سؤال بخصوص المدرسة العلياللعتاد بالحراش

[zine02]

السلام عليكم



لدي استدعاء للدهاب المدرسة العليا للعتاد بالحراش كمتطوع

يوم 15 جانفي 2016

اخواني اريد معرفة منكم



اود ان اعرف معلومات عن المدرسة العليا للعتاد بالحراش

-مكانها بالضبط

-محاسنها ومساوؤها و هل يفضل الالتحاق بها في الوقت ام التاخير

وشكرا


لا تبخلوا علينا بمعرفتكم

وبارك الله فيكم
وجزاكم الله خيرا

[racim.tex2]

كيف تصل للمدرسة... رأيت شخص كاتب عن تجربته و قال انه امام محطة القطار في الحراش يوجد طاكسيات يأخذون لمدرسة العتاد بـ 35دج للبلاصة....
اما الاشياء الاخرى انتظر ردود الأخوة المجربين

[zine02]

شكرا اخي في انتظار الاخوة و تجاربهم

[canada_13]

السلام عليكم و رحمة الله
لقد كنت في ثكنة الحراش سابقا و سأزودكم ببعض المعلومات عن هذه المدرسة -تجارب حدثت معي - و سأبدأ من يوم الدخول حتى الخروج
-عند الوصول الى الحراش من محطة القطار تستقل تاكسي و تقولوا يحطم في المدرسة العليا للعتاد الثمن 35 دج للبلاصة -اذا بغيت تروح وحدك اتفاهم معاه على السومة-
-وصلت الى الثكنة على الساعة 15:00 قبل الدخول اتصلت بالأم و طمأنتها بوصولي كما اتصلت ببعض الأصدقاء...........و خبأت الهاتف
-دخلت الثكنة أخذ مني لوردابال و بطاقة التعريف و تم تفتيشي تفتيش عادي شاف في الحقيبة بوخفيف و قالي اسنا درك ندخلك - هذا اللي يقعد عند الباب -
-بعد فترة جاء جندي و أخذني الى داخل الثكنة - الله يبارك الثكنة نقية و كبيرة - المفييد هدرنا انا و هذاك الجندي قالي الحالة لاباس
- وصلنا للشاليات وين نرقدو سبتهم مراسومبلين و كانوا حاكمينا 2 ابلي دركا يكونو كملو هايا امالا مدلهم الجندي الوثائق نتاوعي مدولي كأس و مغرف و اداني واحد من هاذوك اللي حاكمينا للشالي اللي نرقد فيه حطيت كابتي في لارموار و بلعتها و رحت نتعشا ....
- كيما رجعت راسومبلينا حسبونا و جبو لا ليست اللي يروحو للعيادة في يوم غد و اللي يروحو الى البليدة .....أنا كنت في قائمة العيادة لانوا متقلبتش
-كيما كان الحال جمعت شوي مع الجماعة و رقدت ....الصباح 4 تسوني الاولى و يجي واحد ينودك يشعل الدو تنوض تغتسل تصلي .......و تدي كاسك و تهبط باش تروح تستقهوا
- كيما رجعت عاودو عيطونا اللي نروحو للعيادة قالك اللي عندو دوسي يجيبو و يجيب التلفون باش يدفعو
- كان عندي دوسي تع عينين اديتو و رحنا للعيادة فتنا على الطبيب على 8 8.30 ميحلبكش كامل الطبيب يا يديرك apte يا instant انا دارني instant
- كيما جزت للعيادة و رجعت للشالي بدا روتين واحد يدور : تنوض صباح على 4 تستقهوا ترجع راك قاعد برا في البرد جماعة اللي مفاتوش للعيادة يروحو جماعة يروحو للبليدة جماعة يتلعوا يسيقوا شنابر و لوخرين راهم قاعدين حتى لل 8 تراسمبلوا يحسبوكم و تدخلوا للشاليات اللي يرقد اللي يقرا اللي يشارجي التلفون بالتخبية ............:11:00 تسوني تخرجو يحسبوكم يكونوا رجعو نتاع العيادة تروحو تفطرو ترجعو يحسبوكم و تدخلو ا تدخلوا للشاليات اللي يرقد اللي يقرا اللي يشارجي التلفون بالتخبية ......... 16:00 تسوني تخرجوا م يكونو رجعوا نتاع البليدة . تراسومبليو ممبعد يجبد لا ليست يعيط الي راحو للبليدة نتاع البارح و اللي راحو في هذاك النهار حتى غدوة باش تحرج ريسيلتا ....للي عيطلو محسوب يرفد كابتو و يدفع كاس و مغرف محسوب قبلو الملف نتاعو يروح لدارهم لوخرين اللي بغا يروح كاش ميشري من foyer ممبعد 17:30 تتجمعوا تروحوا تتعشاو و ترجعو تراسومبليو يحسبوكم و تخرج لا ليست اللي يروحو غدوة من داك للبليدة و اللي يروحو للعيادة ..........وو راهي تتعاود
ملاااااااحضات هامة :
-البورطابل ممنوع ادي معاك 2 واحد ادفعوا وواحد خبيه
- كاين وحد المقال في المنتدي يقلك واش تدي صوالح معاك و دراهم و كامل ....
- الحراش ثكنة نقية التوالات نقية الماكلة شابة
- اللي يحكموكم راخم كل دفعة يتبدلوا يسما نتا و زهرك
- اللي عندو اي دوسي يديه ... الطبيب ميقدرش يقلك اذا يقبلولك دوسي هو يبعث للبليدة و اللي معندوش دوسي يديرو مقبول
- اللي يدخل مع الصباح يدفع البورطابل و يروح للعيادة في نفس النهار ماشي كيما صراتلي انا دخلت في المساء
- الروطار انصحكم ماديروش بزاف
-بخصوص الفائض يبداو للي راهم instant و مزال مافاتوش للبليدة ثم يتلقوا من الكبار في السن 82 83 84 تلحق حتى 90 على حساب الغاشي
- المتزوجين يقولولخم ادفعوا فيش فاميليال و يكون عندهم حضوض قي الفائض
- نتاع الوزن كامل طلقوهم
- نتاع العينين تلقوهم
و هاذي هيا بالاك كاش ما نسيت و لا اللي عندوا استفسار يقولي نفهموا بواش نعرف .........

[brahim staifi19]

ana khoya da m3ah dossier ou tbib ta3 lgazarna daro apt