المساعد الشخصي الرقمي

مشاهدة النسخة كاملة : عندي عرضة مهمة ساعدوني خواتاتي...

أ م ساجد وسيم
2016-01-12, 23:23
السلام عليكم
واش راكم خواتاتي نحتاج خبرتكم ومساعدتكم وعلى بالي ماتبخلوش عليا..
عندي عرضة الاسبوع المقبل تاع عرسان وحابة ندير جاجة تحمر الوجه وتفرح القلب نحتاج اقتراحاتكم ..وخاصة المعروضين عندهم دراية في عالم الطبخ....والعدد هو 15 يعني شوي كبير ...خاصة معاهم النساء وراكم تعرفو حنا النساء شحاااااااال نديرو ملاحظاااااات
الطبق الاول لي راني عارفاته حد الساعة هو الحريرة وياريت تعاونوني
راني نستناكم.....
سيرين 5
2016-01-13, 11:12
مممممممممممممممممم شحال نحب العرضات هههههه
أنا غيرما درت عرضة شوفي واش درت بالاك نساعدك
درت شربة فريك باللحم و الدجاج و درت مقبلات في بلاصت البوراك (حبيت نبدل) درت معجنات المارغوريت في مول السيليكون تاع أم أماني و لافاغس درت فييوند آشي و شومبينيون و لاكرام فراش و فرماج جاو هايلين ممممممم راني جيعانة هههههه
و درت سلطة خضراء بالزرودية و البيطراف و الزيتون و الماييس و الطون و المايوناز و البيض و درت سلطة مشوية أي حميس فلفل حلو و حار و طماطم مشويين بالزيت زيتون و الملح و شبحتهم بالبيض مغلي و زيتونات في الوسط
و درت دوزيام بلا طاجيييييييييين الضرة الوصفة أكيييييييد تاع أم أماني الله يعطيها الخير حاجة جديدة و بنينة و شابة و تحمر الوجه
و درت الكسرة أي لفطير و درت خبزة في الكوسة بالفرينة الوصفة تان تاع أم أماني
و درت الفلان تاعها لي يطيب فوق الفرن كتحلية مع الديسار و لاتاي درت معاه قريوش و قاطو القطيفة و قاطو بوسو لا تمسو
و خلصتها غالية سمانة و أنا مية بالعيااااااا و داري خليتها خربة
ام محمد اسلام الله
2016-01-13, 16:20
اختي شوفي على حساب ميزانيتك ديري حريرة ولا شربة فريك والمقبلات ننصحك اديري عجينة واحدة وتشكلي منها مثل بيتزا روالي وميني تارت وكورنيات وكل واحدة باش تحشيها وخبز الدار والطبق الرئيسي مثوم ولا طاجين المرقاز ولا جاجة محمرة بشونبينيو والزييتون ولا لحم محمر الله الله على حساب الميزانية والسلطة من الافضل زوج واحدة مشوية والثانية كيما تحبي ماسيدوار ولا سلاطة خضراء ولا سلاطة روالي راهم لبنات حاطين خير ربي خير واش تحبي والتحلية فلون ولا تارت فلون ولا بانكوتا ولا كريم ديسار مع لتاي والمكسرات والقاطو غير اخطيك منو يكونو شبعانين المهم الماكلة تكون بنينة واهتمي بالتزيين موفقة ختي
oum didou
2016-01-13, 17:01
مممممممممممممممممم شحال نحب العرضات هههههه
أنا غيرما درت عرضة شوفي واش درت بالاك نساعدك
درت شربة فريك باللحم و الدجاج و درت مقبلات في بلاصت البوراك (حبيت نبدل) درت معجنات المارغوريت في مول السيليكون تاع أم أماني و لافاغس درت فييوند آشي و شومبينيون و لاكرام فراش و فرماج جاو هايلين ممممممم راني جيعانة هههههه
و درت سلطة خضراء بالزرودية و البيطراف و الزيتون و الماييس و الطون و المايوناز و البيض و درت سلطة مشوية أي حميس فلفل حلو و حار و طماطم مشويين بالزيت زيتون و الملح و شبحتهم بالبيض مغلي و زيتونات في الوسط
و درت دوزيام بلا طاجيييييييييين الضرة الوصفة أكيييييييد تاع أم أماني الله يعطيها الخير حاجة جديدة و بنينة و شابة و تحمر الوجه
و درت الكسرة أي لفطير و درت خبزة في الكوسة بالفرينة الوصفة تان تاع أم أماني
و درت الفلان تاعها لي يطيب فوق الفرن كتحلية مع الديسار و لاتاي درت معاه قريوش و قاطو القطيفة و قاطو بوسو لا تمسو
و خلصتها غالية سمانة و أنا مية بالعيااااااا و داري خليتها خربة
الرابط تاع طاجين الضرة من فضلك:19:
litcoin
2016-01-13, 19:10
بالتوفيق ,,,,,,,,,,,,,
أ م ساجد وسيم
2016-01-13, 19:13
مممممممممممممممممم شحال نحب العرضات هههههه
أنا غيرما درت عرضة شوفي واش درت بالاك نساعدك
درت شربة فريك باللحم و الدجاج و درت مقبلات في بلاصت البوراك (حبيت نبدل) درت معجنات المارغوريت في مول السيليكون تاع أم أماني و لافاغس درت فييوند آشي و شومبينيون و لاكرام فراش و فرماج جاو هايلين ممممممم راني جيعانة هههههه
و درت سلطة خضراء بالزرودية و البيطراف و الزيتون و الماييس و الطون و المايوناز و البيض و درت سلطة مشوية أي حميس فلفل حلو و حار و طماطم مشويين بالزيت زيتون و الملح و شبحتهم بالبيض مغلي و زيتونات في الوسط
و درت دوزيام بلا طاجيييييييييين الضرة الوصفة أكيييييييد تاع أم أماني الله يعطيها الخير حاجة جديدة و بنينة و شابة و تحمر الوجه
و درت الكسرة أي لفطير و درت خبزة في الكوسة بالفرينة الوصفة تان تاع أم أماني
و درت الفلان تاعها لي يطيب فوق الفرن كتحلية مع الديسار و لاتاي درت معاه قريوش و قاطو القطيفة و قاطو بوسو لا تمسو
و خلصتها غالية سمانة و أنا مية بالعيااااااا و داري خليتها خربة
واش نقووووول عليك تبارك الله ويعطيك الصحة غيرتيييييني اممممم
اعطيني وصفة المقبلات ودوزيام بلا والتحلية وياريت اذا معاهم صور هههه ماعليش ستحملي شوية والله قلقتني العرضة هذي
أ م ساجد وسيم
2016-01-13, 19:27
اختي شوفي على حساب ميزانيتك ديري حريرة ولا شربة فريك والمقبلات ننصحك اديري عجينة واحدة وتشكلي منها مثل بيتزا روالي وميني تارت وكورنيات وكل واحدة باش تحشيها وخبز الدار والطبق الرئيسي مثوم ولا طاجين المرقاز ولا جاجة محمرة بشونبينيو والزييتون ولا لحم محمر الله الله على حساب الميزانية والسلطة من الافضل زوج واحدة مشوية والثانية كيما تحبي ماسيدوار ولا سلاطة خضراء ولا سلاطة روالي راهم لبنات حاطين خير ربي خير واش تحبي والتحلية فلون ولا تارت فلون ولا بانكوتا ولا كريم ديسار مع لتاي والمكسرات والقاطو غير اخطيك منو يكونو شبعانين المهم الماكلة تكون بنينة واهتمي بالتزيين موفقة ختي
جبوني اقتراحاتك الصراحة ساعدتيني ختي بزااااف ياريت تعطيني وصفة طاجين المرقاز والسلاطة المشوية واذا عندك تحلية مليحة وبنينة
راني نستناك ختي...
أ م ساجد وسيم
2016-01-14, 20:57
في انتظاركم....
ام محمد اسلام الله
2016-01-15, 00:04
جبوني اقتراحاتك الصراحة ساعدتيني ختي بزااااف ياريت تعطيني وصفة طاجين المرقاز والسلاطة المشوية واذا عندك تحلية مليحة وبنينة
راني نستناك ختي...
سلام ختي اسمحيلي ختي هذا واين قدرة انرد عليك
شوفي السلاطة المشوية انا ندير خمس حبات فلفل حلو وحبة فلفل حار وزوج طماطم يكونو كار شوية وراس ثوم ونشويهم فوق طاجين الطين دايرا واحدة سبيسيل ومخليتو غير للحميس كي ينشوا مليح نحطهم في ساشي من بعد انقيهم ونقطعهم رقاق ونزيد الزيت عليهم والملح ونديرهم يطيبو كي ايطيبو زيدي رشة زيت زيتون خفيفة وشبحي بالبيض والطون والزيتون اتجي فيها بنة تهبل تاع الطين
طاجين المرقاز اديري صوص بيضا نورمال بالجاج والحمص ومن جيهها اخرى اديري فيوندشي وصفار بيضة وشوية ملح وفلفل اسود ورشة زنجبيل وملعقة كبيرة شابلير وملعقة حليب ومعدنوس تعجنيهم مليح وتشكلي اصابح كيما المرقاز ترمديهم في الفرينة وتنفضيهم مليح وتحمريهم في مقلة مع شوية زيت من بعد تلوحيهم في المرقة يكملو اطايب كي تعقد المرقة حمصي شوية شونبينيو وخليه بجيه كي تجي اتحطي ديري الجاج في الوسط واصصابع امرقاز دايرين بيه ومن فوق الحمص والشونبينيو ورشة معدنوس وطرونش قارص
والتحلية ننصحك بفلون بالصابلي والكرميل لام اماني دارتو في العرضة لي فاتت وعجبهم كامل ويقطع ويحمر الوجه موفقة اختي فقط دعوة بيتيسيير اموري ولكي بالمثل اختي
ام محمد اسلام الله
2016-01-15, 00:05
متنسياش كي تفوت العرضة تقولينا واش دارتي فيها ختي
titi119
2016-01-15, 12:39
طاجين اصابع المرقاز بالدجاج
http://www.djelfa.info/vb/showthread.php?t=1744158
طاجين الباي راااائع
http://www.djelfa.info/vb/showthread.php?t=1771905
أ م ساجد وسيم
2016-01-15, 14:08
سلام ختي اسمحيلي ختي هذا واين قدرة انرد عليك
شوفي السلاطة المشوية انا ندير خمس حبات فلفل حلو وحبة فلفل حار وزوج طماطم يكونو كار شوية وراس ثوم ونشويهم فوق طاجين الطين دايرا واحدة سبيسيل ومخليتو غير للحميس كي ينشوا مليح نحطهم في ساشي من بعد انقيهم ونقطعهم رقاق ونزيد الزيت عليهم والملح ونديرهم يطيبو كي ايطيبو زيدي رشة زيت زيتون خفيفة وشبحي بالبيض والطون والزيتون اتجي فيها بنة تهبل تاع الطين
طاجين المرقاز اديري صوص بيضا نورمال بالجاج والحمص ومن جيهها اخرى اديري فيوندشي وصفار بيضة وشوية ملح وفلفل اسود ورشة زنجبيل وملعقة كبيرة شابلير وملعقة حليب ومعدنوس تعجنيهم مليح وتشكلي اصابح كيما المرقاز ترمديهم في الفرينة وتنفضيهم مليح وتحمريهم في مقلة مع شوية زيت من بعد تلوحيهم في المرقة يكملو اطايب كي تعقد المرقة حمصي شوية شونبينيو وخليه بجيه كي تجي اتحطي ديري الجاج في الوسط واصصابع امرقاز دايرين بيه ومن فوق الحمص والشونبينيو ورشة معدنوس وطرونش قارص
والتحلية ننصحك بفلون بالصابلي والكرميل لام اماني دارتو في العرضة لي فاتت وعجبهم كامل ويقطع ويحمر الوجه موفقة اختي فقط دعوة بيتيسيير اموري ولكي بالمثل اختي
ما عندي مانقوووووول غير الله يفرح قلبك ويسهل امورك وينور دربك على الوصفات هذو
راح ندير سلاطة مشوية ان شاااء الله حبيت نخرج عل. طريقة الفلفلة التقليدية بخصوص طاجين المرقاز عجبني. خاصة كنت حابة نحمر دجاجة ومابغيتش نبقى في التقليد يمكن ننغلق على الدجاج يطيب نص طياب ومن بعد نديره في الفور يتحمروهكذا نتحصل على المذاق تاعه في المرقة ....صحيتي ختي
كريمة0
2016-01-15, 14:30
بالتوفيق ,,,
أ م ساجد وسيم
2016-01-15, 15:04
متنسياش كي تفوت العرضة تقولينا واش دارتي فيها ختي

ان شاااااء الله نخبركم بتفصيل
ربي يحفظك....
أ م ساجد وسيم
2016-01-15, 15:05
طاجين اصابع المرقاز بالدجاج
http://www.djelfa.info/vb/showthread.php?t=1744158
طاجين الباي راااائع
http://www.djelfa.info/vb/showthread.php?t=1771905

ربي يجازيك كل خير
conductrice
2016-01-18, 15:25
حبيبتي درتي لعرضى ولا مزال
اذا مزال ديري حسابك ولاو 16 ضيف
سيرين 5
2016-01-18, 15:59
الرابط تاع طاجين الضرة من فضلك:19:

للأسف ما عنديش الرابط بصح دوك نمليلك الوصفة
بالنسبة للمرق الأبيض تسحقي قطع الدجاج في طنجرة، بصل مسكرفج، ملح، فلفل أسود، ثوم، و شوياااا برك راس الحانوت، و شوية زبدة و زيت و تقليهم مليح بعدها مرقي شويا برك كي تغلي أرميلها شويا شومبينيون و شويا زيتون مغلي من قبل و زيدت إضافة في المرق م ك لاكرام فراش و عقدتها بمغرفة فرينة
بالنسبة للرولي تاع الفيوند آشي و الدجاج المرحي تبلي كل على حدا حطي فيه شويا معدنوس، شويا بصل مسكرفج، فلفل أسود، ملح، ثوم، م ك شابلوغ، بيضة و تعجنيه بيدك نفس التتبيلة للدجاج المرحي (أنا عملت بالداند آشي)
تحكمي سيلوفان تفرشيه فوق طاولة العمل الممسوحة بالماء باش النيلون يلسق فيها و تسبطي الالدجاج المرحي و تزيدي فوق نيلون وحداخر تسبطي الفيونداشي حاولي تعمليهم قدقد
تحكمي الفيونداشي و تحطيه فوق الدجاج المرحي و بواسطة الصاشي تروليه حتى يولي هندك كيما بولا تاع الباتي تغلقي عليه مليح بالسيلوفان و تربطي الأطراف و تزيدي تغلفيه بورق الألمنيوم و تحطيه يطيب في ماء مغلي واحد الساعة كي طاب نحيتو و حمرتو في مقلاة و قطعتو دوائر جا روووووعة
هاني دبرت فكرة كيفاش نحطلك الوصفة عندي في ملف pdf و قدرت نحطها صورة
ام شرفو
2016-01-18, 18:25
http://www.djelfa.info/vb/showthread.php?t=1182683
أ م ساجد وسيم
2016-01-18, 21:40
حبيبتي درتي لعرضى ولا مزال
اذا مزال ديري حسابك ولاو 16 ضيف


اهلا وسهلا ومية مرحبا نوريني
والعرضة الويكاند ان شاء الله
أ م ساجد وسيم
2016-01-18, 22:26
للأسف ما عنديش الرابط بصح دوك نمليلك الوصفة
بالنسبة للمرق الأبيض تسحقي قطع الدجاج في طنجرة، بصل مسكرفج، ملح، فلفل أسود، ثوم، و شوياااا برك راس الحانوت، و شوية زبدة و زيت و تقليهم مليح بعدها مرقي شويا برك كي تغلي أرميلها شويا شومبينيون و شويا زيتون مغلي من قبل و زيدت إضافة في المرق م ك لاكرام فراش و عقدتها بمغرفة فرينة
بالنسبة للرولي تاع الفيوند آشي و الدجاج المرحي تبلي كل على حدا حطي فيه شويا معدنوس، شويا بصل مسكرفج، فلفل أسود، ملح، ثوم، م ك شابلوغ، بيضة و تعجنيه بيدك نفس التتبيلة للدجاج المرحي (أنا عملت بالداند آشي)
تحكمي سيلوفان تفرشيه فوق طاولة العمل الممسوحة بالماء باش النيلون يلسق فيها و تسبطي الالدجاج المرحي و تزيدي فوق نيلون وحداخر تسبطي الفيونداشي حاولي تعمليهم قدقد
تحكمي الفيونداشي و تحطيه فوق الدجاج المرحي و بواسطة الصاشي تروليه حتى يولي هندك كيما بولا تاع الباتي تغلقي عليه مليح بالسيلوفان و تربطي الأطراف و تزيدي تغلفيه بورق الألمنيوم و تحطيه يطيب في ماء مغلي واحد الساعة كي طاب نحيتو و حمرتو في مقلاة و قطعتو دوائر جا روووووعة
هاني دبرت فكرة كيفاش نحطلك الوصفة عندي في ملف pdf و قدرت نحطها صورة
صدقة على والديك الله يفرح قلبك ختي والله ينورك ويسهلك امورك
أ م ساجد وسيم
2016-01-18, 22:27
http://www.djelfa.info/vb/showthread.php?t=1182683

الله يسلم يديك ختي صحيتي
omo marwane
2016-01-19, 08:02
بالتوفبيق اختي الاطباق راهي كثيرة و كلها ناجحة بصح إنتي و الميزانية نتاعك
سيرين 5
2016-01-19, 10:59
واش نقووووول عليك تبارك الله ويعطيك الصحة غيرتيييييني اممممم
اعطيني وصفة المقبلات ودوزيام بلا والتحلية وياريت اذا معاهم صور هههه ماعليش ستحملي شوية والله قلقتني العرضة هذي


الله يسلمك أختي بالنسبة للوصفة تاع دوزيام بلا رانا حطينا الوصفة أما المقبلات عملت معجمات المارغريت في مول السيليكون في بلاصة البوراك هاوليك الرابط http://www.djelfa.info/vb/showthread.php?t=1763226
و عملت الحميس أو الشليطة كل واحد كيفاش يسميها حطيت الطرشي و الفلفل الحار و الطماطم في الكوشة يتشواو بعدها حطيتهم في كيس با تسهل عملية تقشيرهم بعدها قشرتهم و ملحتهم وحطيتلهم زيت زيتون و طبعا تعبزيهم بملعقة تاع الحطب و ممكن تعتمدي وصفة أم أماني حطتها في المنتدى تاعها هايليك الوصفة منقولة
المقادير
فلفل حلو 3حبات
فلفل حار حسب الرغبة انا نعمله حااااار
حبة طماطم تكون متماسكة وماتكونش حمراء بزاف
زوج سنات ثوم
ملح
كروية
زيت الزيتون
الطريقة نغسل الفلفل ونقيه من الزريعة ونحط يتشوى فوق طاجين الطين فوق الطابونة من الاحسن نستعمل طاجين قديم ونخليه فقط لشوي الخضار
نضيف الطماطم وسنينات الثوم نشوي المكونات جيدا من كل الجهتين نضيف مع الطماطم نضيف الملح والكروية نحرك كل المكونات ثم نطفي علي
ونقدمة مزين ببيض مغلي وتونة وزيتون واكيييد نحط فوقه زيت الزيتون
الصراحة ان ذوقه راااائع خاصة مع المطلوع اممممم
راني حطيت صورة تاعو كاش مرة نجربو في الطاجين
و في الأخير هاوليك رابط وصفة التحلية فلان من دون فرن + طريقة تحضير الكراميل
http://www.djelfa.info/vb/showthread.php?t=1359714
http://www.djelfa.info/vb/showthread.php?t=1812930
سيرين 5
2016-01-19, 11:11
ممكن تعملي طبق مع الشربة مصران محشي هاوليك رابط الوصفة
http://www.djelfa.info/vb/showthread.php?t=1126519
ممكن طاجين أصابع المرقاز
http://www.djelfa.info/vb/showthread.php?t=1744158

و عملت أيضا خبز الفرينة الوصفة لأم أماني أيضااااا هايليك الوصفة + صورة للخبز خفيف و ساهل هااايل
خبز الفرينة بالنسبة للخبز نعمل كأس ماء دافيء+كاس حليب دافيء + نصف كأس زيت+2 بيضات +م ك خميرة الخبز+م ك سكر +ملح نخلط المكونات ونضيف الفرينة تدريجيا حتى نتحصل على عجينة طرية نعجنها بعدها نغطيها ونخليها تختمر نقسمها لزوج قرصات ونشكلها او نبسطها على كل البلاطو كما عملت انا بعد ماتختمر للمرة الثانية ندهنه بالبيض وندخله للفرن يكون مسخن مسبقا بعد ما يبرد نحط الخبز على مشبك بعد مايبرد نقطعه
سيرين 5
2016-01-19, 11:18
بالنسبة للقاطو عملت قريوش وصفة من أحد المنتديات ما نجحليش جاء يابس ننصحك بوصفة أم أماني ربي يحفظها
و عملت قاطو القطيفة من عندي يشبه لقاطو لحطاتو أم أماني ما فيهش الكاوكاو و يختلف في الشكل فقط
http://www.djelfa.info/vb/showthread.php?t=1901780
و عملت قاطو بوسو لا تمسو الوصفة أيضا نظن لأم أماني
*سندوسة*
2016-01-19, 12:05
السلام عليكم


ربي يقدرك اختي
شوفي ديري حريرة وتارتولات مالحين عمريهم بالسكالوب ولاصوص زيتون تسقسه بيها والفرماج
والفلفة يعني مقلية باطماطم كيما نديروها حنا ناس الغرب

وطاجين جلبان بالكفتة شومبينيو والفريت
وطاجين حلو "زبيب وبرقوق ومشماش ولحم " يعني تقدري ديري برقوق فارصي يعني تنحيله العفة وتعمريه بكاوكاو ولا لوز يعني العقدة بالما زهر والسكر

وتحلية ديري سلاد فروي
حكمي زوج قرع ياوورت وقطعي الفاكية لي عندك وخلطيهم وديريهم في كيسان التقديم


ولاتاي بالمكسرات
❣سڪڕ❣
2016-01-19, 13:48
نصيحة مهمة بزاف نذكرك بها



ما تنسايش النية
انك تفرحي هاذ الناس وتدخلي على قلبهم السرور
وتفرحي زوجك إذا كان هو الي عرضهم



وزيدي سمي بالله عند كل عمل واستغفري
وراح تشوفي التوفيق وكيفاش ربي ما يحشمكش

ربي يوفقك
أ م ساجد وسيم
2016-01-20, 08:29
بالتوفبيق اختي الاطباق راهي كثيرة و كلها ناجحة بصح إنتي و الميزانية نتاعك

والله عندك الحق صحيتي ختى
أ م ساجد وسيم
2016-01-20, 08:39
ممكن تعملي طبق مع الشربة مصران محشي هاوليك رابط الوصفة
http://www.djelfa.info/vb/showthread.php?t=1126519
ممكن طاجين أصابع المرقاز
http://www.djelfa.info/vb/showthread.php?t=1744158

و عملت أيضا خبز الفرينة الوصفة لأم أماني أيضااااا هايليك الوصفة + صورة للخبز خفيف و ساهل هااايل
خبز الفرينة بالنسبة للخبز نعمل كأس ماء دافيء+كاس حليب دافيء + نصف كأس زيت+2 بيضات +م ك خميرة الخبز+م ك سكر +ملح نخلط المكونات ونضيف الفرينة تدريجيا حتى نتحصل على عجينة طرية نعجنها بعدها نغطيها ونخليها تختمر نقسمها لزوج قرصات ونشكلها او نبسطها على كل البلاطو كما عملت انا بعد ماتختمر للمرة الثانية ندهنه بالبيض وندخله للفرن يكون مسخن مسبقا بعد ما يبرد نحط الخبز على مشبك بعد مايبرد نقطعه

الله يسهل عليك كل امورك ويفرح قلبك كيما ساعدتيني اختي
في الحقيقة انا ثاني نخمم ندير فلفلة مشوية وعجبني طاجين المرقاز وطاجين الضرة ثاني وراني نخمم في واحد بيناتهم غلى حسب الميزانية راكي تعرفي
والخبز تاني ندير تاع الدار وعجبتني الوصفة تاعك الصراحة
الف شكر ليك
أ م ساجد وسيم
2016-01-20, 08:42
بالنسبة للقاطو عملت قريوش وصفة من أحد المنتديات ما نجحليش جاء يابس ننصحك بوصفة أم أماني ربي يحفظها
و عملت قاطو القطيفة من عندي يشبه لقاطو لحطاتو أم أماني ما فيهش الكاوكاو و يختلف في الشكل فقط
http://www.djelfa.info/vb/showthread.php?t=1901780
و عملت قاطو بوسو لا تمسو الوصفة أيضا نظن لأم أماني

يعطيك الصحة شاطرة الله يبارك
بالنسبة للقاطو ...امممم قلت مانديرش على بالي نتعب باطل لانهم يحبو المكسرات اكثر وخاصة كي يكونو شبعانين مراحش ياكلو نعرفهم...بصح راح نحتفظ بافكارك لعرضات لي راهم في طريق
صحيتي وتعبتك معايا ختي الله يخليك ليا...
أ م ساجد وسيم
2016-01-20, 08:48
السلام عليكم


ربي يقدرك اختي
شوفي ديري حريرة وتارتولات مالحين عمريهم بالسكالوب ولاصوص زيتون تسقسه بيها والفرماج
والفلفة يعني مقلية باطماطم كيما نديروها حنا ناس الغرب

وطاجين جلبان بالكفتة شومبينيو والفريت
وطاجين حلو "زبيب وبرقوق ومشماش ولحم " يعني تقدري ديري برقوق فارصي يعني تنحيله العفة وتعمريه بكاوكاو ولا لوز يعني العقدة بالما زهر والسكر

وتحلية ديري سلاد فروي
حكمي زوج قرع ياوورت وقطعي الفاكية لي عندك وخلطيهم وديريهم في كيسان التقديم


ولاتاي بالمكسرات
الصراحة اقتراحاتك شابين القائمة هذي نفس درناها في عرضته الاولى يعني العريس تزوج مرة وطلق مسكين على بيها قلت نديرو حاجة مبدلة تماما على. العرضة الاولى هكذا ما يتفكرش لي فات..

بصح عجبتني فكرة تعمري البرقوق هاااايلة على بالك...
يعطيك الصحة ختي
أ م ساجد وسيم
2016-01-20, 08:51
نصيحة مهمة بزاف نذكرك بها



ما تنسايش النية
انك تفرحي هاذ الناس وتدخلي على قلبهم السرور
وتفرحي زوجك إذا كان هو الي عرضهم



وزيدي سمي بالله عند كل عمل واستغفري
وراح تشوفي التوفيق وكيفاش ربي ما يحشمكش

ربي يوفقك
نصايحك ذهب الله يرحم هذاك الفم
صحيتي ختي والله ينور طريقك
أ م ساجد وسيم
2016-01-20, 09:18
حبيت نشكر كل الاخوات لي ساعدوني والله يجعله في ميزان حسناتكم والله يسهل ليكم اموركم ياااارب كيما سهلتوها عليا
انا خممت وقلت ندير باذن الله
الحريرة وللمقبلات العجينة المورقة ونقسمها على زوج وندير شكلين لاول على شكل تارتولات ونحشيه بالدجاج وكريه فريش وبيشاميل وفرماج والثانية نقطع العجين على شكل دوائر ونحشيها بالكفتة وصوص طماطم وفرماج ونغلق عليها غير بسياي بدون ضغط باش كي طيب تعطيني شكل مورق
والسلطة ندير سلطة اسمهان http://www.djelfa.info/vb/showthread.php?t=1795212
وسلطة فلفل مشوية
الطاجين الاول ممكن ندير جلبان بالقرنون مع بطاطا على شكل ورود
والطبق الثاني طاجين المرقاز او طاجين الضرة مزال ما قررتش ....على حسب الميزانية راكم تعرفو
والتحلية قلت ندير تحلية الكابريس لانه عندي كمية من الكابريس قلت نستخدمها احسن
مع العصائر والفاكهة
اييه نسيت وندير خبز الدار ان شاااااااااء الله


الف شكر ليكم ولكل من ساعدني
سيرين 5
2016-01-20, 11:46
الله يسهل عليك كل امورك ويفرح قلبك كيما ساعدتيني اختي
في الحقيقة انا ثاني نخمم ندير فلفلة مشوية وعجبني طاجين المرقاز وطاجين الضرة ثاني وراني نخمم في واحد بيناتهم غلى حسب الميزانية راكي تعرفي
والخبز تاني ندير تاع الدار وعجبتني الوصفة تاعك الصراحة
الف شكر ليك

آميــــــــــــــــن يا رب العالمين محتجة دعاءك شكرا و لك بالمثل ان شاء الله
أنا في طاجين الضرة عملت كيلو فيونداشي و كيلو داند في بلاصة الدجاج المرحي آشي و جاجة قسمتها بين المرقة البيضاء و الشربة ، في الشربة حطيت الرقبة و الجناحتين و قطعة صغيرة فتتها في الأخير لأني طيبتها باللحم يسمى (الجاري) خاص بالطياب قطعهولي البوشي قطع صغار
و الوصفة تاع الخبز هي تاع أم أماني ربي يحفظها و عندها وصفات أخرى رااااائعة خاصة خبز بالياوورت الطبيعي جي كي القطن و أحيانا نبدل فيها نزيد اسكر تولي بريوش هااااايلة
تحبي نمدلك الوصفة تاعي تاع الكسرة اليابسة أو الفطير ناس داري يموتو عليها علاجال قد يجربوها ما جيش كيما تاعنا علاجال بلادنا و بلادهم ماشي كيف كيف ؟
بلا مزية أختي كاش ما تحتاجي راني هنا
سيرين 5
2016-01-20, 11:54
يعطيك الصحة شاطرة الله يبارك
بالنسبة للقاطو ...امممم قلت مانديرش على بالي نتعب باطل لانهم يحبو المكسرات اكثر وخاصة كي يكونو شبعانين مراحش ياكلو نعرفهم...بصح راح نحتفظ بافكارك لعرضات لي راهم في طريق
صحيتي وتعبتك معايا ختي الله يخليك ليا...

الله يسلمك اختي بالتوفيق ان شاء الله ان شاء الله تتفكري تصوري و تحطينا الصور باش نفيدو بعضانا ، أنا للأسف جبدت لاباري صورت غير الدوزين تاع الشربة و نسيت الباقي و صورت غير الحميس و معجنات المارغريت في مول السيليكون و السلطة الخضراء قبل ما نحطلها المايوناز كاش نها نحطهم
أ م ساجد وسيم
2016-01-20, 14:14
آميــــــــــــــــن يا رب العالمين محتجة دعاءك شكرا و لك بالمثل ان شاء الله
أنا في طاجين الضرة عملت كيلو فيونداشي و كيلو داند في بلاصة الدجاج المرحي آشي و جاجة قسمتها بين المرقة البيضاء و الشربة ، في الشربة حطيت الرقبة و الجناحتين و قطعة صغيرة فتتها في الأخير لأني طيبتها باللحم يسمى (الجاري) خاص بالطياب قطعهولي البوشي قطع صغار
و الوصفة تاع الخبز هي تاع أم أماني ربي يحفظها و عندها وصفات أخرى رااااائعة خاصة خبز بالياوورت الطبيعي جي كي القطن و أحيانا نبدل فيها نزيد اسكر تولي بريوش هااااايلة
تحبي نمدلك الوصفة تاعي تاع الكسرة اليابسة أو الفطير ناس داري يموتو عليها علاجال قد يجربوها ما جيش كيما تاعنا علاجال بلادنا و بلادهم ماشي كيف كيف ؟
بلا مزية أختي كاش ما تحتاجي راني هنا

راح ندعيلك في صلاتي ونتفكرك والله يتقبل مني ان شاء الله
لان الانسان كي يساعد خوه اكيد ربي راح يعينه ويساعده وانتي ساعدتيني واجرك عالي عند الله
قوليلي...الكمية هذيك تاع لفيوند اشي وداند مرحي شحال دارتلك ..بمعنى اخر شحال كنتي عارضة لان العرضة تاعي شوي كبيرة لحد ساعة راهي لاحقة 15 واحد كنت معولة نديروها الويكاند هذا بصح وحدة راهي مريضة شوي نستناوها تبرا ان شاء الله راني نستنى غير. قتاش نكمل من العرضة هذي طول الحال عليا
اااه امليح مالا ماعليش مديلي الوصفة تاع الكسرة تاعكم طيبيها في الفرن ولا على طاجين؟
كامل لي نقولهلك قليل الله يفرحك في كل واش تتمناي
أ م ساجد وسيم
2016-01-20, 14:19
الله يسلمك اختي بالتوفيق ان شاء الله ان شاء الله تتفكري تصوري و تحطينا الصور باش نفيدو بعضانا ، أنا للأسف جبدت لاباري صورت غير الدوزين تاع الشربة و نسيت الباقي و صورت غير الحميس و معجنات المارغريت في مول السيليكون و السلطة الخضراء قبل ما نحطلها المايوناز كاش نها نحطهم

واه ان شاااء الله اكيد راح نصورها من درك وانا نقول لمرت خويا احكمي انتي وصوري الاطباق وهي تقولي لا :d بصح رايحة تصو رهم نلصق فيها هههه قاع ما تخميش
abdelsamed bed
2016-01-20, 21:41
صحيتو وان شاء الله يحفظكم حبيت وصفة الفلان نتاع الصابلي والكراميل لام اماني
سيرين 5
2016-01-25, 11:49
راح ندعيلك في صلاتي ونتفكرك والله يتقبل مني ان شاء الله
لان الانسان كي يساعد خوه اكيد ربي راح يعينه ويساعده وانتي ساعدتيني واجرك عالي عند الله
قوليلي...الكمية هذيك تاع لفيوند اشي وداند مرحي شحال دارتلك ..بمعنى اخر شحال كنتي عارضة لان العرضة تاعي شوي كبيرة لحد ساعة راهي لاحقة 15 واحد كنت معولة نديروها الويكاند هذا بصح وحدة راهي مريضة شوي نستناوها تبرا ان شاء الله راني نستنى غير. قتاش نكمل من العرضة هذي طول الحال عليا
اااه امليح مالا ماعليش مديلي الوصفة تاع الكسرة تاعكم طيبيها في الفرن ولا على طاجين؟
كامل لي نقولهلك قليل الله يفرحك في كل واش تتمناي

ان شاء الله
جاني رولو كبير واحد 30 سم قسمتو على 2 جاتني كمية مليحة مع العلم أني نقصت من الفيوند آشي و الداند آشي باش عمرت معجنات المارغريت
بالشفاء عليها ان شاء الله
الكسرة اليابسة أو الفطير ديري 2 كيلات سميد + كيلة فرينة + ملح + زيت (عينك ميزانك) لازم تبسسي مليح ماشي فوق اللازم حتى ما تقدريش تلميها و ماشي ديري شويا حتى جيك ماشي مبسسة
تحكي الزيت مليح في السميد + م ص خميرة الخبز (الغرض منها ماشي التخمير و إنما باش كي طيب جيك حمرة شابة) + تلمي بشويا ماء و تعجنيها مليح واحد 10 د بيدك
تقرصيها و تحليها بالحلال و طيبيها في طاجين تاع الطين فوق طابونة يكون مسرح تمسحيه بقطعة قماش بشويا زيت و طيبي الكسرة و تتقبيها بالفرشيطة حتى تحمار و بالصحة و الراحة
سيرين 5
2016-01-25, 11:54
صحيتو وان شاء الله يحفظكم حبيت وصفة الفلان نتاع الصابلي والكراميل لام اماني

هاي الوصفة تاعو http://www.djelfa.info/vb/showthread.php?t=1744809
و هايليك وصفة الكاراميل http://www.djelfa.info/vb/showthread.php?t=1812930
ام يونس و محمد
2016-02-22, 10:05
السلام عليكن انا غير كيما درت عرضة درت حريرة مع بيتزا + خبزة بالسلق والتون + طاجين المرقاز لام اماني جا فور + غولاد الكرمب بالكفتة + سلاطة الخيار اللبنانية + سلاطة variée. خسارة منعرفش نحط تصاور. للسهرة درت des tartelettes au citron + le fameux dessert à l'orange تاع ام اماني لنشكرها بزاف الوصفات ديالها ناجحين بزاف + الشاي و المكسرات