مشكلتي

[مشكلتي]

السلام عليكم
اما بعد انا طالبة مقبلة على الباكالوريا هذا العام باذن الله ارجو منكم الدعاء لي ولكل الممتحنين
مشكلتي هي اني هذا الفصل تحصلت على معدل سيء بالرغم من اني كنت ادرس ليل نهار ملاحظة لم يسبق وان تحصلت عليه انه معدل 10 :mad: :mad:
وما زاد الطين بلة هي اراء من حولي بجملتهم الشهيرة دايرة ليكور وجبتي هذا المعدل
ساعترف اني لم اعطي اي اهمية لهذا المعدل لان كل تفكيري في الباك لكن ردودهم تبعث في نفسي الخيبة احينا لذلك قطعت عهدا على نفسي بان ابذل كل جهدي واصدمهم بمعدل باهر في الباكالوريا باذن المولى لكن بالرغم من ذلك لازال حديثهم يزعجني في ان معدلي لهذا الفصل سيكون مثل معدل الباك ارجو ان تنصحوني وتدعموني وتدعو لي من فضلكم

[toulay]

وعليكم السلام ورحمة الله تعالى وبركاته
خليك من lالهدرة تاع الغاشي لانو الهدرة اي فيها فيها كان معدل مليح او لا نمدلك un exemple درك انت مجبتيش معدل مليح قالوا malgré راهي دير des cours particuliers ومجابتش مليح وكون مثلا جبتي مليح وكنتي قايلة بلي منيش عارفة اذا خدمت ولا راح يقولوا شفتي شفتي جابت معدل مليح ومين نسقسوها تقول منيش عارفة وخليتها ووووو
ركز في قرايتك ومتخليش الكلام ياثر عليك وعلى نفسيتك وخمم فالباك ومن درك اقرا باش نهار الباك ان شاء الله تخلعهم وفكرهم بالجملة الشهيرة تاعهم
نتمنالك النجاح بمعدل جيد ودراسة التخصص لحابة
بالتوفيق

[aymen.dz]

لا شيء عادي و أغلب الظن معدل البكالوريا راح يكون أفضل بكثير إذا كنتي مجتهدة

نفس الشيء صرالي في الباك تاعي تقريبا

+ فقط للإضافة . كاين دروس مليحة بزااف يحطها الأستاذ نور الدين على اليوتوب تساعدك بزااف

و عليكي بحل أكبر عدد من التمارين

بالتوفيق

[ahlem 05]

اختي مام انا دييييت 10 رغم اني نقرا بزااااف و ندير ليكور ومعدلي كان 15 بصح انا تحديييييت نفسي بلي نصدمهم كامل ان شاء الله في البااااك متلتايش بهدرة الناااااس

[Vigito]

ببساطة
تجاهليهم ^_^

[kaza100]

لدي صديق تحصل على معدلات فصلية بين 6 و8 ولكن بحلول البكالوريا تحصل على معدل 15 واختار المدرسة الوطنية المتعددة التقنيات، أختي نصيحة لك ركزي على البكالوريا واجتهدي ولا تلتفتي لمن حولك وسيكون النجاح حليفك :19:

[عين الصقر]

كيفاش وصلتي للسنة الثالثة ثانوي
ربحتي السيزيام
ربحتي البيام
خلاص الباك ما هو الا امتحان فقط فلا داعي للقلق
عليك بالاجتهاد وعدم اجهاد نفسك وخليك واثقة من نفسك بمعنوياتك مرتفعة

[omar07]

ya khti makan 3lah tet9al9i bac machi kif moyenne de trimestre psq yedkhol fiha les devoirs w examens w la note de participation mais bac examen wahed w yji sahel ghadi nahkilek 3lia w 3la khoya psq fawtna bac fi 3am wahed howa jab premier trimestre 8 w 2 eme trimestre 10 malgré zayer rouhah w ana jabt fel 1ere trimestre 9 tahli moural mawalitch ga3 nrouh rani 3a9el 3la la date 25 janvier mazdtch roht l lycie welit na9ra ghir les cours w dorous nen9ol men khoya w bac jebt 15.12 w howa 15.20 hmd w rani dayer medcine w khoya chirurgie dentaire mala ghir zayri rouhak wmaytihlakch moural psq bac moural w rabi ysahel lek nchalah

[ibtihal18]

معدل الفصل الاول مش مقياس على نجاحك فالبكالوريا انتي جبتي درك 10 و فالباك باذن الله تجيبي 15 ولا اكثر و كاين اللي درك يجيبو 15 و 16 و فالباك ما ينجحوش اصلا ولا يجيبو معادل ما يقدرو يديرو بيه والو رانا فوتنا الباك و شفنا جميع الحالات
اذن ما تتقلقيش باش تقدري تواصلي لانو القلق و الملل رح يقضي على احلامك بالعكس درك قوي عزيمتك و حلي التمارين بزاف و سقسي الاستاذ كي ما تفهميش حاجة و قراي كلشي في وقتو ما تخليش الدروس يتراكمو عليك و باذن الله تتفوقي فالاخير و كلام الناس ما يدي ما يجيب

[~طَـــمُـــوحْ~]

هذي هي كبيعة العباد تاعنا يحطموك لا اراديا واراديا

ربي يهديهم المهم ديري القلب واقري واصدميهم في الباك

فقط الارادة والعزيمة وسنراك من المتفوقين

[AMINA.Z]

الاجتهاد في الفصول الجراسية يسهل على الممتحن التحضير للباكالوريا و يساعده غلى تنظيم وقته
انتي تهاونت في الفترة الاولى بقاولك فترتين كوني جدية في التحضير لتسهلي عليك المراجعة فيما بعد.
بالتوفيق

[LINDA68]

الله يفتح عليك و علي كل المؤمنات

[anonymir]

بالتوفيق أن شاء الله تجيبي معدل مليح + مايخلعكش الباك ماكان والو الأسئلة دايمن تتعاود ما تكسريش راسك بزاف حلى 4 مواضيع من كل مادة و افهميهم مليح بزاف راحا تجيبي معدل مليح بسهولة أهم شيء هو الراحة النفسية

[مـــاهـــر]

ماشي مهم انا كي كنت في الباك معدلات الفصول كانت كارثية الا اني تحصلت على الباكالوريا
وكاين اللي داو معدلات ملاح وفي الباك ماجبوهش
العبرة بالخواتيم

[كلنا راحلون]

وما زاد الطين بلة هي اراء من حولي بجملتهم الشهيرة................نعطيك نظرية قالها لنا استاد ايام باك المعدل المتحصل عليه تاقص 2
نوضخ اكثر من تلاميد من يستغمل غش او نقل قانون بلنسبة علميين وتقنيبن .............+1
من اساتدة من يساغد في نقط .....................................+1
انسان تحصل على 10/20.............ينقص 2 =8/20 حتى ولو لم ينقل او ساعده استاد فنقطة
ففرق بين 8و 10 ومغزى لكي لا يغتر تلميد.



معدلي لهذا الفصل سيكون مثل معدل الباك....10-2=8 ردي قاسي لكن منطقي ...........لو يكون 10 اكبر غلطة فرق بين 10 و 15 و 18 يوم اختيار شعبة تتفكري كلامي ضخايا باك 10/20
بعدي فيسبوك قنوات .

الله يسهل

[nassimoufi]

تقول الحكمة من جد وجد و من زرع حصد فالاجتهاد أساس النجاح ويمكن من يلومونك على هذا المعدل ما هم إلا خائفون عليك ولكن طريقة تعبيرهم خاطئة .كما أعلم إبنتي العزيزة أن زمانا أي في الثمانينات والتسعينات كان المعدل المأخوذ في الثانوية خلال السنة يعكس فعلا مستوى الطالب ولكن تغيرت المعايير في الوقت الحالي حيث ضهرت الدروس الخصوصية حيث اصبح يعتمد عليها الطالب بشكل كبير ويتجاهل الدروس النظامية.تقبلي عزيزتي النقد بصدر رحب وكوني واثقة ان كلامهم ما هو إلا طريقة للتعبير عن قلقهم وخوفهم خاصة إذا كان النقد من طرف الاولياء،بالتوفيق

[إسلام الفاروق]

كلام الناس راح يأثر عليك احسن تركزي في قرايتك ركزي هذا الفصل و راجعي للباكلوريا ربي ينجحك اختي