بنات رايكم يهمني ؟؟؟؟

[اسيا26]

صباحكم سعيد سؤالي موجهة للبنات فقط
كان تلقاي منصب عمل محترم في مؤسسة عمومية ويكون بعيد على داركم ب100 كم -ومكاش لافامي تروحي تقعدي عندهم
علما انك كبيرة في العمر33 سنة وعندك مدة طويلة ملي تخرجتي من الجامعة
هل تقبلي هذا المنصب ام تسمحي فيه؟؟؟

[amina l'algérienne]

اسمحيلي نقلك رايي انا شخصياا مانقبلش 100كم بزاااف و كيما انتظرت السنين لي فاتو نزيد ننتظر و ربي هو الرزاق
ربي يوفقك ان شاء الله و ييسر امرك

[anfal10]

انا ما نقدرش راني كثر منك في اللاج او ماشي خدامة صبت بزاف في العاصمة مي ماعنديش لافامي حتى لو عندي ما نقدرش نعيش معاهم كول وحدة او عقليتها باش نكري كيما بعض لبنات دارنا ما يحبوش او انا تاني نخاف على روحي
ربي يرزقك ان شاء الله اصبري برك.

[اسيا26]

شكرا اخواتي على الردود لكن بعد مهزلة ولايتي المحترمة قررت ان اغامر ولا انتظر صدقة ولايتي لان الاولوية لاولاد بلدية المدية والباقي في مهب الريح
من طرائف ولايتي..... المدية
مسابقة توظيف على مستوى اقليم الولاية فيشارك فيها اصحاب التخصص المطلوب القادمين من مختلف بلديات الولاية المحترمة ويتم قبول الملفات عادية
والطريف في الامر :ان الاستدعاءات توجه الى اولاد بلدية المدية فقط فيما اقصي الاخرون والسبب المضحك انهم ليسو من بلدية المدية
هل الوظيف العمومي حدد مثل هذه الاجراءات التي تدعو الى تهميش الشباب ؟المسابقة على اساس الشهادة ؟؟؟؟؟؟حسبي الله ونعم الوكيل ...والحمد لله