المساعد الشخصي الرقمي

مشاهدة النسخة كاملة : عشاء يناير

celia16
2016-01-11, 08:48
لبنات راه اليوم عشاء يناير كل وحدة تقولناًواش يديرو فيه ماكولات و واش هوما عاداتهم.....
ملاك ملاكي
2016-01-11, 09:46
للاسف اختي احنا صراااااخة مانديروش عشاء خاص لهذه المناسبة
مي نقولك اسوقاس اموقاس جابلي ربي يقولوا هاك لاني كي كنت في الجامعة لي اصدقائي بحتفلوا بيه وليه معنى كبييييير بالنسبة ليهم
شكرا اختي واعتذر منك
ان شاء الله البنات يدخلوا ويحطوا افكارهم ويقولونا ارائهم لاني ماعندي حتى فكرة
روح مراد
2016-01-11, 10:08
عشاء يناير يختلف من منطقة لمنطقة و لكن الشيء المشترك أنه يعتمد على مكونات نباتية
مكون من 7 أشياء
عندنا نحن القبايل
عشاء يناير في دارنا نحيوه بطريقتين:
على خاطر الدشرة نتاع بابا يحييوه بطريقة و الدشرة نتاع يما بطريقة أخرى
واحنا في دارنا تقريبا ديما نديرو خليط نتيجة عادات دشرتين رجعناها عادة وحدة
العشاء يكون: مكون من حشيش أخضر (يعني نقدرو نقولو سلق مثلا أو خرشف أو قرنينة) المهم حشيش أخضر هذا فال باش العام يكون مخضر فيه الأمطار و الماء
كسكس بالدجاج و الحبوب السبع
الدجاجة لازم تكون كاملة ماشي أطراف باش العايلة تبقى ملمومة و الحبوب السبعة باش الفلاحة جي مليحة و الخير يعم على الدار
نديرو الخفاف العام يجي خفيف ظريف
يديرو البغرير بالعسل باش يجي العام حلو مثل العسل و يديرو مسمن و براج و خبز الفطير و الكرموس و الزيتون (المهم 7 حاجات)
و يزيدو ثاني 7 حاجات من الطبيعة و الغابة (جذور نبتة ما نعرفش كيفاش يسموها بالعربية و ثمار نبتة أخرى يسموها الريحان و التمر بأنواعه و الماندرين و البرتقال و الجوز و اللوز المهم يلايمو 7 حاجات
هاذو يتحطو في الطابلة كامل
الأسرة تجتمع و ياكلو و ياكلو حتى يشبعو مليح مليح و بعدها يتقاسمو لكل شخص يدي حقه من الخير اللي حطوه و يخلو الباقي على الطاولة و كل شخص يخبي نصيبه بجانبه
القاعدة تقول لازم تبات شبعان و في الليل جي العجوزة (ماما نوال) اللي تلقاه خلالها عشاها تدعي ربي يبقا عام كامل شبعان و الخير في دارو اللي ما خلالهاش يعيش في تقشف
فرج قريب
2016-01-11, 10:17
انا عائلتي و عائلة زوجي ما ندريشوا و لكن بعض من الجيران في البلاد يديروا الشرشم يعني القمح مفور مع الفول و الحمص،
ملاك ملاكي
2016-01-11, 10:20
الله يبببببارك ماشاء الله وعلله بصرااااخة اول مرة نعرف تفاصيل هذه المناسبة بااااارك الله فيك اختي روح مراد ومعرفة خيييييير وخياااار الناس
اختي ربي يدومها وان شاء الله يكون عام الخيييير والبركة علينا وعلى جميع الامة الميلمة
والله العظيم عجبتني عاداتكم وتقاليركم ماساء الله ربي يباااارك
شكرا اختي ربي يحفظك على التوضيح
في امان الله
روح مراد
2016-01-11, 12:12
لا شكر على واجب ملاك
الشرشم في عاداتنا يديروه يوم 30 ماي اللي هو يوم دخول فصل الصيف بتقويم الفلاحين يعني كي نتبعو تقويم يناير 30 ماي يكون يوم دخول فصل الصيف حتى هذا اليوم يديرو فيه الشرششم و ممنوع القيلولة