أرجوكم إنصحوني متاحجة مساعدة

[مشكلتي]

السلام عليكم
أنا فتاة عمري 20 سنة نعاود فى الباك بالمراسلة علوم تجريبية ونقرى فى التكوين المهنى
جدي ما يخلنيش ندير ليكور ولا نروح لثانوي لي كنت نقرى فيها باه نقرى
هو غضب منى كي ما ديتش الباك و ما قريتش طول العام لي فات و صح عندو الحق انا غلطت كى ما قريتش العام لى فات وضيعت مستقبلي و دخلت لتكوين بسيف باه خلاني بلمحولا تاع عمي باه دخلت
المهم انا هدا العام تانى ما قريتش كونت يائسة من نفسي انو ما نديش الباك
بصح اليوم جاتنى واحدة الطلفة تلقيتها صدفة وحكات معاي المهم قتلها على حكايتي قتلي تقدري تنجحي كون تبداي من ذك وبجديا وصراحة انا ما ني فاهما والو في الدروس و محتاج واحد يكون فاهم ينعتلي ولا يفهمني فى الدرس حليت اليوم تمرين بصح والو كي مانيش فاهما حسي بروحي كلي اني نضيع في الوقت برك وكي شفت دروس تاع الاستاذ مولاي يقري فيزياء و استاد واحد اخر فهمت بصح هكك وتبقى عندي شوي غموض و عندي كتابات خارجيين بصح كيف كيف حرت واش ندير
بصح حابة نغير روحي
انا والله و الله والله كنت نعرف نقرى وكنت انا نفهم الناس بصح عاندت بنات كانو ما يحبوش يقرو وليت كيفهم غلطت واحاب نصلح الغلظة تاعى خصوص كي قتلى هديك الطلفة تقدري تدي حسيت رجعلي الامل بصح انى حاسا روحي ضايعة
حابة واحد نتناقش معه فى حل تمارين بسكو عندي غموض في حوايج
وكي نحط سؤال فى منتدى واحد ما يرجع عليا حرت واش ندير
انصحونى
وهل هناك امل في انى ندي الباك او انو فات الحال كون نبدا نقرى من يوم 22/01/2016

ربي يجازيكم انصحوني بكلمة حلوة
انا شخصيا اني مدمرة ما تزيدوش عليا والله انى بكي ليل ونهار على الحالة لى وصلتلها

[طيور الجنان]

اختي الخطأ انك ماتعترفيش بالخطأ و انت الحمد لله مستعرفة بللي غلطت يعني راكي نادمة على واش ضاع منك وهاذي حاجة مليحة.
كوني جدية في العمل من اجل النجاح وتاكدي بللي ربي سبحانو مايخيبكش لكن بكل جدية ابداي وان شاء الله تكوني من الناجحين ااااامييين

[first first]

يقولو الارادة تصنع المعجزات.(المعجزات................................ .................والباك ليس معجزة)

ابداي...................اصعب الامور بداياتها.

شوفي كي تقراي..........والله وفي اسوا الاحوال واذا ماديتيش..................رايحة تكوني مرتاحة نفسيا وضميرك مرتاح.

نختملك بالاحتمال الايجابي ولي ان شاء الله يكون......................كي تدي راهي فرحة العمر ليك وللوالدين

كيفاش تحضري..................عندك عدة مواد...............في شعبتك ثلاث مواد اساسية فيزياء ورياضيات وعلوم.......خلي اكبر تركيزك عليهم.....حتى لاتشتتي التركيز.
اذا حضرتي اغلب الدروس في هادو المواد.راكي حضرتي للباك

نصيحتي ليك............ابداي اقراي..............عليك بالجد ..............اما النتيجة خليها على رب العالمين.
وان شاء الله النتيجة ايجابية

[Ghost happiness]

السلام عليكم ورحمة الله وبركاته
اختي يجب ان تدرسي بجدية و ان يكون لديك اصرار وعزيمة على النجاح
دائما ادعي وربي يوفقك وينجحك

[عاشق القلم]

انا بديت نقرا بعد هذا الوقت والحمد الله هزيت الباك و الحمد الله راني نحظر لدكتورا
مهم عدم اليأس جدك افتحي معاه حوار و احكي من قلبك بحول الله يوافق

['مــــــــــــرجان نينو']

أختي انا نقلهالك وأديها من واحد مجرب

والله العظيم البكالوريا شيئ عادي جدا وأسئلة عادية بل في بعض الأحيان اسهل من اسئلة الامتحانات

فقط تهويل المجتمع .

ويمعنى أخر هي سلعة تمدها وزراة التربية في كل سنة وتطالب بها في أخر السنة

فإذا أحسنتي المحافظة على هاته السلعة ورجعيتها سالمة تكون نهايتك النجاح .

واذا صار العكس ليس نهاية العالم . عام وثنين . وسوف تصليين ان شاء الله .

والله العظيم أي واحد أي وحدة يستطيع النجاح والتفوق فيها .

فقط راه تهويل المجتمع هو لي خوف .

ولكن كاينة حاجة لازم العمل والمثابرة والأجتهاد وربي ان شاء الله مايخيب حتى مثابر .

لأنه مافيهش حاجة تجي بالبايلك هكذا ..بدون عمل

كان يدرس صديق لي في عامه الأول تحصل على 8 في البكالوريا وكان طوياشي .عندما خرجت النتيجة حس لها وجد جميع اصدقاء

نجحوا وهو موش ناجح ...تتصورون من هاذي دار القلب وفي العام الثاني نجح بمعدل 14.5 ولأن هو في مدرسة عليا .

هذا مثال بسيط حي والأمثلة كثيرة .

انا نقل لأخت وولجميع والله العظيم لايوجد شيء مستحيل .

اذا أردتم فأنتم تستطيعون وفي أي شيء .

ربي يوفق الجميع لما فيه خير .

[أم رقية نسرين]

ختي حاجة ما راحت عليك من درك مضيعيش الوقت حاولي تنظمي وقتك برك و بإذن الله تديه ماتكبريهش برك في بالك
ربي ينجحك

[aymen.dz]

الباك تاعي بديت نقرالو من الثلاثي الثاني



+ قناة الأستاذ نور الدين في اليوتوب تساعدك بزاف كاين كل مايخص الرياضيات أفادني كثيرا و حتى في بعض المواد الأخرى


+بعض القنواة الأخرى سأحاول البحث عنها

+ حلي أكبر عدد ممكن من التمارين و المواضيع


بالتوفيق

[الصابرة المجاهدة]

ياختي الباك تقدري تديه باذن الله
توكلي على الله وابدئي للمراجعة من الان يوجد مواضيع كثيرة
ومواقع مثل موقع الاول للدراسة وguezouri فيهم مواضيع وحلولها
ادعي الله حافظي على صلاتك وعلى دينك وأخلاقك
الله يوفقك لما فيه الخير لك في دينك ودنياك

[AMINA.Z]

...عندك انترنيت
حوسي على الدروس المشروحة اما في الماقع و اما في اليوتيب
و مازال الحال تقدري تبداي من درك
زيدي خاولي جدك و ابكيلو قوليلو راني ناوية ننجح و مانيش نفهم و ان شاء الله يحن قلبو عليك
اتوكلي على ربي و ان شاء الله تنجحي ...بالتوفيق

[بسمة صيف]

حبيبتي انا تاني 3 خطرات مديتش وعلابالي وش راكي حاسه يقولو ميحس بالجمره غير لي مشى فوقها
انا استجمعت قواي وراني نعاود واملي في الله كبير ستنجحين ان اردتي ذلك ثابري حبيبتي واصبري
والله معنا باذن الله

اغتنم الفرصة انا ايضا للدعاء لي فانا بامس الحاجه

[زبدة ذايبة]

شوفي يابنتي

كاين طريقة تسهللك المراجعة والفهم وهي :

مثلا في الرياضايات إذا كنتي ماتفهميهاش عاودي ارجعي للأصل

يعني وين عندك مشكل حليه

مثلا إذا عندك مشكل في مجموعة التعريف روحي حلي 20 ولا 30 تمرين حتى تتدربي عليه مليح

وإذا عندك مشكل في النهايات حليهم بأعداد كبيرة

هذا باش تقدري تسدي الثغرات اللي عندك في هذه المادة

كي شغل عند قدرة ومتقوبة في شحال من جيهة

وانت حابة تعمريها

بصح مادام الثقوب كاين مستحيل تتعمر إذن الحل هو أنك أول شيء تسدي هذيك الثقوب باش تبداي تعمريها

وإذا خليتيهم مارراكيش رايحة توصلي لحتى نتيجة صدقيني

ابداي عالجي مشكلاتك في الفهم بالتدريج وبالجزئيات

وادعي ربي يفهمك ويعلمك سبحانه وتعالى قادر يفتح على قلبك وماطوليش في المراجعة

وأهم شيء الجد والاجتهاد. ماشي مرة تقراي ومرة تتفرجي في المسلسلات
ا

[أم زايد]

حبيبتي أكيد ان شاء الله إذا توكلتي على اله و بذلتي الجهد باذن الله بتنجحين الغالية
ثقي في الله و توكلي عليه و اعملي و اجتهدي
اسال الله لكي التوفيق و النجااااح

[الزوجة البارة]

حبيبتي خاصاتك الارادة برك
انا عام الباك من جانفي نوظ على 3 صباحا نحفظ العلوم و الاجتماعيات و قواعد الرياضيات ايه نحفظهم باش نعرف نطبقهم من باعد المساء نفوتو في الرياضيات و الفيزياء ضرك كاين في اليوتيب دروس ما شاء الله و تمارين محلولة ابداي برك بالشوية و اعزمي اهم شيئ العزيمة و راح تلقاي روحك مزال الحال متخلعيش خلاص

[michaella]

يمكنك الدراسة من الآن ، و ستنالين الباكلوريا بإذن الله لأنك سبق و درست العام الماضي ، فلا يلزمك إلا إزالة الغموض بخصوص الدروس التي لم تفهميها ، أما في ما يخص شعورك بأنك لم تفهمي فهو جد طبيعي و كلنا مررنا به و سيزول فور تلقيك لورقة امتحان الباكلوريا ، اتبعي نصيحة صديقتك ، و حاولي حل تمارين لديك حلولها في الكتب الخارجية ، ثقي في نفسك و صححي أنت بنفسك أخطاءك ، و كذلك نظمي وقتك و قسميه و خصصي ساعتين مثلا للمادة يوميا مع أوقات للراحة ، و حظ موفق .

[الرحالة المغامر]

يعني ينقصك الثقة بالنفس أختي الكريمة صدقيني والله لو تبدئين من 1 فيفري وتلتزمي بالجدية في الدراسة وبإذن الله بإذن الله ستكونين من الناجحين وسيكون إسمك مدون في قائمة الناجحين ثقي بنفسك أولا يجب أن تسترجعي تلك الشخصية السابقة المليئة بالإرادة يجب أن تتذكري كيف كنت سابقا وماذام وصلت للباكالوريا فهذا يعني أنه لديك كل الإمكانيات لتناليها وتنتقلي للجامعة وبسهولة ....توكلي على الله ولا تضعي المزيد من الوقت فالإرادة تصنع المعجزات

[toulay]

وعليكم السلام ورحمة الله تعالى وبركاته
يا اختي مزال كاين الوقت باش تبدا تقرا المهم تكون عندك ارادة
دير هدف في راسك هو النجاح فالباك ومين تبدا تراجع ملازمش تقلق غير بلعقل وساعف روحك
في youtube ولا الانترنت راهو كاين معمر الدروس مشروحين بطريقة ساهلة خلاص
دير ملخصات وحدك وحاول تفهم
ربي ينجحك ان شاء الله
بالتوفيق

[قناعتي سعادتي]

يا اختي والله الارادة هي كلش اذا درتي حاجة في بالك و قررتي انك تنفذيها والله حاجة ماتوقف في طريقك

انت حاولي و ثابري و ماتيأسيش وديما قولي راح ندي الباك ونحي من بالك الفكرة نتاع متقدريش
والله ربي راح يكون معاك

وانشاء الله تنجحي

[ايمان4]

العلوم التجريبية ايلا كان غير باش تنجحي اخدمي العلوم اسهل نوعا ما من الرياضيات و الفيزياء اذا عرفتي منهجية الاجابة لي تكتسبيها اولا بالحفظ الكتاب المدرسي اكليه اكل حلي الانشطة و دوري على الحل كاين الراقي في العلوم الطبيعية شباب بزاااف و تمارين الكتاب كيف كيف و زيدي الباكالويات السابقة و حفظيهم بالاجابات نتاعهم باش تكتسبي المنهجية ...
الرياضيات افهمي الدرس مليح و تعمقي فيه عاد روحي للتمرين الفيزياء كيف كيف و عليك بالاباكالويات و تمارين الكتاب المدرسي الفلسفة احفظي المقالات ... و العربية .. الكتاب المدرسي و حلي الاسئلة نتاع التحضير و احفظي التعاريف نوعا ما تساعط في فهم الشعر و حلي الباكالوريات و احفظي الاسئلة لي تنعاد كل عام .... الباقي حفظ و الفرنسية و الانجليزية الباكالوريات و افهمي الدلاوس و الله يسهل ايلا درتي هاك متجيبيش اقل من 12 ... مستحيييل بالصح وابدي كل يووم اسهري و بكري نوضي بكري لي داوه ماشي خير منك و لا اذكى منك هوما يحلو و يخدمو ف الدار و انت لا ... ديري القلب و اقراي كاش حاجة رانا هنا