هل قرار والدتي هو الحل؟

[مشكلتي]

السلام عليكم و رحمة الله وبركاته

نحكيلكم بالمختصر و ياريت من عنده تجربة يفيدني بنصائحه.

عندي أخي عمره21 سنة عايش مع والدتي و والدي، و 2 إخوة متزوجين في الخارج و أنا متزوجة بعيد على أهلي المهم، أخي منذ أن كان في المتوسطة بدأ يتبع أصحاب السوء و إستدرجوه باش يتعاطى المخدرات، و حبس القراية لأنه عاود شحال من مرة في نفس القسم، حنا كامل في البيت سمعنا بتعاطيه، و تكلمنا معاه و نصحناه و توقف يامات، والدتي سجلاته في شركة باش يدير تكوين قرى شهور و توقف، و رجع للتعاطي ،حتى مرة تعاطى جرعة زائدة و دخل في غيبوبة ، جرات بيه والدتي للمستشفى و عالجوه، و نصحوها تاخذه لمصلحة مكافحة الإدمان في بليدة، دخل للمصلحة تقريبا شهر و أعطاوله أدوية و متابعة عند طبيب نفساني، و والدتي حاولت بكل جهدها أنها توفرله كل واش يحب من لباس و أكل ،واش يطلب تشريله تحرم من نفسها و تمدله و تقولي ممكن ربي يهديه،حتى خاوتي من الخارج و يبعثوله واش يحب ، و هذا العام زادت سجلاته في مركز التكوين المهني و هذا الأسبوع قرر باش يحبس القراية، قالنا كرهت و بزاف عام ونص، و عاود رجع للإدمان دياله بكثرة حتى شرب الخمر أعزكم الله، و صار يهددها يبيع مقتنيات البيت إذا ما مدتلوش المال و رفد يده عليها شحال من مرة، و البارح قررت أنها تبعثه لأداء الخدمة الوطنية و جرات عليه و قالولها أبعثيه يدير الفحص ،(هو راه متأخر لأنه الدفعة دياله راهي فاتت)، قالتلي باش نتهنى منه و يذوق المزيرية لأنه ما حبش يحمد ربي على الخير ألي راه فيه.

راح تقولولي الوالد وين راه من كل هذا؟؟والدي سامح في البيت و متخاصم مع الوالدة، ياكل و يرقد برك، هي ألي تصرف عليه وعلى الدار، وهذا الشيء زاد أثر في أخي.

هل القرار ألي توصلت ليه والدتي هو الحل لمشكلة أخي؟مرات تقولي نشتكي بيه للأمن و لكن تتراجع و تقول راح تسوء السمعة دياله.

[طيور الجنان]

اختي امك عندها الحق تبعثو للخدمة الوطنية باه يتأدب هي أكيد صعيبة عليها و عليكم لكن الام دير اي حاجة على جال ولادها.ربي يسهللكم و يهديه ربي الى الطريق المستقيم و تفرح بيه امك اااامييييين.
والوالد تاعك ربي يسامحو و يهديه

[AMINA.Z]

تخاف لتم يزيد يضيع
الخدمة العسكرية ماهيش مصحة لمعالجة الادمان
ابعثوه لمصحة ..حتى و لو كانت في الخارج عند خاوتو و هوما يعسوه ...اذا حابين صح مصلحة خوك
الادمان صعييب بزاف...لازم واحد يتحمل مسؤوليتو و يبق يتبع فيه.
ربي يفرج عليكم

[زبدة ذايبة]

كل هاذا ومازالكي شاكة !!!!!!!!!!!!!!!!!!!!؟؟؟؟؟؟؟؟؟؟؟؟؟؟؟

وش حبيتي تزيدو ديرولوا ؟؟؟؟؟؟؟؟؟؟؟؟؟؟؟؟؟؟؟؟

راه دار كلش !!!!!!!!!!!!!!!!!!!!!!!!!

ماخلى ماخلف !!!!!!!!!!!!!!!!!!!!!!!!!!!!!

لا لنفسو ولا لأمو ولأخوتو

واش حبيتي ؟؟؟؟؟؟؟؟؟؟؟؟؟؟؟؟

لاحول ولاقوة إلا بالله

هذي مشكلة كبيييييييييييييييييييييييييييييييرة

دول العالم كلها تحارب في المخدرات

العلم لحد الساعة لم يتوصل للعلاج وإزالة السموم والإدمان من المرضى

المخدرات هدر للطاقة الإنسانية وخطر كبير يهدد المجتمع.

قرار أمك غير صحيح وغير صائب

كان الأصح أن تبلغ عنه المراكز المختصة لاحتجازه ومعالجته -رغم أنه لاعلاج 100%-

-اسمحيلي راني مرة نكتب بالدارجة ومرة باللغة -

خوك هذا كان من المفروض مايروحش للجيش

واش يروح يدير يروح يعلم اولاد الفاميليا التعاطي

يروح ينشر رذيلته في وسط الشباب

لاحول ولاقوة إلا بالله

كانت لي صديقة ولازالت علم وأدب وأخلاق وعائلة طيبة جدا

تعلم أخوها التعاطي في الجيش

وأصبح مدمنا

كانت نهايته ان انتحر

في أسرة محافظة جدا ومتدينة جدا

رفقاء السوء يستغلون غربة الشباب وبعدهم عن أهليهم

وإحساسهم بالفراغ ليروجوا المخدرات والخمور.

حسبنا الله ونعم الوكيل

أخوك مكانه المصحة النفسية

أعلم أن كلماتي قاسية جدا جدا عليك

لكنها الحقيقة والحقيقة المرة

لابد له أن يتعالج أو سينتهي به الحال إلى الجريمة

إما في حق نفسه

أو

أمك

أو المجتمع

سبحان الله

يماك ماربحتش عليه !!!!!!!!!!!!!

العسكر يربح عليه ويدربوا باش يولي صالح في المجتمع !!!!!!!!!!!!!!

راكم غالطين. شوفي كيفاش تعالجوه.

ومع مرور الوقت تزداد حالته سوءا

رب يثبتلنا العقل والدين.

الناس اللي مرضو بالأمراض العقلية يتمناو يكونو كيما كل الناس

واللي بعقلو يبيع عقلوا بالمخدر والخمر باش مايجيبش خبر

في الأخير يقتل نفسه أو أهلوا.

أعتذر إليك من صراحتي

لكن صدقيني هذا هو الواقع

وهذه هي حقيقة المدمن على المخدرات

خطر على نفسه وعلى أسرته وعليك أنت أيضا

ماتقوليش راني مزوجة مايجيش لعندي ومايجيش لعند راجلي

فكري مليح

رب يصلح حالكم ويهدي شباب المسلمين

[ام ضياء01]

اعيدو إدخاله للمصحة افضل

[متعلم انجليزي]

الخدمة الوطنية ميزيرية وكاين ليتعلمو يتعاطاو فيها (المخذرات) باش ينساو
لكن الشئ الايجابي يتعلم الانضباط ويبتعد ان اصحاب السوء
ويزيد لازم يكون دائما صاحي رغما عنه لان نتيجة مخالفة القوانين هي العقاب عن طريق الاهانة النفسية (اعمال عقابية تقلل من احترام الشخص لذاته)وقد تصل حتى الى السجن
وزيد يتعرف على الناس ويتعلم المسؤولية وزيدي الابتعاد على الاهل وهذا في مصلحته ليعرف قيمتهم
اظنه افضل حل والله اعلم

[متعلم انجليزي]

ربي يهديه ويشافيه

["أحمد المحمدي"]

شوفي هو إذا راه باغي يروح للجيش علاخاطرش أمّك ما تقدرش تفرض عليه حاجة ما يبغيهاش هو

ممكن الجيش يكون سبب في صلاحة او يمكن يكون سبب في زيادة سوء حالته وممكن حتى يكون سبب في موته

قولي لأمّك تدعيلو ربّي يهديه وزيدي أنت مدّي زيارة للمسجد واحكي للإمام قصّته ليدعي له هو والمصلّين في الجمعة

هذا لا أحد يقدر على إصلاحه إلّا ربّ العالمين الّذي خلقه

ساعفوه بالاك عندو بروبلام

[baalache]

قولي لامك تدعيلو برك

[NAWEL44]

لو رجعاتو للمصحة ممكن احسن و الله اعلم ربي يفرجها ان شاء الله ادعي ربي

[أم زايد]

السلام عليكم
اضن أحسن قرااار
و لكن اسمحيلي أعقب ع كلامج
بالنسبة كل لكل القرارات اللس سوتها امج صحيحة و ماشاء الله عليها ، بس الخطأ انكم يوم وديتوه المصحة ما حرمتووه من شيء و بالغتو في الاهتمام به و توفيرله كل ما يتمنى .. هذا خطأ .... دور أمج انتهى يوم ودته المصلحة .... و عقب خروجه من المصلحة دوركم تتقبلوه و لا تحسسوه بالاختلاف بينكم و فقط ، أما تشتروله و تعطوه فلوس و هالسواالف هي اللي خربته .
أخيرا أسال الله له الهداية و التوبة .
و الدعااء له سحر قوي ما عليكم إلا الدعاء له ., ويوم يسير الخدمة الوطنية لا تزيدون اهتمامكم به أو تطرشولو فلوس و مادري شو لانكم بتخربونه هو ريااال مب ياهل يعني خلص مب طفل أو مراهق .

[oumhana]

أختي لازم يماك تشكي بيه نعم تشكي بيه يدوه للمصحه ويعاودو العلاج من الأول العسكر ماراحش يداويه من المخدرات .اختي رجعوه للمصحة بالقوة إذا لزم الحال.كانت عندي جاره عندها ولد واحد خدمت عليه وفنات عمرها على جالو مرة سمعت بلي راه يتعاطى المخدرات دارت لي ميندارش باه يبطل بصح مبطلش .زوجاتوكيف كيفـ المهم مبلغتش عليه وولات عندها نورمال وليدها يتعاطى المخدرات مسكينه من قوة ما تخاف عليه وفرتلو كلش حتى مره باعت من سياغة تاعها باه وليدها يشري السم.(قلب الأم حنين بطبيعته).إسمحيلي طولت عليك.واحد نهار من نهارات زوجة تاعو كانت عند مواليها وكانت غير يماهامع une cousine تاعهم و الي كانت قريب تولد كانت ضيفة عندهم.السي خونا دار السم تاع الفيران في العصير وكحطت يماه لعشا وشربت هي و الضيفة تاعها هداك العصيرماتوفي زوج .ولوكان غير بقات لحكايه في الموت الله يرحم الأم والضيفه والبيبي.بصح واش دار من بعد.......تعدى على أمو جنسيا نعم أختي جنسيا وهي ميتة حق الخير. والله والله والله غير لحكايه واقعية وصرات في حومتي.كفاش عرفنا. جارتها وصديقتها تاع لعمرلاحظت بلي الأم عندها مده مبنتش هاتفتها مردش و بحكم أنها جارتها راحت تطل عليها لقات باب الدار مفتوح عيطت عيطت واحد مرد دخلت للصالون لقات الزوج نسا ميتين و المائده محطوطةوالفراشات مقلبين ولخزانه مفتوحة. خلات كلش في بلاستو مامست والو- مرا كبيره وشاطره -جبدت الباب وراحت لدارها بلغت الشرطه. هنا نختصرلك شويه قالو بلي جماعه دخلت سرقت و دارت واش دارت .نعم بعد التحريات ظهر بلي دخلت جماعه و سرقت صح .بصح مشي هوما لدارو هداك الشي هوماسرقو برك ومع التحاليل لقاو بلي هو لي تعدى على أموجنسيا .هوليدار السم في العصيروهو لي تفاهم مع المجموعه باه يدخلو يسرقو برك.هذه قصه أم تحب وليدها بزافـ المهم حكمولو مؤبد.

[nanossim]

للهم اغفر للمؤمنين والمؤمنات الأحياء منهم والأموات
سبحان الله وبحمده سبحان الله العظيم

['مــــــــــــرجان نينو']

على ماظن وارى انه احسن حل اختارته الوالدة

ربي شافي الجميع ان شاء الله

ان شاء الله عندما يروح للخدمة الوطنية

يعرف قيمة والديه ويتعلم الانضباط

[نسيم الريح ش]

الله يهديه

[إكليل]

السلام عليكم و رحمة الله تعالى و بركاته

أول شيء أدعو الله لأن يهدي أخاك للطريق المستقيم و ربي يكون في عون أمكم .

ثاني شيء أوافق الأخت إيمان على ما قالته زيادة الإهتمام هي التي ضيعته لكن لازم الأم تكون نوعا ما صارمة في تعاطيها مع أخيكم.

أما بالنسبة للخدمة الوطنية فلست أدري ربما ينصلح حاله هذا بيد الله سبحانه و تعالى .لكن على الأم أن لا تبدي إهتماما زائد بشقيقك لأن هذا ما أفسده و تخليه يخدم حتى يتعلم المسؤولية لا أن توفر له كل شيء فلا يجد ما يفعله إلا الحرام .