مديري

[مشكلتي]

السلام عليكم
ترددت كثيرا في ان اطرح مشكلتي في المنتدى لكنني قررت اخيرا ان استشيركم فيها على الاقل لعلي اجد لديكم توجيها او مساعدة....انا فتاة عمري 26 سنة جامعية و موظفة في مؤسسة مرموقة والحمدلله ولدي منصب كدلك جيد بها...جاءنا مؤخرا مدير جديد اصبح لدي معه عمل ككل عمال المؤسسة وكونه جديد اصبح احتكاكي به كبير من اجل ان اطلعه عى بعض الامور الخاصة بالعمل لحد الان كل شيء عادي لكن مؤخرا اصبح يغازلني اول الامر قلت بلاك انا نتحسس وماحبيتش نكبر الامر في راسي كان يقول مثلا انني اليوم جميلة او يطلب مني ان ابتسم ويقول كلام غزل على خفيف اعتبرته مجرد مجاملة عادية ....الى ان طلب ان يصافحني يوما مع العلم انني لا اصافح الموظفيين معي ولا المدير رفضت دلك واعتدرت له...من دلك اليوم اصبحت اتحاشا الدهاب الى مكتبه ولا اخفيكم انني وليت خايفة منو خاصة انه مديري وله سلطة عليا مش حابة نلحق معاه لمشكل ونصل نخسر خدمتي ومش حابة نتصادم معاه في نفس الوقت انا انسانة محترمة وبنت ناس مانحبش هدا الوضع الدي يحدث معي اعتبرته تحرش لفظي وخايفة يولي تحرش جنسي كفاش نتصرف دبروا عليا ?...مع العلم انه انسان متزوج ولديه اطفال ولديه منصب مرموق جدا ونخاف نتصادم معاه لانني مش رايحة ندي معاه حق ولا باطل...

[غربة أهل السنّة]

وعليكم السّلام ورحمة الله وبركاته
لا يوجد حل آخر،،،الحل الوحيد هو التّوقف عن العمل (وربّي يخلف)
سمعة الفتاة أغلى ما تملك ،،، والدّنيا هذه مليئة بشياطين الإنس أشباه مديرك
يقدر كشما يديرك مش شرط يكون تحرّش جـ نـ سـي،، لكن النوع هذا تع الرجال كون ما تستجيبلهمش المرأة
يفسدولها سمعتها وقادر حتى يلفقلك تهمة تع تزوير أو ما شابه
مالا غير حبسي خدمتك لوجه الله، وتذكّري أن من يتقّ الله يجعل له مخرجا
وما يهمّكش لكان تخسري خدمتك أو لا
بل سقسي روحك سع إذا ربّي راضي عليك وأنت كل يوم مع ذيب يغازل فيك
لأنك كون تقعدي معاه تربحي خدمتك وتخسري شرفك

[blanche rose]

عزيزتي
لا تخافي من البشر..خافي من رب البشر

ياك علابالك بلي ربي إذا شافنا نخافو من شيء سلطو علينا

اذن..تعاملي بادب واحترام دون تكبر او تصرف مهين

مثلا اراد ان يصافحك..قولي..مع كامل احترامي لك اعذرني..

واسلوب التعامل يعكس طريقة التفكير..

لا تظهري خوفك ولا تحديك له

ولا داعي لان تحمر خدودك أمامه..فالحياء أمام الخطيب والزوج ..ليس نفسه أمام باقي الرجال

نحي عليك الخوف من البشر..

وتقربي لله عز وجل..فهو حاميك

[اياد حياتي]

اختي أنت غلطتي من الأول لأنك قبلت مغازلة هو يقول عجبها الحال لذلك تمادى ما عليك الآن أن تتحاشيه واذا حاول مجددا قوليلو رانا في مكان عمل لو سمحت ومتخافيش تكلمي بكل لباقة وجدية ماشي في هذه الأمور تكون الحشمة لخطارش تطفر غير فيك ربي معاك ودعي ربي يبعد عليك

[blanche rose]

اختي أنت غلطتي من الأول لأنك قبلت مغازلة هو يقول عجبها الحال لذلك تمادى ما عليك الآن أن تتحاشيه واذا حاول مجددا قوليلو رانا في مكان عمل لو سمحت ومتخافيش تكلمي بكل لباقة وجدية ماشي في هذه الأمور تكون الحشمة لخطارش تطفر غير فيك ربي معاك ودعي ربي يبعد عليك

كثرة ذهابها لمكتبه هو اللي خلاه يفهم بلي راهي حاباتو يغازلها..
هنا بدات المشكلة للأسف .

[AMINA.Z]

اول خطوة هي تبقاي شابحة وجهك معاه
لا ابتسام و لا كلام خارج عن العمل
انت اعلم بطبيعة عملك ..كون تلقاي كيفاه ما تروحيش ما تروحيس ...و اذا رحتي ما طوليش
و اذا تحتمت حبسي الخدمة ...و ما تسايريهش ...يولي يفهمها بلي خدمتك اهم من كرامتك و سمعتك و يستغل هاذ الخوف
كبير و ما يحشمش ..ربي يسترك منو

[- بصمة خير -]

لازمك تحفظي دعاء من خاف قوما هذا الدعاء وين ماتكوني رايحة للمكتب للضرورة فقط فقط فقط او وين ما يكون لقاء معاه و الدعاء بينك و بين نفسك

اللَّهُمَّ إِنَّا نجعلك فِي نحورهم ونعوذ بك من شرورهم

ربي يحفظك و كوني قوية قد روحك
ماتخليش نفسك تغلبك

[anfal10]

ما تخافي ما والوا كوني واثقة من نفسك ما لازمش تخافي منوا كي شافك حشامة تمادى في الكلام حطيلوا حد كيما قالوا بكل ادب شوفي في عينيه خزوة ناع وحدة واعرة او قادرة على شقاها او بالاكي احس بلي خفتي منوا ديروا الكوراج كوني مكشرة لا ضحكة و لا جياح لازم مشنفة في الخدمة باه يخطيك في لبستك تاني كوني بزاف سامبل ادا تقدري اديري ديتاشمون الى جهة اخرى ادا عندكم مؤسسة تابعة ليكم في بلاصة اخرى روحي عادا باين كلب الله لا تربحوا
ديري في بالك بلي التحرش راه دوكا يخلص صاحبوا لفظي و لا جسدي وشنوا لازم الاثبات انتي ديري بورطابلك ينرسجتري الهدرة هاكا تحكمي عليه حاجة ثقيلة ما تخافيش قوليلوا تعاود نحطها في فايسبوك او نشكي بيك فيها حبس او غرامة
ما تكونيش جايحة بلاكي غلطي نورمالموا كي قاللك شابة تحطيلوا كلمة باش ما يعاودش
ربي معاك حنونة

[أم رمزي]

شوفي أختي أنا راني مع اللي قالتو الأخت أنفال ديري روحك ماتخافيش منه كشري في وجه ثقليه ما تعطيهش الفرصة أبدا

حتي يكره هذا الكلب انه كافيييييييييييي

[زوجته]

لازم تتفاديه اكثر واذا وجدك انك تحترمين نفسك فسيحترمك كثيرا صدقيني اختي هو من نوع لي يجربك اذا وجدك سهلة منال فسيقلب كفة اما اذا وجدك جدية واثقة من حالك وافرضي نفسك ولا تخافي منه الله هو الرزاق اذا هو ذو منصب فالله اكبر منه توكلي على الله في عملك ربي يسترك دنيا واخرة

[islameaya]

البنات نصحو وقالولك لكلام الزيييييين...ربي يسترك