صداقة فحب

[مشكلتي]

السلام عليكم
أنا طالب جامعي فعمري 22 سنة ...أنا لا أعتبر ما أنا فيه بمشكلة بل بمعظلة وقعت فيها و كنت سبب في ذلك ..المهم في القسم الذي أدرس فيه تدرس معاية فتاتان و هم أشد و أقرب الأصدقاء بالنسبة لي فنحن الثلاثة كل منا يعرف حتى خصوصيات و محيط كل شخص ..ففي هذه العطلة الي كنا فيها وحدة منهم قعدت تقلي بلي توحشتك بزاف و مع الوقت تقلي نبغييك و تزيدلي ضحكة من موراها أنا كنت نبادلها نفس الهدرة و لكن و الله بالقلب الصافي يعني توحشتك صحيح توحشتها و نبغيها حب صداقة ..و بيعد أيام أصبحت تبعثلي الميساجات عن طريق الهاتف و البيباج مايحبش تاني ...المهم أنا تماديت معها و كنت نبيبيلها و نرد عليها ليميساج و ذلك هو المشكل ..و عندما كملت العطلة دخلنا نقراو الشيرة بدات تنظر إلي نظرات ليست معهودة و هناك إرتكبت خطئي لأني يمكن القول أني عجبتني للحظات أنعميت فيها و تصرفت معاها تصرفات لا يمكن إعتبارها تصرفات أصدقاء و المشكل أن الصديقة الثانية فاقت و حست أن الوضع ماهوش كي السابق ..و من بعد فطنت و قلت واش راني ندير و ندمت على ذلك و أريد أن أصلح الأوضاع و لكن دون المساس بصداقتنا و العودة إلى ما كنا عليه سابقا

[mino 13]

هههههههه واعرة هادي صحبي تع صداقة ثم الحب رغم انه هناك الكثير لي يكونو اصدقاء ثم يصبحو فى حالة حب
انا والله ما راني عارف شا نقولك مي عندي فكرة
ولي هي ان تكدب عليهم وتقوللهم بلى راك تحب وحدة من حيك مثلا
و فى فايسبوك دير je t'aime مثلا asma لو ايضا دير فايسوك ثاني تفتحو باسم بنت ودير en couple مع هدا بروفيل لي هو يروفيل تاعك
وهي اكيد كي تشوف رايحا تنسى
بصح قبل هدا نتا خويا لا ترد عليها ولا تجاملها ولا تنظر اليها نظرات اعجاب لانه مع مرور الوقت يصبح امر معقد نوعا ما وتخاف تخسر صداقتها ايضا كاش sms فيه غزل مكان لاه ترد
الله يوفق

[abdelka22]

هههههه... نعرف بزاااف ناس بحالك ..أنا ننصحك أنك في كاش نهار تفتح الجديث معها و كأنك تتحدث بصد و جدية أنك تحب فتاة و تريد منها حل ..و هي سوف تتراجع و تتفهم بأنك لا تعتبرها لا حب و لا أي شيئ .. و ربي معاك

[~أمة الله~]

عليكم السّلام ورحمة الله وبركاته
ببساطة، وبالتّجربة تأكدتَ أنّه لا وُجود لِصداقة بين الرّجل والمرأة...
الحلّ : أن تنسحب مِن حياتِهما -الاثنين- وتُصاحِب الرِّجال.
أنتَ رجُل، فكيف تُريد مُصاحبة البنات وصداقتهُن، حتّى شخصيتك ستتأثر بِهنّ، غير حُرمة الأمر وما يترتب على هذه العلاقة مِن آثار تندم عليها....
لا تتبّع أصحاب السّوء في الجامِعة، الذي يرون أنّه تفتُح، و style أنّك تكون صديق مع الفتيات وأنّ هذا ينُمُّ عن الذّكاء والتفتح ولا أدري ماذا أيضا، كلّ هذا الكلام لا صحّة له، وانظر فقط في الغرب إلى ما جرّت الصداقات مِن علاقات آثمة، الله سبحانه وتعالى حكِيمٌ عليم، لمّا خلق الذكر والأنثى جعل انجذاب غريزي بينهُما لا يُمكِنُك كبتُه بمُجرد قول أنّ هذه صديقتي! وقد رأيت ردّ فِعل صديقتِك!!
لذلك النّصيحة، حِفاظا على نفسك ودِينك، وحِفاظا على صدِيقتيك! إنّ كُنت تُحبّ لهما الخير حقّا، ابتعد عنهُما وصاحِب الرّجال، ترتاح نفسيًا إن شاء الله

وفقكم الله

[فارس الخيال]

و عليكم السلام و رحمة الله
هادي نتيجة حتمية أخي و الشيطان كان الراعي الرسمي في هاد القصة و مخرج الفيلم هههه
إذا كنت جاد و مستعد للزواج تقدم لخطبتها أما إذا راك فقط تساير فيها فاعلم بلي راك تساير في الشيطان مشي هي
هي تانيك راهي كيفك الشيطان يسير فيها واش تقولك و واش تعملك
أنا نقولك باختصار العن بليس و هادي طريق رسمهالك الشيطان و ما لازمش تبعه فيها
و كيما نعرفو الحلال بيّن و الحرام بيّن ما كانش حاجة يقوللها حب صداقة
أمالا قوللها بلي ما راكش مرتاح بهاد الوضع لي راكم فيه و أنك ما راكش حاب تخسر معاها
ممكن هي راهي تخمم بالارتباط بيك أو بمجرد تمضية الوقت (مونك حنان)
ضع النقاط على الحروف معاها بما أنك أنت لي وصلت روحك لهاد الحالة
و ما تحاولش تفكر باش ترجع صداقتكم من جديد أصلا ما كانش صداقة بين الراجل و المرأة
نهار لي تكون مستعد و مكمل قرايتك و عندك خدمة تقدم للي تشوفها مناسبة و تزوج و هني راسك
و خطيك من صداقة الشيرات راح تضيع وقتك معاهم باطل اللهم إدا كنت أنت أيضا مونك حنان ههههه
الله يهنيك خويا

[كلنا راحلون]

تقبل ردي ودي نصايح الكل ولا يأتي يوم وتندم .

[samirovich]

العطلة تاع الشتاء فسدتها مع الأولى

وأنا خايف العطلة تاع الربيع تكمل على الزاوجة

[loubna87]

كل هذا حدث في فترة وجيزة أكيد لا تتعدى 10 أيام بالتالي يمكنك تصحيح الخطأ ببساطة . كن جديا معها و بما أنكما في القسم معا لا داعي لأنك ترد على ميساج أو بيب

[عائشة قدوتي]

انتبه انتبه الله يمهل و لا يهمل أعراض المسلمين
( إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ )

هنا.. (http://safeshare.tv/v/ss568d8f5d4c184)

[om_nour]

الله الله بعثينك والديك باه تقرآ وتصاحب رجال وتولى راجل

مش تصاحب بنات

ربي يهديك من الاول طريق خاطء


صلح روحك صاحب الاولاد وركز في دروسك

راك مازلت صغير

[AMINA.Z]

يا ولدي ماكانش حاجة يقولولها صداقة بين راجل و امراة
مالا ختك تاني كون تعرف بلي عندها صديق تباناك نورمال !!!!!!!!
اجبد روحك من الحكايات هادو
و التهى بقرياتك خيرلك.

[أم رقية نسرين]

لا حول ولا قوة إلا بالله
راك مستوعب واش قلت ؟ الإسلام لا يرضى بهذا

[NAWEL44]

الحب وين يدخل يخسر كل شي اقصد في هذا النوع اي الصداقة لا اظن الامر سينفع لانها ستراك مكا تراك هي

[زبدة ذايبة]

رضي الله عن الصحابة

أسامة ابن زيد قاد جيشا فيها كبار الصحابة وهو ابن 16 سنة

16 سنة اقريتها مليح ولا مازل !!!!!!!!!!!!

حارب فيه بالسيف لأجل الإسلام

انت 22 سنة

الطفلة تبيبيلك وانت ترد عليها !!!!!!!!!!!!؟؟؟؟؟؟؟؟؟؟؟؟؟

تهدرلك وترجعلها ؟؟؟؟؟؟

النتيجة اللي راك رايح توصل ليها واش هي

الزنى !!!!!!!!!!!!!!!!!!!

مقدماته أنجزتها

زيد تنتقل للمستوى الثاني

واش هو القيام الفعلي بالفاحشة !!!!!!!!!!!!!!!!!

وزيد حاب تبقى هذ الطفلة صديقة !!!!!!!!!!!!!!!!!!!!!!

وماشي عشيقة !!!!!!!!!!!!!!!!!!!!!!!!

سبحان الله من هول ماتفعل

والله ترجف منه الأرض

وين راك عايش ؟؟؟؟؟

في بلاد المسلمين ولا بلاد الكفر

إذا عاجباتك الطفلة اخطبها وتزوجها وخلاص

وتكونلك عشيقة وصديقة ورفيقة

وتبيبيلك وتبيبيلها ووووووو

لكن هذ البنت ماتحلكش

يعني ماشي حلال

هي حرام عليك

كيما حرم رب العالمين الخمر ولحم الخنزير حرم عليك بنات الناس

تمسهم ولاتصادقهم حرام حرام

وهذ البنات الصديقات

يوليو حلال عليك

إذا دفعتلهم المهر وإذا عقدت عليهم عقد شرعي

تقدر تتزوجهم هذ الصديقات في اثنين مع بعض

بزاف واعرة هذي

بالنسبة ليك وحدة ماتصلح تكون زوجتك

إذا ماكانوش يصلحو للزواج

حتى الصداقة مايصلحوش

وضرك انت حاب تولي صديق حميم

بلا ممارسات محرمة

وكأنك مادرت والو

يحاسبك رب العالمين إذا راك نسيت هذا

ويعاقبك إذا ماتبتش لله توبة نصوح

خلي بنات الناس وماتخدعهمش

هي تفكر بلي كي تستلم ليك راك رايح تتزوجها

وانت تفكر بلي تبقى صديقها يأخذ منها مايأخذ الزوج !!!!!!!!!!!!!


يا وليدي

حرام عليك حرام عليك

إذا مازال فيك الإيمان نقلك اتق الله

ماراناش كفار مانحللو مانحرمو

رد بالك تتعدى حدود الله

لو كان واحد يدخل لداركم وهو ماشي من أفراد العائلة

تقاتلو على انتهاك حرمة المنزل وحتى هذي يعاقب عليها القانون

إذا انت عندك في دارك حدود مايتعداها حتى واحد

فلله حدود من انتهكها فقد هلك -إلا إذا تاب العبد-

تدخل مجال حرمو رب العالمين ماتلوم غير نفسك

نحن مسلمون ولسنا كفارا

واش خليت ياوليدي في إسلامك

وين راهي صلاتك وصيامك وقرائتك للقرآن

هذه هي الصحبة الحقيقية

وليست صحبة البنات !!!!!!!!!!!!!

أول مرة نسمع بيها هذي !!!!!!!!!!!!

راجل صاحبتو إمرأة يحكيلها وتحكيلو

ويهدر معاها كيما يهدر مع صاحبو !!!!!!!!!!!!؟؟؟؟؟؟؟؟؟

واش تخلطولك المفاهيم !!!!!!!!!!!!!!!!!

ولا ماوليتش تعرف صحاب رجال غير لبنات !!!!!!!!!!!!!!!!

عندك مشكل في الشخصية ولا واش ؟؟؟؟؟؟؟؟؟؟

ماشي قادر دير راجل صاحبك !!!!!!!!!!

غريب والله !!!!!!!!!!!!!!!!!!

كي تكون تهدر مع داركم واش تقوللهم ؟؟؟

حكالي صاحبي ولا صاحبتي

واش تحكيلك صاحبتك هذي:

على الطيابات اللي طيبهم !!!!!!!!!!!!!!!!!!

ولا على الحوايج اللي ماغسلتهومش !!!!!!!!!!!!!!!!!

ولا على أنواع الماكياج اللي خرجو جدد !!!!!!!!!!!

ولا كي راحت للعرس واش دارت لعروسة تصديرة!!!!!!!!!!!!!!!!!!!

شفت شحال مقزز ومقرف أنه يكون عندك شخص ليس من نفس جنسك

حتى الاهتمامات مختلفة

أين وجه الصداقة هنا ؟؟؟؟؟

مكاش نهائيا. ماعندك حتى رابط شرعي ولا حتى إنساني

يخلي هذ العلاقة عندها معنى وتبقى قائمة.

تعرف راني شديت روحي مانزيدش نكتبلك أكثر من هذا


اخطيك من هذ التصرفات التي تدل على وجود مشكل في شخصيتك

لاإريد إغضاب المشرفين ويحذفوا ردي

لأنني في الأخير ماأريد لك سوى الخير يعلم الله بهذا


كون راجل كيما الرجال

وكيما خلقك رب العالمين

قال: حاب نحافظ على صداقة البنات ؟؟؟؟؟؟؟؟

[الأمين®]

كان الأجدر أن تعنون موضوعك *إختلاط فشهوة* وليس صداقة فحب لأنه لا صداقة بين الجنسين ...أما الحب فهو أكبر من هذا الذي يجده أمثالك و أمثال الحمقاء التي تتكلم عنها.

[LINDA68]

اخي الكريم

انطلاقا من ديننا و تقاليدنا لا تو جد صداقة بين الرجل و المراة بل هناك اخوة فقط

انت في داخلك منجذب الى تلك الفتاة دون ان تشعر و تكذب علي نفسك انصحك بمواجهة نفسك

[سجل أنا جزائري]

سمحلي نت طفلة و لا طفل ؟ راك دوختي كي قلت و نحن الثلاثة نعرف بعضانا أدق الخصوصيات ...

[نور لاتراه]

السلام عليكم
مابني على باطل فهو باطل
لاتبحثوا عن المسوغات واقطعوا أي علاقة
توبوا يرحمكم الله

[Lilya Labrune]

يعطيك الصحة يازبدة الذايبة إذا مافاقش من ردك جامي يفيق أولاد آخر زمن

[نسيم الريح ش]

الهى في قرايتك

[abdelka22]

يا صاحبي أنا ماعندي ما نقولك ..الردود كانت مقنعة نتمنى تعتبر بيها

[first first]

عندك 2 صحابات بنات؟؟؟؟؟؟؟؟؟؟؟؟؟؟؟؟؟
صاحب بني جنسك.................او عالج مبادئك وافكارك ونفسيك او اي شيء..............لانو اكيد هناك خلل ما؟؟؟؟؟؟؟؟؟؟؟؟؟؟