نجحت الباك بامتياز لكن

[مشكلتي]

السلام عليكم ورحمة الله وبركاته
انا طالبة نجحت الباك بامتيار بصح والله ماهي نقطتي
تانيب الضمير قتلني
ليس مستواي احس اني اكذب على نفسي كذبا احاول جعله حقيقة
كرهت نفسي
صح والديا دارو حفلة بصح ليس حقي
والي غفر الله له احضر لي كل المواضيع محلولة من الالف الى الياء كاملة من طرف نخبة اساتذة انا كتبت اسمي فقط
كرهت روحي العار يتبع فيا لبقية حياتي
جميع زميلاتي كانوا يدرسن طوال العام بجد انا كنت العب ثم جاء الموضوع محلول وبكل بساطة تفوقت على الجميع
راني نكذب على روحي
درت طب بصح راو ضميري يقل باللي راني حاكمة بلاصة تاع انسان مجتهد من حقو
والله ابكي وحدي كيف فعل والدي بي هذا
حتى في الكونترول انا واثقة ساكون الاولى ببساطة لان الاستاذ زميل والدي
ولدي الموضوع وحله قبل طرحه
لا افهم اشعر بتانيب ضمير يقتلني كل يوم

[TheE DeTeCtIvE]

لا تعليق
التعليم في الجزائر راح وانتهى الامر من العفايس هذه
المعريفة قبل الديبلوم
ومن فوقها امتياز وطب ؟؟؟؟
+هناك تناقض في موضوعك اختي
من جهة تانيب ضميرك بسبب الباك ومن جهة في الكونترول ديرتي نفس الشيء ههه شر البلية مايضحك
يعني انبك ضميرك لكن استطعت ان تواصل نفس الطريقة في الجامعة ؟؟
+نعم انت حاكمة بلاصة تاع واحد قراي زوالي اجتهد طوال العام من اجل حلمه ( صراحة راحة )
والحل لكي تتخلصي من هذا الندم الذي سيبقى معك طول حياتك كلما ذكرتك كلمة باك امامك هو
تعاودي الباك بمجهودك الخاص

[الرميصاءْ]

وعليكم السلام ورحمة الله وبركاته
حبسي ماتقرايش وعاودي الباك مرة اخرى بقرايتك ماتغشيش باه ترضي ربي وترضي روحك
الطب قرايتها ميش ساهلة واذا كان ميش مسستواك ماكيش رايحة تكملي فيه رايحين يخلرجوك هوما

[TheE DeTeCtIvE]

الطب قرايتها ميش ساهلة واذا كان ميش مسستواك ماكيش رايحة تكملي فيه رايحين يخلرجوك هوما
--------------------
حتى في الكونترول انا واثقة ساكون الاولى ببساطة لان الاستاذ زميل والدي
ولدي الموضوع وحله قبل طرحه
راو النجاح مضمون

[RAHETBAL45]

والله بصراحة فوجئت بمحتوى رسالتك انا لا الومك بقدر ما الوم مجموع الاساتذة لى تواطئوا فى العملية و الله قمة الخزى و العار ان نصل لهذا المستوى حرام و نقولوا ربى ينزل علينا المطر الله يهدى انت ارتكبت خطا و فات الحال حاولى تصحيح حياتك ككل عمره ما كان الغش يوصل لبر الامان لذلك نتمنى ان تكونى من الناس المجتهدين فعلا و تتكلى على مجهودك الخاص و ليس بمساعدة الغير و حاولى ان تسالى من الناحية الشرعية كيف تخرجين ومن هذه المعضلة شرعيا لان علاقتك بربك هى لى توصلك لبر الامان ودنيا طويلة و تعب صفى روحك مع خالك اختى قبل كل شئء و ربى يغفر للجميع بالتوفيق

[متعلم انجليزي]

السلام عليكم
فات الوقت باش تعودي الباك
واذا استمريتي بهذه الطريقة ستصبحين طبيبة وتقتلين الناس
الحل هو انساي تانيب الضمير
اقراي مليح وهدري مع باباك وقوليله الان اصبحت ارواح ناس ماشي لعب
واثبتي لنفسك بانك مسؤولة وانك تستحقين طبيبة بدراستك ليس بواسطة والدك
وتفوقي
اما من الناحية الفقهية اسئلي امام حقيقي
اسال الله لك التوفيق

[Simassim]

بعد التخرج من يكون مريض بين يديك. بين الحياة والموت. قول لباباك يقولك. واش تديرلو. !!!.

الله يهدينا. مدام. انبك الضمير. الحل بكل بساطة بين يديك.
تسجلي البا. واقراي. واتعبي. عليه. واختاري التخصص لي يساعدك. وليس تخصص نمى في احلام والدك

[first first]

للحلال طعم خاص
والطرق المشروعة نتائجها طيبة مهما كانت.

خليها قاعدة في حياتك.


يعني كون خلاك قتلتي روحك كيما قتلو روحهم زملائك وجبتي ياربي 10 كون ماصراتلكش هكذا

لكن بالمقابل لو درستي واجتهدتي ............كون غنيتي باباك على هته الاساليب القدرة.

ماعليهش هناك عدة طرق لتصحيح وانقاد مايمكن انقاده.....................توبي وحاولي ايجاد حلول...ربما يقبل الله منك التوبة ويعفو عنك.

[محارب الحمق]

ان كنت حقا تريدين التوبة فأعيدي الباكالوريا غير ذلك انت مجرد باحثة عن الاعذار لا اكثر ولا اقل, واعلمي ان والدك واصحابه في خطر شديد فمايقترفونه ويعتقدونه عند الله هينا هو عند الله عظيم

[3ab2ou]

كلش راه قالو TheE DeTeCtIvE
----
لقراية ولات معريفة يا رب خرجنا ملبلاد هادي بدون رجعة

[aymen.dz]

صراحة مادخلتش في راسي الحكاية هادي غير لاكنتي بنت القايد صالح

[Golden Princess]

بصراحة انا مصدومة لم اكن اعلم ان الغش يصل الى هده الدرجة

اعتقد انه مامن حل امامك غير انك تعيدي الباك ,,,,, ربي يغفرلك

[nadjet boumaraf]

أختي نصيحتي كيما نصحوك الغخوة أنساي الباك هادا تاع إمتياز لانوا خاطيك جاك بالساهل عاودي باك وجيبي غمتياز بتعبك وتعيشي مهنية خير ما تكملي حياتك في أحلام الإمتياز والتفوق ونتي خاطيك جاك بالساهل يا بنتي تانيب الضمير مش ساهل حياتك متكمليهاش في حرام... توكلي على ربي وارسمي طريق جديد ليك تكوني مرتاحة أفضل

[TheE DeTeCtIvE]

كلش راه قالو thee detective
----
لقراية ولات معريفة يا رب خرجنا ملبلاد هادي بدون رجعة

اللي فاق هرب بكري من البلد

[~ دروب الخير ~]

صراحة مادخلتش في راسي الحكاية هادي غير لاكنتي بنت القايد صالح


حتى انا !!؟

و اذا كان صح هكذا نحبس من ضك :confused:

[TheE DeTeCtIvE]

من تجربتي اقول لكم :
يا اما الطفلة بن جنرال ولا بنت واحد عندو السوارد بالملايير ( رجل اعمال )
مع اني ارجح بنسبة كبيرة كونها بنت جنرال

[كلنا راحلون]

لا تعليق
التعليم في الجزائر راح وانتهى
اروع رد ........

[مناد بوفلجة]

ما أصعب تأنيب الضمير

السؤال المطروح

هل لك الجرأة و لديك شخصية مستقلة لتتركي تخصص الطب
و الإنسحاب ، لتخصص تقدرين عليه بجهدك العقلي

أكيد أنك ستواجهين الإعصار ، والدك الذي مات ضميره و محيطك
لكن تأكدي أنك لو مشيت ضد ذلك الإعصار فستنجحين
و ستشعرين أنه لنفسك قيمة

سيظل ضميرك يؤنبك إلى غاية وفاته
بعدها لن تشعري بتأنيب ضمير ، بل ستأكلك الدنيا و تتيهين فيها
و ستختفي السعادة الحقيقية و الرضا من دفاترك


كم بقي لك لتعيشين في هذه الدنيا
10 سنوات ، 20 سنة ، 30 سنة ، 100 سنة
ستنتهي كلها و لن تقفي يوما ما سوى مع نفسك

فكري جيدا و قرري مادامت هناك حياة تدب بضميرك ،

[ام رضوان]

السلام عليكم
بنيتي تاخذي من رأيي راجعي حالتك مليح
في الدنيا صلحلك باباك اوراقك
في الاخرة راه كل واحد يتكلم عليه فعلو
خمي مليح بنتي
باباك مش هو اللي رايح يجي في قبرك
يابنتي كون تكملي هذه لقراية راح يجي نهار اللي تدي فيه ارواح في رقبتك
واش رايح يسلكك يوم الحساب.
انسحبي من هذه الطريق المعوجة
وابداي طريق جديدة وما يهمكش هدرت الناس
المهم صلحي اوراقك مع ربي
راكي باينة بنت تخاف ربي من كلامك ومن تانيب ضميرك
ربي يطمن قلبك ويريح بالك امين

[الجميلة انا]

انقذي نفسك ... ان واصلتي على هذا الطريق سياتي يوم و ترين ان الغش و التحايل امر عادي

جربي روحي للكنترول بلا ما تشوفي الموضوع و الحل منك من الناس و قيمي نفسك

اذا انت مكيش قد التخصص انسحبي و تاكدي ارضاء الناس غاية لا تدرك و الزمان يتبدل هل رنتي ضامنة الواسطة اللي عندك رح تدوم ؟

و فكري بينك و بين روحك مكيش فاهمة والو في هذا التخصص و يجي يوم في المستشفى و تسببتي في موت شخص او اعاقته و اش رح يكون موقفك؟

هذا المشكل حله بين يديك انتي و فقط

[aymen.dz]

ههههه حتى و لو كانت الحكاية صحيحة !! بنت شخصية كبيرة تقرى طيران في اوكسفورد بالدراهم وواش دير بالطب هنا

أو أصلا واش ديـر بالقراية هنا !! راح تكون فام دافير دون أدنى شــكــ


خلاصة القول ممكن جدا حـكــاية طريفة لا أساس لها من الصحة