زوجي عديم الرومانسية [الأرشيف] - منتديات الجلفة لكل الجزائريين و العرب

مشاهدة النسخة كاملة : زوجي عديم الرومانسية

مشكلتي

2016-01-20, 12:54

هو صح مكانش رومانسية في الجزائر
بصح ماشو لدرجة تاع رجالي راو خلاص ..
لاكلمات حب لا جو عاطفي لا والو كاني جسد بلا روح امامه ، روتين ممل
وكي نقولو ونصارحو يقولي " ماناش عايشين في المانيا ولا رانا في مسلسل "
والله هذه الكلمات جارحة بالنسبة لي لدرجة لا تتوقعنها
ختى الخرجات معها مستحيل مع عائلتي فقط يعني اخرج معه ولو بضع خطوات " حلم بالنسبة لي "
جفا ،، وعلاه نحن حرام فينا الرومانسية ؟؟
فعلا حلمت برجل رومانسي وعاطفي لكن للاسف ....
اعطوني حل وربي يجازيكم خيرا
والسلام عليكم ورحمة الله وبركاته

ايمان4

2016-01-20, 14:57

ربي يفرج لسيت لي خبلرة بالموضوع

oum sohaib

2016-01-20, 15:00

انت اللي تجعليه رومنسي المشكل فيك اختي

mohess

2016-01-20, 15:39

لازم تتزيني لراجلك و نقلك و الله غير مشكل نفسي برك سبحان الله و كأننا روبوات مجردين من العاطفة راجعي روحك و خرجيلو مادا كان يفعل الرسول مع زوجاته و انت ثانيتك اشبحي روحك زينيلو ليه ماشي لناس برااا

mon mari

2016-01-20, 15:45

انت ابداي معاه غير بلعقل indirectement وجديلوا عشا رومنسي يعني ليوم يكون عشا مليح بعد يوم او يومين زيني المائدة ...درجة درجة حتى توصلي للشموع مام برنسيب في غرفة النوم بدلي الفرشة ابداي تاني بالكلام مينداك قوليلوكليمات شابين مع الاول يجيه كلش بيزار منبعد يتعود كل رجال يحبو الرومنسية برك لعادات و التقاليد ..الخ او قبل هذا قع اهتمي بنفسك هي الاولى

امّ اياد

2016-01-20, 16:30

اختي عوديه انت على رومانسية حاولي تغيره قبشوى وكوني ذكية رجال ميحبوش اوامر واختاري وقت مناسب وفتحي معاه نقاش ولازم تولفيه من ذرك اوصدقينى مهما كان زوجك غير رمنسي معك فهو يحب ان تكوني انتي رومانسية معه باش متخسريهش خلي مبادرة تكون من عندك ومتعانديهش

زبدة ذايبة

2016-01-20, 17:24

كيفاش انت !!!!!!!!!!!!!!

حبيتي تكون قاعدة ويجي ويقولك نحبك !!!!!! ومانقدرش نفارقك!!!!!!!!ونموت عليك؟؟؟؟؟؟

غريب والله

شوفي نقولك حاجة وأنا سيدة متزوجة

ماتنتظريش من الرجل الجزائري يجي يعطيك المشاعر بطريقة لفظية

نحي من بالك تسمعي كلمات الشكر والثناء مستحيل

حتى في المنام ماتشوفيهاش وماتسمعيهاش

لكن

كاين مدلولات للعاطفة

اهتمام زوجك بيك، محاولته أن يرضيك، اهتمامه بأهلك

حاولي تبحثي على عاطفة زوجك تجاهك في الأمور العملية والبسيطة

من جهة ثانية

قدمي لزوجك هذه الأشياء اللي تحتاجيها باش هو يولي ينتبه ليها

فاقد الشيء لايعطيه

لاتتوقعي مطلقا أن يقول لك كلمات رومانسية مثلها مثل الأشياء الموجودة في الأفلام والمسلسلات

لنها لاتتعدى جهاز التلفزيون

الحياة الواقعية شيء ثاني مختلف

أعطي لزوجك الحب والحنان وستجدينه مثل الطفل بين يديك

قدمي طاعة الله ثم طاعة زوجك

وستعيشين راضية ومطمئنة في حياتك

وإذا مالقيتيش كل هذه الأشياء عاودي ولي شوفي روحك أكيد تكوني مفرطة في نفسك.

عاشق القلم

2016-01-20, 17:29

نصيحة ابدي بالتغير انت كسري الروتين بكلمات دلع لزوجك غيري مظهرك مهم اشياء يحبها
انا اكاد اجزم من خلال ما كتبيه ان الحل بيدك كوني ذكية و الله يحفذطكم لبعض و السلام

لمسة ابداع

2016-01-20, 20:25

اختي شوفي محاضرات د ناعمة الهاشمي ممكن تلقاي طرق جديدة كيفاه تجذبيه ليك و قوليلو يشوف الرسووول الكريم كيفاه كان يتعامل مع زوجاته قوليلو بلي اصل الرومانسية في ديننا الحنيف الاسلام

نسيم الريح ش

2016-01-20, 20:37

الرومانسية عند الرجال افعال وليست اقوال ما تضغطيش عليه ومتعاوديش تقوليلو قولي خليها جي من عنده نتي ديري لي عليك وانشاء الله يستجيب ليك ويغرقك رومنسية

visa uk

2016-01-20, 20:52

ياودي باش نطلعلك المورال بصفة عامة الزوج والرجل الجزائري ليس له رومانسية نثلا كالقاوري مع مرتو او صاحبتو وهدا لعدة اسباب انا منهم لست رومانسي صراحة وهدا ملاحضة اعطتها لي المراة تاعي يعني خطيباي قلتلها علاش لازم نهدرلك قاتلي ايه جامي سمعت منك كلام خلو ومعسل قلتلها الكلام الحلو راه تعبير وافعال وانا نعبر لا رومانسية تاعك ونشعلك الشمع ونجبلك باقة ورود وووووووو الروايح وووو التغزل وووو واش تحبو نتوما فهمونا

إسلام الفاروق

2016-01-20, 20:59

تصرفاتك معه خاطئة
تصرفي معه كطفلة صغيرة تحتاج للحنان واشعريه برجولته دبري مواقف متعمدة راه يرجع رومنسي انشاء الله
بمعنى انت لم تشعريه برجولته فكيف يشعرك بانوثتك . سلام

TheE DeTeCtIvE

2016-01-20, 21:05

منك بصح رومانسية على ارض جزائرية هههه ...
افهموا راكم عايشين في dz مكانش رومانسية تاع الترك اللي تتفرجو فيهم ومنبهرين بيهم
" الممثلين غير مقتنعين بادوارهم اصلا "
لا تحاولوا تطبيق نصائح مواقع ومدونات ومنتديات لتجلب الزوار لكتسب المال
" حبر على ورق "
غزل ، حب ، رومانسية في الجزائر = جامي سمعت بيها في حياتي

إسلام الفاروق

2016-01-20, 21:16

TheE DeTeCtIvE

2016-01-20, 21:19

+ ويعضهم حاول الانتحار بحثا عن السعادة
راو الحب مكانش منها افهموا ياناس

AMINA.Z

2016-01-21, 01:01

الرجل لا يدرك ان الكلمات الرومانسية مهمة عند المراة
انتي حاولي تكوني مبادرة ..غرقيه فالرومانسية بالاك يفيق و يبخك بشوية رومانسية
و الله ربي يعينك صراحة . حياة زوحية بدون حب ....حيااااة جاااااااافة

oumhana

2016-01-21, 10:54

صباح الخير اختي زيادة على كامل واش قالولك الإخوة و الأخوات خاصه الرد تاع زبدة ذايبة أنا نزيد نقولك بلي هذي قضية caractère مشي معناه الجزائري معندوش عاطفة غلط الجزائري حنين و عاطفي لكن دخلاني ميبينش علاه حنا خشان لهذي الدرجة لالا يا أختي ساعفي وحني أنا منقولكش شعليلو شمع بصح كوني حنينه معاه بلاك ضروفو بلاك تربيتو حذاري كاين لترباو في محيط conservateur مهوش رايح يجي من الباب و يبدا يبرح .الجزائري حنين و ربي يخلهم لنا.مرانيش نهدر على المعقدين

نور لاتراه

2016-01-21, 16:58

السلام عليكم
إذا أردتِ زوجا ..للشيخ إوسيم يوسف (https://www.dztu.be/watch?v=ztKqI89zGck)
إسمعيها بعقلك وفؤادك ..تحاكي مشكلتك

mrmilano1984

2016-01-21, 20:00

هههه النساء تاوعنا وحدهم صح كيف تريدين العيش يعني في جو حميمي ورومانتيكي وتخرجو تتعشاو كف كف وتحوسو وتتنزهو كف كف وتتغداو كف كف ياحسراه