أ م ساجد وسيم
2016-01-06, 15:38
[CENTERالسلام عليكم
واش راكم يا شاطرات اليوم جبتلكم اروع والذ طبق بوزلوف...ذرت عليه اضافات ضغار بصح كانت النتيجة يسخف بالبنة وقليلة عليه الكلمة هذي كيما قال زوجي هذا اروع بوزلوف ذقته في حياتي كاملة كل لقمة منه دير انفجار للنكهات في الفم امممممم
نجو للوصفة ...الوصفة كنت معتمدتها من قبل بصح عدلتها شوي لهذا النتيجة كانت افضل...
نحتاج بوزلوف منظف ومغسول ومقطع
ندير البوزلوف يطيب في القدر مع اضافة :
مقدار من الملح
ملعقة صغيرة فلفل اسود
ملعقة صغيرة فلفل حلو
ملعقة صغيرة كمون
من 2الى ثلاث ورقات رند اذا كانو صغار او ورقتين رند كبار
عود صغير قرفة
2عروق كرفس
نصف حبة بصل كبيرة مقطعة الى ارباع
اثنين فص ثوم
كمشة حمص
ونخليه يطيب مليح مليح
لما يطيب نصفيه في كسكاس مع الاحتفاظ بالمرق ردو باااااااااالكم ترموه وناخد قطع البزلوف ونقطعهم قطع صغيرة بعد ازالتهم من العظام ونحطهم في صحن ومن جهة اخرى نحي الحمص من المرق ونحطه في صحن بجيهة وحده
https://pictureupload.org/do.php?img=424
نحضر الدرسة واللي متكونة من :
2 بصل اخضر مقطع رقيق ( يفضل البصل الاخضر يجي بنين)
https://pictureupload.org/do.php?img=418
نصف حبة طماطم كبيرة ومغرف كبيرة طماطم معلبة
https://pictureupload.org/do.php?img=428
نصف عصير حبة ليمون مخلط مع مغرف صغيرة موطارد ...راح تعطي نكهة وذوق
https://pictureupload.org/do.php?img=420
ناخد البصل نقليه مليح مليح في مقلاة ماتلصقش او طاجين مع اضافة الزيت وثلاث فصوص ثوم مقطعين ماشي مرابيين
ملاحظة: سمعت من عند احدى الطيابات انو ثوم لما نرابوه يفقد كامل الذوق تاعه كي نكونو نحكو فيه على لاراب بسبب الاحتكاك مع الحديد ويفقد نكهته انا مانرابيهش نهائيا نقطعه صغيير برك.
https://pictureupload.org/do.php?img=421
لما يذبال شوي نلوح عليه طماطم حب والمصبرة ونحرك
بعد مانكون وذقنا قطعة صغيرة من البوزلوف باش نتاكد من الملح وتوابل وباش نعرف قداش نزيدله توابل
نضيف لخليط المقلاة كمون ملح وفلفل اسود وكمية الكمون تكون مليحة تعطيه بنة ونضيف له قصبر مقطع وشوي معدنوس مقطع ونضيفله ملعقتين تاع تسقية من المرق لي صفيناه وياريت نضيف من الطبقة الفوقانية لي تتشكل في المرقة لانها لذيذة
https://pictureupload.org/do.php?img=422
ومن بعد نرمي قطع البوزلوف ونقص لنار ونخليها تتقلى تقريبا اقل من عشر دقائق واذا جاتكم صوص قليلة ضيفو من المرقة لازم تكون فيه كمية مليحة من صوص المرق
https://pictureupload.org/do.php?img=423
لما نطفي ذوقو مرة ثانية صوص وشوفو اذا لازمها كمون او فلفل اسود او ملح ضروري لان الان نقدر نعدل النكهة النهائية للطبق.
نروح للحمص نضيفله رشة صغير كمون وفلف اسود ومغرف تاع تسقية من المرق ونحركه
ثم نضيف لخليط البوزلوف
https://pictureupload.org/do.php?img=425
من جهة نكونو درنا الفرن يسخن ونجيب بلاطو ندهنه بزيت وندير فيه خليط البوزلوف.. انا حتفظت بشكل لكرعين باش نديكوري بيهم برك..ونحط شريحة ليمون وقرن فلفل حار متصل ولي يحب ذوق الحار يقطعه...
https://pictureupload.org/do.php?img=426
لازم الخليط يكون شوي اقل من حجم البلاطو لان لما ندخله للفرن الصوص لما تبدا تغلي شوي نخافو تدفق في الفرن بمعنى ختارو بلاطو شوي كبير احسن وخلوه يتشرب المرق تاعه شوي مدة عشر دقايق او ربع ساعة ونراقبوه مرة على مرة ويقدم وبالف صحة وهنا
https://pictureupload.org/do.php?img=429
نتمنى يعجبكم ودعولي خواتاتي...ربي يخليكم ودعو لبابا برحمة ..
واش راكم يا شاطرات اليوم جبتلكم اروع والذ طبق بوزلوف...ذرت عليه اضافات ضغار بصح كانت النتيجة يسخف بالبنة وقليلة عليه الكلمة هذي كيما قال زوجي هذا اروع بوزلوف ذقته في حياتي كاملة كل لقمة منه دير انفجار للنكهات في الفم امممممم
نجو للوصفة ...الوصفة كنت معتمدتها من قبل بصح عدلتها شوي لهذا النتيجة كانت افضل...
نحتاج بوزلوف منظف ومغسول ومقطع
ندير البوزلوف يطيب في القدر مع اضافة :
مقدار من الملح
ملعقة صغيرة فلفل اسود
ملعقة صغيرة فلفل حلو
ملعقة صغيرة كمون
من 2الى ثلاث ورقات رند اذا كانو صغار او ورقتين رند كبار
عود صغير قرفة
2عروق كرفس
نصف حبة بصل كبيرة مقطعة الى ارباع
اثنين فص ثوم
كمشة حمص
ونخليه يطيب مليح مليح
لما يطيب نصفيه في كسكاس مع الاحتفاظ بالمرق ردو باااااااااالكم ترموه وناخد قطع البزلوف ونقطعهم قطع صغيرة بعد ازالتهم من العظام ونحطهم في صحن ومن جهة اخرى نحي الحمص من المرق ونحطه في صحن بجيهة وحده
https://pictureupload.org/do.php?img=424
نحضر الدرسة واللي متكونة من :
2 بصل اخضر مقطع رقيق ( يفضل البصل الاخضر يجي بنين)
https://pictureupload.org/do.php?img=418
نصف حبة طماطم كبيرة ومغرف كبيرة طماطم معلبة
https://pictureupload.org/do.php?img=428
نصف عصير حبة ليمون مخلط مع مغرف صغيرة موطارد ...راح تعطي نكهة وذوق
https://pictureupload.org/do.php?img=420
ناخد البصل نقليه مليح مليح في مقلاة ماتلصقش او طاجين مع اضافة الزيت وثلاث فصوص ثوم مقطعين ماشي مرابيين
ملاحظة: سمعت من عند احدى الطيابات انو ثوم لما نرابوه يفقد كامل الذوق تاعه كي نكونو نحكو فيه على لاراب بسبب الاحتكاك مع الحديد ويفقد نكهته انا مانرابيهش نهائيا نقطعه صغيير برك.
https://pictureupload.org/do.php?img=421
لما يذبال شوي نلوح عليه طماطم حب والمصبرة ونحرك
بعد مانكون وذقنا قطعة صغيرة من البوزلوف باش نتاكد من الملح وتوابل وباش نعرف قداش نزيدله توابل
نضيف لخليط المقلاة كمون ملح وفلفل اسود وكمية الكمون تكون مليحة تعطيه بنة ونضيف له قصبر مقطع وشوي معدنوس مقطع ونضيفله ملعقتين تاع تسقية من المرق لي صفيناه وياريت نضيف من الطبقة الفوقانية لي تتشكل في المرقة لانها لذيذة
https://pictureupload.org/do.php?img=422
ومن بعد نرمي قطع البوزلوف ونقص لنار ونخليها تتقلى تقريبا اقل من عشر دقائق واذا جاتكم صوص قليلة ضيفو من المرقة لازم تكون فيه كمية مليحة من صوص المرق
https://pictureupload.org/do.php?img=423
لما نطفي ذوقو مرة ثانية صوص وشوفو اذا لازمها كمون او فلفل اسود او ملح ضروري لان الان نقدر نعدل النكهة النهائية للطبق.
نروح للحمص نضيفله رشة صغير كمون وفلف اسود ومغرف تاع تسقية من المرق ونحركه
ثم نضيف لخليط البوزلوف
https://pictureupload.org/do.php?img=425
من جهة نكونو درنا الفرن يسخن ونجيب بلاطو ندهنه بزيت وندير فيه خليط البوزلوف.. انا حتفظت بشكل لكرعين باش نديكوري بيهم برك..ونحط شريحة ليمون وقرن فلفل حار متصل ولي يحب ذوق الحار يقطعه...
https://pictureupload.org/do.php?img=426
لازم الخليط يكون شوي اقل من حجم البلاطو لان لما ندخله للفرن الصوص لما تبدا تغلي شوي نخافو تدفق في الفرن بمعنى ختارو بلاطو شوي كبير احسن وخلوه يتشرب المرق تاعه شوي مدة عشر دقايق او ربع ساعة ونراقبوه مرة على مرة ويقدم وبالف صحة وهنا
https://pictureupload.org/do.php?img=429
نتمنى يعجبكم ودعولي خواتاتي...ربي يخليكم ودعو لبابا برحمة ..