للرجال -- خايفة نخسروا

[مشكلتي]

السلام عليكم و رحمة الله و بركاته
مشكلتي بكل اختصار اني خايفة نفقد خطيبي -بيننا عقد شرعي- لأنو سبق و مريت بتجربة فاشلة
مشكلتي
1- احنا نحكو الا قليل في الهاتف و عادي لكن وقت المكالمة ماكانش مواضيع غير لاباس لاباس يضطر يقلي واش تحكي نقلو انت واش تحكي و تنتهي المكالمة ... خفت انو نكون أنا سلبية و راح يمل ؟؟؟؟
2- صار عندي هوس اني نفقدو لأنو لقيت فرحتي معاه مثلا الأمس كان يحكي معايا من سطح المنزل و هو مريض بالزكام لما عرفت انو بالسطح قتلو اه راك برا ادخل ارتاح و مرة نحكيو راه برد فهمها اني قلقت و قلي كي قلتي في لامان فهمتو قتلو على جالك انا ماعندي حتى مشكل انت المريض قلي صحا في لامان ؟؟؟؟
تبدو تافهة صح أنا مارقدش الليل بقيت نخمم لا يكون زعف ؟؟؟؟؟
3- حابة نكسبو ما عرفتش كيفاه و حابة نقص توسويس ما قدرتش ؟؟؟؟؟؟؟

انصـــحوني كأخت ليكم

[kameljijeli]

السلام عليكم
أرسلي له رسالة نصية و اسأله عن أحواله و ادعي له بالشفاء فإنه يحس بأنك مهتمة به,

[blanche rose]

السلام عليكم

لست رجلا لكن مسموح نجاوبك حبيبتي او لا؟

انا رايحة نجاوبك من خلال تجربتي وانت شوفي
اذا ردي مفيد او لا :)

بخصوص قلة الكلام أجده أمر عادي وهذا راجع للخجل أنا أيضا لم أكن أجد ما أقول..

لكن كنت أسأله عن ماذا فعل في يومه
فيسترسل في الكلام
وكنا نتحدث حول تخطيطنا للمستقبل ما أحب وما لا أحب
وأسأله عن الأمور التي يتقبلها ولا يتقبلها وهكذا

أما بخصوص أنك تقصدي شيء وهو يفهم شيء
فهذه ليست مشكلتك أنت فقط بل مشكلة أغلب النساء
وهو سبب العديد من المشاكل حتى بعد الزواج
لكي يفهمك جيدا يجب أن تمر فترة طويلة ..ويختلف الامر من زوج لآخر..
مع الوقت ستتعلمين كيف تتعاملين معه وهو كذلك
واستخدمي الرسائل لكن ليس كثيرا..
مثلا ..بعد كلامك معه وهو مريض
ارسلي له رسالة للتوضيح أنك لا تريدينه أن يمرض أكثر بسببك .
فان كان يحبك عليه أن يهتم بصحته لأجلك

وابعدي عنك هذه الوساوس والمخاوف
هل نسيتي ان من يخاف من شيء يحدث له؟؟

تقربي لله عز وجل ووكليه على كل أمورك لتتيسر

لا تقلقي الأمر عادي
ربي يسعدك

[toulay]

سلام عليكم
بالعكس يا اختي normalement يفرح ويقول عندي لتخاف عليا
وفيما يخص الكلام مثلا سقسيه كيفاش راهو وتاني على الخدمة est ce que كانت عندو une charge وكيفاش فوت la journée سقسيه على دارهم ومبعد حتى تلقاه بدا يهدر وحدو وحدو وانت تاني احكيلو واش درتي فاليوم احكو على المستقبل اي حاجة مفيدة
ونحي عليك توسويس لانو راح تمرض برك روحك
بالتوفيق

[AMINA.Z]

كوني طبيعية في تصرفاتك
و ما لازمش ترجعيه محور حياتك يا اختي
و ماش لازم كل كلمة تقوليها و الا تصرف ديريه تبقاي طلعي و تهبطي ....راهو انسان عادي اتصرفي معاه بشكل عادي و ماكالاه تبينيلو بلي اكي راح تموتي عليه يا اختي !!!!!
ديري ثقة في نفسك ...مع الوقت توالفيه و كي تولي مرتاحة راح تولي تحكي بشكل عفوي. مي كون تبقاي تمرضي في روحك هاك ..ماكش راح ترتاحي و تبقاي دوري في بلاصتك.

[~أمة الله~]

السلام عليكم

لست رجلا لكن مسموح نجاوبك حبيبتي او لا؟

انا رايحة نجاوبك من خلال تجربتي وانت شوفي
اذا ردي مفيد او لا :)

بخصوص قلة الكلام أجده أمر عادي وهذا راجع للخجل أنا أيضا لم أكن أجد ما أقول..

لكن كنت أسأله عن ماذا فعل في يومه
فيسترسل في الكلام
وكنا نتحدث حول تخطيطنا للمستقبل ما أحب وما لا أحب
وأسأله عن الأمور التي يتقبلها ولا يتقبلها وهكذا

أما بخصوص أنك تقصدي شيء وهو يفهم شيء
فهذه ليست مشكلتك أنت فقط بل مشكلة أغلب النساء
وهو سبب العديد من المشاكل حتى بعد الزواج
لكي يفهمك جيدا يجب أن تمر فترة طويلة ..ويختلف الامر من زوج لآخر..
مع الوقت ستتعلمين كيف تتعاملين معه وهو كذلك
واستخدمي الرسائل لكن ليس كثيرا..
مثلا ..بعد كلامك معه وهو مريض
ارسلي له رسالة للتوضيح أنك لا تريدينه أن يمرض أكثر بسببك .
فان كان يحبك عليه أن يهتم بصحته لأجلك

وابعدي عنك هذه الوساوس والمخاوف
هل نسيتي ان من يخاف من شيء يحدث له؟؟

تقربي لله عز وجل ووكليه على كل أمورك لتتيسر

لا تقلقي الأمر عادي
ربي يسعدك

بوركتِ أختي وردة على الرّد الجميل ...
وإضافة إلى ما ذكرتي أقول للأخت الكريمة -يسّر اللهُ أمورها- القلوب بين أصبعين مِن أصابِع الرّحمن يقلّبها كيفما شاء والسّعادة والتفاهم والحُبّ بين الزّوجين رِزق من عِند الله وحده؛ فلا تغفلي عن أهمّ سبب وهُو الدّعاء في كلّ الأوقات ان يجمع الله بينكما على خير وفي طاعته وأن يحبّب زوجكِ فيكِ ويحبّبك فيه ...وهكذا...

ربي يهنيك ويجمع بينكما في خير وسعادة

[سيف الدين الطيار]

جيران ههههه
ابعتيلو رسالة نصية قوليلو يا جاري راني نخمم عليك و ننصحك اتركي الهاتف

[ريـاض]

السلام عليكم
بما أنّك طلبت منا النصيحة كأخت لنا
فالواجب علينا أن ننصحك بما ينفعك في دينك أولا
يقول رسولنا عليه الصلاة والسلام : (الدين النصيحة..)
ولا شكّ أنّ دينك أغلى عندك من خطيبك
بل هو أغلى عندك من الدنيا وما فيها
ومن النصيحة أن ننقل لك كلام أهل العلم في مسألة الحديث بين الخاطب والمخطوبة سواء بالهاتف أو بغيره
وهذه فتوى للشيخ فركوس حفظه الله بعنوان (في حدود رؤية الخاطب لمخطوبته والتحدُّث معها)
تصفح الفتوى من موقع الشيخ على هذا الرابط
http://ferkous.com/home/?q=fatwa-134


بارك الله فيك

[محمد جديدي التبسي]

كأخت ليا نقولك خلي نفسك عزيزة ما دام في دار باباك كلما كان الكلام اقل في الهاتف كان أفضل لأن الثرثرة تجلب المشاكل وسوء الظن غالبا وأصلا هو المفروض عليه يجيب الهدرة ويخليك تحكي اذا كان مشتاق للحديث طبعا لكن هناك رجال قليلي الكلام وهذا أفضل انت ما توسوسيش روحك وخليه هو يسعى ليكتشفك مش العكس وربي يتمم على خير ...

[abdellah36]

الهاتف وجد للسؤال عن الاحوال و ما شابه ذلك ................هذا هو الاصل ..................

اذا اتصل فانه يسال عنك و عم عائلتك و انت ايضا تسالين عنه و عن عائلته و انتهى الامر ,,,,,,,,,,,,,,,,,,,يعني دقيقة على الاكثر مرتين او ثلاث في الاسبوع ...............

لكن يمكن ان تطيلي معه المكالمة احيانا بان تختاري موضوعا معينا .................فتسالينه مثلا عن عمله ماذا درس و اين عمل و ماهي مشاريعه و هل يريد ان يسكن وحده ام مع عائلته ......................يمكنك ايضا ان تتحدثي معه حول العائلة و مدى اترباطه بهم و كيف يقضي وقته معههم .......................باختصار تتعرفي على جميع احواله .........


بالنسبة للخوف الذي تشعرين به لا مبرر له ، انصحك ان تتخلي عنه .و ان تكوني طبيعية لاقصى الحدود ..........فان كانت شخصيتك لا تعجبه فالافضل ان ينسحب الان قبل ان يكون هناك دخول و ربما ايضا اطفال .....................

مع انه زوجك لا انصحك بان تطلقي العنان لمشاعرك معه عبر الهاتف ......................خصوصا اذا فتح باب الجنس

[Firasbenyahia]

انت تعاني من حالة نفسية تسمى اظطراب الوسواس القهري

[fella111]

صدقيني ستخسرينه حقا ان حققت ما تريدين تحقيقه الا و هو تتعلمي تهدري في التلفون حتى لو كما تقولين عقد شرعي تذكري الزواج اشهار اشهار و ليس عقد . اي رجل يزهد في المراة قبل الزواج مهما كان .طيب كي تقولو كل شيئ الان واش تقولو بعد الزواج خليك كيما راك اثقلي .

[mino 13]

اختي عادي كي تهدرو حاولي تجلي منو هدرة
مثلا سقسيه على واش يحب يتفرج ولا يسمع ولا البلد لي يتمنى يزورو -حكاية حدثت معك-اشياء لي يكرها فى الرجل او المراة
مادا يحب فى البيت -الاكل . ...الخ
ادا هو بدا الحديث حاولي ان تقولي رايك ومادا تعرفين عن موضوع يعنى ماشي تبقاي ساكتة ولا تتحاوري
تفاهمو على الزواج واولاد وطريقة تربية ...الخ
ايضا خطرة على خطرة كلمات رومانسية
لانه ادا تبقاي ساكتة دائما يحسبك معقدة من كلام او شئء مثل هدا
الله يوفق

[نعمة الله15]

يا اختاه واش هدي تخسريه ادا كتبه ليك ربي سبحانه وكان هدا الرجل مكتوبك وفي الهند تعيشي معه لكن ننصحك على تجربتي وفي خطوبتي والآن متزوجة الحمدلله كنت اكمل مكلامتي مع خطيبي ب
لا اله الا الله وهو يقولي محمد رسول الله او العكس وكان خطيبي مغترب وانا في لبلاد والآن نحن مع البعض في الغربة ومرات كنت نغنيله في مكالمات والمكتوب جمعنا مع البعض والحمدلله

[sarl02]

يا صاحبة المشكلة غير وحدة وحدة وسهليها تسهال ...باين الحوار بيناتكم راه سؤال -جواب يعني تقدري اتقولي تحقيق شرطة وهذا خطا...وهو ايضا يتحمل جزء مالمسؤولية لانه هو الاجدربه فتح حوارات ونقاشات واكون هو المايسترو ماشي انت ...المهم خليكم دوك غير في كيراك...سافا...لباس...الدار لباس؟؟واش كليتو البارح ...الخ حتى اتوالفو بعضاكم مع الوقت ...ومرة اخرى خلي جدو فالسطح ما اغيضكش ....لانو الحب لازملو تضحيات ماشي ساهلة.

["أحمد المحمدي"]

حبّيت نسألك! أنتم لمّا تتكلّمون عن كلّ شيء في الهاتف! عندما تتزوّجون عن مّاذا تتكلّمون؟

التّكلّم في الهاتف مع الخطيب حرام لأّنّه يعتبر اختلاء والله لا يبارك في الحرام

إتّق الله يجعل لّك مخرجا ويرزقك من حيث لا تحتسبين

أطلبي منه التّوقّف عن الكلام في الهاتف وغيّري الرّقم لكي لا يمكن للشّيطان أن يغويكما

وقولي له بأنّك لم تكوني تعلمي بأنّ الكلام مع الخطيب في الهاتف حرام شرعا وبعد ما عرفت أردّت أن

تطبّقي شرع الله وتنتهي حتّى بعد كتب الكتاب وبهذا فإنّ الله يبارك لكما في علاقتكما ويجعلكما سعداء

[بشـرى]

اختي انا لا خبرة لي أفيدك بها لكن حرت في حاجة ...

يعني قادرة تعيشي معااه وانت خايفة تخسريه ؟؟، هكذا رايحة تعيشي في نكد ومتحسيش بالسعادة ، وتبقاي توسوسي في روحك ، بلاك فهمها هكذا ، بلاك انا غلطت ، بلاك بلاك ، ومن بعد تبقاي هكذا حتى مورا زواج ، والله تكرهي حياتك وتفقدي طعم كل حاجة مليحة ، المفروض وانت ساكتة يفهمك ، وهوا ساكت تفهميه ، بصح باه يبقا كل واحد فيكم يطلع ويهبط مشي جااية ابدا ....

اهدري معااه عادي واذا فسرها بطريقتو يعني هوا لي يفهم النقص مكيش رح تقعدي حياتك كامل تبرري والله تمرضي نفسياا ....

[ضآحكة مستبشرة]

السلام عليكم اختي
انا في رايي انو كلما قل الكلام كلما قلت المشاكل
خلي روحك عزيزة و خليه هو لي يسقسي عليك
بما انو فيه عقد شرعي فانت اذن زوجته يحق لك ما يحق لغيرك من المتزوجات
بصح لوكان تاخذي رايي احكو في الامور الجدية لي لازم تعرفوها على بعضكم قبل الزواج و خليكم من زعف و زعفت
و ربي يوفقك

[malikdz01]

هههه فكرتيني في ذكريات ماضية .....انصحك كرجل بشيء الصدق فقط .... ما تكذبيش اخرجي لربي عريانة يكسيك ... ولا تبالغي في الاهتمام به .....من تجربتي

[kika abas]

السلام

حقيقة اختي الهاتف يدمر مثل هطه الاعلاقات لطلك انصحك بالابتعاد

الاصل اطا اراد ان يكلمك ان يتصل بوالدك ثم يتكلم معك

نوعا ما ثقيلة في مجتمعنا لكن هطا هو ديننا

لا حرج فيه

الله يسعدك ان شاء الله

[naamane3]

اذا كملتي هاكذا راح تتوسوسي ويصيبك اكتئلب
لذا عليك بما يلي
اولا بعد السلام والتحية
احكي معاه فالامور اللي يهتم بها والتي يجب عليك ان تعرفيها
هوايته مثلا الستيل تاع اللباس اللي يحبو واش رايو فالناس اللي يبيكيو شعورهم
واش يحب ياكل فالدار او في المطاعم
ثانيا شاوريه في امورك
واش يحبك تلبسي
كيفاش يحب يشوفك
راح ينقاد معاك فالكلام
لكن حذاري ثم حذاري تدخلو فالامور المحرمة دعوها لوقتها
والله المستعان