خيانة زوجي

[مشكلتي]

سلام
مرة رفت التليفون تع زوجي و دخلت للفيس بوك ديالوا صبت اسم طفلة دخلت ف الدردشة لي صرات بيناتهم و كانت الصدمة صبتوا يقلها بلي يحبها و يموت عليها و الحمد الله لي لقى وحدة خير من مرتو او ما يقدرش يصبر عليها ...................و كلام انا مرتو جامي قالهولي و الاهم من هادى زت عرفت بلي زميلة ليه فالعمل تسمى يشوفها كتر مني و انا عندي عامين زواج او هي صافي 8 سنسن تخدم معاه ما فهمتش علاه هاذا وين بانلها ...حسبي الله ونعم الوكيل

اللهم اكفينيهم بما شئت

[toulay]

وعليكم السلام ورحمة الله تعالى وبركاته
هذا f.a.c.e.b.o.o.k يدير لعجب غير تاع خراب البيوت ربي يستر
لازم تواجهو يا اختي وحصلوا مع والديه بلاك يتربى شويا قولهم شوفوا ولدكم المصون واش قاعد يدير
والله c'est honteux راهو كبير زعمة و en plus متزوج ومزال راهو في سن المراهقة
هذا يا اختي مع الاسف un vice يعني صعيب باش ينحيه الله غالب رجع يمشيلو فالدم
ان شاء الله ياربي ياخذ فيهم الحق امين يارب العالمين
بالتوفيق

[ام ايمان16]

ربي يفرج عليك
الفيسبوك هاذا خراب الديار قليل وين تلقاي لي يعرف يحكم روحو فيه وتكون عندو نخوة الرجال لي تخليه مايشوفش في وحدة اخرى غير مرتو
ربي يهدي زوجك لطريق الصواب

[قدور بن عاشور]

ليس دفاعا عن الأزواج الخائنين لكن على الزوجات أن تسألن أنفسهن مالذي وجده هذا الرجل عند تلك المرأة و لم يجده في زوجته؟
الإجابة عن هذا السؤال كفيلة بحل المشكلة من جذورها.

[AMINA.Z]

لا تتركي الامر يمر مرور الكرام و واجهي زوجك و جريه باه تسامحيه ...خليه يحس بلي غلط معاك صح.
صوري تلك المحادثات و احتفظي بها
اذهبي لتك الحقيرة و واجهيها بما اكتشفت و ان لم تتوقف عن ذلك فورا هدديها بفضحها امام زملائها في العمل و فضحها امام عائلتها. لازم يترباو و انتي كوني قوية
ربي يفرجها عليك

[AMINA.Z]

ليس دفاعا عن الأزواج الخائنين لكن على الزوجات أن تسألن أنفسهن مالذي وجده هذا الرجل عند تلك المرأة و لم يجده في زوجته؟
الإجابة عن هذا السؤال كفيلة بحل المشكلة من جذورها.

فقط للتوضيح ...الخيانة لا تتعلق بما يجده الرجل او المراة في الطرف الاخر ......هذه المراة تقول ان زوجها يحرمها من الكلام الجميل و يقوله لغيرها .. اذن حسب مفهومك من حقها ان تخون زوحها بحثا عن ما ينقصها معه !!!!!!!!!
الخيانة ترتبط بالاخلاق ....فالانسان المتخلق يخشى ربه و يحترم رابطة الزوجية .....ان كانت زوجته مقصرة فيكلمها و ييكشف عن رغباته و هي تحاول تحقيقها لو و اصلاح ما يمكن اصلاحه و ليس البحث ان امراة اخرى

[نسيم الريح ش]

اياك فضح زوجك امام والديه لانو انتي لي راح تخسري .جربي دايما ماتخليهش وحده يدخل للفايسبوك وجبديه ليك ولهيه .انا لا انصحك ان تدهبي لمكان عمله لانو راح تفضحي زوجك

[mon mari]

فإذا ظـُـلمت فقل " حسبي الله و نــِـعم الوكيل "


و إذا أُبتليت فقل " حسبي الله و نــِـعم الوكيل "


و إذا كنتَ بريئاً و عجزتَ عن إظهار الحقيقة فقل " حسبي الله و نــِـعم الوكيل "


ناس مافيهمش امان

[oumhana]

ربي يكون في عونك يا أختي راكي قلتي كلام صواب "اللهم إكفنيهم بما شئت"راكي فوضتي أمرك لله وكما قاتلك الأخت toulayأهدري معاه و فهميه بلي راكي فايقة لكلش و إذا بدا يعيط متخافيش هذاك سلاح ذاتي زعما يبدا يعيط باه يخلعك alors في هذه الحالة انت بالعكس متعيطي متبكي surtout pas de panique عيطي لباباك و باباه إذا موجودين و حطيه قدام الأمر الواقع .هذا جزاء خيانتو. يديو بنات الرجال من بعد يولو يتمعشقو مع السافلات .
أما بالنسبه للأخ بن عاشورلي قال واش صاب عند لخرى و ملقاش عندك نقولو مع كل احترماتي علاه دايمن تحصلو فالمرا إذا مكاش ذراري هي ولا جابت غير لبنات هي ولا خانها هي هي هي في كل الحالات هي.
لو كان الزوجة ديرلو ذراع في الجنه يلقالها ديفو خاطرخائن وكي الكلب تحمل عليه يلهث متحملش يلهث والحديث قياس.غادني الحال وحطيت روحي في بلاستك قولي "اللهم إجعلني في نحورهم"

[blanche rose]

الله يعطيك العقل أختي
حاولي ما تقوليلوش
أول سنتين واعرين بزاف
موقف لا أتمناه لنفسي أو لأي امرأة
حسبي الله ونعم الوكيل
يعرفها 8 سنين..وعلابالو ما تصلحش للزواج
وكي تزوج قال خلي نديرها عشيقة
تلقايه ياكل حتى الاكل اللي تحضرهولو والله أعلم واش تديرلو فيه.. دار قلبي.

ليس دفاعا عن الأزواج الخائنين لكن على الزوجات أن تسألن أنفسهن مالذي وجده هذا الرجل عند تلك المرأة و لم يجده في زوجته؟
الإجابة عن هذا السؤال كفيلة بحل المشكلة من جذورها.

سأجيبك أخي
هذا النوع من الازواج لا يحب المسؤولية
بزواجه تحمل مسؤولية لم يكن يعرفها من قبل وهذا يجعله يحس بانه مقيد
أما العشيقة فلا تقيده بشيء..كل شيء مجاني ولا قيد ولا شيء ..ولو تزوجها سيحس بالقيد أيضا..
الزوجة لها مسؤوليات..خدمة البيت..خدمة الزوج..تحمل انتقاداته ومضايقات اهله ..الخ
العشيقة لا مسؤولية لديها ..سوى تزيين نفسها والاستعداد للقائه..وضف أنها لا تسمع منه إلا طيب الكلام ..ولو كانت زوجته لاصبح حالها كحال زوجته الأولى..
وعلى الزوج والزوجة مراجعة تصرفاتهما
فكلنا نتغير دون أن نحس.. لكن الطرف الآخر يحس

فالأسرة تحتاج لأن يحافظ الزوجين عليها وليس طرفا دون الآخر..

أختي الله يعطيك القوة..
لا أعرف بماذا أنصحك.. خصوصا أنك لم تعطينا فكرة عن طريقة تعامل زوجك معك..وطريقة تعاملك معه..

الله يهدي زوجك ويسعدكم

[hawa19]

راهي قالت باللي يعرفها منذ8 سنوات و هي تزوجت بيه عندها عامين ما نعرف النقص منين لقاه ربي يهدي
شوفي اختي ما تقوليش لماليه و ما تروحيش لمكان العمل نتاعو. لازمك الحيله باه تجبدي زوجك ليك و تبعديه عليها كوني فحله و ما تخليهولهاش راهي كل مرا قادره دير كلش على جال زواجها ما يدمرش و ربي يعاونك ادعي ربي و كثري من الاستغفار

[طليانية]

المشكل ماشي ديما الزوجة كاين أزواج ماهومش في المستوى

[على المنهج]

اولا اياكي ان تفضحيه امام احد تجاهلي الامر وحاولي انتجلبيه اليك بطرق اخرى لا تكوني لوامة طول الوقت ولا فحاشة في الكلام وعامليه بمنتهى الادب وتوددي اليه اما ماقاله الاخ قدور فاقول له هذا نتاج الاختلاط بين الجنسين في العمل وعدم غض البصر وغياب الخوف من الله ونبرج المراه التي تغدو في صورة شبطان

[همس المشاعر*]

الموضوع آلمني كثير .الله يهديه ..عامين زواج معنتها مازال يتمتعو بالحياة الزوجيه واش الي خلاه يخون بانتلو في وحدة معاه يتمعشق معاها
صراحة اختي متزعفيش مني لوكان جا قدامي نضربو ونقضي عليه قوليلو الموت راها كثرت ماينفعنا لفيسبوك لا والو رجعيه لصلاتو (علابالي ماهوش يصلي)

[Ghost happiness]

ربي يهدينا ويهديه

[mon mari]

المشكل ماراهش ف التخلاط تع العمل المشكل راه فالراجل عينوا زايغة راهي تقول 8 سنين او هاذ لمرة تخدم معاه حتى قبل ما يتزوجها تسمى المشكل فيه كان يتزوج بيها و علاش دار هاد تور دو موند او يخلي بنت الناس ترونكيل (http://www.djelfa.info/vb/member.php?u=608984)

لا حول ولا قوة الا بالله ربي يخلص

[toulay]

Bon هذا كلامي موجه ليقول بلي المراة مسؤولة عن الخيانة تاع زوجها ولدخل الاختلاط فالوسط
يا جماعة الراجل مين يكون يخاف ربي و متربي واصيل ولد فاميليا واعي وفاهم لوكان مرتو فيها العيوب السبعة ويخدم مع النساء تاع العالم كامل وغير هو راجل في وسطهم ميخونش الزوجة تاعو بصح اذا كان العكس واش نقولكم خسارة فيه حتى كلمة شبه رجل
شكرا

[عثمان الجزائري.]

أختي نصيحتي هي أن تتكلمي معه و تحاولي الفهم منه مباشرة دون إدخال طرف ثالث، مشاكلكم حلوها بيناتكم و لا داعي لإسماع الغير بعيرانكم، ففي الأخير القرار بينكم، ربي يهديه و أكره رجل ليس لديه الشجاعة الكافية لإعادة الزواج، يا أخي ما عجبتكش مرتك كونك راجل و أزوج و لا طلقها المهم كون صافي معاها و إلا لا، فالخيانة و الله تنقص من روجلة الرجل و شهامته، و كأن أفلام المكسيك القديمة تجسد في واقعنا، راجعي نفسك هل أنت مقصرة صارحيه بها، و إن لم يقل لك الكلام الجميل فقوليه أنت لعله يستقيق، لا تجعلوا حياتكم روتينية لا نشاط و لا شيئ جديد غير شيئ لي نعرفوه ماكلة و رقاد و أولاد فقط النفوس تمل....أعانكم الله و أصلح لكم زوجة...

[متعلم انجليزي]

السلام عليكم
اساس الزواج هو الثقة فاذا انعدمت الثقة فعلى الحياة الزوجية السلام
المشكل لا يسكت عليه وليس موقف يتطلب المسايسة والتجاهل لانه سيؤثر عليك سلبا بكثرة القلق والشك مما يؤدي بك طريحة فراش "المرض النفساني"
وانما مواجهة الزوج ومصارحته لايجاد حل قاطع ولو حبذا يكون بدون علم الاهل لانه قد تتفاقم المشكلة واذا لم يردع فهنا على الاسرة الكريمة معرفة الامر
واهم خطوة هوإعادة الثقة وتوعية الزوج على اهمية الميثاق الغليظ "زواج" ونتائج فعلته
لحسن الحظ ان الزوج ليس صاحب نخوة ولو كان كذلك لتزوجها فاحترامه وحبه لك هو مادفعه الى اخفاء الامر
لكن الشيطان نجح في ان يوقعه
يمكنك تجريب امر المسايسة والتجاهل وقدمي له ماينقصه لفترةاذا لم يصلح ذلك الامر
فقومي باخباره بان فتاة اتصلت بك واخبرتك بان زوجك على علاقة مع احداهن اعرف انه سينكر لكنه ربما "يعرف مدى خطئه" ويصلحه
وبعد ايام راقبيه فاذا مازال على اتصال فالمواجهة المباشرة هي افضل حل وبالادلة
اسال الله ان يهديه الى الطريق المستقيم ويفرج كربتك
قيمي الامر واتخذي افضل الحلول

[ضآحكة مستبشرة]

حسبي الله و نعم الوكيل
لا حولا ولا قوة الا بالله
و الله الواحد عاد يخاف من الزواج رانا نسمعوا غير العجب
خاصة مع تطور التكنولوجيا

الواحد ولا الوحدة ولا لاوم يخمم فالزواج قبل الاقدام عليه ولازم يدرس ابعادوا
يا اختي العزيزة ربي يفرج عليك
احمدي ربي كي راه يحكي معاها برك مدراش حاجة كثر تقدري تسارعي لاصلاح زوجك مزال مطفرتش
علبالي بلي متقدريش لكن افتحي جلسة حوار معاه بالعقل
احكي معاه بطريقة صحيحة
حاولي توضحيلوا اخطآئو وشوفي الشيء لي خلاه يخونك
بلاك راكي مقصرة معاه

وربي يفرج
اصبر و اشتكي لربي
وقربي زوجك من الله باش يصحح اخطائو باش ربي يغفرلو