وصفات صحية وبنينة ...؟؟؟ ممكن؟؟؟؟؟ [الأرشيف] - منتديات الجلفة لكل الجزائريين و العرب

مشاهدة النسخة كاملة : وصفات صحية وبنينة ...؟؟؟ ممكن؟؟؟؟؟

أم الفرسان

2015-12-29, 19:00

السلام عليكم حبيباتي
أرجو أنتفيدونني ان أمكن بوصفات صحية وبنينة
أنا زوجي موالف بالشخاشخ والكسكس والأكل الدسم ولكنه يعاني هالأيام من ارتفاع الضغط بسبب الكولسترول:o:o:o
لا أعرف ماذا أطبخ له :sdf::sdf:
اليوم أعددت بطاطا كوشة تاع أم يسرا ربي يحفظها درتها بالزيت الزيتون وجات بنينة
ياريت تساعوني بوصفات وأفكار وأكون ممتنة لكم جدا وشاكرة لكم جميعا :):):)

جزاكم الله ألف خير

اللهم صل وسلم على سيدنا محمد

أم الفرسان

2015-12-29, 20:30

الله أكبر ....
60 مشاهدة دون حتى رد واحد
شكرا

رحمةز

2015-12-29, 20:54

السلام عليكم اختي
انا نقدر نقولك عليك وعلى عصير الليمون يوميا راه مفيد جدددددا ااااللكليسترول
واما في الطبخ لازم تستغناو عن لحم الخروف وتبدليلو بالجاج ولحم العجل ولخاصة لحم الماعز

sabinaz

2015-12-30, 08:37

السلام عليكم
اخني حبيت تقولك راني سمعت بلي ماء الخرشف هايل للكلسترول يعتي كي تغلي الخرشف ما ترميش هذاك الماء

أم الفرسان

2015-12-31, 21:17

شكرا جزيلا أخواتي بارك الله فيكن

kadrad2002

2016-01-01, 10:25

جزاكم الله ألف خير

♥نسمات عطرة♥

2016-01-02, 16:04

جزاكم الله خيرا

الهيتشكوك

2016-01-03, 11:15

اقتراحات جيدة يمكنك العمل بها

سوسو 1

2016-01-03, 15:20

سلام عليكم اختي
انا نقدر نقولك ان عصير الليمون راه مفيد جدددددا ااااللكليسترول لكن ان اكثر منه يمرض المعدة اما زيت الزيتون فهو مذيب للكلسترول عليه باستعماله بدلا من الزيوت الاخرى وشربه كل ليلة قبل النوم ورد علي الخبر

سيرين 5

2016-01-04, 10:48

طيبي بلا زيت و زيت الزيتون حطيه فوق الأكا و ما طيبيش بيه
مثلا غراتان تاع كرمبيط تاع أم اماني صحي أنا عملتو و غيرت شويا في الوصفة باش نرجعها صحية كرات الدجاج و الكرومبيط ما قليتهمش حطيتهم في صينية في الفرن و و دهنتهم بشويا زيت زيتون و شويتهم جاو بنان و هايلين و مرق الدجاج طبعا بدون زيت مع نحيت شويا مع البيض كل حبة بيض كاملة نحط معاها زوج بياض البيض لأنو الأصفر فيه الكلستيرول و يمكن الاستغناء عن الأصفر نهائيا و نضربهم و نحطهم فوق الكرات و نرجع البلاطو للفرن و بصحة و الراحة

سيرين 5

2016-01-04, 11:09

كي طيبي مرق بالدجاج اتخلصي من الجلدة و الشحوم و قليه أولا على نار قليلة في الطنجرة يطلق ليدام تاعو ارمي البصل يتقلى فيه على نار قليلة و حطي التوابل تاعك و إذا شفتيه بدا يلسق حطي فنجان صغييير ماء و خليه يتقلى في غرضو بعدها مرقي و عندك المرق هذا طيبي بيه عدة جوازات : ممكن تحطي قطع البسباس و كي طفي ديريلو القارص و المعدنوس و النتيجة طاجين البسباس أو مكان البسباس حطي الخرشف
ممكن تحطي فيه قرنون محشيث بستاك آشي و شويا روز و لميه ببياض البيض و ارمي شويا جلبانة كي طفي أيضا عصرة قارص و شويا معدنوس و النتيجة ضولمة قرنون
ممكن تعمليه أحمر بإضافة حبة طماطم بعد ما يتقلى البصل و ملعة طماطم مصبرة و زيدي قليهم بعدها مرقي و كي تغلي حطي كورجيط محشية بستاك آشي و شويا روز و لميه ببياض البيض و كي طيب حطيلها شويا معدنوس و النتيجة ضولمة كورجيط
أيضا عندك غراتان خضرة مفورة ، عندك أرز كامل بالمرقة أو بصوص طماط بالتون طوماط و شويا جزر و شويا جلبانة أو في مكان الطون ديري كروفات أو ماغلون قطعيه مكعبات كبار شويا ...

celia16

2016-01-05, 13:48

يعطيك الصحة رائعة :19::19::19::19::19::19:

ام مريم و ريم

2016-01-05, 21:12

السلام عليكم
راني حاسة بيك اختي مشكلة انك تتقيدي بالطبخ.
حاولي تكثري من اطباق الفرن واكياس الشواء مليحة حتى في طبخ الخضر .واعتمدي في كل اطباقك على الخضرة حاولي اتدخليها في كل الاطباق وبعدي على اللحوم الحمراء طبعا ونوعي في الدجاج .الله غالب هدا واش نقدر انعاونك.وربي يكون معاك:mh31:

سيرين 5

2016-01-06, 16:45