معنديش الزهر

[مشكلتي]

حبيتكم تنصحوني
معنديش الزهر عاكسة من كل جهة ندير الخير نمد من قلبي نفك العباد الحاصلين اللي يقصدني من نرجعوش
موءخرا فقط نهار كامل وانا نتعب ونخدم مع شخص حاصل لوجه الله فقط عملت معاه حوالي 6 ساعات
حماتي كي تمرض نساعدها تكون غايبة نساعدها نعاونها كي نقدر
كي تمرض ثاني ،،،،مع العلم أني داري وحدي
المهم منشكرش روحي لكني انسانة قلبي حنين بزاف
مع كل الناس
لكني قليلة الزهر ما نلقا حتى شخص يحن فيا او نغيظو
حتى اقرب الناس لي زوجي الناس كامل يحن فيها وانا آخرهم
وزوجة أخيه تظل تشكي وتتمارض الكل يحبونها وعلى رأسهم حماتي تموت عليها
واش الفرق بينا أنا وهي هي دم ولحم وانا روبو
أنا خدامة برا وهي جالسة في الدار الحكاية انها حامل غير وين ،،،،،شبعت دلال عليهم وانا حملت شحال من مرة ما غضتها
نتوحم وطوال 9 أشهر وانا نعمل حتى نولد
بلاك للديفو فيا لأَنِّي لا اشكي وأبكي
كيفاه نتعلم لعلم الشكيان والآهات منعرفش
علاه ديما الانسان الصادق الحنين قليل الزهر
صح أنا نمد من قلبي لوجه ربي لكن نلقى غير البروفيطاج

[براءة سامية]

ايه ثستيني في قلبي هكذاا حالتي .

[dark star]

اختي لا تفسدي نيتك وانتظري الاجر من الله ، وما عند الله خير .
وهذه الدنيا دار ايتلاء
اسال الله ان يعوضك بسعيك اجرا حسنا

[بنوتة الصحراء]

اختي الخير الاي تديره زيدي فيه وماتقنطيش من رحمة ربي كامل نقولو نفس الكلام ماعندناش الزهر بصح الواحد كي يتفكر ربي فوق كل شيء يصبر
وهما مازال يجي الوقت الاي يحسو بيك ربي يهديهم ويعطيك الصبر معاهم

[متعلم انجليزي]

السلام عليكم
اختي لاحصيت نعم الله عليك لحمدته ،وتقولين ماعنديش زهر
لاتقارني نفسك بالاخرين فهي مدخل من مداخل الشيطان
ليخرب البيوت ،قارني نفسك بنفسك وارتقي بها وانظري اين الخلل وعالجيه
اسال الله لك الهناء والتوفيق

[محارب الحمق]

البنات مالقاوش راجل يستر عليهم, البنات مالقاوش خدمة (مع اني اعتقد ان عمل المرأة ليس نعمة بل نقمة عليها), البنات يحوسوا يجيبو طفل واحد وماكتبش ربي, البنات يحوسوا يسكنوا وحدهم مع رجالتهم ومالقاوش, وانتي مع هاذو كامل تقولي ماعنديش الزهر, هل تعرفين مالذي أكرهه أكثر في النساء بالاضافة الى حكاية العرض؟ الغيرة بين النساء وكفر العشير

[~أمة الله~]

حبيتكم تنصحوني
معنديش الزهر عاكسة من كل جهة ندير الخير نمد من قلبي نفك العباد الحاصلين اللي يقصدني من نرجعوش
موءخرا فقط نهار كامل وانا نتعب ونخدم مع شخص حاصل لوجه الله فقط عملت معاه حوالي 6 ساعات
حماتي كي تمرض نساعدها تكون غايبة نساعدها نعاونها كي نقدر
كي تمرض ثاني ،،،،مع العلم أني داري وحدي
المهم منشكرش روحي لكني انسانة قلبي حنين بزاف
مع كل الناس
لكني قليلة الزهر ما نلقا حتى شخص يحن فيا او نغيظو
حتى اقرب الناس لي زوجي الناس كامل يحن فيها وانا آخرهم
وزوجة أخيه تظل تشكي وتتمارض الكل يحبونها وعلى رأسهم حماتي تموت عليها
واش الفرق بينا أنا وهي هي دم ولحم وانا روبو
أنا خدامة برا وهي جالسة في الدار الحكاية انها حامل غير وين ،،،،،شبعت دلال عليهم وانا حملت شحال من مرة ما غضتها
نتوحم وطوال 9 أشهر وانا نعمل حتى نولد
بلاك للديفو فيا لأَنِّي لا اشكي وأبكي
كيفاه نتعلم لعلم الشكيان والآهات منعرفش
علاه ديما الانسان الصادق الحنين قليل الزهر
صح أنا نمد من قلبي لوجه ربي لكن نلقى غير البروفيطاج


السلام عليكم ورحمة الله وبركاته
يا أختي، المٌشكل أنّنا مرّات نظن أنّ نياتنا خالِصة لوجه الله ....لكن ردود أفعالنا تٌبيّن لنا غير ذلك، فللإخلاص علامات، لكنّك كُنت تنتظرين جزاءًا لما قُمتِ به وهذا مُنافي للإخلاص...
لذلك، لا تلتفتي لا لعائلة زوجك ولا لغيرهم، نتي عامليهم عادي ، الحاجة لي تقدري تديريها ديريها، لي ما تقدريش عليها؛ لا يُكلّف الله نفسًا إلا وسعها.
وإذا عملتِي حاجة ما تنتظريش منهم حاجة، لأنّك بذلك تضيعي الأجر على روحك، وفي نفس الوقت تتعبين نفسيًا عندما لا تجدين المُقابِل، لأنّه هناك ناس لا يُثمِر فيهم الإحسان، كما قيل:
إذا أنتَ أكرمتَ الكريم ملكته ....وإذا أنتَ أكرمتَ اللئيم تمرّدَ

كونِي ودودة معاهم وتعاملي بأخلاقك ماشي علاجالهم ولكِن لأنّ أخلاقك ودينك يُملي عليك ذلك، إن شاء الله بذلك ترتاحين نفسيًا ....

ربي يوفقك

[~ دروب الخير ~]

اختي ـ دعي ما مافعلته لوجه الله وحسب ..و الخير سيأتيك آجلا ام عاجلآ ..ثقي بربك انه لا يضيع اجر من احسن عملا
تفائلي اصبري و احتسبي ،، و الا فلا تعطيي لهذه الامور حجما لا يليق بها ، لكِ رب كريــم رحيـــم !!
تفااااءلي

[عبييير]

السلام عليكم ورحمة الله وبركاته
يا أختي، المٌشكل أنّنا مرّات نظن أنّ نياتنا خالِصة لوجه الله ....لكن ردود أفعالنا تٌبيّن لنا غير ذلك، فللإخلاص علامات، لكنّك كُنت تنتظرين جزاءًا لما قُمتِ به وهذا مُنافي للإخلاص...
لذلك، لا تلتفتي لا لعائلة زوجك ولا لغيرهم، نتي عامليهم عادي ، الحاجة لي تقدري تديريها ديريها، لي ما تقدريش عليها؛ لا يُكلّف الله نفسًا إلا وسعها.
وإذا عملتِي حاجة ما تنتظريش منهم حاجة، لأنّك بذلك تضيعي الأجر على روحك، وفي نفس الوقت تتعبين نفسيًا عندما لا تجدين المُقابِل، لأنّه هناك ناس لا يُثمِر فيهم الإحسان، كما قيل:
إذا أنتَ أكرمتَ الكريم ملكته ....وإذا أنتَ أكرمتَ اللئيم تمرّدَ

كونِي ودودة معاهم وتعاملي بأخلاقك ماشي علاجالهم ولكِن لأنّ أخلاقك ودينك يُملي عليك ذلك، إن شاء الله بذلك ترتاحين نفسيًا ....

ربي يوفقك


نفس الرأي


أختي ديري الخير وأنسايه

[nadjet boumaraf]

ربي يرزقك على قد نيتك اختي ...ديري خيرك لربي سبحانوا واهل زوجك متعيشيلهمش خلاص كون تبعيهم تمرضي نفسيا هكا كل الكنات عندهم تفرقة وحب من طرف العجوز هكا كامل رانا فيها بصح وشنوا نتي اخدمي وش قدرتي مناسات متقطعيهمش يحتاجوا حاجة عاونيهم وبس بصح باه تقعدي تلومي نفسك انا علاه وعلاه ومعنديش الزهر وعلاه محبونيش هي خير مني في واه وتبدا الأسيلة اللي تحطمك نفسيا لالا والف لا متحطميش روحك على جالهم هوما عايشين ونتي مرضي روحك ....... تهلاي في بيتك ووليداتك والباقي ديريهولهم على وجه الخالق وبس.... وربي يهنيك ويريح بالك وتفرج بادن الله

[يسمينة الزهور]

السلام عليكم أختي
وعلاش ماتقوليش ربي يحبني وبلاني باش يشوف إذا نصبر وللالا لا
إن الله إذا أحب عبدا إبتلاه دري دايما هاد الشيئ في راصك وخير مثال نبي الله أيوب عليه السلام إبتلاه الله بالمرض لكنه صبر ثم فرج الله عنه
الأنبياء أعظم الناس إبتلو وصبرو ولم يشتكو
ونحن التي إبتلاءتنا ليست شيئا أمام إبتلاءات الأنبياء نتذمر
إتق الله أختي وإذا أردت فعل شيء إفعليه لوجه الله والله سيجازيك هذا إختبار لك لذلك إصبري لكي لا ترسبي في هذا الإختبار أكثري من الصلاة على النبي ومن الإستغفار والدعاء في الثلث الأخير من الليل أن يلهمك الله الصبر
وربي يفرجها عليك أختي
لا تقنطي من رحمة الله وثقي بالله
لان هذا كله من وسوسة الشيطان يريد أن تتذمري لكي تذهب حسناتك سدا

[sunshine2013]

الحمد لله اختي انك. ديري الخير و نيتك. صادقة المهم ضميرك مرتاح و لا تفضلي تكوني من اللي يديرو الشر؟؟؟
بالاك نتي حكيتينا قلبك. راهو معمر معليش اخي كاين ربي

[الجميلة انا]

اصبري و احتسبي و سيجزيك الله خيرا و يفرحك فرحا ينسيك كل هذا الالم

[ضآحكة مستبشرة]

السلام عليكم و رحمة الله
اختي الصابر ينال
لا تقنطي من رحمة الله " و بشر الصآبرين "
اختي و الله حاجة متستاهل انتي اصبري و مع الوقت رح تشوفي كيفاش حياتك تتغير لانك صبرتي و فوضتي امرك لله
انتي واصلي في عمل الخير و بلاكي يقصدك واحد و تكوني تقدري تعاونيه و متعاونيهش لكن الا في الامور الخير ة اكيد

بلاك ربي راه دايرلك هذه الاحداث باش يبشرك بخير و رزق عظيم


نصحيتي هي الصبر ثم الصبر ثم الصبر
و ان شاء الله فيها خير

[ahlem 05]

اختي انت حنينة وطيبة وتحبي تعاونيه لوجه الله انتي درتي الخير وتاكدي بلي يجي يوم وتلقايه وقليل لي كيفاك بصح متفسديش اعمالك وتنتاظري الشكر بيسك في وقتنا قليل وين تلقاي لي يتفكر مهم انتي هكا وهادي طبيعتك تعاوني وتحبي الخير و زيد خير من ناس بزاااف ميهموكش وش يقولو ولا وش يديرو ومتقوليش معنديش الزهر لانك مزوجة والكثثير من الفتيات تحلم فقط بزوج وعندك اولاد والكثثثير محرووم من هده النعمة ويدار واحدك وخدامة وحماتك ماتديرلكش لمشاكل يعني اكي عايشة في نعمةيا اختي احمدي ربي ومتلتايش بناااس

[AMINA.Z]

ما تزيدي ديري والو ...اخدمي على دارك و ولادك.و انتهى
اسمحيلي اختي اللي يشوفك تحكي هاك يقولك راكي تخدمي باه تباني و باه يشكروك....اخطيك ...اللي يحتاجك و يطلب مساعدتك ما تبخليهش و ماكالاه تفرضي على نفسك ما لا تستطيعين تحمله.

[blanche rose]

كنت في فترة مشاكل مع زوجي
وفترتها كنت أبحث عن مكان الخلل
هل هو فيا انا ام فيه ام في من حولنا
تلك الفترة علمتني الكثير لكن ما زلت احتاج للتعلم..

المهم

نحي كلمة ما عنديش الزهر
الغلطة غلطتك أنت..أنت وفقط

الزهر في أنو الناس يحبوك بالسيف؟؟


قالت لي احدى المرشدات في حواري معها حول نقطة فعل الخير في من حولنا وخصوصا اهل الزوج والمقابل يكون عكسيا..
قالت الخطأ فينا نحن النساء..فنحن نرحب ونحاول ارضاءهم وربما نشتري الهدايا وننصحهم ووو ليس لوجه الله..بل
لأجل ارضائهم..

قالت لي نحن نحاول ارضاء الزوج وأهله ولا نسعى لفعل ذلك لوجه الله..
هذي كاااااامل رانا نديروها بلا ما نفيقو

والأساس أن نفعل كل شيء لوجه الله
فالله هو من يتحكم في القلوووب
هذا من جهة

من جهة أخرى..أن تخدمي أهل زوجك وهذه وتلك وأمام زوجك تقعين منهكة من التعب .. فهذا يصيبه بالملل
لأن طاقتك افرغتها في غير محلها
الأجر الكبير يكمن في خدمتك لبيتك وزوجك..

والحب لا يطلب من أحد
ولا تقدمي خدمات وتنتظري المقابل

وبخصوص ان زوجة اخ زوجك حامل وتدلل وتشكي وانت لا تشتكين..
صدقيني حتى لوكان تقلديها ما رايح يتغير والو

وكيما نقول دايما
مكانة الابن تحدد مكانة زوجته

الله غالب كاين امهات هكذا
الابن البار راهو في يدهم ..مهما دارو علابالهم يدور يدور ويرجع

واللي واعر تحاول ترضيه وترضي مرتو باش ما يزعفش

امالا ما تكسري راسك ما والو
قومي دارك وخصوصا راجلك
احكي معاه قدر المستطاع..حكايات ضحك طبعا ماشي نكد هههه

اذا درتي حاجة ديريها لوجه ربي
سينو تولي تباني تلعبي فيها :)

عيشي حياتك بسعادة مع زوجك والباقي لا يهم
اجعلي سعادة الدنيا لتحقيق سعادة الاخرة

ربي يسعدك

[قدور بن عاشور]

البنات مالقاوش راجل يستر عليهم, البنات مالقاوش خدمة (مع اني اعتقد ان عمل المرأة ليس نعمة بل نقمة عليها), البنات يحوسوا يجيبو طفل واحد وماكتبش ربي, البنات يحوسوا يسكنوا وحدهم مع رجالتهم ومالقاوش, وانتي مع هاذو كامل تقولي ماعنديش الزهر, هل تعرفين مالذي أكرهه أكثر في النساء بالاضافة الى حكاية العرض؟ الغيرة بين النساء وكفر العشير

ربي يفرج على الأخت، و لكن و الله عندك الحق، آلاف البنات يتمنون أن يكن مكانك، احمدي ربي، و هذه المشكلة حلها بيدك، فقط عليك بالتواصل مع من ظلمك و اشرحي الوضع لأن السكوت لن يوصل إلى الحل.

[نور لاتراه]

السلام عليكم
اجل يوجد مايسمى بالزّهرْ
(وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ )
لكنه ليس عبثيا فهو بقدر الله ومشيئته وحكمته
ربما لم تنتبهوا إلى كلمة "أنا" استعملتموها عدة مرات وقارنتموها بغيركم
عليك ان تصلح نفسك لاتنتظري ان تكون الظروف مثالية فهذا لن يحصل ابدا
فهي كذلك لتتغلبي عليها وليس لتضعي يدك على خدك
يسر الله احوالكم

[loubna87]

بالعكس ختي عندك الزهر . نتي تخدمي و مزوجة و دارك وحدك و أهل زوجك ما دارو لك والو , انتي التي تحسي هكذا برك , زوجة خو راجلك ديريها كيما اختك , و لو يحبوها حبيها انت ثاني و أنت أيضا لك مكانتك عندهم , انت جزء منهم و أنا متأكدة أن حماتك تحبك , ما تقلقيش روحك . تعرفي ؟ الإنسان إن لم تكن له مشاكل يحاول البحث أين يوجد الخلل في مواضيع ليس لها أساس . عادي ختي انت هانية و راكي في رحمة ربي . شوفي المزايا و الخير الذي راكي فيه . بالنسبة لراجلك تقولي أنت آخر همه . معظم الرجال هكذا ما يبنوش برك انت زوجته و أعطاك مكانة السيدة في البيت و الأم لأولاده و شريكة حياته .

[عثمان الجزائري.]

إن الله إذا أحب فلان نادى في السماء أن أحبوا فلان...أصدقي الله و سيقذف حبك في قلوبهم.

[aminazy]

سلام ربي معك ويعطيك حساب قلبك

[om mouadh]

أختي نور لا تراه يعطيك الصحة بارك الله فيك...