تسجيل الدخول

مشاهدة النسخة كاملة : مشكل الدراسة

مشكلتي
2016-01-06, 10:28
السلام هليكم اخوتي
مشكلتي تكمن في الدراسة ماخدمتش ف لي كنترول ماخدمتش خلاص نحط لوراقي فارغين و نخرج مع العلم انا سنة اولى علوم المادة باب الزوار
ماقدرتش نوالف بلاسيتي خاطر متعلقة بدارنا بزاف
خايفة مانخرجش عامي ياربي راني مدمرة مانرقدش فليل دارنا معولين عليا وانا مانيش قادرة نقرا
ساعدوني اعطيوني حل
عائشة قدوتي
2016-01-06, 13:09
حكايتك حكاية تقريبا أغلبة الطلبة في السنة الاولى
بصح سجي روحك من درك لل rattrapage وابداي اقراي ولا مفهمتيش
قولي للبنات يفهموك فرصتك في الإقامة اقراي جماعيا مع البنات - نصيحة -
في الإمتحان التاني ادرسي مليح و حطي راسك في الدروس الآن و ركزي
المفترض السداسي الأول يعوض الثاني ..
يعني مازال عندك الوقت متتقلقيش..
toulay
2016-01-06, 13:11
وعليكم السلام ورحمة الله تعالى وبركاته
صراتلك هكذا ممكن مزال متعرفش كيفاش الامتحانات تكون فالجامعة
نورمال مخدمتيش فالفصل الاول عوضها فالفصل الثاني ان شاء الله
ونحي عليك الفكرة تاع منخرجش العام وحط في بلاصتها النجاح
حاول تقرا قد ماتقدر ولخص الدروس وحدك وبطريقتك الخاصة هذا يعاون
هي صح صعيبة الاقامة الجامعية بصح واش دير اصبر برك راهو كل شيء يفوت وركز في قرايتك
بالتوفيق
عثمان الجزائري.
2016-01-06, 13:13
ستعتاد على هذا الأمر و لكن يجب عليك التعويض فيما بقى، يجب أن لا تتهاون حاول أن تتعرف على أصدقاء لتراجع معهم فهي أحسن حل و عن تجربة مراجعة المجموعة أفضل و أحسن و لها نتائج جيدة جدا
ghezal sofian
2016-01-06, 13:21
مزال امامك الوقت للتدارك يا اختي ما فاتش الوقت المهم لازم تتعبي في الفصل الثاني و الاخير و عندك تاني راترباج اما بالنسبة للوالدين والله كامل نحبو والدينا بصح هذي لحياة لازم توالفي و ننصحك ما تقعديش وحدك باش ما تتوسوسيش و ربي يوفقك انشاء الله
djamel123
2016-01-06, 14:22
السنة الأولى بالنسبة ليا كانت سنة الصدمة
يعني وجدت كل شئ مختلف (بيئة مختلفة، لغة تدريس مختلفة، ناس مختلفين....الخ)
وكان صعب عليا التأقلم من البداية وما حققتش نتائج في السنة الأولى وقريب عاودت
لكن بعدها تأقلمت و النتائج تحسنت على السنة الأولى

مازال أمامك الإمتحان النهائي
نصيحتي أنك تفهمي الأعمال الموجة td جيدا
و تحاولي تحلي إمتحانات الأعوام الماضية
أو على الأقل تلقي عليها نظرة
أنور
2016-01-06, 14:51
عاودي حلي المواضيع تاع العام اللي فاتو ، راهم يتعاودوا بنسبة 90 % ، وركزي في لي td و tp هوما تاني يعاونوا ، وكل شيء يسهال ان شاء الله
AMINA.Z
2016-01-06, 15:14
كنت متعلقة بالدار
درك راكي وحدك و عندك هدف واضح ...تقراي و تنجحي
السنة الاولى سنة اكتشاف لمستوى الجامعة و جديدة على كل الطلبة
مي كاين اللي يجيب نتائج و كاين اللي ما بجيبش ...درك ما نقولوش عادي اي تصرا للناس كامل
لالا يا اختي ...النجاح لازمو تعب و ارادة
انتي ما قريتيش ما نجحتيش
درك ديري العكس ...اقراي و اتعبي باه تنجحي.
اتقبلي حياتك الجديدة و توكلي على ربي
rafik73
2016-01-12, 18:55
المشكل هو ان نبقي نتفرج علي الفشل اما الفشل هو خطوة الي النجاح
والانسان الدكي يعالج فشله بالتحدي
وصدقيني طعم النجاح بعدها جميل جدا
عن تجربة السنة الاولي اجتهاد اكثر من الباك
aymen.dz
2016-01-12, 23:06
ابحث عن الدروس في اليوتوب خاصة باللغة العربية راح تفهم كثر

انا نقرا من اليوتوب بنسبة 90%

ممكن نساعدك اذا ماعرفتش تحوس ملـيح

بالتوفيق