الفقر والحقرة

[مشكلتي]

السلام عليكم
اختي ساعدونس راني في ازمة حقيقية
زوجي كان خدام عن البريفي يسلك 3ملاين والحمدلله وانا كنت نخدم بلاداس نسلك 900
المهم خلاصت الكونترا تاع
توفى ولد عمو متربي معاه حزن زوجي وماراحش يخدم ثلاث ايام واتصل بصاحب العمل ووافق
بصح كي رجع لخدمتو قالو صاحب العمل روح اقعد فىدارمع مرتك وبنتك كي كشما تفرغلي بلاصة نعيطلك
من هذاك اليوم بدات الازمة بصح كن ت ندبر راسي ب 900 تاع لداس زادت خلاصة الكونترا وماعاودوش الكونترا
راني في ازمة حقيقية والله منهارة
زوجي عليه ديون بسبب حليب بنتي وليكوش
كرهت معيشتي ملقيتش كيفاه نعانو
والكارثة لقيت روحي حامل ناكل دواء بصح كي كتب ربي كتب
سوايع نفكر في الاجهاض ربي عالم بحالتي
والله راني عايشة معيشة الذل مع ام زوجي كي عاد مش خدم نخدم ونسكت
وتقولي اخدمي حق ماكم تاكلو صابرة وساكتة بصح لصبر حدود
رغم راني نخفف على راجلي بصح انا راني مدمرة
سوايع نفكر في الهجرة
قريت في الجريدة بلي كندا تقدم تسهيلات قتلو هيا روحو وافق
بصح خفت حظي السيء يلاحقني هناك ومنخدموش
هل الهجرة حل والله راني كي المهبولة انا ضعت حابة نعاون زوجي
طرق كل الابواب وكلش مسكر
الحمدلله على كل شيء

[أم ماجد]

ربي يفرج عليك
قوليلو يحوس على خدمة هنا

[younes29]

عليكم بالدعاء و الاكثار من قول لا حول و لا قوة الا بالله
فيما يخص الهجرة هو امر صعب بعض الشيئ خصوصا حسب حالتكم المادية
كما يجب ان يدرس جيدا من ناحية ايجابيات و سلبيات خصوصا انكما زوج و زوجة و لكما طفلة و الثاني في الطريق ان شاء الله
الاجهاض انسيه و لا تقنطي من رحمة الله و لا تنسي قوله تعالى ( وَلا تَقْتُلُوا أَوْلادَكُمْ خَشْيَةَ إِمْلاقٍ نَحْنُ نَرْزُقُهُمْ وَإِيَّاكُمْ )
الله يفتح عليكم و يرزقكم

[كلنا راحلون]

سوايع نفكر في الاجهاض ربي عالم بحالتي..........الا تفكير في ضياع نفس وكما قالها اخ يونس29 في رده.
رقم المشاركة : 3 (http://www.djelfa.info/vb/showpost.php?p=3995001578&postcount=3)
بصح خفت حظي السيء يلاحقني هناك ومنخدموش.............سبحان الله... ماغلط لي قال النساء متشابهات في التفكير....هل يوجد الحظ و الزهر في شريعتنا اسلامية.

طرق كل الابواب وكلش مسكر..................يقدر زوجك الكريم يدير كروسة يبيع كارانتيكا او سردين مؤقتا وحلول كثيرة كونه مرتبط وعندو اولاد.
وفي اخير انتي قلتيها في الختام ........الحمد لله على كل شيء..
الله يسهل..........

[مراد سابقا]

انا استغرب من مثل هذا النوع من المشاكل

وزوجك هذا علاه ميروحش يخدم في الشونطي ب 1000دج او 15000 دج يوميا

الناس راهي ماشي متزوجة وصعغيرة وتخدم في الشونطي نورمال

الخدمة ماشي عيب

[Ghost happiness]

اختي ربي يفرج عليكم
انصحكم بكثرة الاستغفار والدعاء والتقرب الى الله

[نور لاتراه]

السلام عليكم
كنت ساقترح عليك إيجاد اي حرفة تعينين بها نفسك وان يحاول زوجك البحث عن عمل حر حتى يفرج الله عليكما
لكن يبدو انكما اتفقتما وقررتما الذهاب لكندا,اجل اعرف حالة عن قرب ذهب لكندا
وكان معه شهادة في العلوم البيطرية, لكن لاسباب خاصة
هاجر وعندما قرر الزواج اختاراها فتاة من نفس منطقته الاصلية رغم سنواته في المهجر,لان درس الوضع جيدا في كندا
لكن ذلك لم يثنه من الاستقرار في الجزائر بل
غادرا لكندا,هناك جالية معتبرة في ذلك البلد,ماشاء الله الجزائريّون أين ما توّلون وجوهكم تجدونهم
هذا ليس تشجيع على الهجرة ,بل هي حالة اردت نقلها لكِ,وليكن في علمكما رغم الامتيازات , ستواجهكما هناك تحديات عليكما وضعها في الحسبان أهمها الدينية قبل المعيشية فخططا للآن لمواجهة المستقبل هناك
اسئل الله أي يرزقكما من حيث لاتحتسبان

[ملاك الامل]

بربي راهي ازمة وتفوت وما تدري الطفل هاذا يجي معاه الخير راني عمبالي بالقلقة تاعك كثري الدعاء وربي يفرجها عليك ان شاء الله

[ضآحكة مستبشرة]

السلام عليكم اختي
استغفر الله و اتوب اليه
اختي اصبري ثم الصبر ثم الصبر مهما بلغت الاحزان و المشاكل حدها لي صبر الله سيفتح الابواب في وجهه
و الصابر ينال و ربي يقول " وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ "
اوقفي مع زوجك بلي تقدري و قوليلو يحوس على خدمة كي تتحتم في البطاطا و البحاير يخدم علاش عيب ؟؟
ياك خدام الرجال سيدهم ونسيه و ابعثي في روحوا شوية امل ماشي طول الوقت و نتوما خازنين راسكم في الهموم
حاولوا تنساو شوية متخموش بزاف في الاحداث هذي


و قلتي راكي تفكري في الاجهاض ؟؟؟؟ نتي هبلتي واقيل ؟؟
كاين انسان يقتل ولدوا
ربي حرم قتل النفس يا اختي اتقي الله في نفسكِ " وَلا تَقْتُلُوا أَوْلادَكُمْ خَشْيَةَ إِمْلاقٍ نَحْنُ نَرْزُقُهُمْ وَإِيَّاكُمْ "


وسعي بالك و ان شاء الله فيها خير حبيبتي
ربي يسهل عليكم الامور

[محارب الحمق]

اللي يسمعك ختي يقول الهجرة لكندا راهي تطايش !!!! ربي يفكها في وجوهكم ان شاء الله. هاذي محنة وتفوت ان شاء الله, ان بعد العسر يسر ان بعد العسر يسر. كثرة الاستغفار تجلب الرزق. انا متأكد انو الخدمة عند البريفي تطايش (في الحوانت, في الشوانط, في السواق) يتحرك يلقى. العيش في كندا (لا طارتلكم) هي تحسين للمستوى المادي (ربما) لكنها خطر واضح على دين اسرتك ودين ابناءك, من يقول العكس اقسم لك بالله العظيم انه يكذب.

[سما888]

دايرة الهجرة ساهلة لازملها صوارد
متلقاوش الخدمة لازم تصبرو شوي
ولازم تدي مبلغ مالي يعيشكم 3 اشهر صعيبة هي عليكم
حاشا لعدت تحوسو تسلفو حاجة ثانية
وش نقولك كي تهاجري تحسني مستواك المادي
وكاين حوايج اخرى تخسريها
فكري انتي وراجلك وديرو مشروع صغير اانتي تخدمي في دار وهو يبيع
قاطو .كوكا اي شيء تتقينيه مطلوع مبرجة...............................

بصح وش نقولك ربي يفرج

[أبو عبدالله الجزائري]

الرجال قوامون على النساء
على زوجك ان يقلق على معيشتك واولادك وليس العكس
كان لازم يصبر مع البريفي ناس ماتوا والديهم ومادروش حزن كل هذه المدة..الان مافات قد فات
المهم لازم يروح يخدم اي شيء اعرف ناس عندهم دكتوراه وخدموا في السوق يبيع ويشري الخدمة ماشي عيب
الهجرة الى كندا ان عشت في الغرب واخبرك من موقع تجربة ...الذي لم يقدر على تدبر امر معيشته في الجزائر فلا يعتقد ان الامور سهلة في الخارج....لن يجد الناس تنظره بالسكن والعمل والسيارة راهم غارقين في اولادهم.....
انصحه بان يقصد بعض الناس الذين ربما يمكنهم مساعدته
نصيحة اخيرة الا تشتكي حالتك لكل الذين تعرفينهم لان الناس ليس كلهم يريدون لكم الخير فقد يتشفون فيكم او يقولون لكم كلامايحط من معنوياتكم او يحاولون استغلال حالتكم ..واحذري ان تحطي من قدر زوجك امام الناس
سامحيني ان كنت قاسيا فردي كان من خلال مافهمته من سؤالك ولاعلم لي بواقعكم فربما تكون عنده ظروف تمنعه من العمل

ادعوا الله ان يفرج عنكم وان يرزقكم رزقا حلالا
وعليكم بالصبر فالابتلاء من الله ويجب الرضا بقضائه ولكم في رسول الله اسوة حسنة

[خالد عنابي2]

تعرفي تخدمي البتزا ؟

نصبة صغيرة تع زجاج و بلا بيتزا وبعض الكاغط وشوية هريسة و مايونيز

الحبة على 20 دج وتشوفي الغاشي كيفاه يطيح عليها

ينصب في بلاصة مليحة بلاك يولي يدخل خير من قبل عند البريفي

[〆 بٰٰاولو 乄]

وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ "

[خالد عنابي2]

الحلويات التقليدية صارت باهضة الثمن

حبة مقروض صغيرة 20 دج

يالله

اشري السلعة اون قرو واتكلي على ربي ,,,

[AMINA.Z]

ابواب الرزق كثييييييرة حتى و لو كانت اقل من المستوى
لكن هاذي هي الانسان لازم يضحي على حال ولادو و دارو
ما تتكبروش و اتكلو على ربي اي خدمة نجيب دراهم اخدموها
و استغفري ربي على فكرة التخلص من الجنين و ادعيه يسهللكم.

[FELLA BIO]

ربي يفرج عليكم يا رب ويرزقكم من وسع عاجلا ليس اجل

[محفوظ البسكري]

روحي لكندا ختي روحي فانها فيها لا يظلم بها احد

[القناعة كنز]

اصبر ثم الصبر و كيما قالو الاخوة و الاخوات شوفي كاش صنعة اخدمي و بيعي و زوجك يخدم منين جات حتى يفرج ربي
و ان شاء الله الطفل اللي جاي فالطريق يجيب الخير معاه
وعسى ان تكرهوا شيئا و هو خير لكم

[syham]

ياختي ربي يفرج عليك وعلى عايلتك ..تقدري اختي تحكمي 4 اولاد في دارك وتشديهم مع بنتك وعلى كل فرد تخلصي عليه 4000 دج يعني راح تدخلي مصروف شهري مليون و ستة مائة ..ربي يكون في عونك