المساعد الشخصي الرقمي

مشاهدة النسخة كاملة : مادا بعد التأخرات الكبيرة في وصول السلع...هل نواصل السكوت او نتوقف عن الطلب ؟

mino25230
2016-01-21, 09:49
طبعا اي احد قام بطلب سلعة في الاونة الاخيرة لاحظ ان هناك تأخر غير مسبوق في وصول سلعته
لسان حال كل واحد يقول : انا و الله هادي المرة الاخيرة اللي نزيد نطلب فيها سلعة ...
يا جماعة هادي السلعة راهي حقنا ...سلكنا عليها دراهم
ارواحو نتناقشو و نوصلو لحل باش نوصلو صوتنا باش ما تكملش الحالة هكا
انا راني طلبت سلعة من 57 يوم مابان عليها حتى خبر و البارخ زدت طلبت 3 سلع و مارانيش حاب نزيد نستنا 3 شهر باش توصل سلعتي
fadhad
2016-01-21, 10:32
الحل ب رايي هو ان نشتكي من هذه المعضلة ..
فالوزارة تظننا متخلفين لا علم لنا بهذا الاشياء ..
لذا لن تعرها اهتماما ..
خصوصا صمتكم الذي تظنه الرضى عن هذه الخدمات ..
Elwawy
2016-01-21, 10:43
نعم وضعت رسالة موجهة لوزيرة البريد وتكنولوجيات التخلف أظن حذفها أحد المشرفين بدون سبب, أو ربما هنالك drs في هذا المنتدى أو بعض شياتين للوزيرة?
fadhad
2016-01-21, 10:50
نعم وضعت رسالة موجهة لوزيرة البريد وتكنولوجيات التخلف أظن حذفها أحد المشرفين بدون سبب, أو ربما هنالك drs في هذا المنتدى أو بعض شياتين للوزيرة?

كامل نعرفوا بعضانا ..: الولاء للوطن ..
ربي يهدي ما خلق ..
" رَائِد المًسْتَقْبَـــل "
2016-01-21, 14:56
مبروك عليكم يا وزارة الرخس
نجح المشروع تاعكم هاي الناس دركا تحبس التسوق الالكترونية
بسببكم و بسبب ظلمكم و سرقتكم

براي التوقف عن التسوق هاذا ليس بحل
هذا حقنا و مالزمش نسكتو عليه
zakariamoumi
2016-01-21, 15:24
3 اشهر سلعة لم تصل بعد

كارثة بمعنى الكلمة


اين هو الحل


قبل اغلاق مركز فرز الطرود البريدية في العاصمة كانت السلعة لي تتأخر في الوصول تجي ف 30 يوم

اما اليوم 3 اشهر يا محاينك او مكاشها

نحن نسير من السيئ الى الاسوء في ظل سياسة فخامته الرشيدة كيما راهم يقولو


الله المستعان
mamiche
2016-01-21, 15:27
وتزيد كي تلحق سلعتك لمركز البريد

رحت قبل ساعتين الى مكتب EMS
اعطيتهم رقم التتبع
قاتلي طردك جاء صباح اليوم الخميس من مركز البريد la poste setif
لكننا لم نفتحهم
ولازم تستنا لنهار الاحد لانه لايمكننا فتج كل الطرود اليوم و صباح السبت


الناس خدام شهار
سي نورمال ماعندو ماراحلوا فيك
هوا اذا استلمت الطرد تاعك اليوم او بعد اسبوع مايهموش
المهم بعدها طلبت ارقام الادارة العامة في العاصمة
وجدتها جميعا ارقام خارج الخدمة
الواحد يصبر وخلاص
mino25230
2016-01-22, 21:30
نعم وضعت رسالة موجهة لوزيرة البريد وتكنولوجيات التخلف أظن حذفها أحد المشرفين بدون سبب, أو ربما هنالك drs في هذا المنتدى أو بعض شياتين للوزيرة?
اصلا لا اظن تلك الرسالة رايحة توصل للوزيرة
Elwawy
2016-01-23, 14:13
اصلا لا اظن تلك الرسالة رايحة توصل للوزيرة

نعم ستصل.

الرسالة كان مضمونها بعث أكبر عدد من الطرود (تحتوي على أي خردة) لإسم هدى فرعون على عنوانها أو عنوان الوزارة.

10,000 طرد موجه إلى نفس الشخص, أظن هو رسالة واضحة.
redradia
2016-01-27, 18:51
بلادنا ماهيش تاع تطور