مشكلتي كبريائي

[مشكلتي]

السلام عليكم و رحمة الله و بركاته
مشكليتي هي كبريائي كون نتنشع ولا كاش واحد يدرلي جاست ماش مليحة و لا يصرا مشكل بيناتنا مانقدرش نولي نهدر معاه و الشوفة فيه مانقدرش نشوفها معاه غايضتني روحي بزاف حتى مع اقرب الناس ليا والديا و لا خاوتي ...نجبد روحي عليهم و مانقدرش نولي حتى يرجعو هوما و منقدرش حتى نتنازل و نطلب السماح منهم
اعطوني حل كيفاه نحي العادة هادي وبدوووووووووووووووووون تجريييييح رجااااااااااءاااااا

[ام رضوان]

السلام عليكم
اخي جرب تسامح فالمسامح كريم
وكيما يقولو ناس بكري بيض قلبك
والله تسترااااااح
وجرب كذلك تسمع دروس تعليمية
مثل دروس ابراهيم الفقي رحمه الله
وباذن الله رايح تتبدل.
ربي يسهل امرك.امين

[عائشة قدوتي]

عليك تعويد نفسك على هذا و حاول إيجاد الأعذار للناس و تذكر ان لك عيوبا مثلهم.و خاصة أهلك و عائلتك النبي عليه الصلاة و السلام يقول خيركم خيركم لأهله.. إذا لم تغض الطرف و تسامح لن تهنأ بحياتك و ستعيش في معاناة ..كل شيء ممكن بالتعود هكذا ستكسر الحاجز النفسي بالتدرج و تذكر أن أفضل الناس هو من يسامح و يغفر و لا يقع على أخطاء الناس و ينسى كل محااسنهم و أيضا اقرأ كتاب فن التعامل مع الناس لدايل كارنيجي سيعينك..

[mrmilano1984]

سبحان الله سبحان الله مشكلتك كما واحد هو مريض نفسي مع الوقت عرفتو تصورو صاحبي راح معاه يحوس تصورو عندو عزة نفس كبيرة جدا ويتنشع وثم ثم يحقد علي الناس ولو اقربين جدا هو موسوس هكا مثلا يخدم كومرس واحد مايشريش عليه او يشنف عليه او مثلا واحد يقولو ندي سلعة بالتقسيط او كريدي وزعما يشنف عليه او مايشريش عليه يشحن عليه وينحيه من راسو ويبقا هاك يبس راسو تماما ومايتسامحش ابدا يعني قلبو اسود جدا ويشحن بزاف
هل حل له هكدا الناس جبدو رواحهم منو لانو شافوه اناني جدا جدا ويحب الا نفسو وفقط مالحل هل المشكل في التربية ام وراثة ام قلب تاعو ضيق بزاف راه نحسو مقنوط جدا لانو لايسامح ابدا

[mrmilano1984]

المشكلة تاعك كما واحد نعرفو والدو تحاكم مع بنتو صدقوني بسبب عملها ومال لم يسامحها ابدا وقالها ابقاي مع راجلك ومانسحقكش حتي فاتت عام باش بسيف رجعت لدار باباها من شدة اسوداد قلبو اصدقائي كاين لي نفسو مريضة جدا جدا ويضن انو راه واعر وقبيح ومليح وهو 0000000000000 وقلبو اكحل وعقليتو سوداء سامح من حقك كاين امور انسان يتجاوزها وكاين لا

[mrmilano1984]

المشكلة كامل فيك وفي قلبك صدقني والله والله والله 3 كنت نعرف واحد قلبو اسود تاع الصح يسكن في بئر مراد رايس كم خبيث واسود القلب سواد وجهه رغم انه ضخم الجثة مي الراس والقلب 000 يحب روحو بزاف وحساد ويكره الناس ويكرهك في الناس بسيف عليه يعني هو لي مليح والناس كامل عيانين فهمت يعني لو تشوفو وتعاشرو نهار تهرب منو وجايح وكبير عمرو 47 سنة اعزب وشكون المراة لي تقبل بيه اللهم دايرة كما هو فعلا كحلة القلب والسيئة كما هو فهمت

[مناد بوفلجة]

عليك بزيارة المقابر

[نسيم الريح ش]

هاد الدنيا مبنية علة القدر ومليح كي تعز روحك بصح مشي لهاد الدرجة مرات كي يتنازل الواحد يكسب خاصك تكون اجتماعي وتعرف تزع وترد على روحك بكل روح رياضية اما انك تتنشع وتجبد روحك مشي مليح

[محارب الحمق]

خرجت من عزة النفس الى الكبر والعياذ بالله. فشتان بين الاثنين, واعلم أو اعلمي ان الجنة لا يدخلها من كان في قلبه مثقال ذرة من كبر. وهذا وحده يكفي لتدرك او تدركي الخطر الذي انت فيه فترتدع نفسك

[yacino dz]

السلام عليكم

من عامل الناس و صبر على أذاهم خير من لم يعامل الناس و لم يصبر على آذاهم

قاعدة جعلتها منهجا لحياتي

الصبر و الايمان هوما صوالح لي ينجوك

لذلك انصحك بالصبر

ثم لابد ان تقرأ او تسمع دروس في مجال التنمية البشرية

حتى تحسن سلوكك و تفهم خصائص النفس البشرية

كل ما يجول خاطرك هو من وساوس الشيطان

فلا تقتنع انك قاس القلب بل قل لنفسك انك انسان متسامح

و اصبر على ذلك

كما انصحك ان تحافظ على الصلاة و الاذكار

كما هناك حل فعال للكره و هو ان تدعي مع الذي اساء لك بالخير


الله يوفق اخي

السلام عليكم

[كلنا راحلون]

السلام عليكم و رحمة الله و بركاته
والديا و لا خاوتي ..

الا والديك وخاوتك ماتزعفهم.

[نور لاتراه]

السلام عليكم
دوائك هو نفسك
الإعتذار في نظرك ضعفك,كلا بل روح القوة وهو واجب لك لأقرب الناس وإن أخطؤا في حقك
ليس من باب الدونية بل معرفة القيقة الحقيقة,إسئلوا نفسكم من تكونون ؟ومهما فعلتم فلن تبلغوا الكمال بل تسعون إليه دائما

[زبدة ذايبة]

هذا باب من أبواب الكبر

كل الناس تقدر تتصرف معاهم بهذا الشكل

لكن والديك بنفس الطريقة ؟؟؟؟؟؟

ماكاين حتى فرق بين جارك وصاحبك وخوك وباباك ؟؟؟؟؟

كاين الفرق

بما أن الفرق موجود فهذا يعني حتى طريقة التعامل موجودة وفيها الاختلاف

أصلح نفسك يا أخي

وخاصة من ناحية الإخوة والأقارب والوالدين

مع الوالدين يكون عقوق

مع الإخوة والأقارب يكون قطع لصلة الرحم

مع الأصدقاء والزملاء يكون كبر والعياذ بالله

راجع نفسك لست خير من الرسول صلى الله عليه وسلم

والسيرة النبوية المطهرة مليئة بالعضات والعبر

ماتخليش الشيطان يصوقك وين يحب ويقلك هاذي عزة نفس

ماكاين حتى علاقة بيناتهم

الشيطان من الكبر قال لله عزوجل

"أنا خير منه خلقتني من نار وخلقته من طين "

بالتالي يقول العلماء أن أول معصية عصي الله بها كانت " الكبر"

نظن الأمور ولات واضحة عندك

[AMINA.Z]

طبع سيء
فكر فقط في ان هؤلاء الناس سياتي يوم و يكرهونك لتكبرك عليهم و ستبق وحيدا
فكر فقط :
شكون انت حتى الناس ما يغلطوش معاك !!!!!! شكون انت حتى ما تطلبش السماح!!!!!!...هي في الاول صعيبة حتى و لو ما تطلبش السماح مباشرة عبر عليه بطرق اخرى
اقعد مع روحك و كل ما يسرالك موقف افرض على روحك تتنازل و تتصالح ...كنت غالط و الا ماش غالط ...ربي يعينك

[thorpe]

هذا مرض
الكبرياء هي كلمة صرنا نسمعها كثيرا خصوصا عند الفتيات للاسف
زينها لهن الاعلام والمسلسلات وغيرها
قد تودي بهم على جنم
لن يدخل الجنة من كان في قلبه مثقال ذرة من كبر
من وين جبتو الكبرياء؟
ممكن هو خجل من الاهل والخجل من طلب السماح لكن هناك طرق عديدة في حال كان خجل
انا شخصيا اخجل ان اقول لامي سامحيني
لكن ديما كي نحس بالغلطة نروح نهارشها نلعب معاها نسرقلها كاش حاجة ونهرب ونقعد نضحك نقوللها الحقيني
نلعبها نجي نسلم عليها نروح نعضها حتى تعيط هههههه من بعد نبوسها
كاين بزاف امور تتجاوزي بيهم المواجهة بطلب العفو
اما اذا حاسة بلي هاد الخجل هو كبر يعني تشوفي روحك احسن منهم غير توبي توبة نصوح لربي
سواء مع اهلك او مع صديقاتك
الانسان راه انتن مخلوق بعدد الموت
ولوكان ما يغتسلش شوفي حالتو
لما الكبرياء؟
بففف
لمهم ربي يجيب الخير و يهديك يا رب