المخدرات

[مشكلتي]

اكتشفت بالصدفة انا زوجي يدخن المخدرات او بقيت نعس فيه اذا ان جاء يوم او صبتها في علبة الدخان ديالو واجهتوا بيها و ضاربنا ... الخ منبعد راح دوش و طلب ربي يغفرلوا هذي من 4 اشهر بصح انا ما امنتوش قعت نعس فيه حتى زدت حكمتوا او قتلو خلاص بيناتنا انا ما ربيش بنتي وين كاين لحرام او عيت لباباه او قتلوا يا خي منبعد بدى يبكي و يطلب سماح دركا عندها 15 يوم هاذ لحكاية او حتى الدخان راه حبسوا دبروا عليا واش ندير ولا هاذ المخدرات يتاخذوا عن طريق التدخين برك ولا كاين طريقة اخرى. او دركا كيفاش نعرف بلي حبسها او كي جا باباه سمعتهم يهدروا او فهمت بلي كان يتعاطاها مل بكري وانا هاذا وين فقت بعد عامين ونص زواج والله راني حايرة او زيد ماقلت لحتى واحد راني حاملتها في قلبي راح نترتق استغفر الله العلي العظيم

[طيور الجنان]

ياختي ربي يفرج عليك انشالله انشالله يفيدوك الاخوة و الاخوات

[الرميصاءْ]

ربي يفرج عليك
المخدرات ماهيش ساهلة ولازم تكون عندوا ارادة قوية باه يتخلى عليها ويلزم يروح يعالج في مصلحة الادمان
وانت حاولى تساعديه باه يتخلى عليها

[sarl02]

لماذا فعلت هذا معه ؟؟ماشي حق عليك اتزيدي عليه .لان هذا الشخص نفسيته محطمة وراهي غايضاتو نفسه وحاب يتخلص من هذا السم لكن الامر ليس سهل كما تظنين ..بدل ان تفومي ببهدلته واخبار من هب ودب بالموضوع قومي بمساعدته وتشجيعه على تركها ...وتاكدي ان تركها ليس بالامر الهين ..دوك هذا زوجك وابو بنتك لازم توقفي معاه لانها حقا محنة وربي اوفقك.

[jawad42]

ختي المخدرات ليس شيء سهل الادمان عليها صعيب بزاف
عليكما ان تحلا المشكلة بالتفاهم و الارادة خاصة لديكم ابنة
ملازمش تتضاربو لان الحالة ستسوء اكثر تفاهمي معاه و لازم توققي معاه
وادا صاب مرتو توقف معاه اتا متاكد ان سيوقفها و ان شاءالله ربي يهديه

[AMINA.Z]

هذا الموضوع لازمو قعدة
اول حاجة .. روحي ديري ابحاث عن المخدرات و تعرفي عليها و على انواعها و طرق استهلاكها و مضارها . من بعد سبل العلاج منها.
اقعدي مع راجلك و افهمي منو كيفاه بداها و اذا ناوي صح يتخلص منها
المخدرات لازمها مختص باه يتخلص منها اذا كان مدمن عليها.
اذا كان صح حاب يتخلص منها و يخمم في مستقبل العايلة و في بنتو ...ماش راح يعارض و يروح يداوي.
و الله يا الاخت واحد ما يلومك ...من حقك تخافي على روحك و بنتك ....انتي جربي تعاوني راجلك و ان شاء الله ربي يحيب الخير.

[first first]

ممكن زيارة مصاحات معالجة الادمان................حسب علمي توجد مصحات لمعالجة ادمان عموما.......ليس المخدرات فحسب.يعني حتى الدخان

مادام يحاول واعترف بالخطا.....................يستحق من يقف الى جانبه.

[piegeon31]

بارك الله فيك

['مــــــــــــرجان نينو']

سلام عليكم ورحمة الله وبكاته .

اختي نقلك حاجة أو قفي معاه في هذي المحنة . لان المخدرات مهيش ساهل باه يبطلها .

وخصوصا اذا كان مدمن عليها . اهدري معاه بالعقل وبرزانة .

قوليلوا راه هذا الشي حرام ويفسد العقل والانسان والمستقبل .

بدون تجريح مشاعره وبدون تهديده بأبويه . لأنه مثل هده الاساليب هي لي تحطم البيوت.

وقربيه أكثر من والديه وحثيه على طاعتهم . وادعيله .

بأذن الله تتحسن وضعيته ويبطالها بأذن الله .

[melissa lola]

ربي يهديه حاولي توقفي معاه باه يبطل وربي يجيب

[لمسة ابداع]

اولا اختي ربي يكون في عونك وهوربي يهديه و يحبس المخدرات
ثانيا حاولي تقربيه من ربي يخليه يصلي الاوقات الخمس في المسجد عنبلك بلي الصلاة تنهى عن الفحشاء و المنكر
ثالثا حاولي تحكي معاه بالعقل وتقنعيه بلي هاد المخدرات رايحة تحطم حياااااة عايلة كاملة ماشي حياتو برك اموااا يشوف على وجه هديك الملايكة الصغيرة
رابعااا حاولي تكون أكبر سند ليه وتخليه يكسب الثقة تاعك و تقوليلو نوقف معاك حتى الاخر و نصبر عليك اذا حاولت تعالج روحك و قوليلو ماعليش انت غلطت ماشي عيب العيب كون ماتصححش الغلطة تاعك و حااولي ماتسمعي حتى واااحد من الناس بهاد الغلطة ابار والديه باه يعاونوه وحاولو معاك يهدوه لطريق الصحيح
و أذا عاد مدمن خليه يدخل لمصحة معالجة الادمان
واخر نصيييييييييييييييييييحة ليييييييييك اادعاااااااااااااااء خاصة في الثلث الاخير من الليل

[نسيم الريح ش]

المخدرات ما يقدرش لي يتعاطاها يتركها بين يوم وليلة ادا راك حاساته بصح راه باغي يتركها اوقفي بجنبه وقنعيه يتعالج حتى يخرج هاد السم من جسمه

[khiro07]

ربي يعينك
اختي
للافادو هناك عدة طرق لتعاطيها غير التدخين
مثل الاقراص
عن طريق الشم الكوكايين
عن طريق الحقن والعياد بالله
ربي معاك
دخليه لمركز مكافحة الادمان
ان كان ناوي يتوب ويحبسها