المساعد الشخصي الرقمي

مشاهدة النسخة كاملة : عاونوني راني محتاجة مساعدتكم حابة نفرح ماما

manomanila
2016-01-07, 12:26
السلام عليكم يالشاطرات الغاليات


هده الايام فقط اكتشفت هدا القسم الاكثر من رائع
نشكر كل ربة بيت شطورة فادتنا باسرارها الاكثر من رائعة
ياخياتي ممكن تعاونوني بماركة مليحة تاع عجانة
راني حابة نديرها لامي الغالية خصوصا لظروفها الصحية و انا حابة نفرحها بيها
ممكن تعاونوني بمارك مضمونة
السعر تاعها
شحال تعجن
بقداه شريتيها
خاصة السميد باش تهنيها خاصة من خبيز الكسرة و المحاجب و جماعتها
الله يخليكم لي تقدر تحطلي صورة عجانتها ربي يجازيها
راني نستنى فيكم غلياتي ماتخيبونشي
sofia dj
2016-01-07, 21:16
السلام عليكم
انا ماعنديش بصح احسن ماركة كينوود مليحة للسميد
ربي يفرحك انت وماماك
manomanila
2016-01-07, 22:38
السلام عليكم
انا ماعنديش بصح احسن ماركة كينوود مليحة للسميد
ربي يفرحك انت وماماك

مشكووووووورة حنونتي
الله يخلي ايامك كلها فرحة وهناء
أريج الهدى
2016-01-07, 23:05
ربي يخليلك ميمتك أنا عندي وحدةلامارك بومان بصح أشري ماركةأخرى خير .
أريج الهدى
2016-01-07, 23:10
ربي يخليلك ميمتك أنا عندي وحدة لامارك بومان بصح أشري ماركة أخرى تاعي شريتها ب مليون وستميا
manomanila
2016-01-08, 17:02
ربي يخليلك ميمتك أنا عندي وحدة لامارك بومان بصح أشري ماركة أخرى تاعي شريتها ب مليون وستميا

سلام اريج الهدى
مشكوررررررة الف شكر حبيبتي الله يخليكي لناس لي تحبيهم انشاء الله
حنونتي تاعك مليحة للكسرة و لعجاجن لخرين
مناه الثمن تاعها مليح انا حاطة فكرة انو العجانة لي تحت 2ملاين فراجيل يظهرلي راني غالطة
ممكن تقوليلي حبيبتي واينة العجانة المليحة تاع 2كيلو و لا كلما زادو الكيلوات كانت احسن
ام متين
2016-01-09, 07:26
ربي يخليلك امك يارب شوفي نقولك كينوود من الماركات الجيدة لان 2اخواتي عندهم ويعجنو الكسرة والشخشوخة دائما وعندهم اكثر من6سنين ملي شراوهم ومافسدوش
manomanila
2016-01-09, 11:43
ربي يخليلك امك يارب شوفي نقولك كينوود من الماركات الجيدة لان 2اخواتي عندهم ويعجنو الكسرة والشخشوخة دائما وعندهم اكثر من6سنين ملي شراوهم ومافسدوش

مشكورررررررررة حبيبيتي
راني بحثت و لقيت بلي يشكرو و يعاودو فيها
manomanila
2016-01-09, 20:29
حنوناتي عاونووووونوني مانيش حابة نطيش دراهمي باطل هدا شحال و انا نصدر فيهم لماما على جال حاجة مليحة ماتبخلوني حبيباتي
لحد الان راني ندور من حانوت ل حانوت
لقيت كينود يشكرو و يعاودو بصح غالية
كيتشن ايد مليحة بزاف
بومان
شفت برند
كلاترونيك
المهم بزاف ماركات
و اليوم شفت وحدة دوريجين المانية فيها رحاية اللحم و كاس تاع العصير و تعجن 3كيلو ماركة طومسون با 3ملاين و 90 الف
شكرولي فيها وخايفة ماتكونش مليحة
و شفت صانطونس تاني هي سبيسيال للعجن و الله راني محتارة بزاف
مع العلم نقدر نشري و حدة ماتدباسيش 4ملاين
و حابتها تعجن على الاقل 3كيلو
و مايهمنيش الاكسسوارات الاخرى يهمني العجن فقط و السميد ماش الفرينة
راني حابة نهني ماما من العجن خصوصا المرض تاعها يطلب الراحة و انا قريب نتزوج و نخليها و مكانش لي يعاونها
عاونووووووووووووووووونيييييييييييبي
خيااااااااااااااااااااااااااتي
imy houssam
2016-01-09, 21:11
سلام اختي
ربي يفرحك وتفرحي ماماك
بالنسبة احسن عجانة عندي هي لامارك كينوود شريناها عدنا 4سنين ب ثلاث ملاين ماشاء الله يا اختي
المطلوع البريوش كلش خرج ماشاء الله
manomanila
2016-01-09, 22:28
سلام اختي
ربي يفرحك وتفرحي ماماك
بالنسبة احسن عجانة عندي هي لامارك كينوود شريناها عدنا 4سنين ب ثلاث ملاين ماشاء الله يا اختي
المطلوع البريوش كلش خرج ماشاء الله

ربي يجازيك حنونتي و نورتيني بردك الجميل
نزيد نقلقك شوية ماعليش
شحال تعجن 2كيلو او اكثر
تصلح للعجين اليومي للكسرة و شحال تديرلك من خبزة تاع الكسرة و المحاجب و الشخشوخة تقدر عليهم
و مشكورة اختي لي عاونتيني
manomanila
2016-01-09, 22:30
ماتطلوش و تروحو عاونوني لو بكلمة
جزاكن الله كل الخير اخواتي
manomanila
2016-01-10, 14:37
النجدة النجدة
imy houssam
2016-01-11, 16:55
سلام اختي واعتذر عن الاطالة عنك
ساجيبك شريناه بثلاثة ملايين وستمئة
يخرج 6 خبزات مطلوع كبار واذا كانو شوية صغار 8
البيض انتي وش تحبي اديري 8 او 10 او اكثر العجانة كبيرة
ملاحضة اذا حبيتي اكثر من 8 خبزات ديري العجين ونحيه وزيدي اعجني بيه
اهم حاجة تستحفظي بيها احناا مريحتها ماما بزاااااف متستغناش عليها
imy houssam
2016-01-11, 16:58
ربي يوفقك اختي وتفرحيها
http://www.anaqamaghribia.com/Gallery/images/flow/0002.gif
manomanila
2016-01-11, 22:42
ربي يوفقك اختي وتفرحيها
http://www.anaqamaghribia.com/gallery/images/flow/0002.gif

ياسلام خجلتيني بالوردة كلامك العسل ياعسل

اسمحيلي هدا وين شفت ردك الجميل

شكرااااااااااااااااا لانك جاوبتيني و وردة تاني واش خاصني

انشاء الله يكونو كل ايامك ورود و بهجة و سرور و يعطيك ربي واش تتمناي


ههههههه نزيد نديرونجيك شوية يالوريدة

العجانة تاعكم دوريجين و لا نو مناه ثمنها مليح بزاف و كيما راكي تقولي راهي صولي ماشاء الله عليها

شحال تعجن 2 ولا 3 كيلو

مناه لقيت عجانة كينوود دورجين 2 كيلو ب 4 ملاين و مئة


حنونتي نزيد نسقسيك لقيت عجانة مارك طومسون المانية بيها بالاكسسوارات تاعها و تعجن 3كيلو و لمحل لي نروح ليه يشكر فيها
خصوصا و كينوود غالية شوية لي تعجن 3كيلو دورجين ب 6 ملاين ممكن تنصحيني
ادا مالقيتش كينوو د ماعليش مارك خلاف
وجزاك الله كل الخير اختي
آلاء النايلية
2016-01-12, 10:07
أحسن ماركة للعجانات هي كانوود شوي غالية بالصح مش خسارة و لبنات نضن فادوك مليح
بصحتكم مسبقا و ربي يفرحك و يفرح ماماك
sunshine2013
2016-01-12, 11:07
اخواتي نسقسيكم اللي استعملت عجانة كنوود، مثلا 4 خبزات شحال تخليها تدور و شحال السرعة و الما تضيفوه ضربة وحدة ولا تدريجيا
ربي يجازيكم كل خير
سلاف34
2016-01-12, 14:24
حنا في الدار عندنا عجانة كينوود و قبل شاورنا ونصحونا بهد الماركة مليحة ماشاء الله
manomanila
2016-01-12, 14:49
أحسن ماركة للعجانات هي كانوود شوي غالية بالصح مش خسارة و لبنات نضن فادوك مليح
بصحتكم مسبقا و ربي يفرحك و يفرح ماماك

ربي يفرحك و يزهيك اختي تعيشي
نسقسيك كينوود 2 كيلو شحال تديرلك خبزة
قالي مول لمحل لازم تقسمي على النص ادا العجانة تعجن 2 كيلو انا نعجن كيلو هكدا باش ماتفسدش
و انتوما كيفاش راكو تديرو
manomanila
2016-01-12, 14:51
اخواتي نسقسيكم اللي استعملت عجانة كنوود، مثلا 4 خبزات شحال تخليها تدور و شحال السرعة و الما تضيفوه ضربة وحدة ولا تدريجيا
ربي يجازيكم كل خير

مشكووووورة على مرورك اختي
جاوبينا الله يسترك عندك كينوود بشحال شريتيها و شحال تعجنلك
manomanila
2016-01-12, 14:53
حنا في الدار عندنا عجانة كينوود و قبل شاورنا ونصحونا بهد الماركة مليحة ماشاء الله

سلام سلاف
شكرااا على الاجابة ربي يحفظك
نسقسيك بشحال شريتيها
و شحال تعجنلكم
manomanila
2016-01-12, 14:57
ياينات يعني لي مارك لخرين ماش ملاح ماكلاه ندور بيهم خلاص
ولا وحدة عنجها ماركة بخلاف كينوووووود و عجبتها
sunshine2013
2016-01-12, 19:19
مشكووووورة على مرورك اختي
جاوبينا الله يسترك عندك كينوود بشحال شريتيها و شحال تعجنلك

انا اللي عندي مش عجانة برك فيها رحاية خضر و ترحي القهوة اللحم الجاج و تعصر القارص و فيها الميكسور و فيها اللي يعصر الفاكية شريتها ب3 ملايين و 300 ميا بصح مازال ماعجنت فيها راني نسقسي في الاخوات اللي عجنو شحال المقادير و المكونات يتحطو مع الما دربة وحدة ولا لا
manomanila
2016-01-12, 19:56
انا اللي عندي مش عجانة برك فيها رحاية خضر و ترحي القهوة اللحم الجاج و تعصر القارص و فيها الميكسور و فيها اللي يعصر الفاكية شريتها ب3 ملايين و 300 ميا بصح مازال ماعجنت فيها راني نسقسي في الاخوات اللي عجنو شحال المقادير و المكونات يتحطو مع الما دربة وحدة ولا لا

مشكووووووورة اختي انشاء الله يساعدوك لبنات لي مجربينها بالتوفيق
AMIRA HOLWA
2016-01-13, 20:03
اهلا حبيبات اختي مانومانيلا يا رب تلقاي وش تسحقي شوفي انا عندي كنوود شريناها ب 3 ملاين و تسعمية صراحة مارضيتش عليها منعرف هيي مش مليحة و لا انا ما عرفتلهاش معاها بزاف اكسسوارات هاذاك الشي اللي خلعني نهار خيرتها ..وااو 3 ملاين و 900 و معاها هاذا كامل ؟؟ انا قلت لوكان ركزت علا وحدة تعجن برك هي مصنوعة في الصين ونهار شريتها دخلت نستفسر عليها هنا في المنتدى خلعوني قالولي اللي عندهم كنوود عطولهم معاها كتاب ..وانا ماعطوني والو ..قلت واقيل كي عادت شينوية نهار لقيتها مصنوعة في الصين قلت ماعليش هي اصلها الماني بصح اليد العاملة في الصين ارخص علا هاذيك يركبوها ثماك شوفي بعد ماشريتها بديت ندير الفرق مع لي بيتران اللي نشوفهم في التلفاز ..اكثر حاجة تهم في الحكاية العجين متفقين ياخي ...لقيت تاع التلفاز crochet اللي عجنو بيه يجي تقريبا يشبة لل S معناها يدخل و يخترق العجينة ...تاعي انا لا يشبه تقريبا ل C شفتي في سميرة يخدمو الكل بتاع شفتيهم بالالوان ARTISAN انا نتوقع تجيب سلعة مليحة بش تخدم بيها في القناة ..شفتهم يديرو 5 ملاين و 200 غاليين..وحتا نهار جيت راح نشري لقيت كنوود وحدو تاع عجين برك +الFOUET و ال K ب 5 ملاين ..قلت بزاااااااااااف.كون زدت مليون علا دراهمي و جبت حاجة مليحة .يعني ممكن تشري ظرك و يفوت العام و العامين و تقولي يا ريت زدت مليون ..زيدي ادخلي حوسي في الغوغل عند العرب الاخرين ..اكتبي مثلا احسن عجانة ..وشوفي عدة اراء .ماتستعجليش بالتوفيق حبيبة
manomanila
2016-01-13, 21:46
اهلا حبيبات اختي مانومانيلا يا رب تلقاي وش تسحقي شوفي انا عندي كنوود شريناها ب 3 ملاين و تسعمية صراحة مارضيتش عليها منعرف هيي مش مليحة و لا انا ما عرفتلهاش معاها بزاف اكسسوارات هاذاك الشي اللي خلعني نهار خيرتها ..وااو 3 ملاين و 900 و معاها هاذا كامل ؟؟ انا قلت لوكان ركزت علا وحدة تعجن برك هي مصنوعة في الصين ونهار شريتها دخلت نستفسر عليها هنا في المنتدى خلعوني قالولي اللي عندهم كنوود عطولهم معاها كتاب ..وانا ماعطوني والو ..قلت واقيل كي عادت شينوية نهار لقيتها مصنوعة في الصين قلت ماعليش هي اصلها الماني بصح اليد العاملة في الصين ارخص علا هاذيك يركبوها ثماك شوفي بعد ماشريتها بديت ندير الفرق مع لي بيتران اللي نشوفهم في التلفاز ..اكثر حاجة تهم في الحكاية العجين متفقين ياخي ...لقيت تاع التلفاز crochet اللي عجنو بيه يجي تقريبا يشبة لل s معناها يدخل و يخترق العجينة ...تاعي انا لا يشبه تقريبا ل c شفتي في سميرة يخدمو الكل بتاع شفتيهم بالالوان artisan انا نتوقع تجيب سلعة مليحة بش تخدم بيها في القناة ..شفتهم يديرو 5 ملاين و 200 غاليين..وحتا نهار جيت راح نشري لقيت كنوود وحدو تاع عجين برك +الfouet و ال k ب 5 ملاين ..قلت بزاااااااااااف.كون زدت مليون علا دراهمي و جبت حاجة مليحة .يعني ممكن تشري ظرك و يفوت العام و العامين و تقولي يا ريت زدت مليون ..زيدي ادخلي حوسي في الغوغل عند العرب الاخرين ..اكتبي مثلا احسن عجانة ..وشوفي عدة اراء .ماتستعجليش بالتوفيق حبيبة







اهلين بالاخت اميرة مرحبا بيك حنونة في منتدانا الاكثر من رائع
و يعطيك الصحة مناه عاونتيني برايك صح ماكلاه نتسرع
مناه الحاجة لمليحة غالية انا لقيت عجانة طومسون
ام يقولو صناعة المانية معها بزاف اكسسوارات بزاف و تعجن 3 كيلو و 3 ملاين و 90 ماش كيما كينوو د بدون اكسسوارات و تعجن 2كيلو برك ب 4 ملاين و مئة تما دخلني الشك
نستنى شوية مرسي اميرة بزاف بزاف و ربي يجازيك كل خير و كاش ماتحتاجي راني في الخدمة
nadjibjijel17
2016-01-15, 10:31
مشككككككككككككككككو يا غاااااااااااااااااالي
فاتي تيارت
2016-04-06, 20:15
ننصحك لوجه الله ما تشريش بومان وثانى اشرى عجانة مافيها لا طاس لا رحى