طايحه فيه صح

[مشكلتي]

سلام جيت نفرغ قلبي اللي معمر من شحال سنه دوكا
انا عمري 17 سنة نقرا 2ثانوي نحب واحد من 2متوسط نعم ؟ نحبو صح بكل جوارحي ومشاعري و مستهلكه جميع مشاعري عليه هو بلا حدود
ندعيلو دايما بظهر الغيب مانيش حابة منو والو حابة الحلااااال برك ؟ ال ح لا ل
هو علابالو بالشي هاذا وهو انسان متربي وعاقل لابعد الحدود وانا تاني بنت فاميليا ومتربيه وخاطيني لعب البنات وهو خاطيه اللعب تع ولاد الشوارع مي علابالو بشعوري تجاهو وحنا في زوج متحفظيييين
نحبببببببو نممممممممموت عليه طايحه فيه توحشتوو جامي حكيت معاه من بعد ما قريت معاه عامين ف السيام ما حكيتش معاه وو هو عرف عن طريق صديقتي قالتلو سنة4 متوسط
ححابه نروح ولو مره نسقسي على احوالو تووحشتو نحبو نعشششق فيه وهو ما يخزر حتا في طفله واحيانا نلقاه يراقبني صددددقا يراقب عن بعد وانا تاني نراقبوو و ماننساشو من الدعااء محصصصناتو و ندعي ديما الحلااال برك الحلاال لانو اللعب تع الحرام خااااطينييييي
انا نحبو صح ماتقولوليش مشاعر مراهقه لو كان جات مشاعر تع مراهقه عابره علاش مالا نحس بلي مشاعري تزيد يوم تلو اليووووم
انا جيت هنا باش نفرغ قلبي و باش تقولولي نروح نحكي معاه ولو يوم برك نحي الضيقه اللي فيا تع الوحشششششششه لاني مش من عوايدي نحكي مع لولاد مي الولد هذا ؟ حاجه اخرى نحبو بطريقه ماكاش كيفها
شورايكم خووذوا المشكله بعين لاعتبار لانو قلبي معمممممر خاوتي والله راني صابرهه و حابه اليوم لي يجي يطلبني ف الحلال برك اني ندعي ربي

[عاشق القلم]

انسييييييييييييه مزاااااااااله به يكون روحه

[bello angel]

فكرتيني في اول واحد حبيتو كنت نقرا كيفك 2 متوسط كنت انا و طفلة تقرا معايا نحبوه و هو علابالو هههههههه
درك فاتو الاعوام و كي نتفكرو نبقى نضحك و كي نتلاقاه نحشم كون غير خليتها في قلبي
متديريش حاجة تندمي عليها ممكن راهو حاطك في بالو و يراقب فيك من بعيد مدامك راكي حاباتو في الحلال اثبتيلو بلي راكي بنت فاميلا باخلاقك و بتربيتك
ياك راه سامع بلي راكي تحبيه؟ خلاص ماعندك ماتديري اكثر من هكا اي تصرف اخر قادر تطيحو من عينو و تندمي
نعرف وحدة حكايتها كيما حكايتك لكن هي كانت ملتزمة و بقى يراقب فيها من بعيد و هي كانت فحلة و جامي غلطت
المهم كي كملو الجامعة جا خطبها قالها جامي نلقا وحدة عاقلة كيفك و قالها بلي حتى هو كان يحبها
اتهلاي في قرايتك هاديك هي لي تكبرك في عينو

[ناصف الورداني]

السلام عليكم
اختي الفاضلة ستمر سنة او سنتين و تفهمين بانه حب مراهقة يعني هو حب مراهقة و لا تتوقعي انك و انت مراهقة تستطيعين التمييز بين حب المراهقة و غيره لان كل حب في هذا السن هو حب مراهقة ~
ربما الان ستثورين غضبا و تظنينني اسخر و لكن ستكتشفين الامر لاحقا

[كلنا راحلون]

يوم فراق ستتألمين واحنا بدورنا نتضامن معك في لملمة مشاعر فياضة والم

في زمناتو فتى اسمر كان يسرح شعره تسريحة فريد اطرش وانظر الى حبيبتي وصارحت اعز صديق انا نبغيها....... ...... ايام ثانوية كم كنا مغفلين

[toulay]

سلام عليكم
يا اختي اخطيك منو راهو مزال قدامو مشوار طويل عريض ركز في قرايتك احسن
كيفاش هذا تحبو وهو يقرا فالثانية متوسط معناه عندو 12 سنة بكري في هذاك العمر الناس كانت تفوت في la sixième
علابالك يجي النهار وتولي هابلة على روحك بالضحك كيفاش كنتي دايرة
رد بالك تروح تهدر معاه يالوكان ثانية خليها في قلبك واسكت ويجي النهار وتنسى
بالتوفيق

[بشـرى]

صرااحة جيل يخرج منو العجب ..... أين كنا وأين صرناا ...

أختي رح نحطك اختي وننصحك نصيحة اخت ، حاجة اسمهاا ( حب ) لا وجود لهاا قبل الزواج .... الحب يأتي مع الزواج و ( العشرة ) وتقبل كل طرف للآخر بسلبياته وإيجابياته، الحب هو ( مودة ورحمة وتعامل ) قبل أن يكون كلمة تقولينها لشخص ماا ....

ما تعيشينه يا أختي هو تعلق عااطفي لاا غير ، وأفكار مراهقة ، اهتمي بدراستك واحفظي كرامتك وغضي بصرك وصوني شرفك ولا تخوني ثقة والديك ، هوما سهرو وتعبو عليك وحاطينك رايحة تقراي، فكوني عند حسن ظنهم وروحي اقراي واجتهدي وفرحيهم وخليك من الحكاياات هذو هذي ابوااب الشيطاان ، كل حااجة في وقتهاا اجمل ، وكي يكتب ربي ويجي نصيبك رح تلقايه اجمل حاجة لأنه لا مثيل للحلاال ...

[mrmilano1984]

ههههه كلام وبرك نورمال وتجي تعبري هنا نورمال نعدروك راكي اقل من 18 سنة مراهقة تخمي بقلبك بزاف بزاف ماعليش ربي يهديك توتفاسون ماكا مرا ماعندهاش مشاعر لاي راجل يكدب عليك

[ولد حمد الباتني]

أمشي تقراي الفروض السمانة الجاية

[first first]

سلام جيت نفرغ قلبي اللي معمر من شحال سنه دوكا
انا عمري 17 سنة نقرا 2ثانوي نحب واحد من 2متوسط نعم ؟ نحبو صح بكل جوارحي ومشاعري و مستهلكه جميع مشاعري عليه هو بلا حدود
ندعيلو دايما بظهر الغيب مانيش حابة منو والو حابة الحلااااال برك ؟ ال ح لا ل
هو علابالو بالشي هاذا وهو انسان متربي وعاقل لابعد الحدود وانا تاني بنت فاميليا ومتربيه وخاطيني لعب البنات وهو خاطيه اللعب تع ولاد الشوارع مي علابالو بشعوري تجاهو وحنا في زوج متحفظيييين
نحبببببببو نممممممممموت عليه طايحه فيه توحشتوو جامي حكيت معاه من بعد ما قريت معاه عامين ف السيام ما حكيتش معاه وو هو عرف عن طريق صديقتي قالتلو سنة4 متوسط
ححابه نروح ولو مره نسقسي على احوالو تووحشتو نحبو نعشششق فيه وهو ما يخزر حتا في طفله واحيانا نلقاه يراقبني صددددقا يراقب عن بعد وانا تاني نراقبوو و ماننساشو من الدعااء محصصصناتو و ندعي ديما الحلااال برك الحلاال لانو اللعب تع الحرام خااااطينييييي
انا نحبو صح ماتقولوليش مشاعر مراهقه لو كان جات مشاعر تع مراهقه عابره علاش مالا نحس بلي مشاعري تزيد يوم تلو اليووووم


منين جبتي هذا الاستنتاج العبقري.........مادام المشاعر تزيد فان.....؟؟؟؟ ربي يهديك.................اعفسي على قلبك شوية وخلي عقلك يفونكسيوني شوية
انا جيت هنا باش نفرغ قلبي و باش تقولولي نروح نحكي معاه ولو يوم برك نحي الضيقه اللي فيا تع الوحشششششششه لاني مش من عوايدي نحكي مع لولاد مي الولد هذا ؟

كي يوم كي عشرة؟؟؟؟ والله مالقيتش كلمة توصف ماستقدمين عليه ..........حل غبي وساذج وفيه قلة حياء سيكلفك الكثير......وتقعدي طول عمرك نادمة عليه..................شوفي وين وصلك هذا التعلق...ملي كنتي تقول راني مربية ومحافضة؟؟؟؟ ولينا في نروح نحكي معاه؟؟؟واش تحكي معاه يرحم باباك؟؟؟؟ انا ننصحك اذا رحت اخطبيه وتهناي؟؟؟؟وقلولو كي ندي الباك نديرو العرس............؟؟؟........................ياطفلة توجعك كلماتي .......خير من نقرا الموضوع ونضحك عليك ونفوت راهو شيء يضحك للاسف........وخلي نكون وقحيين في الرد ...........لعلك تستفيقين؟؟؟؟؟؟؟؟؟؟؟؟



حاجه اخرى نحبو بطريقه ماكاش كيفها
شورايكم خووذوا المشكله بعين لاعتبار لانو قلبي معمممممر خاوتي والله راني صابرهه و حابه اليوم لي يجي يطلبني ف الحلال برك اني ندعي ربي



اي والله كي عدتي صغيرة وفي ازمة راني نجاوبك................لكن اسلوبك والعنوان..فيهما ما يقال؟؟؟

رايي من راي الاخت طيف الامل.........................حتى لااعيد ماقال.

انا نقولك ربي يهديك...........................هذا تعلق مرضي................لاهو حب ولاهو بطيخ.

للعمر دخل فيه................وتاني انت زايدة فيها................يعني ربما تعلقتي بيه قليلا............لكن ذائما تككلمي عليه ربما مع صديقة................دايما تلمعي في صورته في مخخيك .................وخليتي روحك تغرقي في بير.

المهم.....................قلتي انك انسانة محافظة وملتزمة..................لكن من خلال موضوعك راني نشوف بلي الحياء راهو بدا يتبخر يا طفللة من شدة تعلقك المبالغ فيه بهذا الشخص.

حبسي شوية التحرحير هذا...................خلي نهدرو بالعامية وببساطة حتى تصل بصورة واضحة.

ربي يهديك.....................كل مازاد عن الحد مضر.

[حميد.ص]

ان شاء الله تكونوا من نصيب بعض

[أم رقية نسرين]

صراحة معجبتنيييييييش خلااااااص طريقة طرح الموضوع اسمحيلي راهو اسلوب تحت المستوى واش هاد الكلام لي راكي تقولي فيه
اتولهي بقرايتك و مضيعيش روحك و كي تكبري ان شاء الله تفيقي بلي كان حب مراهقة على هادي خذي نصيحة لي كبار عليك و مضيعيش روحك و هادا ماهو غير تأثير المسلسلات

[ام رضوان]

السلام عليكم
بنيتي شأت ام ابيت هذه مرحلة مراهقة ويجي نهار لي تندمي على وقتك اللي ضيعتيه وانت تخمي فيه.
بنيتي البنت المتربية والعاقلة تعرف كيفاه تعبر عن شعورها
مش تكتب كلام مخلط والله غير استحييت وانا نقرأ فيه.
ربي يهديك بنتي
اتهلاي في قرايتك وادعي ربي اللي فيه الخير يكتبولك اميييييين

[أ م ساجد وسيم]

الله يهديك يا بنتي لوكان يفيق بيك باباك يجري وراك ويوريك الحب كيفاش داير...
راكي تمثلي والديك في البرا وتمثلي صورتهم مدام هو راه يعرف كيما قلتي تخيلي يدير بيك الجمايع والتقصرات مع صحابه وحبابه وانتي لا خبر وتقوليلي وليد فاميلية
خطيك من الخزعبلات هذي اديها في قرايتك وحاولي تنظفي مخك شغلي نفسك بدراسة ووقت الفراع ادخلي للكوزينة تعلمي طياب وعاوني ماماك
راه صورة البنت فيسع تتكسر والله يجي نهار لي تبكي دم من عينيك..
قربي من ربي ودعي باش الله يحسن حالتك...

[*فاتن*]

ما صبت مانقول كيما سييت نتفهم مقدرتش ... والله مهزلة
ربي يهديك لطريق الخير

[أم زايد]

اختي الله يهديييييييييييييييج
أدري بتتحسسين من كلامي بس هالشيء مايجووز يالغالية
ابتعدي عن هاته الاشيااء التي ليست من ديننا و لا تربيتنا و لا ثقافتنا
و بعدين تعالي هني كيف تتجرئيين تروحين عنده تكلمينه و تعبرين له عن حبج ؟؟؟ وين كراامتج ويين قيمتج ؟؟؟؟ الله أعزج و انتي تذلين عمرج لييييييش ؟؟؟؟؟
لا تنجرحين من كلامي يابنتي بس هالكلام كله مراااهقة و تسااااهل في الحراااام . انتبهي لدرووسج بعدج صغيرة ، صلي و ادعي الله ينزع حبه من قلبج اشغلي عمرج بذكر الله ، و لا تشركي أحدا في حب الله .