المكتوب و الزواج

[مشكلتي]

السلام عليكم و رحمة الله يا جماعة خذوني على قد عقلي
حبيتكم تفهموني فامر راح يجهلني و يدخلني فدوامة و راح يحكمني وسواس قهري منو
يقولو الزواج مكتوب و مقدر فاللوح المحفوظ و معندنا حتى دخل فيه، صح العبد يتسبب لكن حتى الاسباب ربي لي يسخرها و لا يمنعها صح ولا لالا؟ ذركا مفهمتش حاجة فتاة حتى واحد مطبطب باب دارها، جاها واحد و وحيد مؤخرا معندوش المواصفات لي طول عمرها تحلم بيهم،خافت ترفض و تبور و تندم..!! قبلت فوق القلب لانو فرص الزواج نقدرو نقولو منعدمة.. صلات عدة مرات استخارة و مهيش مرتاحة خلاص لكن الخوف من العنوسة راهي تكذب على روحها و تقول المهم راجل!
ربي سهل فالشوفة و الخطبة لكن مزالها مقنوطة ، السؤال هو هاذ القنطة و عدم الراحة سبب كافي باش تبطل؟
وربي راهو يبينلها بلي مفيهش الخير؟
ام احساس عابر برك و مدام ربي راهو يسهل معناها هو لي مكتبلها ؟
لوكان ماهوش كاتبلها ربي يدير حاجة باش ميكملش الزواج ولا لازم هيا بهاذ الاحساس تبطل؟ واذا مبطلتش و مكانش مكتوبها ربي يدخل بقدرتو و يعرقل الامور؟
الامور راهي تسهال و هو شاد فيها و الفاتحة قريب بصح حالتها راهي تحير، متقبلش ماكان حتى واحد ، تقبل راهي مقنوطة... علابالي تلفتهالكم لكن سؤالي هو كيفاه نعرفو المكتوب فهاذ لحكاية؟ ارادة ربي هي فوقنا يخي؟ لي كاتب ندوه مم منقبلوش و لي مش كاتب لوكان نموتو مندهوهش يخي؟
مع العلم ماهوش عاجبها لا فالزين لا فالعقلية لا فالمستوى تاعو و تاع عايلتو لا فوالو لكن عمرها و قلة الخرجة و قلة الزهر و كلام الناس دفعوها تقبل و الراجل راح يهبل بش يديها
مام كي راهي مقلقة على الزواج و خايفة كي ميكتبهولهش ربي متديهش يخي؟
و مام كي مراهيش قابلاتو كي ميكتبهولهش ربي متديهش يخي؟


دوختكم سامحوني

[toulay]

سلام عليكم
يا اختي مهيش obligée تتزوج بيه
مهيش مقتنعة بيه ومشي عاجبها علاش عليها طيش في روحها
قولها تخمم لبعيد الزواج راهو ارتباط لمدى الحياة مع شخص تحت سقف واحد وهذا الشخص عندو حقوق عليها وهي من درك كارهتو كيفاش راح تعيش
هاذي يا اختي راهي حكمت على روحها بالاعدام
وزيد تاني بعد صلاة الاستخارة مزالها مقلقة ومشي مرتاحة ومغمومة
اختي الزواج مشي بسيف اذا مشي عاجبها من الاحسن تفسخ الخطبة وكل واحد ربي يسهل عليه
والخوف من العنوسة هاذي لكيما قاعدة تقول مشي شرط مشي مين تكون وحدة كبيرة تقبل باي شخص
الزواج راهو مسؤولية كبيرة
قولها تخمم مليح قبل ماتقضي على حياتها بيدها
وهاذي تاع كلام الناس يا اختي مشي الناس لراح تتزوج بيه مشي الناس لراح تعيش معاه في دار وحدة مالا تخمم على روحها وعلى la situation تاعها كيفاش راح تكون مين ترتبط بشخص مشي عاجبها
ربي يفرج عليها ان شاء الله
بالتوفيق

[ابراهيم داود]

ان كانت تكره هذا الرجل ولا تتحمله لماذا تظلمه ... قد يكون مشروع الزواج بالنسبة له مشروع عمر يضع فيه تحويشة العمر... وتعب السنين.... فيجد منك الجفاء والصد وربما درتي فيه مزية باه قبلتي بيه.... من حق اي فتاة ان تحلم بمهند وكاظم وبيل جيتس .... لكن احترام الطرف الاخر واعطاءه حقه في علاقة الزواج واجب ديني واخلاقي ان لم تستطع اداءه الافضل ان ترفض.... وربي يعوضك خيرا ان شاء.... فقط ملاحة هناك حالات طلاق كثيرة بسبب طريقة التفكير هذه لدى الجنسين

[first first]

روحي طيشي روحك من قنطرة وقولي اذا كتبلي ربي مانموتش ........................مانموتش؟؟؟

عاودي استخيري ربي.......................واساليه يعينك على اتخاد القرار السليم.................وايما قرار اتخدته ربي يجعلك فيه خير عضيم ومايكونش فيه ندامة

شيء اخر يااختي لادفعك لاي قرار.............قادر هذا الانسان تتبدل نظرتك ليه بعد مدة ويكون فيه خير عضيم
وقادر راكي طيشي في روحك والعواقب ربي يستر برك
خليك من فكرة عنوسة وماعنوسة.......وفكرة كلام الناس.............وخمي في صلاحك وصلاح هذا الانسان لي مديتو ومامقيمة فيه والو؟؟؟؟؟؟؟؟؟؟؟؟
بلاك احلامك كانت محددة وهذا جا فيه اختلافات عن التمثال لي نحتيه في احلامك فصراتلك صدمة..............................اذا كنت احلامك معقولة وهذا هارب بزاف عن العادي الحل بين يديك ...............تقنعي وانت فرحانة وراضية.............. او تبطلي وانت غير ندمانة.

ربي يكون في العون................والله يرزقك الزوج الصالح هذا الشخص او غيره.

[كلنا راحلون]

المكتوب والزواج والمنطق
ريح قلب ليه .....................الله يسهل وعش زوجي سعيد
ماريح الفلب......................كل انسان وطريقو ومكتوبو مع آخر

المهم راجل لاسكات كلام ناس بأي طريقة والحيل من ضيعت نفسها والكارثة الكبرى الطلاق في انتشار وتفطن الشباب

الله يسهل................

[نور لاتراه]

ما دوختينا ما والو, دوختي روحك برك. هذه حكاية قديمة بزاف والناس شبعت نقاش عليها.
قال تعالى (سيقول الذين أشركوا لو شاء الله ما أشركنا ولا آباؤنا) ‏‏[الأنعام:148]
ينبغي أن يعلم أن الاحتجاج بالقدر إنما يرد على من لا يقر للإنسان بإرادة ولا قدرة كالجهمية والأشاعرة، أما على مذهب أهل السنة الحقيقي فلا يرد، لأنهم يقولون إن الإنسان مريد وفاعل حقيقة، وله قدرة يقع بها الفعل.
وأقرب مثال على بطلان الاحتجاج بالقدر أن يقال: إذا كان معلوماً أن الله قد علم وكتب أن فلاناً يتزوج امرأة ويطؤها ويولد له، وأن فلاناً يبذر البذر فينبت الزرع... إلخ ولا يمكن لأحد أن يحتج بالقدر هنا فيقول: أنا لا أتزوج أو أطأ امرأة، فإن كان قدر الله أن يولد لي ولد فسيولد، أو يقول: أن لا أبذر البذر، فإن كان قدر الله أن تنبت أرضي زرعاً فستنبت، لأن من قال هذا عد من أجهل الجاهلين،........................................
ومعلوم أن جميع الأسباب قد تقدم علم الله بها، وكتابته لها، وتقديره إياها، وقضاؤه بها، كما تقدم ربط ذلك بالمسببات، ومنها الأسباب التي بها يخلق الله النبات من المطر وغيره
(منقول)


خلاصة القول, الله قدر كل شيء وليس الزواج فقط, لكن ماقدره الله مرتبط بالأسباب التي يقدمها الانسان والتي يعلمها الله منذ الازل. فان رأت الاخت أن هذا الشخص لا يصلح لها زوجا ولا ترتاح له لا تلزم نفسها بالارتباط به, فان الزمت نفسها وندمت فلا تلومن الا نفسها ولا دخل للقدر في الموضوع. ما لا تملكه كأن يبدوا لها ان خاطبا يناسبها بعد الاستخارة ثم تكتشف العكس لا تلام عليه وهو من باب: قدر الله وما شاء فعل أما غير ذلك فلا تلومن الا نفسها. أما عن العنوسة فلا يد لها فيها ولا عيب ان يقوم ابوها او اخوها بعرضها بذكاء على رجال صالحين فهذا من السنة, ولا تقنط من حكاية العنوسة, فجيوش من النساء على حالها والقادم لا يبشر بالخير, "اذا عمت خفت"

السلام عليكم
اوافقكم الراي
وهو القول والراي السديد
دقة,وضوح ,وبعد عن الذاتية والمثالية
وفقكم الله

[إسلام الفاروق]

رب يرزقها الزوج الصالح ولا تقنطوا من رحمة الله احسن تتفاهم معاه و تقولو واش ما عجبهاش خير ما تندم

[غربة أهل السنّة]

السّلام عليكم ورحمة الله وبركاته
قنوطُكِ هذا بسبب سوء الظّن بالله تعالى ...
للأسف الكثيرا من النّساء يفكّرن بما يسمّى "الزّهر" الذّي ما أنزل الله به من سلطان...
ذكرت الجمال ومستواه ومستوى والديه الذي لم يعجبك، لكن ماذا عن دينه؟؟ وماذا عن أخلاقه؟؟
يؤسفني يا أختي الفاضلة أن أخبركِ أنّ تفكيركِ خاطىء جدّا جدّا
المرأة إذا أرادت الزّواج تتزوّج للعفاف والسّتر وإنجاب الذّريّة الصّالحة، وليس هروبا من كلام النّاس فإرضاء النّاس غاية لا تدرك...
ويؤسفني أن الإستخارة لا تتماشى مع تفكيرك هذا ومع القنوط لأنّك تستخيرين ولكنّكِ في كل الأحوال ستقبلين مرغمة من طرفِ نفسِكِ..
--------
نصيحتي لكِ هي أن تقفي وقفة جادّة مع نفسِكِ، لماذا تريدين الزّواج؟؟ وهل بدون زوج ستدخلين جهنّم؟؟
جدّدي نيّتك أن تكوني زوجة وأمّا صالحة .. و تخلّصي من التّفكير السّطحي في جمال الرّجل و مستواه
إن لم يعجبكِ فلا تعذّبي معكِ النّاس
والإستخارة لن تكون ناجحة إلّا إذا أحسنتِ الظّن بالله واعتقدتِ في نفسكِ أنّ مصيركِ بيد الله تعالى وحده، وهنا أجيبكِ عن سؤالكِ بخصوص المكتوب:
هناك فرق بين المشيئة و الإرادة، والمشيئة معناها أنّ ما شاء الله كان ومالم يشأ لم يكن، والإرادة معناها أنّ الله يريك الحقّ من الباطل ويختبرك ماذا ستختارين...
إذا اتّخذتِ موقفك كفتاة ناضجة تريد الزواج لتكوين أسرة، فكرّري الإستخارة مرّات واسألي الله تعالى، واكملي في مشواركِ بدون قلق وتوكّلي على الله فإن كان من نصيبكِ فسيأتي به الله وإن لم يكن من نصيبكِ سيبعده الله عنكِ وسيرضيك
-------
وأخيرا أقول لكِ أنّ الزّواج ليس أمرا سهلا نأخذ فيه رأي النّاس ومشورتهم ونفكّر فيما سيقولونه عنّا، بل هو مصير والزّوج هذا سيكون شريك حياتكِ وإن استسلمتِ للنّاس فلن تستطيعي العيش لأنّه ببساطة للنّاس ألسن كالسّكين وثقتكِ القويّة بالله هي من تذيب ذلك السّكين الذي اصابه الصّدأ من كثرة اللغو والكلام الباطل...
المرأة المسلمة ذات شأن عظيم وكرامة متزوّجة كانت أو عانس كما تسمّونها أنتم...
أسأل الله تعالى أن يوفّقكِ في اختياركِ وأن يرزقكِ زوجا صالحا
وصلّى الله على سيّدنا محمّد وعلى آله وصحبه أجمعين
والحمد لله ربّ العالمين
أرجو عدم اقتباس مشاركتي من طرف الأعضاء وبارك الله فيكم..

[AMINA.Z]

في الزواج نعرف حاجة وحدة
هو حاجة تفرح القلب و تخليك تحسي بالسعادة
قبول يعني راحة و سعادة يعني زواج

فكري جيدا

[aroua]

شوفي اختي في الله
ربي سبحانو عطانا لعقل ,لكن لماذا ؟؟؟
ياك باه نفرقو بين الخير والشر وبين لمليح ولي مهوش مليح ...
وربي سبحانو قال ""(ولا تُلقوا بأيديكم إلى التّهلُكة)'''
الزواج معناه الاستقرار...
وانت في هذه الحالة مكان حتى حاجة ذكرتيها عجباتك في هد السيد
سوى ارضاء الناس والهروب من العنوسة
الزواج صح مكتوب ومرت حد مايديها حد ويخطبو مئة ويدي واحد مي ماشي كيما انت راح تغامري وتقولي مكتوب
المكتوب انك تكوني راضية بواش راح ديري وتتوكلي على ربي سبحانو في هد الحالة اذا كملت فهو مكتوبك واذا لالا فليس مكتوبك
راجعي نفسك مليح واتخذي القرار المناسب ليس لارضاء الناس وانما لارضاء الله و نفسك اختي .
كم من فتاة عازبة احسن من مئة متزوجة
اختي تخيلي انك تزوجتي بيه ومن بعد طلقتي لا قدر الله ,فاي حالة احسن عانس كما تدعين ام مطلقة بلا اطفال احسن والأمثلة كثيرة ,توكلي على الله واحسمي امورك ,واتخذي الأسباب الشرعية فان ارتحتي فربي يسهل والا يادار مدخلك شر اليوم خير من غدوة
ختي ربي يجيبلك زوج صالح ليفرحك ماشي لتديه فوق قلبك

[غربة أهل السنّة]

السّلام عليكم ورحمة الله وبركاته
الأخت الفاضلة أروى من فضلك صحّحي الآية (ولا تُلقوا بأيديكم إلى التّهلُكة)

[mon mari]

عاودي استخيري او ربي يسهل شحال من ناس تحابو او فرحو او تقنعوا او تعارفوا قبل للعرس منبعد بداو المشاكل و كانت الطامة الكبرى و اللي هو الطلاق او حتى حاجة ما دوم ممكن هاذ الشخص لماهوش عاجبها تعيش معاه مهنية لخاطر صح لهنا خير من الغنا .او هاذو مكاتيب

[ايمن تلمسان]

انا تبالي الا ماراكيش مقتانعة علاش تفرضي على روحك ا الزواج والله اعلم نتمنالكم الخير

[الحاج فاروق]

عسى أن تكرهوا شيئا وهو خير لكم.

[ايمان4]

شوفي اختي المكتةب معناته ربي علاباله واسم رايحة تديري قبل ما تتخذي القرار عنده علم مسبق تبالي عندك خلل في فهم كلمة المكتوب و ربي قالنا لا تلقو بانغسكم الى التهلكة عينك ميزانك اختي

[على المنهج]

اذا جاءكم من ترضون دينه وخلقه فزوجوه
او كما قاا الرسول صلى الله عليه وسلم
فاداكان شخص مصليا اخلاقه حسنه قتوكلي على الله وما عليك من كلام الافلام والاشياء الغير واقعبه وان كان علة الحب فلا اضن ان اجدادنا تزوجوا عن حب ومع ذلك فقد كونوا اسرا متماسكه

[رزق شعبان]

بالنسبة معايير المال انو لازم العريس يكون موظف او صاحب املاك
ولازم يكون حسن المظهر
هوا ممكن يكون مقبول شكليا مثلا ومعندوش ولا حاجة بس ربنا ميسرلو اموره وماشي الحال معاه
وربنا بيرزقو لانو انسان طيب وعندو صفات خلقيه حسنة وبيخاف ربنا
بنت قريبتي تزوجت من شخص مكانتش موافقة عليه نهائي ولا كانت متخيله انها هتتزوجو في يوم من الايام
وافقت بس علشان والد العريس قالها ((احنا يشرفنا يابنتي تنضمي لعيلتنا ))
وبنت تانية بردو من العيلة كانت متزوجة راجل ميسور الحال حسن المظهر رجعت بيت ابوها مطلقه ومعاها بنتين
وفي الاول والاخر (وعسى أن تكرهوا شيئا وهو خير لكم وعسى أن تحبوا شيئا وهو شر لكم)

[سيف الدين الطيار]

ظلم كبير
السيد رق له قلبي و لم اره
قوليلها خممي بعقلك ماش بعينك

[متعلم انجليزي]

السلام عليكم
قبل ماتصدر حكمها عليه يجب ان تنسى الضغوطات (العائلة وشبح العزوبية و كلام الناس)
عليها ان تكون موضوعية تحدد الاسباب الصحيحة لقبول الزوج كدينه اما العقلية كيف عرفت عنه كل تلك المعلومات وهي لا تخرج وفي وقت قصير ، من حقها اختيار الجمال لكن جميل و ذو اخلاق سيئة فما فائدته و ذو مستوى راقي وبخيل على اهله
عليها تحديد الاسباب الصحيحة لقبول الزوج لكي لاتظلمه ولا تظلم نفسها برفضه
ليس الجهل بعيب وليس النسب ولا الجمال وانما الاخلاق والمتدين اذا ذهبتا هاتان الصفتان فالصفاة الاخرى لن تنفع فالزواج مسؤولية
من حقها اختيار الجمال لكن ليكن معيارها الاول هو صاحب الدين والاخلاق لكي يحافظ عليها و لا يظلمها لانه يخاف الله فيها
اما المكتوب مجهول لنا وما كتب لنا سيصيبنا لكن لا نتواكل
وانما عليها اتخاذ الاسباب الصحيحة وتتوكل على الله حق التوكل وتقوم بالاستخارة والاستشارة وان شاء الله سيكون اختيارها صحيح فالقلق في هذه المواضيع شئ عادي
اسال الله ان يرزقها الزوج الصالح والذرية الصالحة

[متعلم انجليزي]

السلام عليكم
اظن ان الاخت في مخيلتها كانت واضعة صورة فارس احلامها مثل المسلسلات (جمال مستوى نسب مال )
لكن في الحقيقة لم تجد هذه الصفات فتحطمت نفسيتها فاصابها القنوط
كوني واقعية وفكري بعقلك ليس بقلبك حددي ايجابياته وسلبياته ورجحي الكفة ولا تضعي حكما مسبقا
انظري ايضا الى ايجابياتك وسلبياتك هل انت مثقفة اما الاصل والنسب لم نحددهم نحن فهو رزق من الله فالانسان يسال على ماذا صنع ليس على ماذا اعطي له ارجو ان تصلك الفكرة ولا تقارنيه ابدا بغيره فهنا تفتحين على نفسك ابواب الندم والحسد