بريد الجزائر : دفع 130 دج على كل طرد تستلمه

[zaki17]

السلام عليكم و رحمة الله تعالى و بركاته


طلب مني "الفاكتور" -ساعي البريد- 130 دج على كل طرد استلمته ... أول مرة تحصل لي ففي الماضي استلمت العشرات من الطرود و لم أدفع شيئ !


علما ان السلع التي اشتريتها من النت فيها من دفعت ثمن الشحن و الاخرى هي شحن مجاني ... يعني ندفع ثمن الشحن مرتين ؟؟؟

هذا خارج عن القوانين التي تتعامل بها جميع وكالات البريد في العالم


السؤال كيف نفهم هذا الناس الذين يعملون في البريد أن هذا العمل خارج عن قوانين و أعراف البريد في العالم ؟؟ أم نحن دولة تمشي خارج السرب لها قوانينها الخاصة ؟؟؟؟

[" رَائِد المًسْتَقْبَـــل "]

ساهلة خويااخطفهالو من يدو و قلو اذا عندك دليل بلي مخلصتكش روح اشكى لابوليس
ياك قالتلهم الوزيرة ديرو كاميرات هوما لي محبوش

[zaki17]

كيف اخطفهالو من يده ههه حتى خلصته و امظيت باش اعطلني الطردين !!!

زيد قالي المرة الجاية نخلض 20دج لكل يوم يقعد عندهم الطرد ..

راني شاك حبوا يديروا المشاكل للوزيرة "الصغيرة" باش تكره و تستقيل و الا يطردوها لكثرة المشاكل في القطاع ,,, اللي يعمل في هذه البلاد يكسروه

[yacine ebay]

لا البريد يعمل ولا الوزيرة تعمل ولا اي شيء خلوووونا عمبالكم صح وزيرة مليحة هادو تعليمات تاوعها
المهم بلاد مثقوبة
صحيتو

[passerby]

بلاد ميكي انا وصلوني 3 سلع مخلصت والو المرة الاخيرة طلب مني 30 دينار بعدها 50 د قالي خاطيه لحكاية من عند سيادو
راني ننتضر شهر في سلعة لم تصل ربي يحفض
ربي عالم واش راهم اديرو

[zaki17]

لا البريد يعمل ولا الوزيرة تعمل ولا اي شيء خلوووونا عمبالكم صح وزيرة مليحة هادو تعليمات تاوعها
المهم بلاد مثقوبة
صحيتو

"مثقوبة" ههه لكن ما هو الحل ؟؟

كيف نقول لهذا الناس نتاع البريد بلي راهم غالطين ؟؟ "الكولي" يقعد شهر و أكثر و هو يدور عندهم و زيد نخلصو عليه ؟؟ بأي حق ؟؟

[zaki17]

بلاد ميكي انا وصلوني 3 سلع مخلصت والو المرة الاخيرة طلب مني 30 دينار بعدها 50 د قالي خاطيه لحكاية من عند سيادو
راني ننتضر شهر في سلعة لم تصل ربي يحفض
ربي عالم واش راهم اديرو

شهر واحد ؟؟ راك مليح !! أنا هذه ال"كوليين" راني نستنا فيهم من 11 / 11 و لما جاوني اليوم كون مارحتش نستفسر كانو ربما يرجعوهم من حيث أتو !! قعدو عندهم شهر تقريبا و ما حبوش يحطوهم في ص,ب نتاعي أرواح انت و افهم ...

يا هل ترى يأتي اليوم أين تصبح تجيك الرسالة أو الطرد في خلال يوم او يومين مثل الدول المتقدمة ؟؟؟

[yacine ebay]

اخي zaki17 وين جابهملك ؟
للولاية ولا لمركز البريد تاع البلدية تاعك ؟

[passerby]

شهر واحد ؟؟ راك مليح !! أنا هذه ال"كوليين" راني نستنا فيهم من 11 / 11 و لما جاوني اليوم كون مارحتش نستفسر كانو ربما يرجعوهم من حيث أتو !! قعدو عندهم شهر تقريبا و ما حبوش يحطوهم في ص,ب نتاعي أرواح انت و افهم ...

يا هل ترى يأتي اليوم أين تصبح تجيك الرسالة أو الطرد في خلال يوم او يومين مثل الدول المتقدمة ؟؟؟
يلزمك تراقب رقم التتبع ان كان موجودا و تروح للبريد استفسر عن السلعة يعني قصرلهم راسهم
انا مثلا اشتريت سلعة بتاريخ 2/12/2015 http://www.17track.net/en/track?nums=RC919414825HK&fc=0
بمجرد تغير شيئ ادهب الى البريد استفسر
طرد يصل في يوم او يومين في الاحلام محال مرة وصلت سلعة اكثر من 8 ايام و هي في البريد عندهم الفاكتور فنيان ربي يستر من هد البلاد

[اسامة لؤي عبد الحليم]

ربي يجب الخير

راني نستنا في طرد منذ 26 / 10 / 2015

والله لا خبر

[brezzage]

مناش فاهمين والو نبطلو التسويق وخلاص

[kokozaki]

لا أخي الكريم , هذا القانون جديد تدفع على طرد تستمله

دخلت الامس الى مركز البريد و رأيت لافتة كبيرة موضوع عليها جميع الاسعار لجميع الطرود و الاوزان ...

هذا قانون جديد داروه , انا ايضا دفع 130 دج الى طرد ,,, ميحشموش اخي الكري , على زين الخدمة لي أوفروها و ازيديو اديروا ضرائب

معندك مادير خويا لاسف

[coliotte]

بالمناسبة في الجزائر فقط لا ندفع
في مصر و الكتير من الدول الاخرى متل افريقيا الجنوبية دائما تدفع من 5 الى 20 دولار

انا لم يطلبوا مني ان ادفع من قبل لكنني اعطي دائما ساعي البريد 200 دج لقاء تعبه
واصبحت معاملاتي معه جيدة ويحظر لي كل الطرود بسرعة حتى ولو كانت كبيرة
فلا تكونوا بخلاء وتفسدوا الامر . فقط ادفع ال 120 دج

[trompettiste]

هههههههههههههههههههههههههههههه أنا طلب مني دفع 170 دينار عن أي طرد يصلني :/

[** جيــل الثمانينـات **]

الله يجيـب الخيـر ما تفهـم والـــو صدقنيــــي

[omar-fadel]

سلمت طرد هدا وين دفعت عليه 150 دج قتلوا نتاعش؟ قالي تاكس و150 دج عبارة عن 15 طرد بريدي نتاع 10 دج وكل مرة أدفع 150 دج

[النجم الاسود]

سرقة مقننة لجيوب الشعب مقابل اسوء الخدمات عالميا و سرعة سلحفاتية لتوصيل سلع الناس ؟ الله لا تربحهم

[" رَائِد المًسْتَقْبَـــل "]

كيف اخطفهالو من يده ههه حتى خلصته و امظيت باش اعطلني الطردين !!!

زيد قالي المرة الجاية نخلض 20دج لكل يوم يقعد عندهم الطرد ..

راني شاك حبوا يديروا المشاكل للوزيرة "الصغيرة" باش تكره و تستقيل و الا يطردوها لكثرة المشاكل في القطاع ,,, اللي يعمل في هذه البلاد يكسروه

قولو هاتلي نشوف رقم تتبع و اديه
الوزيرة هي لي دارتلنا المشاكل و هي علابالها بالوضع كيفاه راه و التدهور لي راها فيه
يااخي ماتعاودش دافع على الوزيرة

بالمناسبة في الجزائر فقط لا ندفع
في مصر و الكتير من الدول الاخرى متل افريقيا الجنوبية دائما تدفع من 5 الى 20 دولار

انا لم يطلبوا مني ان ادفع من قبل لكنني اعطي دائما ساعي البريد 200 دج لقاء تعبه
واصبحت معاملاتي معه جيدة ويحظر لي كل الطرود بسرعة حتى ولو كانت كبيرة
فلا تكونوا بخلاء وتفسدوا الامر . فقط ادفع ال 120 دج

ههههههههه نسقسيك خويا هاذيكالـ 200 دج لي تمدهالو بـ نية الرشوة اوهدية ؟
و الي يخلص 200 دج في اليوم واش يدير ؟ يخدم على الفاكتور مثلا ؟
هذا مهمة تاعو يوزع الطرود و راه خالص عليها و حنا نحبوه و مش شرط نكرموه بالدراهم ( نكرموه بابتسامة تكفي :) )
و قلت لنا اصبحت معاملاتك جيدة معناها هذا الفاكتور لي ما يعطيلوش الدراهم ما يجيبلوش لكولي تاعو ولا كيفاه ؟
لو كان صادق في خدمتو كون راه دائما يجيبلك ليكولي في وقت واحد
اي لا يوجد فرق بين قبل ان تعطيه 200 دج و بعد ان تعطيه 200 دج
ملاحظة : من حديثك يستطيع اي شخص ان يستنتج انه تغير وضع الفاكتور بعد الـ 200 دج ( راجع كلامك )

[yacine ebay]

الدزاير راحت لاخاطش كثرو الفلاسفة -_-
تقرى الردود مخك يتبهلل ويسيل من ودنك

خلونا من التحراش و هايا نديرو مضاهرات خخخخخخخ

[kheirourabangbang]

خاوتنا انا عندي رسائل وطرود من سبتمبر تم الشحن عبر البريد المسجل حتي لدوكا ماكان حتي جديد زعما يكونوا حكمينهم في الجمارك مع علم مالحقني حتي اشعار

[xeno]

بالمناسبة في الجزائر فقط لا ندفع
في مصر و الكتير من الدول الاخرى متل افريقيا الجنوبية دائما تدفع من 5 الى 20 دولار

انا لم يطلبوا مني ان ادفع من قبل لكنني اعطي دائما ساعي البريد 200 دج لقاء تعبه
واصبحت معاملاتي معه جيدة ويحظر لي كل الطرود بسرعة حتى ولو كانت كبيرة
فلا تكونوا بخلاء وتفسدوا الامر . فقط ادفع ال 120 دج

ضحكي الرد هذا بما فيه من كذب و تمسخير

[zaki17]

قولو هاتلي نشوف رقم تتبع و اديه
الوزيرة هي لي دارتلنا المشاكل و هي علابالها بالوضع كيفاه راه و التدهور لي راها فيه


يااخي ماتعاودش دافع على الوزيرة





اسمح لي مانزيدش نعاود ,,,

:cool:

[" رَائِد المًسْتَقْبَـــل "]

اسمح لي مانزيدش نعاود ,,,

:cool:


:1:

و الله يا خويا كون تجي تشوف تلقاها هي السبب في واش راه يصير

[azaiz1977]

هاذي دولة ميكي

[algosto]

سرقة سرقة سرقة سرقة سرقة

[coliotte]

توقفوا عن البخل المال ليش شخصا 120 دج زيادة لن تضرك والله تعالى يعوضك ان شاء الله و احمد الله ان الطرد وصلك الى هدا البلد بسلام الدي اعتقدت انه لا يصل شيئ اليه .


بخصوص رد " رَائِد المًسْتَقْبَـــل " (http://www.djelfa.info/vb/member.php?u=571309) رشوة ؟ حرام عليك يا أخي انا مسلم ولا ارشي ولا اكل الربى لمدا هدا التفكير السلبي ؟؟

هدا يسمى بقشيش او اكرامية

ليس علي دفعها لكنني افعل رغم دلك الرجل لديه 8 اولاد و الراتب الدي يحصل لا يكفي لاعالة اولاده
يمكنني الدهاب الى مركز البريد بنفسي واستلم الطرود واغلب الطرود استلمتها بنفسي لاني اسكن 200 متر فقط عن المركز و يمكنني رؤيته من النافدة . ولا حاجة لي لساعي البريد اصلا فلما ارشيه




بالمناسبة 200 دج لن تغير احوال ساعي البريد الامر ليس بيومي وحتى لو كان هل تضن انها ستغنيك ؟ بفف لمادا لا تقوم بعميلة حسابية وتركز في الامر لاشهر بينما تحول الاطلاع على محتويات اكياس المشتريات في ايدي جيرانك بينما انت في باب قهوة النهار كامل بجوطابل في يدك




ربما قلبك صلب كالحجارة وتحب جمع المال وعده اما انا فلا


ربي يهديك -_-

[جمعي البشاري]

بلاد ميكي بلاد تاع تيكي
والسرقة

[" رَائِد المًسْتَقْبَـــل "]

توقفوا عن البخل المال ليش شخصا 120 دج زيادة لن تضرك والله تعالى يعوضك ان شاء الله و احمد الله ان الطرد وصلك الى هدا البلد بسلام الدي اعتقدت انه لا يصل شيئ اليه .


بخصوص رد " رَائِد المًسْتَقْبَـــل " (http://www.djelfa.info/vb/member.php?u=571309) رشوة ؟ حرام عليك يا أخي انا مسلم ولا ارشي ولا اكل الربى لمدا هدا التفكير السلبي ؟؟

هدا يسمى بقشيش او اكرامية

ليس علي دفعها لكنني افعل رغم دلك الرجل لديه 8 اولاد و الراتب الدي يحصل لا يكفي لاعالة اولاده
يمكنني الدهاب الى مركز البريد بنفسي واستلم الطرود واغلب الطرود استلمتها بنفسي لاني اسكن 200 متر فقط عن المركز و يمكنني رؤيته من النافدة . ولا حاجة لي لساعي البريد اصلا فلما ارشيه




بالمناسبة 200 دج لن تغير احوال ساعي البريد الامر ليس بيومي وحتى لو كان هل تضن انها ستغنيك ؟ بفف لمادا لا تقوم بعميلة حسابية وتركز في الامر لاشهر بينما تحول الاطلاع على محتويات اكياس المشتريات في ايدي جيرانك بينما انت في باب قهوة النهار كامل بجوطابل في يدك




ربما قلبك صلب كالحجارة وتحب جمع المال وعده اما انا فلا


ربي يهديك -_-



اخي اولا راجع ردك الاول فردك الاول يتناقض معا هذا الرد
ثانيا على حسب ما فهمت من كلامك انك تعطي للفاكتور 200 دج كصدقة
اخي الصدقة هذي خليها مستورة احسن باه يتضاعفلك الاجر
كيما قالو ناس زمان دير الخير و نساه ماشي دير لخير و اهدر عليه
ثالثا دفع 130 دج ماتروحش للشهرية تاع الفاكتور تديها شركة البريد
رابعا دير في بايلك ماشي كاملا الشعب ملياردير راه مازال كاين لي يخلص مليوم و زوج في الشهر و خدام على عايلة يعني الصدقة هاذي على الفاكتور ماشي كامل الشعب يقدر يصدقها (عندها شروطها الصدقة )
خامسا ماشي كامل ليفاكتور كاما هاذا الفاكتور ( الا اذا كانت زرت 48 ولاية و شفت الفاكتورات كاملين )
سادسا لا يحق عليك اتهامي بحمل كاس القهوة و التجسس على الجيران هل تعرفني ؟ ( عيب عليك خويا )
سابعا لا يحق لك الحكم على قلبي حجرة او بلوكة انا كي ندير لخير مانهدرش بيه :)

[coliotte]

ليست صدقة هدا يسمى بقشيش او اكرامية
tip in english
هنالك من اسوء منه حالة الف مرة فلما اتصدق على فاكتور
هناك فرق كبير جدا . يعني في الاول اتهمته بقبول رشوة والان هو شحات هههه يخي عرب يخي
على اي حال الاكرامية اختيارية و ليست موجبة من طرف القانون

اما تلك ال 120 دج فهي موجبة من طرف الدولة لكنني لا ارى ان 120 دج بالشيئ كبير فقد استلمت طردا فاحمد الله على دلك وادفع
على اي حال لا يوجد شيئ يمكنك فعله حول دلك
وكما قلت كل الدول تدفع
صديقي في مصر اشترى سلعة من الي اكسبرس ب 2 دولار ودفع 32 جنيه مصري في البريد ما يعادل 4 دولار لاستلامها

فما بالك بسلعة تشتريها ب 200 دولار ما يعادل 32000 دج و تكون 120دج مشكلة بالنسبة لك

[ahmed 90]

أكبر دليل أن 130 دج سرقة من طرف عمال بريد الجزائر هو أنه يوجد مراكز بريد تطلبها و أخرى لا ؟؟؟
الله لا تربحهم

[الأسـود]

اخواني ماشي مليح الجدال كاين الي عندو ربي يزيدلو تجيلو 130 والو لازم يفهم بلي لي ماعندوش جيلو بزاف و الي ماعندوش لازم يفهم بلي اذا زاد الي عندو فهذا كرم و ليس رشوة "انما الاعمال بالنيات' و كاين سلع تاع 50 سنتيم تغيضك تخلص عليهم 130 دج و كاين سلع تع 50 100 دولار ماتديرونجيش و جمعة مباركة

[toufik_dj]

مناش فاهمين والو نبطلو التسويق وخلاص
هم هاذي الي يحوسو اعليها

[islam44200]

السلام عليكم
منذ شهر سبتمبر لم أتوصل بأي سلعة تبا لقد كرهت التسوق بلاد التخلف ,, سبعة طرود لم تصل أرجو الرد لمن حصل معه نفس المشكل وشكرا

[" رَائِد المًسْتَقْبَـــل "]

ليست صدقة هدا يسمى بقشيش او اكرامية
tip in english
هنالك من اسوء منه حالة الف مرة فلما اتصدق على فاكتور
هناك فرق كبير جدا . يعني في الاول اتهمته بقبول رشوة والان هو شحات هههه يخي عرب يخي
على اي حال الاكرامية اختيارية و ليست موجبة من طرف القانون


اما تلك ال 120 دج فهي موجبة من طرف الدولة لكنني لا ارى ان 120 دج بالشيئ كبير فقد استلمت طردا فاحمد الله على دلك وادفع
على اي حال لا يوجد شيئ يمكنك فعله حول دلك
وكما قلت كل الدول تدفع
صديقي في مصر اشترى سلعة من الي اكسبرس ب 2 دولار ودفع 32 جنيه مصري في البريد ما يعادل 4 دولار لاستلامها

فما بالك بسلعة تشتريها ب 200 دولار ما يعادل 32000 دج و تكون 120دج مشكلة بالنسبة لك




الحمد لله اخي اعتفرت انها اختيارية وليست اجبارية

[" رَائِد المًسْتَقْبَـــل "]

اليوم استلمت طرد عبر البريد الهولندي
رقم تتبع لمن يهمه الامر
rs383665786nl
للعلم لم يطلبوا مني دفع اي شيء استلمته عادي

[zaki17]

السلام عليكم
منذ شهر سبتمبر لم أتوصل بأي سلعة تبا لقد كرهت التسوق بلاد التخلف ,, سبعة طرود لم تصل أرجو الرد لمن حصل معه نفس المشكل وشكرا

أخي أنا اليوم و صلني طردين الى ص,ب و لما شاهدت "الكاشي" نتاع البريد و جدت أن طرد وصل في 1 ديسمبر من 2015 و لم يسلموه لي الا اليوم -كلها سلع اشتريتها في تخفيظات 11/11 - انا فهمت - والله أعلم- أنه لم يسلموا الطرود الا في سنة 2016 كي يحسبوا فيها "التاكس" الجديد اللي هو 130 دج,,,, و طبعا دفعت 130 دج لكل علبة

اصبر أخي ... ان شاء الله تصلك السلع في أقرب وقت

[يااسين2]

هذي سرقة باسم القانون ، انا شخصيا استلمت طرود في 27 نوفمبر و 25 ديسمبر 2015 في مركز بريد ورقلة و لم ادفع اي ضريبة اضافية

ربما السبب الذي يجعلهم يفعلون هذا هو يكرهو الشعب باه يبطل التسوق من الانترنت ، يعني مكر و حسد و بخل لا غير

[مراد الجلفاوي]

بالمناسبة في الجزائر فقط لا ندفع
في مصر و الكتير من الدول الاخرى متل افريقيا الجنوبية دائما تدفع من 5 الى 20 دولار

انا لم يطلبوا مني ان ادفع من قبل لكنني اعطي دائما ساعي البريد 200 دج لقاء تعبه
واصبحت معاملاتي معه جيدة ويحظر لي كل الطرود بسرعة حتى ولو كانت كبيرة
فلا تكونوا بخلاء وتفسدوا الامر . فقط ادفع ال 120 دج

لا حول ولا قوة إلا بالله ....

و لماذا تعطيه النقود ؟؟؟؟؟؟؟؟؟؟؟؟؟؟؟؟؟؟
هذه تسمى رشوة (ليست إكرامية- كما يسميها أمثال أمثالك :19:) ، الحمد لله أستقبل السلع منذ سنتين، و الله لم أدفع فلسا واحدا، حتى هذه اللحظة ....

نصيحتي للأعضاء، قوموا بإرسال شكاوي إلى الوزيرة المعنية، لا يوجد أصلا أي ظريبة على تلقي الطرود من الخارج .

الله يهدينا و يهديكم .

[mehdadi1]

اليوم استلمت طردين ولم ادفع اي ظريبة

القانون مطبق في بعض الولايات فقط مافهمنا والو

الله يقدر الخير

[أمان الله صهيب]

بلاد كارثة بمعنى الكلمة

[oussama1997]

اتصل بي عامل بريد اخبرني ان اتي بجانب البريد في سيارة ems.
قال لي وصلك طرد من الصين. اجلب بطاقة التعريف + 130 دج
بالفعل ذهبتالى المكان واعطيته 130 دج وسلمني الطرد بعد ان قمت بالتوقيع
للعلم اني كنت استلم الطرود من البريد الجزائري ولا ادفع اي رسوم
اظن ان هذه الرسوم من اجل التوصيل من طرف ems ؟!

[didou86]

هاذوا سراقين انا وصلتني سلعة من موقع aliexpress عن طريق البريد الهولندي و زاد الفاكتور قريب بحرلي الإشعار بالوصول ما لحقوش للدار و لما رحت أستلم قالك لازم تخلص 130دج + 30 دج على كل يوم تخزين ولاد لحرام يوصلك الإشعار روطار و قادر قع ما يلحقكش و زيد يقولك تخلص الروطار يطيحولك قع 230 دج بلاد العجائب و الله ولاد لحرام و كلاب حشا البعض مزيا كان الغاشي في البريد لكان سمع كلام بلاد ميكي الصيني يبعثهالك باطل و هنا التخلص الروطار و لوكان ما جاتش غالية لاكنت قتلوا بخر بها يا حيوان :mad:

[backtoback]

اليوم توصلت بهاتف من ebay عن طريق usps .. تم استلام الطرد من البريد في مقر بلديتي و لم ادفع اي سنتيم

[bingou]

الله غالب كيما يحبوا

[Scorpion Dz]

مبروك عليك اخي