علاقة مستمرة معها

[مشكلتي]

من لاخر, راني حيرانة بزاااف ,حبيت تشيرو عليا ,انا فتاة متخرجة حاصلةعلى ليسانس الحمد لله مادخلت في علاقة ماوالو ,مؤخرا اعلن لي شاب (بسب عملو) انو معجب بي وراه ناوي لحلال مي كي سقسيت مليح لقيتو كان داير اتفاقيات مسبقة مع غيري كم من واحدة يعني ماوصلتش لهاد ك الحد مي كامل يوعدهم بالزواج بجدية وباهلو :o رغم انو الجميع يشهد له بالرزانة الا اني تاكد وصعقت بعلاقته اللي تاكد بنفسي ونحيت الشك , ومزال لدرك في علاقة سطحية مع اخرى على حساب هدرتو وكان هكدا مع غيرها بزاف:mad: مع انو ماهدرناش من ذاك السوجي مي تجسست عليه واكتشفت وماني مصدرقة لدرك ,راو يقطع قلبي كل يوم بهاد العلاقة للي ماعندها حتى داعي وانا الشك دخلي ولعبلي بعقلي علااااااااااش هاد الشي
يااما يتزوجها ولايخليها ؟مراحش نسالو مي علاه يعطي وعود لي ماراش على قدرها
واش تقولوا ننساه رغم انو نكرر ليكم هو ماشاء الله عليه فاهم واعي وملتزم وماهوش من داك للي يقولو عندوهم افكار مراهقة؟مي مافهمتش علاش اذا باغي يتزوج مزالوا في هاد العلاقة مهما كانت؟؟؟
رايكم مهم ونتمنى تكونوا منطقيين وليس ضده
مايهكم نساء رجال راني في حيرة كبيرة ,لانو عن حق هو محترم ومؤدب حتى في علاقته مع غيري مي علاش يستمر مافهمتش؟ يعني هل هو صادق ولا غيرة زايدة مني (تاكد ت بالدليل بنفسي)
:mad::mad::mad::mad::mad::mad::mad::mad:

[طيور الجنان]

لو كنت مكانك و تأكدت بالدليل بنفسي لتركته فورا و ربي يكتبلك من هو احسن منه عاجلا غير اجل يارب.

[محمد جديدي التبسي]

الفاهم والواعي والملتزم والرزين لا يفعل هذا لا تكوني متناقضة
ان تأكدت انه تاجر علاقات وكنت فعلا عفيفة فاقطعي كل اتصال لك به والا ماذا تسمين كلامه معك بعيدا عن بيتك ووالديك؟! هل المؤدب يكلم بنات الناس هكذا ؟!
ربي يفتح عليك ويهدي هذا الشخص وأمثاله..

[aroua]

وعليك السلام حبيبتي
اختي في الله تاكدتي بنفسك ولازلت تأمنينه ,مابك انتبهي لنفسك وكفاكي غباء ,فهناك من الرجال من هو فنان في انشاء العلاقات بصورة صادقة وهو في حقيقة الأمر يتلاعب ويتلذذ بهذه العلاقات .
سوف اعرض عليك قصتي
هدا واحد شافني في الولاية مرة ’وقالي راكي عجبتيني وحاب نجي من الباب ,كان مطلق دون اطفال , لم يعجبني الأمر لكنه الح عليا بشتى الطرق ,الى ان تحدث مع اخي ,فسأل عنه اخي فوجده نعم الأخلاق في نظر اغلبية الناس ,وعندما سالت احد يعمل معه قال لي 'n'est pas serieux""وسكت قالي وحكاية معندي فيها لا ناقة ولا جمل ... مافهمتش واش حب يقول وانا في بالي كيما هدر مع اخي سيبون ...
في لفترة لي يسقسي فيها خويا عليه كان على امس من الجمر كل وقت هو يعيطلي واش واش ...
الى ان قال له اخى توكل على الله,فقال له سوف اتي باهلى اليوم الفلاني ,وبعد ذلك بدا في التأخيرات الى ان نسينا الأمر...
بما تفسرين ذلك ...
ربي يفتحلك عنيك حبيبتي باه تفيقي ,اجبدي روحك ووقوليلوا مكان حتى هدرة معايا شيء لتحبو دارنا امامك الى ان يتم الحلالال بينكم ولن تخسري شيء

[toulay]

سلام عليكم
اختي واش هذا le paradoxe حتى حرت هو انسان عاقل ورزين وماشاء الله وفي نفس الوقت يوعد فالبنات ووووو واشي هذا
غير اخطيك منو واش دير بواحد من le genre هذا
supposons تزوجتي بيه في ميزك راح يتبدل درك خلاص هذا c'est un vice ماعندك مادير
طيش عليك والحمد الله انت تبارك الله عليك مثقفة وعندك un diplôme اصبر ودرك يجيك سيد سيدو ان شاء الله
بالتوفيق

[غربة أهل السنّة]

السّلام عليكم ورحمة الله وبركاته
لأنّنا تساهلنا في ديننا وصلنا أن نعيش حياة الخداع على الواقع
فنطلق كلمة ملتزم على أيّ إنسان حتى لو كان من أبناء الشوارع الذين يمزقون أعراض الناس يوميّا
كيف تقولين ملتزم؟ ومؤدّب؟
هل تعلمين أن من يقوم بعلاقات صداقة فقط مع البنات يعني (un ami) في نظري يتعدّي على حرمات النّاس
فمابالك من يتعرف على آلاف الفتيات و يعدهن بالزّواج؟
ألا يستحي؟ أي الأدب وأين الإلتزام بغض البصر واحترام نساء الغير
ألا تعلمين أن الكذب من أكبر الكبائر، والرّسول صلّى الله عليه وسلّم قال: (آية المنافق ثلاث، إذا حدّث كذب، وإذا وعد أخلف،وإذا عاهد غدر) "متفق عليه"
حزّ في نفس أنك تصفينة بالملتزم وهو فيه الصفات الثلاثة الدّالة على النفاق
***************************
يا بنيّتي -ربي يحفظك- توقّفن عن هذه العلاقات،، إرضي فقط بمن يتعب حتّى يصل لوالديك
حتّى تتأكّدي أن سيصونك مستقبلا إن شاء الله
إذا حصل وخطبك وتزوّجك، كيف ستطمئنين وهو خارج البيت يكلّم هذه ويمازح تلك ويعدُ أخرى بالزّواج
بالنّسبة لي -الخيانة- آفة، بل مرض ليس له علاج

[AMINA.Z]

انتي راهو عاجبك و حابتو
السيد يلعب ببنات الناس و نتي تقنعي في روحك بحكاية او واعي و رزين و و و
خمي بعقلك يا الاخت.

[زبدة ذايبة]

ماتحيري ماوالوا !!!!!!!!!!!!!!!!!!!!!

علاه تحيري ؟؟؟؟؟؟؟؟؟؟؟؟؟؟؟

هذ الحركات اللي يمارسوها الشباب الجزائري باتت مكشوفة

وظاهرة ماتسحق حتى واحد يوريلك الحق من الباطل

خدعهم ظاااااااااااااااااااااااااهرة

ماتغلطيش روحك نهائيا

صحيح ممكن وقت الزواج قد أقبل وأنت في السن التي تجعلك تفكرين في الزوج

لكن ليس بهذا الأسلوب

الخاطب يجي للبيت

الخاطب مايخطبش ومايمنيش شحال من وحدة بالزواج

هذا ذئب وليس رجلا.

مثل ماقال أحد الأعضاء هذا إنسان


مريييييييييييييض

بالتالي

دعك من التفكير فيه واجعلي كأن كلامه لم يكن

[أم رقية نسرين]

ختي العزيزة كون جا رزين كيما قلتي كون جا لداركم من الباب و خطبك
اخطيك منو الإنسان المتلاعب باين و متحتاجي حتى لواحد ينعتهولك
اقطعي علاقتك بيه نهائيا و ولد الحلال يجي من الباب
ربي يرزقك ويهنيك

[islameaya]

اهربي يا اختي منو هرووووووووووووب
واشبيكي بعدي منو دلوووووكة
يا اعتي فري بنفسك ..................
قبل ما تعلقي بيه وهو.........................

[أم زايد]

نصيحتي لكي اتركييه بدووون تفكييير

[mino 13]

خطيك خطيك منو
فى اول تشوفي راسك فيه وفى اخير تندمي
هادوا عباد فى اعتقادي لن يتغيرو
كي تاكدتي بلي كان يعد البنات بالزواج فى هدا الوقت كنت تبطلي كلش
وقرار لك فى اخير
الله يوفق

[متعلم انجليزي]

هل هذه افعال ملتزم

اذا راه ناوي الحلال
يتجه الى بيتك ويقابل اهلك

[متعلم انجليزي]

ربي يوفقك اختي في الاختيار

[loubna87]

خليه دوك دوك . واش مازال مستنيا منو . و الله راح تتعذبي لوكان تتعلقي بيه مليح . هذا النوع من البشر ما يتآمنوش راح يدير كتر بعد ما تتعلقي بيه . و دوك أصلا راكي تعيشي حالة شك . العلاقة بين إثنين مبنية على "الصدق" و هذا غشاش و مبنية على" الوفاء " و هو ليس وفيا لك و مبنية على الإحترام و هو لم يحترمك أمام تللك الفتاة . خليه توجدي راجل أكيد

[NAWEL44]

اختي في رايي هذا انسان لعوب لانو الراجل بكلمتو يتحكم واعد شحال من وحدة بالزواج و تأكدتي و مازالك حايرة كل شي راه باين

[oumhana]

هذا مشي رزين و ماشي متخلق وماتسيي تلقاي لو حتى عذر هذا ذيب من الذيوبه لكبار ديري مليح في بالك بلي كما دار لخرين رح يديرلك كيف كيف. و زيد بزياذه واش بيكم يابناويت طايحين على راسكم غير الخير ولاربي مزال مكتبش يعني غير تلحقو 27 ولا 30 سنه تولو غير زادمين. من جهة رزين ومتخلق من جيهة يلعب بالبنات وتسألي واش ديري؟؟؟ارمي عليك و فيقي بروحك. هو لي فيه طبة ما تتخبا

[blanche rose]

هو ماشاء الله عليه فاهم واعي وملتزم وماهوش من داك للي يقولو عندوهم افكار مراهقة !!!!!!


مي كي سقسيت مليح لقيتو كان داير اتفاقيات مسبقة مع غيري كم من واحدة يعني ماوصلتش لهاد ك الحد مي كامل يوعدهم بالزواج بجدية وباهلو.


. , ومزال لدرك في علاقة سطحية مع اخرى على حساب هدرتو وكان هكدا مع غيرها بزاف. !!!!!!!

أختي كل المعطيات عندك
وأنت متناقضة
ماعندوش أفكار مراهقة ويوعد لبنات بالزواج!!!
ملتزم وعندو علاقات

ووووو
هل تكذبين على نفسك؟؟

وما حكاية الوعد بالزواج!!
اللي بغاك يجي يدقدق الباب ويهدر مع اهلك

ماشي يخليك اون آتونت
ومن فوق راكي مجرد اسم في قائمة المنتظرات لتحقيق وعده!!!

لا تكلميه ولا تعطيه ولو لحظة من وقتك
اللي بغاك الدار قدامو..

مادام ما درتيش علاقات كوني شاطرة وكملي مشوارك إلى أن تجدي الرجل الذي يستحقك...

أما هذا فقد اختار الفتيات اللواتي لم تربطن علاقات ووعدهن بالزواج ليسهل الايقاع بهن
وهناك من الماكرين من يخطب الفتاة ويتلاعب بها وبعدها يفسخ الخطبة..
المظاهر خداعة فاحذري عزيزتي

واذا حبيتي رايي هذا ارميه عليك
خدع شحال من وحدة ووصلت به الوقاحة يوعد بالزواج باتفاق مع الاهل!!!!!
كي هو كي أهلو مخادعين
ممكن حتى اذا تزوج وحدة يطلقها عادي
حاب يرضي غرورو فقط..

ربي يسعدك