني راني نقول راني محقورة تخرج من 2008 و مزال ملقيت خدمة والي راه يقول المرأة تقعد تسنا الزواج في الدار شكون راح يصرف عليها يأخي كل واحدة وظروفها كاين الي عندها مشاكل هي تصرف على الدار كاين ابوها متوفي كاين الي محقورة من زوجها و كاين الي هي القايمة بدارهم والله نعرف حالات تاع بنات ربي معاهم شوفو ليهم قبل متحكمو وتقولو المراة تقعد تنتضر الزواج انا نضن لوكان الدولة دارتلها شهرية طبعا الي محتاجة والي حابة تخدم تخرج والا تخلي مكانها للرجل و صح كاين رجال ربي معاهم راهم في زوج محقورين وكاين الي دنيا مدتلهم و هوما لاباس بيهم و ربي مع الجميع الي خلق مايضيع

[sam_16]

الرزق على ربي سبحانه وتعالى

[sonia.morchid]

السلام عليكم والله المشكل غير في الرجال نفسهم انا مرأة وياكلني قلبي كي نشوف النساء هما لي مسيطرين ماشي برك على مناصب العمل تقدر تقولي ا كم نسبة الدكور لي ينجح فالباك ولا لي يتخرج من الجامعات ماكانش اانتم لي مقصرين في حق انفسكم ماشي لبنات انا مرة روحت ندفع ملف باه نشارك في مسابقة لبنات يهدر ويتقابض على حقهم والرجال ساكتين انا ام والله غير كي نشوف الوضع نخاف بزاف على ابنائي خاصة االذكور ونزيد نقلك انا واالله ما نحب في يوم من الابام نلقى النساء هم لي يتحكم فالرجال ربي مايرضاش توكلو على ربي وديرو لي عليكم ولن يضيع حق وراءه مطالب نصيحة من ام واخت في الله وفق الله الجميع.